ভাৰত আৰু চীনৰ মাজত আৰম্ভ হ’ব পোনপটীয়া বিমান সেৱা
ভাৰত আৰু চীনে বহুদিনৰ মূৰত প্ৰত্যক্ষ বিমান সেৱা আৰম্ভ কৰিবলৈ সন্মত হৈছে। গালৱান সংঘৰ্ষৰ পিছত পাঁচ বছৰীয়া সম্পৰ্কত উত্তেজিত হৈ পৰাৰ পিছতে এই পদক্ষেপ গ্ৰহণ কৰা হৈছে।
বৃহস্পতিবাৰে এই আনুষ্ঠানিক ঘোষণা কৰে বৈদেশিক পৰিক্ৰমা মন্ত্ৰালয়ে।ইয়াৰ পিছতে বিমান সংস্থা ইণ্ডিগোৱেও ঘোষণা কৰে যে ২৬ অক্টোবৰৰ পৰা ভাৰত আৰু চীনৰ মাজত প্ৰত্যক্ষ বিমান সেৱা আৰম্ভ হ’ব।
দৰাচলতে বৈদেশিক পৰিক্ৰমা মন্ত্ৰালয়ে নিজৰ বিবৃতিত কয় যে,“এই বছৰৰ আৰম্ভণিৰ পৰা ভাৰত আৰু চীনৰ মাজৰ সম্পৰ্ক ক্ৰমান্বয়ে স্বাভাৱিক কৰাৰ বাবে চৰকাৰৰ পন্থাৰ অংশ হিচাপে দুয়োখন দেশৰ অসামৰিক বিমান পৰিবহণ কৰ্তৃপক্ষই কাৰিকৰী পৰ্যায়ত আলোচনাত মিলিত হৈছে যাতে প্ৰত্যক্ষ বিমান সেৱা পুনৰ আৰম্ভ কৰিব পৰা যায় আৰু বিমান সেৱা চুক্তিখন সংশোধন কৰিব পৰা যায়।”
ডক্লাম বিবাদৰ পিছত প্ৰত্যক্ষ বিমান সেৱা বন্ধ কৰি দিয়া হৈছিল আৰু ক’ভিড-১৯ মহামাৰীৰ বাবে ইয়াক আৰু অধিক পিছুৱাই দিয়া হৈছিল।
বৈদেশিক পৰিক্ৰমা মন্ত্ৰালয়ৰ মতে, এতিয়া আলোচনাৰ অন্তত সিদ্ধান্ত লোৱা হৈছে যে ২০২৫ চনৰ অক্টোবৰৰ শেষৰ ফালে ভাৰত আৰু চীনৰ মাজৰ প্ৰত্যক্ষ বিমান সেৱা আৰম্ভ হ’ব।
এই বিমানসমূহ দুয়োখন দেশৰ বিমান সংস্থাৰ বাণিজ্যিক অনুমোদন আৰু পৰিচালনাৰ সকলো নিয়ম মানি চলাৰ অধীনত থাকিব।
লগতে পঢ়ক: গুগলৰ সতৰ্কবাণী; Oracle ডাটা চুৰিৰ আঁৰত বৃহৎ চাইবাৰ আক্ৰমণ
