বিহাৰত কোনে মাৰিব শেষ হাঁহি?

আৰু মাত্ৰ কেইটামান ক্ষণ আৰু তাৰ পিছতেই আৰম্ভ হ’ব বিহাৰ বিধানসভা নিৰ্বাচনত ভোটগণনা। বিহাৰত আৰম্ভ হৈছে কাউণ্টডাউন।নিৰ্বাচনৰ ফলাফলৰ পিছত এইবাৰ বিহাৰত কোনে মাৰিব শেষ হাঁহি সেই কথা স্পষ্ট হৈ পৰিব।

নিৰ্বাচনৰ পিছৰ প্ৰায় সকলো সমীক্ষাতে এন ডি এৰ জয়ৰ ভৱিষ্যদ্বাণী কৰা হৈছে।ফলাফলৰ পূৰ্বে আৰজেডি নেতা তেজস্বী যাদৱেও চৰকাৰ গঠনৰ দাবী কৰিছে।

বিহাৰৰ ৰোহতাছৰ গণনা কেন্দ্ৰত কটকটীয়া নিৰাপত্তা। অৰ্ধসামৰিক বাহিনী আৰু ৰাজ্যিক আৰক্ষী মোতায়েন কৰা হৈছে।নিৰাপদ গণনা নিশ্চিত কৰিবলৈ দণ্ডাধীশ নিযুক্তি দিয়া হৈছে।

নাগৰিক আৰু যান-বাহনৰ সুবিধা আৰু সুৰক্ষা সুনিশ্চিত কৰাৰ বাবে পথ সলনি কৰা হৈছে।শান্তিপূৰ্ণ আৰু শৃংখলাবদ্ধভাৱে ভোট গণনাৰ বাবে এই পদক্ষেপ গ্ৰহণ কৰা হৈছে বুলি প্ৰশাসনে জানিবলৈ দিয়ে।

বিহাৰ বিধানসভা নিৰ্বাচনৰ ফলাফলৰ উপৰিও ৬খন ৰাজ্য আৰু কেন্দ্ৰীয় শাসিত অঞ্চলৰ ৮খন বিধানসভা আসনত অনুষ্ঠিত উপ-নিৰ্বাচনৰ ফলাফলো ঘোষণা কৰিবলৈ গৈ আছে।

এই আটাইকেইখন আসনৰ বাবে ১১ নৱেম্বৰত নিৰ্বাচন অনুষ্ঠিত হৈছিল।এই ৰাজ্য সমূহ জম্মু-কাশ্মীৰ, ৰাজস্থান, ঝাৰখণ্ড, তেলেংগানা, পঞ্জাব, মিজোৰাম, আৰু ওড়িশাত বিভিন্ন কাৰণত চলিত বৰ্ষত খালী হোৱা আসনসমূহৰ বাবে ভোটদান কৰা হৈছিল।

লগতে পঢ়ক: ‘প্ৰশাসনে নিজৰ সীমা অতিক্ৰম কৰিলে জনসাধাৰণে উপযুক্ত উত্তৰ দিব’; তেজস্বী যাদৱ

আজি বিহাৰত দ্বিতীয় পৰ্যায়ৰ নিৰ্বাচনৰ ভোটগ্ৰহণ

পুৱা ৭ বজাৰ পৰাই আৰম্ভ হৈছে দ্বিতীয় পৰ্যায়ৰ বিহাৰ বিধানসভা নিৰ্বাচনৰ ভোটগ্ৰহণ প্ৰক্ৰিয়া।পুৱাৰে পৰা বিভিন্ন ভোটকেন্দ্ৰত দীঘলীয়া শাৰী দেখিবলৈ পোৱা গৈছে।

বিহাৰৰ ১২২খন বিধানসভা আসনৰ বাবে দ্বিতীয় পৰ্যায়ৰ ভোটগ্ৰহণ আৰম্ভ হৈছে।বিহাৰ বিধানসভা নিৰ্বাচনৰ উপৰি ৬খন ৰাজ্য আৰু ১খন কেন্দ্ৰীয় শাসিত অঞ্চলৰ ৮খন বিধানসভাৰ আসনত উপ-নিৰ্বাচনৰ বাবেও ভোটদান আৰম্ভ হৈছে।

আজি জম্মু-কাশ্মীৰৰ বুডগাম আৰু নাগ্ৰোটা, ৰাজস্থানৰ আন্তা, ঝাৰখণ্ডৰ ঘাটশিলা, তেলেংগানাৰ জুবিলী হিলছ, পঞ্জাৱৰ তৰ্ণ তৰণ, মিজোৰামৰ ডাম্পা আৰু ওড়িশাৰ নুৱাপাদাত ভোটগ্ৰহণ অনুষ্ঠিত হৈছে।

ৰাষ্ট্ৰীয় লোক মৰ্চাৰ মুৰব্বী উপেন্দ্ৰ কুশৱাহাই কয়, ‘ভোটকেন্দ্ৰত বিপুল জনসমাগম দেখিবলৈ পোৱা গৈছে।জনসাধাৰণে যে এন ডি এৰ বাবে উৎসাহেৰে ভোটদান কৰিছে সেয়া স্পষ্ট। এন ডি এৰ বাবে সকলো দিশতে জিলিকি আছে।’

প্ৰধানমন্ত্ৰী মোদীয়ে সামাজিক মাধ্যমত লিখিছে, “আজি বিহাৰ বিধানসভা নিৰ্বাচনত দ্বিতীয় আৰু অন্তিম পৰ্যায়ৰ ভোটদান”।

“সকলো ভোটাৰকে অংশগ্ৰহণ কৰি ভোটদানৰ এক নতুন অভিলেখ সৃষ্টি কৰিবলৈ অনুৰোধ জনালোঁ।প্ৰথমবাৰৰ বাবে ভোট দিবলৈ যোৱা ৰাজ্যখনৰ যুৱ বন্ধুসকললৈ মোৰ বিশেষ অনুৰোধ, যে তেওঁলোকে কেৱল নিজে ভোটদান কৰাই নহয়, আনকো ভোটদান কৰিবলৈ অনুপ্ৰাণিত কৰক।”

বিহাৰ বিধানসভা নিৰ্বাচন সন্দৰ্ভত পূৰ্ণিয়াৰ নিৰ্দলীয় সাংসদ পাপ্পু যাদৱে কয়, ‘SIR ত ৬৯ লাখ ভোট কৰ্তন কৰা হ’ল, তেতিয়াহ’লে ভোট বৃদ্ধি কেনেকৈ হ’ব”।

“ভোটাৰৰ ভোটদানৰ হাৰ হ্ৰাস পাইছে। এক বৃহৎ পৰিৱৰ্তনৰ পথত বিহাৰ। বিহাৰৰ ৰাইজে পৰিৱৰ্তন বিচাৰে। নতুন প্ৰজন্মই নতুন সপোন দেখিছে।”

লগতে পঢ়ক: বিহাৰ নিৰ্বাচন: দ্বিতীয় পৰ্যায়ত নিৰ্ণয় হ’ব এন ডি এৰ ১২২, মহাগঠবন্ধনৰ ১২৬ গৰাকী প্ৰাৰ্থীৰ ভাগ্য

কংগ্ৰেছে প্ৰকাশ কৰিলে প্ৰথমখন প্ৰাৰ্থীৰ তালিকা

বিহাৰ বিধানসভা নিৰ্বাচনত কংগ্ৰেছ দলৰ প্ৰথমখন প্ৰাৰ্থীৰ তালিকা প্ৰকাশ কৰিছে। প্ৰথম তালিকাত ৪৮ জন প্ৰাৰ্থীৰ নাম সন্নিবিষ্ট কৰা হৈছে।

অৱশ্যে মহা মিত্ৰযুঁজৰ আসন ভাগ-বতৰা সন্দৰ্ভত এতিয়ালৈকে কোনো আনুষ্ঠানিক ঘোষণা কৰা হোৱা নাই।কিন্তু আৰজেডি, কংগ্ৰেছ, বাওঁপন্থী আৰু অন্যান্য সমষ্টিৰ দলসমূহে বহু প্ৰাৰ্থীক প্ৰতীক বিতৰণ কৰিছে।

তাৰ মাজতে বৃহস্পতিবাৰে গভীৰ নিশা কংগ্ৰেছে ৪৮ গৰাকী প্ৰাৰ্থীৰ প্ৰথমখন তালিকা প্ৰকাশ কৰে।প্ৰথম পৰ্যায়ৰ ভোটগ্ৰহণৰ বাবে ঘোষণা কৰা হৈছে ২৪ গৰাকী প্ৰাৰ্থীৰ নাম।

এই তালিকাখনত দলটোৰ বিহাৰ কংগ্ৰেছৰ ৰাজ্যিক সভাপতি ৰাজেশ ৰাম, জ্যেষ্ঠ নেতা শকীল আহমেদ খান, অজিত কুমাৰ শৰ্মাৰ দৰে বিশিষ্ট ব্যক্তিৰ নাম সন্নিবিষ্ট কৰা হৈছে। খগড়িয়াৰ পৰা বৰ্তমানৰ বিধায়কজনৰ টিকট কাটি চন্দন যাদৱক টিকট দিছে দলটোৱে।

লগতে পঢ়ক: বিহাৰ নিৰ্বাচন : বিজেপিয়ে প্ৰকাশ কৰিলে ১৮ জনীয়া তৃতীয়খন প্ৰাৰ্থীৰ তালিকা