ৰাষ্ট্ৰপতি পুটিনক জন্মদিনৰ শুভেচ্ছা জনালে প্ৰধানমন্ত্ৰী মোদীয়ে
মঙলবাৰে প্ৰধানমন্ত্ৰী নৰেন্দ্ৰ মোদীয়ে ৰাছিয়াৰ ৰাষ্ট্ৰপতি ভ্লাদিমিৰ পুটিনক টেলিফোনযোগে তেওঁৰ ৭৩ সংখ্যক জন্মদিনৰ শুভেচ্ছা জনায় । প্ৰধানমন্ত্ৰী মোদীয়ে তেওঁৰ সুস্বাস্থ্য কামনা কৰে ।
দুয়োগৰাকী নেতাই দ্বিপাক্ষিক কাৰ্যসূচীৰ অগ্ৰগতিৰো পৰ্যালোচনা কৰি ভাৰত আৰু ৰাছিয়াৰ মাজত বিশেষ সুবিধাপ্ৰাপ্ত কৌশলগত অংশীদাৰিত্ব আৰু অধিক গভীৰ কৰাৰ প্ৰতিশ্ৰুতি পুনৰবাৰ উল্লেখ কৰে । ইফালে ২৩ সংখ্যক ভাৰত-ৰাছিয়া বাৰ্ষিক সন্মিলনৰ বাবে ৰাষ্ট্ৰপতি পুটিনক ভাৰতলৈ আদৰণি জনোৱাৰ বাবে আগ্ৰহী বুলি উল্লেখ কৰে প্ৰধানমন্ত্ৰী মোদীয়ে ।
উল্লেখ্য যে, ৫ ডিচেম্বৰত ৰাছিয়াৰ ৰাষ্ট্ৰপতি ভ্লাদিমিৰ পুটিনে ভাৰত ভ্ৰমণ কৰাৰ সম্ভাৱনা আছে । নতুন দিল্লীত অনুষ্ঠিত হ’বলগীয়া বাৰ্ষিক শীৰ্ষ সন্মিলনত অংশগ্ৰহণ কৰিব পুটিনে । এই সন্মিলনৰ সময়ত পুটিনে প্ৰধানমন্ত্ৰী নৰেন্দ্ৰ মোদীৰ সৈতে প্ৰতিৰক্ষা, শক্তি, বাণিজ্য আৰু নিৰাপত্তাৰ দৰে গুৰুত্বপূৰ্ণ বিষয়সমূহৰ ওপৰত আলোচনা কৰাৰ সম্ভাৱনা আছে ।
অশ্যে ৰাষ্ট্ৰপতি পুটিনে এদিনৰ বাবে নে দুদিনৰ বাবে ভাৰত ভ্ৰমণ কৰিব সেয়া এতিয়াও স্পষ্ট হোৱা নাই । এই ভ্ৰমণৰ পূৰ্বে নৱেম্বৰ মাহত ৰাছিয়াৰ বৈদেশিক মন্ত্ৰী চাৰ্গেই লাভৰভে ভাৰত ভ্ৰমণ কৰি এই অনুষ্ঠানৰ প্ৰস্তুতি সম্পূৰ্ণ কৰিব । প্ৰতি বছৰে ভাৰত আৰু ৰাছিয়াৰ মাজত শীৰ্ষ সন্মিলনৰ আলোচনা অনুষ্ঠিত হয় । এতিয়ালৈকে দুয়োখন দেশৰ মাজত ২২টা আলোচনা অনুষ্ঠিত হৈছে । যোৱা জুলাই মাহত প্ৰধানমন্ত্ৰী মোদীয়ে মস্কো ভ্ৰমণ কৰাৰ বিপৰীতে পুটিনে শেষবাৰৰ বাবে ২০২১ চনত ভাৰত ভ্ৰমণ কৰিছিল । এইবাৰ দুয়োখন দেশৰ সামৰিক আৰু কাৰিকৰী সহযোগিতাৰ ওপৰত গুৰুত্ব দিয়া হ’ব ।
লগতে পঢ়ক : মুখ্য ন্যায়াধীশ গাভাইৰ সৈতে বাৰ্তলাপ প্ৰধানমন্ত্ৰী মোদীৰ; জোতা নিক্ষেপ কৰাৰ ঘটনাক নিন্দা
