কংগ্ৰেছ আৰু ৰাইজৰ দলৰ মিত্ৰতা ভংগৰ কাৰণ ব্যাখ্যা কৰি তেওঁ কয় যে, য’ত নব্বৈ শতাংশ মিঞা মুছলমান আছে সেই আসনকেইখনৰ বাবে মিত্ৰতা ভাগিল ।
ৰাজ্যৰ বিৰোধী মিত্ৰতাক লৈ পুনৰ মন্তব্য কৰিছে মুখ্যমন্ত্ৰী ড০ হিমন্ত বিশ্ব শৰ্মাই । মিঞা-মুছলমানৰ সমষ্টিক লৈহে বিৰোধীৰ কাজিয়া, তেওঁলোকে খিলঞ্জীয়াৰ বাবে কাজিয়া লগা নাই বুলি বিৰোধীক কটাক্ষ কৰে মুখ্যমন্ত্ৰীগৰাকীয়ে । তেওঁলোকৰ ভোট বেংক মিঞা মুছলমান বুলি কয় তেওঁ ।
কংগ্ৰেছ আৰু ৰাইজৰ দলৰ মিত্ৰতা ভংগৰ কাৰণ ব্যাখ্যা কৰি তেওঁ কয় যে, য’ত নব্বৈ শতাংশ মিঞা মুছলমান আছে সেই আসনকেইখনৰ বাবে মিত্ৰতা ভাগিল । দুয়োটা দলৰে এতিয়া ভোট বেংক হৈছে মিঞা মুছলমান । যদি কাজিয়াখন যোৰহাট-ডিব্ৰুগড়ক লৈ লাগিলহেতেন তেতিয়া মনটো ভাল লাগিলহেতেন । কাজিয়াখন জনিয়া-বাঘবৰক লৈ লাগি আছে । ইয়ে প্ৰমাণ কৰিছে যে, খিলঞ্জীয়া ভাৰতীয় সনাতনী মানুহে এশ শতাংশ বিজেপিক ভোট দিব । যি ২২ টা সমষ্টিত আমি যাব নোৱাৰো তাতেই তেওঁলোকে খোৱা-কামোৰা কৰি আছে ।
বিৰোধী দলপতিৰ মৰ্যাদা লাভ কৰিবলৈ কংগ্ৰেছে ৬টাকৈ খিলঞ্জীয়া সমষ্টি জিকিব লাগিব বুলি উল্লেখ কৰি তেওঁ কয় যে, বৰ্তমান খিলঞ্জীয়া সমষ্টিত জিকাটো কংগ্ৰেছৰ কাৰণে সহজ নহয় । নিজৰ দলৰ চিহ্নত ২৪খন আসনত জিকিলেহে কংগ্ৰেছে বিৰোধী দলপতিৰ পদটো লাভ কৰিব । কিন্তু এতিয়া সমষ্টি মিত্ৰ দলক বিলাওতে বিলাওতে বিৰোধী দলপতিৰ আসনখনো তেওঁলোকৰ হাতৰ পৰা যাবগৈ ।
লগতে পঢ়ক : গৌৰৱ গগৈক ঘেৰাও কৰি প্ৰতিবাদ কংগ্ৰেছ কৰ্মীৰ, দল ত্যাগৰ হুংকাৰ
