প্ৰধানমন্ত্ৰী মোদীক সাক্ষাৎ ৰাষ্ট্ৰদূত চাৰ্জিঅ’ৰ

আমেৰিকাই ভাৰতত পৰৱৰ্তী ৰাষ্ট্ৰদূত হিচাপে নিযুক্তি দিছে চাৰ্জিঅ’ গ’ৰক । ইতিমধ্যে ভাৰতত উপস্থিত হোৱা ৰাষ্ট্ৰদূতজনে সোমবাৰে আনুষ্ঠানিকভাৱে কাৰ্যভাৰ গ্ৰহণ কৰিব । নতুন দিল্লীত থকা আমেৰিকান দূতাবাসৰ দায়িত্ব লোৱাৰ পূৰ্বে গ’ৰে শনিবাৰে প্ৰধানমন্ত্ৰী মোদীক সাক্ষাৎ কৰে । তেওঁ উল্লেখ কৰে যে ৰাষ্ট্ৰপতি ড’নাল্ড ট্ৰাম্পে প্ৰধানমন্ত্ৰী নৰেন্দ্ৰ মোদীক এজন মহান আৰু ব্যক্তিগত বন্ধু বুলি গণ্য কৰে । ছাৰ্জিঅ’ গ’ৰে লগতে কয় যে আমেৰিকাই ভাৰতৰ সৈতে নিজৰ সম্পৰ্কক মূল্য দিয়ে ।

ট্ৰাম্প প্ৰশাসনে ভাৰতীয় আমদানিৰ ওপৰত ৫০ শতাংশ শুল্ক আৰোপ কৰাৰ বাবে ভাৰত-আমেৰিকাৰ সম্পৰ্কত উত্তেজনাই বিৰাজ কৰাৰ সময়তে ছাৰ্জিঅ’ গ’ৰে এই মন্তব্য কৰিছে । এক্সৰ এটা পোষ্টত গ’ৰে কয় যে, “প্ৰধানমন্ত্ৰী মোদীৰ সৈতে মোৰ এক সুন্দৰ বৈঠক হয় । আমি প্ৰতিৰক্ষা, বাণিজ্য, প্ৰযুক্তিকে ধৰি দ্বিপাক্ষিক বিষয়সমূহৰ ওপৰত আলোচনা কৰিলোঁ । জটিল খনিজ পদাৰ্থৰ গুৰুত্বৰ বিষয়েও আলোচনা কৰিলোঁ ।” মাৰ্কিন চেনেটে ভাৰতত আমেৰিকাৰ দূত হিচাপে নিশ্চিত কৰাৰ পিছতে ছদিনীয়া নতুন দিল্লী ভ্ৰমণত আছে চাৰ্জিঅ’ গ’ৰ ।

প্ৰধানমন্ত্ৰী মোদীয়ে এক্সত এটা পোষ্ট যোগে চাৰ্জিঅ’ গ’ৰৰ সৈতে হোৱা বৈঠকৰ সবিশেষ শ্বেয়াৰ কৰে । তেওঁ কয়, “ভাৰতত নিযুক্তিপ্ৰাপ্ত আমেৰিকাৰ ৰাষ্ট্ৰদূত চাৰ্জিঅ’ গ’ৰক আদৰণি জনাই মই আনন্দিত হৈছো । তেওঁৰ কাৰ্যকালত ভাৰত-আমেৰিকাৰ অংশীদাৰিত্ব আৰু অধিক শক্তিশালী কৰিব বুলি মই নিশ্চিত ।” ইয়াৰ পূৰ্বেও বৈদেশিক পৰিক্ৰমা মন্ত্ৰী এছ জয়শংকৰৰ সৈতে বৈঠকত মিলিত হৈছিল চাৰ্জিঅ’ গ’ৰে ।

জয়শংকৰে ছ’চিয়েল মিডিয়াত কয় যে, “আজি ভাৰতত নিযুক্তিপ্ৰাপ্ত আমেৰিকাৰ ৰাষ্ট্ৰদূত চাৰ্জিঅ’ গ’ৰক নতুন দিল্লীত লগ পাই আনন্দিত হলো । তেওঁৰ সৈতে ভাৰত-আমেৰিকাৰ সম্পৰ্ক আৰু ইয়াৰ বিশ্বব্যাপী তাৎপৰ্য্যৰ বিষয়ে আলোচনা কৰিলোঁ । তেওঁৰ নিযুক্তিৰ বাবে মই তেওঁক শুভকামনা জনাইছো ।” ভাৰতৰ বৈদেশিক সচিব বিক্ৰম মিশ্ৰীকো গ’ৰে সাক্ষাৎ কৰে ৰাষ্ট্ৰদূত গ’ৰে ।

লগতে পঢ়ক : কৃষকক প্ৰধানমন্ত্ৰী মোদীয়ে দিলে হাজাৰ কোটি টকাৰ উপহাৰ…

আজি বৈঠকত মিলিত হ’ব প্ৰধানমন্ত্ৰী মোদী আৰু ষ্টাৰমাৰ

প্ৰধানমন্ত্ৰী হিচাপে কাৰ্যভাৰ গ্ৰহণ কৰাৰ পিছত প্ৰথমবাৰৰ বাবে ভাৰত ভ্ৰমণলৈ অহা বৃটিছ প্ৰধানমন্ত্ৰী ষ্টাৰমাৰে বৃহস্পতিবাৰে মুম্বাইত প্ৰধানমন্ত্ৰী নৰেন্দ্ৰ মোদীক সাক্ষাৎ কৰিব । আজি পুৱা ১০ বজাত মুম্বাইত প্ৰধানমন্ত্ৰী ষ্টাৰমাৰক আতিথ্য প্ৰদান কৰিব প্ৰধানমন্ত্ৰী মোদীয়ে । এই বৈঠকে দুয়োখন দেশৰ মাজত ভিজন ২০৩৫ কাৰ্যসূচী আগুৱাই নিব । জুলাই মাহত প্ৰধানমন্ত্ৰী মোদীৰ লণ্ডন ভ্ৰমণৰ সময়ত ষ্টাৰমাৰে ভাৰত-ইউ কে ভিজন ২০৩৫ক সমৰ্থন কৰিছিল ।

মুম্বাইত দুয়োগৰাকী নেতাৰ বৈঠকৰ সময়ত ভাৰত-ইউ কে ভিজন ২০৩৫ আলোচনাৰ মূল বিষয় হ’ব । প্ৰায় ২.৩০ বজাত মুম্বাইৰ জিঅ’ ৱৰ্ল্ড চেণ্টাৰত ব্ৰিটিছ প্ৰধানমন্ত্ৰীৰ সৈতে চিইঅ’ ফ’ৰামত অংশগ্ৰহণ কৰিব প্ৰধানমন্ত্ৰী নৰেন্দ্ৰ মোদীয়ে । ইয়াৰ পিছত প্ৰায় ২:৪৫ বজাত দুয়োজন প্ৰধানমন্ত্ৰীয়ে গ্ল’বেল ফিনটেক ফেষ্টৰ ষষ্ঠ সংস্কৰণত অংশগ্ৰহণ কৰিব আৰু মূল ভাষণ প্ৰদান কৰিব ।

প্ৰধানমন্ত্ৰী মোদী আৰু ব্ৰিটেইনৰ প্ৰধানমন্ত্ৰীয়ে ভিজন ২০৩৫ ৰোডমেপৰ অধীনত ভাৰত-ব্ৰিটেইনৰ সৰ্বাংগীন কৌশলগত অংশীদাৰিত্বৰ অগ্ৰগতিও পৰ্যালোচনা কৰিব । দুয়োগৰাকী নেতাই ভাৰত-ব্ৰিটেইনৰ সৰ্বাংগীন অৰ্থনৈতিক আৰু বাণিজ্য চুক্তি আৰু অন্যান্য বিশ্ব-আঞ্চলিক বিষয়সমূহৰ ওপৰত আলোচনা কৰিব । ভিজন ২০৩৫ হৈছে বাণিজ্য আৰু বিনিয়োগ, প্ৰযুক্তি আৰু উদ্ভাৱন, প্ৰতিৰক্ষা আৰু নিৰাপত্তা, জলবায়ু আৰু শক্তি, স্বাস্থ্য, শিক্ষা আৰু জনসাধাৰণৰ মাজত সম্পৰ্কৰ মূল স্তম্ভসমূহৰ মাজেৰে কাৰ্যসূচী আৰু পদক্ষেপসমূহৰ কেন্দ্ৰবিন্দু ।

প্ৰধানমন্ত্ৰী মোদীয়ে কয় যে ব্ৰিটেইনৰ এতিয়ালৈকে সৰ্ববৃহৎ ব্যৱসায়িক প্ৰতিনিধি দলৰ সৈতে ঐতিহাসিক প্ৰথমটো ভাৰত ভ্ৰমণত প্ৰধানমন্ত্ৰী ষ্টাৰমাৰক আদৰণি জনোৱা হৈছে । শক্তিশালী আৰু পাৰস্পৰিকভাৱে সমৃদ্ধিশালী ভৱিষ্যতৰ আমাৰ দৃষ্টিভংগীক আগুৱাই নিয়াৰ বাবে আমি আমাৰ বৈঠকৰ বাবে আগ্ৰহী । ব্ৰিটেইনে কয় যে ষ্টাৰমাৰৰ এই ভ্ৰমণৰ লক্ষ্য ব্ৰিটেইন-ভাৰত বাণিজ্যিক চুক্তিৰ ফলত সৃষ্টি হোৱা গতিবেগ বৃদ্ধি কৰা ।

লগতে পঢ়ক : মুম্বাই আক্ৰমণৰ পিছত সন্ত্ৰাসবাদৰ সন্মুখত শিৰনত কৰিছিল কংগ্ৰেছেঃ প্ৰধানমন্ত্ৰী মোদী

মুখ্য ন্যায়াধীশ গাভাইৰ সৈতে বাৰ্তলাপ প্ৰধানমন্ত্ৰী মোদীৰ

প্ৰধানমন্ত্ৰী নৰেন্দ্ৰ মোদীয়ে সোমবাৰে মুখ্য ন্যায়াধীশ বি আৰ গাভাইৰ সৈতে টেলিফোনিক বাৰ্তালাপ কৰে । বাৰ্তালাপৰ সময়ত মুখ্য ন্যায়াধীশগৰাকীক আক্ৰমণৰ চেষ্টাক গৰিহণা দিয়ে প্ৰধানমন্ত্ৰী মোদীয়ে । সোমবাৰে পুৱা উচ্চতম ন্যায়ালয়ৰ চৌহদত মুখ্য ন্যায়াধীশৰ ওপৰত হোৱা আক্ৰমণত প্ৰতিজন ভাৰতীয় ক্ষুব্ধ হৈ পৰিছে বুলিও তেওঁ কয় । আমাৰ সমাজত এনে নিন্দনীয় কামৰ কোনো স্থান নাই । এই কাৰ্য অতি নিন্দনীয় ।

প্ৰধানমন্ত্ৰী মোদীয়ে সামাজিক মাধ্যমত এই কথা-বতৰাৰ সবিশেষ শ্বেয়াৰ কৰে । তেওঁ কয়, “আক্ৰমণৰ চেষ্টাৰ সন্মুখত ধৈৰ্য ধৰাৰ বাবে ন্যায়াধীশ গাভাইক প্ৰশংসা কৰিছো । ইয়াৰ দ্বাৰা ন্যায়ৰ মূল্যবোধৰ প্ৰতি তেওঁৰ দায়বদ্ধতা আৰু আমাৰ সংবিধানৰ মনোভাৱ শক্তিশালী কৰাৰ দায়বদ্ধতা প্ৰমাণিত হৈছে ।”

উল্লেখ্য যে, ন্যায়াধীশ গাভাই আদালতত গোচৰৰ শুনানি চলাই থকাৰ সময়তে এজন অধিবক্তাই আক্ৰমণৰ চেষ্টা চলাইছিল । অৱশ্যে তাত উপস্থিত থকা নিৰাপত্তাৰক্ষীয়ে সময়মতে অধিবক্তাজনক আটক কৰি উলিয়াই আনে । ইয়াৰ পিছতে ন্যায়াধীশ গাভাইয়ে নিৰাপত্তাৰক্ষীক এই আক্ৰমণক উপেক্ষা কৰাৰ কয় ।

এই ঘটনা সংঘটিত কৰা অধিবক্তাজনক উচ্চতম ন্যায়ালয়ৰ কমপ্লেক্সত থকা ডিচিপিৰ কাৰ্যালয়লৈ লৈ গৈ জেৰা কৰা হয় । ঘটনাৰ পিছতে মুখ্য ন্যায়াধীশগৰাকীয়ে উচ্চতম ন্যায়ালয়ৰ বিষয়া, মহাসচিব, আৰু ভাৰপ্ৰাপ্ত নিৰাপত্তা বিষয়াৰ সৈতে আলোচনা কৰে ।

ঘটনাৰ পিছতে উচ্চতম ন্যায়ালয়ৰ এডভোকেটছ অন ৰেকৰ্ড এছ’চিয়েশ্যনে সৰ্বসন্মতিক্ৰমে এক প্ৰস্তাৱ গ্ৰহণ কৰি আদালতৰ কাৰ্য্যবিধিৰ সময়ত এজন অধিবক্তাই চি জে আই গাভাইৰ ওপৰত জোতা নিক্ষেপ কৰাৰ ঘটনাৰ তীব্ৰ গৰিহণা দিয়ে ।

লগতে পঢ়ক : বিহাৰ নিৰ্বাচনৰ তাৰিখ ঘোষণা; দুটা পৰ্যায়ত হ’ব ভোটগ্ৰহণ

ৰাজঘাটত জাতিৰ পিতাক শ্ৰদ্ধাঞ্জলি প্ৰধানমন্ত্ৰী মোদীৰ

আজি গান্ধী জয়ন্তী । সমগ্ৰ দেশজুৰি আজি স্মৰণ কৰা হৈছে জাতিৰ পিতা মহাত্মা গান্ধীক । মহাত্মা গান্ধীৰ জন্ম বৰ্ষপূৰ্তিত আজি প্ৰধানমন্ত্ৰী নৰেন্দ্ৰ মোদী ৰাজঘাটত উপস্থিত হৈ জাতিৰ পিতাক শ্ৰদ্ধাঞ্জলি জনায় । গান্ধী জয়ন্তী উপলক্ষে প্ৰধানমন্ত্ৰী মোদীয়ে মহাত্মা গান্ধীক প্ৰণাম জনোৱাৰ লগতে তেওঁৰ আদৰ্শৰ কথা স্মৰণ কৰে । এই সময়ছোৱাত প্ৰধানমন্ত্ৰীৰ লগতে কেন্দ্ৰীয় মন্ত্ৰী মনোহৰ লালো উপস্থিত থাকে ।

গান্ধী জয়ন্তী উপলক্ষে প্ৰধানমন্ত্ৰী মোদীয়ে টুইট কৰি কয় যে গান্ধী জয়ন্তী বাপুৰ অসাধাৰণ জীৱনক শ্ৰদ্ধাঞ্জলি জনোৱাৰ দিন । যাৰ আদৰ্শই মানৱ ইতিহাসৰ দিশ সলনি কৰিলে । তেওঁ দেখুৱাই দিলে যে কেনেকৈ সাহস আৰু সৰলতা এক বৃহৎ পৰিৱৰ্তনৰ মাধ্যমত পৰিণত হ’ব পাৰে । তেওঁ সেৱা আৰু মমতাক মানুহক সবলীকৰণৰ এক অপৰিহাৰ্য উপায় বুলি গণ্য কৰিছিল । আমি উন্নত ভাৰত গঢ়ি তোলাৰ অভিযানত তেওঁ দিয়া পথ অনুসৰণ কৰি যাম ।

বিজয় ঘাটত প্ৰাক্তন প্ৰধানমন্ত্ৰী লাল বাহাদুৰ শাস্ত্ৰীক শ্ৰদ্ধাঞ্জলি-

জাতিৰ পিতাক শ্ৰদ্ধাঞ্জলিৰ জোনাৱৰ পিছত প্ৰধানমন্ত্ৰী মোদী বিজয় ঘাটত উপস্থিত হয় । ইয়াত প্ৰধানমন্ত্ৰী নৰেন্দ্ৰ মোদীয়ে প্ৰাক্তন প্ৰধানমন্ত্ৰী লাল বাহাদুৰ শাস্ত্ৰীক শ্ৰদ্ধাঞ্জলি জনায় । ইয়াৰ আগতে তেওঁ এক্সত লিখে যে লাল বাহাদুৰ শাস্ত্ৰী জী এজন অসাধাৰণ ৰাজনীতিবিদ আছিল । যাৰ সততা, নম্ৰতা আৰু দৃঢ়তাই প্ৰত্যাহ্বানজনক সময়তো ভাৰতক শক্তিশালী কৰি তুলিছিল । তেওঁ আছিল আদৰ্শ নেতৃত্ব, ক্ষমতা আৰু নিৰ্ণায়ক কাৰ্য্যৰ প্ৰতীক । ‘জয় জৱান জয় কিষান’ তেওঁৰ এই আহ্বান আমাৰ মানুহৰ মাজত দেশপ্ৰেমৰ ভাৱ উত্থাপন কৰিলে । তেওঁ আমাক এক শক্তিশালী আৰু আত্মনিৰ্ভৰ ভাৰত গঢ়ি তুলিবলৈ অনুপ্ৰাণিত কৰি আহিছে ।

ইফালে মহাত্মা গান্ধীৰ ১৫৬ সংখ্যক জন্মদিন উপলক্ষে ৰাষ্ট্ৰপতি দ্ৰৌপদী মুৰ্মুৱে বুধবাৰে দেশবাসীক মহাত্মা গান্ধীৰ আদৰ্শ অনুসৰণ কৰি পৰিষ্কাৰ, অধিক দক্ষ আৰু সমৃদ্ধিশালী ভাৰত গঢ়িবলৈ সংকল্প গ্ৰহণ কৰিবলৈ আহ্বান জনায় । তেওঁ কয় যে গান্ধীজীয়ে অস্পৃশ্যতা, নিৰক্ষৰতা আৰু নিচাযুক্ত দ্ৰব্যৰ দৰে সামাজিক দুষ্টতাৰ অন্ত পেলাবলৈ নিজৰ জীৱন উৎসৰ্গা কৰিছিল ।

লগতে পঢ়ক : খেলপথাৰত অপাৰেচন সিন্দুৰ : ভাৰতৰ এছিয়া কাপ বিজয়ৰ পাছত প্ৰধানমন্ত্ৰী মোদীৰ বিশেষ টুইট