বিহাৰ বিধানসভা নিৰ্বাচনত আজি সলনি হ’ব নেকি এইসকল তাৰকাৰ ভাগ্য
বিহাৰ বিধানসভা নিৰ্বাচন ২০২৫ৰ ফলাফল আজি ঘোষণা কৰা হ’ব। পুৱা ৮ বজাৰ লগে লগে আৰম্ভ হৈছে ভোটগণনাৰ প্ৰক্ৰিয়া।
বিহাৰৰ বাঘজৰী কাৰ হাতলৈ যাব সেই কথা আজি স্পষ্ট হৈ পৰিব। এইবাৰৰ নিৰ্বাচন এইকাৰণেই বিশেষ যে,কাৰণ এইবাৰ কেৱল ৰাজনৈতিক দলৰ বাবেই নহয় মনোৰঞ্জন জগতৰ বাবেও পৰিচিত হ’ব।
ভোজপুৰীৰ ছুপাৰষ্টাৰ খেছাৰী লাল যাদৱে নিৰ্বাচনী খেলপথাৰত প্ৰৱেশ কৰাৰ লগে লগে এইবাৰ নিৰ্বাচনৰ বাবে ছপৰা বিধানসভাৰ আসনখন হট ছীট হৈ পৰিছে।
আৰজেডিৰ টিকটত প্ৰতিদ্বন্দ্বিতা কৰা খেছাৰীয়ে ইমানেই জোৰদাৰ প্ৰচাৰ চলাইছিল যে তেওঁৰ ৰেলীত ভিৰ কৰা লোকে তেওঁৰ জয়ক নিশ্চিত কৰি তুলিছিল।
কিন্তু ডাঙৰ প্ৰশ্নটো হ’ল খেছাৰীৰ ষ্টাৰডম ভোটলৈ ৰূপান্তৰিত হ’ব নে নহয়,সেইটো লক্ষ্যনীয় হ’ব। কাৰণ ভোজপুৰীৰ তাৰকা মনোজ তিৱাৰী, ৰবি কিষাণ আৰু পৱন সিঙে সেই আসনখনত তেওঁৰ বিৰুদ্ধে তীব্ৰ প্ৰচাৰ চলাইছিলে।
বিখ্যাত ভোজপুৰী কণ্ঠশিল্পী ৰিতেশ পাণ্ডেও ৰাজনীতিত প্ৰৱেশ কৰিছে।প্ৰশান্ত কিশোৰৰ জন সূৰজ পাৰ্টীয়ে বিহাৰৰ কাৰ্গহাৰ বিধান সভা সমষ্টিৰ পৰা তেওঁক প্ৰাৰ্থী হিচাপে মনোনীত কৰিছে।
আনহাতে জয়প্ৰিয় কণ্ঠশিল্পী মৈথিলী ঠাকুৰে বিহাৰ বিধানসভা নিৰ্বাচনত নিজৰ ভাগ্য চেষ্টা কৰিছে।ভোটগণনাত বৰ্তমানলৈকে আলিনগৰ সমষ্টিত RJD ৰ বিনোদ মিশ্ৰক পিছ পেলাই আগবাঢ়ি আছে বিজেপিৰ মৈথিলী ঠাকুৰ। এয়া মৈথিলী ঠাকুৰৰ প্ৰথম বিধানসভা নিৰ্বাচন।
লগতে পঢ়ক: শ্ৰেয়া ঘোষালৰ লাইভ শ্ব’ত অঘটন; নিয়ন্ত্ৰণহীন দৰ্শক
