বিহাৰ নিৰ্বাচনৰ পূৰ্বে ECৰ নতুন নিৰ্দেশনা

আগন্তুক সপ্তাহত বিহাৰত বিধানসভা নিৰ্বাচনত ভোটদান কৰা হ’ব।নিৰ্বাচন আয়োগে এতিয়াও ঘোষণা কৰা নাই তাৰিখ।

অৱশ্যে ভোটদানৰ তাৰিখ ঘোষণাৰ পূৰ্বে নতুন নীতি-নিৰ্দেশনা জাৰি কৰা হৈছে।নিৰ্বাচনী আয়োগে বিহাৰৰ পৰা আৰম্ভ কৰিছে এক নতুন পৰীক্ষা,ইয়াৰ অধীনত ইভিএমৰ বেলট পেপাৰত এতিয়াৰে পৰা প্ৰাৰ্থীৰ ৰঙীন ফটো থাকিব।ইয়াৰ পূৰ্বে ফটোবোৰ ক’লা-বগা আছিল।

নিৰ্বাচন আয়োগে এই নিৰ্দেশনা জাৰি কৰিছে,ইয়াৰ অধীনত এতিয়া ইলেক্ট্ৰনিক ভোটিং মেচিন (ইভিএম)ৰ বেলট পেপাৰত প্ৰাৰ্থীৰ ফটো ৰঙীনভাৱে ছপা কৰা হ’ব।এই পৰীক্ষাটো প্ৰথমে বিহাৰত কৰা হৈছে,পিছত আন ৰাজ্যতো ইয়াক কাৰ্যকৰী কৰা হ’ব।

নতুন পৰিৱৰ্তনৰ অধীনত প্ৰাৰ্থীৰ মুখখনে বেলট পেপাৰৰ তিনি চতুৰ্থাংশ দখল কৰিব।ইয়াৰ ফলত ভোটাৰক চিনাক্ত কৰাত সহজ হ’ব।

ইয়াৰ উপৰিও ক্ৰমিক নম্বৰটোকো আগৰ তুলনাত অধিক প্ৰাধান্য দিয়া হ’ব।ইয়াৰ দ্বাৰা নিৰ্বাচনত স্বচ্ছতা বৃদ্ধিৰ লগতে ভোটাৰৰ সুবিধা সুনিশ্চিত কৰাৰ বাবে এই পদক্ষেপ গ্ৰহণ কৰা হৈছে।

এই নতুন পৰিৱৰ্তনে নিৰ্বাচনী প্ৰক্ৰিয়াক অধিক গণতান্ত্ৰিক কৰি তুলিব,নিৰ্বাচনক ন্যায্য আৰু সহজ কৰি তোলাৰ দিশত এয়া এক গুৰুত্বপূৰ্ণ পদক্ষেপ।

লগতে পঢ়ক: ভাৰতত চলিব ভাৰতীয় আইন, অনুপ্ৰৱেশ বন্ধ কৰাটো এন ডি এৰ দায়িত্ব… পূৰ্ণিয়াত মন্তব্য প্ৰধানমন্ত্ৰী মোদীৰ

পোষ্ট দি বিতৰ্কত কেৰেলা কংগ্ৰেছ

বিহাৰৰ ৰাজনীতিত বৰ্তমান সময়ত এক হুলস্থুলৰ সৃষ্টি হৈছে।কেৰালা কংগ্ৰেছৰ এটা টুইটৰ ফলত বিহাৰত ৰাজনৈতিক ধুমুহাৰ সৃষ্টি হৈছে।

কেৰালা কংগ্ৰেছে নিজৰ অফিচিয়েল এক্স একাউণ্টত বিহাৰক বিড়িৰ সৈতে তুলনা কৰি ‘বি ফৰ বিহাৰ, বি ফৰ বিড়ি বুলি দিয়া পোষ্টৰ পিছতে হুলস্থুলৰ সৃষ্টি হৈছিল।

কেৰালা কংগ্ৰেছে বিড়িৰ GST ত লৈ দিয়া এই টুইট সন্দৰ্ভত বিজেপিৰ মুখপাত্ৰ শ্বাহজাদ পুনাৱালাই কয়,কংগ্ৰেছে আকৌ এবাৰ সীমা অতিক্ৰম কৰিলে।

তেওঁ কয় যে প্ৰধানমন্ত্ৰী নৰেন্দ্ৰ মোডীৰ মাতৃক গালি-গালাজ কৰাৰ পিছত কংগ্ৰেছে বিহাৰক বিড়িৰ সৈতে তুলনা কৰিছে।

তেওঁ লগতে কয় যে, ‘তেজস্বী যাদৱে এই কথাটো সমৰ্থন কৰে নেকি? ৰেৱন্ত ৰেড্ডীৰ পৰা ডি এম কে আৰু কংগ্ৰেছলৈকে বিহাৰৰ প্ৰতি তেওঁলোকৰ ঘৃণা স্পষ্টকৈ দেখা গৈছে।

JDU ৰ সাংসদ সঞ্জয় কুমাৰ ঝাই লিখিছে, ‘কংগ্ৰেছৰ আন এক অত্যন্ত লজ্জাজনক কাণ্ড!আপোনালোকক কওঁ যে B য়ে কেৱল বিড়ি নহয়, ই বুদ্ধিমত্তাকো বুজায়, যিটো আপোনাৰ নাই!

B ৰ পৰা বাজেটো হয়, , য’ত বিহাৰে বিশেষ সাহায্য পালে আপোনাৰ বিৰক্তি অনুভৱ হয়।বিহাৰক ঠাট্টা কৰাৰ দৰে নিকৃষ্ট কাম কৰি কংগ্ৰেছে কেৱল বিহাৰৰ জনসাধাৰণক আকৌ এবাৰ অপমান কৰাই নহয়,বৰঞ্চ দেশৰ গৌৰৱময় ইতিহাস আৰু গণতন্ত্ৰকো ঠাট্টা-মস্কৰা কৰা হৈছে’।

ঝাই আৰু লিখিছে যে, বিশ্বাস কৰক,বিহাৰৰ মহান জনতাই কংগ্ৰেছৰ দ্বাৰা বাৰে বাৰে কৰা অপমানৰ উপযুক্ত উত্তৰ আগন্তুক বিধানসভা নিৰ্বাচনত দিব, আৰু সেয়া বিড়িৰ ধোঁৱাৰ পৰা নহয়, ভোটৰ আঘাতৰ পৰা।

লগতে পঢ়ক: পশ্চিম বংগ বিধানসভাত প্ৰচণ্ড হুলস্থুল; ৫ বিজেপি বিধায়কক নিলম্বন

‘বিহাৰ চাণক্য-চন্দ্ৰগুপ্তৰ ভূমি,সংকল্প অসাৰ নাযাব’

আজি বিহাৰৰ গয়াজীত প্ৰধানমন্ত্ৰী নৰেন্দ্ৰ মোদীয়ে ৰাজ্যখনক বহু ডাঙৰ ডাঙৰ উপহাৰ দিলে। প্ৰধানমন্ত্ৰী মোদীয়ে বিদ্যুৎ, পথ, স্বাস্থ্য, নগৰ উন্নয়ন, পানী যোগান আদি বিভিন্ন খণ্ডত প্ৰায় ১৩ হাজাৰ কোটি টকাৰ কেইবাটাও উন্নয়নমূলক প্ৰকল্পৰ শুভাৰম্ভ আৰু আধাৰশিলা স্থাপন কৰে।

এই উপলক্ষে প্ৰধানমন্ত্ৰী মোদীয়েও এই সমাৱেশত ভাষণ প্ৰদান কৰে। য’ত প্ৰধানমন্ত্ৰী মোদীয়ে কৈছিল, “এই গয়াজীৰ ভূমি আধ্যাত্মিকতা আৰু শান্তিৰ ভূমি, এইখনেই পবিত্ৰ ভূমি যিয়ে ভগৱান বুদ্ধক জ্ঞান প্ৰদান কৰিছিল… ইয়াৰ ৰাইজে বিচাৰিছিল যে এই চহৰৰ নাম গয়া নহয়, গয়াজী হওক।

এই সিদ্ধান্তৰ বাবে ইয়াৰ চৰকাৰক অভিনন্দন জনাইছো। মই সুখী যে ইয়াত ডাবল ইঞ্জিন চৰকাৰে গয়াজীৰ দ্ৰুত বিকাশৰ বাবে দ্ৰুতগতিত কাম কৰি আছে।”

প্ৰধানমন্ত্ৰী গৰাকীয়ে আৰু কয় যে, প্ৰধানমন্ত্ৰী মোদীয়ে কয় যে প্ৰতিজন আৰ্তজনৰ স্থায়ী ঘৰ নোপোৱালৈকে মোদীয়ে শান্তিৰে বহি নাথাকিব সেয়া মোৰ সংকল্প।

এই চিন্তাৰ প্ৰতি লক্ষ্য ৰাখি বিগত ১১ বছৰত ৪ কোটিৰো অধিক দৰিদ্ৰ লোকক স্থায়ী ঘৰ দিয়া হৈছে। কেৱল ইয়াতেই নিৰ্মাণ হৈছে ৩৮ লাখৰো অধিক ঘৰ…বিহাৰ চন্দ্ৰগুপ্ত মৌৰ্য আৰু চাণক্যৰ ভূমি… এই ভূমিত লোৱা প্ৰতিটো সংকল্প কেতিয়াও অসাৰ হৈ যোৱা নাই।

কাশ্মীৰৰ পহলগামত যেতিয়া সন্ত্ৰাসবাদী আক্ৰমণ সংঘটিত হৈছিল তেতিয়া আমাৰ নিৰীহ নাগৰিকক ধৰ্মৰ বিষয়ে সুধি হত্যা কৰা হৈছিল।

তেতিয়া মই কৈছিলোঁ যে এই বিহাৰৰ ভূমিৰ পৰা সন্ত্ৰাসবাদীক নিঃশেষ কৰা উচিত।আজি বিশ্বই দেখিছে যে বিহাৰৰ ভূমিত লোৱা সংকল্প পূৰণ হৈছে।

প্ৰধানমন্ত্ৰী মোদীয়ে কয় যে অপাৰেচন সিন্দুৰে ভাৰতৰ প্ৰতিৰক্ষা নীতিত এক নতুন ৰেখা টানিলে, এতিয়া ভাৰতলৈ সন্ত্ৰাসবাদী প্ৰেৰণ কৰি আক্ৰমণ সংঘটিত কৰাৰ পিছতো কোনেও সাৰি যাব নোৱাৰিব।সন্ত্ৰাসবাদী যিমানেই গভীৰত লুকাই নাথাকক কিয়, ভাৰতৰ ক্ষেপণাস্ত্ৰই তেওঁলোকক কবৰ দিব।

লগতে পঢ়ক: ‘দ্বিতীয় বিশ্বযুদ্ধৰ পিছত ভাৰত-ৰাছিয়াৰ সম্পৰ্ক আটাইতকৈ সুস্থিৰ’; পুটিনক সাক্ষাৎ এছ জয়শংকৰৰ