প্ৰাক্তন প্ৰধানমন্ত্ৰী শ্বেখ হাছিনাৰ বিৰুদ্ধে হিংসাত্মক আন্দোলনৰ সূচনা কৰা বাংলাদেশৰ বিৰোধী নেতা ওছমান হাদীৰ মৃত্যু।

যোৱা বছৰ প্ৰাক্তন প্ৰধানমন্ত্ৰী শ্বেখ হাছিনাৰ বিৰুদ্ধে হিংসাত্মক আন্দোলনৰ সূচনা কৰা বাংলাদেশৰ বিৰোধী নেতা ওছমান হাদীৰ বৃহস্পতিবাৰে মৃত্যু হয়।কিছুদিন পূৰ্বে ওছমান হাদীক গুলী চালনা কৰিছিল,য’ত তেওঁ আহত হৈছিল। আজি চিকিৎসাৰ সময়ত তেওঁৰ মৃত্যু হয়।

ইনকলাব মঞ্চৰ মুখপাত্ৰ তথা প্ৰাক্তন প্ৰধানমন্ত্ৰী শ্বেখ হাছিনাৰ মূল বিৰোধী শ্বৰীফ ওছমান হাদীৰ ছিংগাপুৰৰ এখন সাধাৰণ চিকিৎসালয়ত চিকিৎসাধীন হৈ আছিল,য’ত তেওঁৰ আজি মৃত্যু হয়।

ইনকলাব মঞ্চই ফেচবুক পোষ্টৰ জৰিয়তে তেওঁৰ মৃত্যু নিশ্চিত কৰিছে।যোৱা ১২ ডিচেম্বৰত ঢাকাৰ পুৰাণ পল্টন অঞ্চলত দিনৰ পোহৰত মটৰ চাইকেল আৰোহীয়ে তেওঁক গুলীচালনা কৰিছিল।

সেই সময়ত তেওঁ বেটাৰী চালিত ৰিক্সাত প্ৰচাৰ চলাই আছিল। গুলীটো তেওঁৰ মূৰত লাগিছিল আৰু অৱস্থা সংকটজনক হৈ পৰিছিল।তেওঁক প্ৰথমে ঢাকা চিকিৎসা মহাবিদ্যালয় হাস্পতালত ভৰ্তি কৰোৱা হৈছিল,য’ত তেওঁক লাইফ চাপৰ্টত ৰখা হৈছিল।

শ্বেখ হাছিনাৰ চৰকাৰ উৎখাত কৰা ২০২৪ চনৰ জুলাই মাহত হোৱা বিদ্ৰোহ (ছাত্ৰ আন্দোলন)ৰ অন্যতম বিশিষ্ট মুখ আছিল ৩৪ বছৰীয়া শ্বৰীফ ওছমান হাদী।

তেওঁ ইনকলাব মঞ্চৰ মুখপাত্ৰ আছিল, যিটো আৱামি লীগ ভংগ কৰি হাছিনাৰ বিৰুদ্ধে গোচৰ চলোৱাৰ দাবীত সোঁপন্থী ইছলামিক সংগঠন।

লগতে পঢ়ক: শান্তি আলোচনা বিপথে গ’লে দখল কৰা হ’ব ইউক্ৰেইন… পুটিনৰ হংকাৰ

‘ইউনুছে বাংলাদেশত মোৰ মাক স্পৰ্শও কৰিব নোৱাৰে’

বাংলাদেশৰ পদচ্যুত প্ৰধানমন্ত্ৰী শ্বেখ হাছিনাক আন্তৰ্জাতিক অপৰাধ ন্যায়াধিকৰণে প্ৰদান কৰা মৃত্যুদণ্ডক লৈ তেওঁ পুত্ৰ আৱামি লীগ দলৰ সদস্য সজীব ৱাজেদে এটা সাক্ষাৎকাৰত ডাঙৰ মন্তব্য কৰিছে।

ইয়াৰ মাজতে তেওঁ ইউনুছ চৰকাৰৰ ওপৰত তীব্ৰ আক্ৰমণ চলায় আৰু লগতে প্ৰধানমন্ত্ৰী নৰেন্দ্ৰ মোদীকো ধন্যবাদ জনায়।

ছাজিব ৱাজেদে কয়, ‘আইচিটিৰ সিদ্ধান্ত সম্পূৰ্ণ অবৈধ।এইটো এটা ধেমালি।আপোনাৰ ওচৰত এনে এখন চৰকাৰ আছে যি সম্পূৰ্ণ অনিৰ্বাচিত, অসাংবিধানিক, অবৈধ।

তেওঁ এই ন্যায়াধিকৰণৰ ১৭ জন ন্যায়াধীশক অপসাৰণ কৰি নতুন ন্যায়াধীশ নিযুক্তি দিয়ে যিজনৰ বিচাৰ বিচাৰপীঠৰ কোনো অভিজ্ঞতা নাই আৰু সকলোৰে সন্মুখত মাৰ বিষয়ে বহুত বেয়া কথা কৈছে।তেওঁ স্পষ্টভাৱে পক্ষপাত হয়।”

সাক্ষাৎকাৰটোত তেওঁ কয় যে,“নাই, সিহঁতে তেওঁক মাৰিব নোৱাৰে।তেওঁলোকে প্ৰকৃততে কেনেকৈ শাস্তি বলবৎ কৰিব? প্ৰথম কথা, সিহঁতে তেওঁক ধৰিব নোৱাৰে”।

“দ্বিতীয়তে, এবাৰ  আইনৰ শাসন হাতলৈ আহিলেই এই সমগ্ৰ প্ৰক্ৰিয়া শেষ হৈ যাব। ইউনুছে মোৰ মাক চুব নোৱাৰে।”

শ্বেখ হাছিনাৰ পুত্ৰ ছাজিব ৱাজেদে প্ৰধানমন্ত্ৰী নৰেন্দ্ৰ মোদীক ধন্যবাদ জ্ঞাপন কৰি কয়,”মই প্ৰধানমন্ত্ৰী মোদীৰ ওচৰত সদায় কৃতজ্ঞ হৈ থাকিম।তেওঁ মাৰ নিৰাপত্তা নিশ্চিত কৰিলে”।

” তেওঁ মোৰ মাৰ প্ৰাণ ৰক্ষা কৰিলে।এখন দেশৰ মুৰব্বী হিচাপে তেওঁক প্ৰাপ্য কটকটীয়া নিৰাপত্তা দিয়া হৈছে আৰু ইয়াৰ বাবে মই ভাৰত চৰকাৰ আৰু ভাৰতৰ জনসাধাৰণৰ প্ৰতি সদায় কৃতজ্ঞ হৈ থাকিম।”

লগতে পঢ়ক: মৃত্যুদণ্ডৰ ৰায়দানৰ পিছতে শ্বেখ হাছিনাই ক’লে এই কথা…