পশ্চিম বংগত বিধানসভাৰ নিৰ্বাচনী প্ৰচাৰৰ সময়ত ঝালমুড়ি বিক্ৰেতা বিক্ৰম সৌৱে শিৰোনাম দখল কৰিছিল। প্ৰধানমন্ত্ৰীক ঝলমুড়ি বিক্ৰী কৰি বিপদত পৰিছে বিক্ৰম।

পশ্চিমবংগৰ ঝাৰগ্ৰামৰ পৰা পোহৰলৈ আহিছে এক চাঞ্চল্যকৰ ঘটনা। পশ্চিম বংগত বিধানসভাৰ নিৰ্বাচনী প্ৰচাৰৰ সময়ত ঝালমুড়ি বিক্ৰেতা বিক্ৰম সৌৱে শিৰোনাম দখল কৰিছিল। প্ৰধানমন্ত্ৰী নৰেন্দ্ৰ মোদীয়ে তেওঁৰ দোকানত ঝলমুড়িৰ সোৱাদ ল’বলৈ ৰৈছিল।অৱশ্যে বিক্ৰম সৌৱে এতিয়া দাবী কৰিছে যে বিশেষকৈ পাকিস্তান আৰু বাংলাদেশৰ পৰা আন্তঃৰাষ্ট্ৰীয় নম্বৰৰ পৰা তেওঁ লৈ অহৰহ ভাবুকিমূলক ফোন আৰু ভিডিঅ’ কল আহি আছে।

দৰাচলতে ১৯ এপ্ৰিলত ঝাৰগ্ৰামত নিৰ্বাচনী সমাৱেশৰ পৰা উভতি অহাৰ সময়তে হঠাৎ পথৰ কাষতে থকা বিক্ৰমৰ ষ্টলত ৰৈছিল প্ৰধানমন্ত্ৰী নৰেন্দ্ৰ মোদীয়ে।তেওঁ দোকানৰ পৰা প্ৰধানমন্ত্ৰীগৰাকীয়ে কেৱল ঝলমুৰি খোৱাই নহয় বিক্ৰমৰ সৈতে বাৰ্তালাপো কৰিছি,ইয়াৰ ফলত বিক্ৰমে ‘প্ৰধানমন্ত্ৰীৰ ঝলমুৰি বিক্ৰেতা’ৰ পৰিচয় লাভ কৰে।

বিক্ৰমৰ অভিযোগ যে বিগত কিছুদিন ধৰি তেওঁক মৃত্যুৰ ভাবুকি দিয়া হৈছে।প্ৰধানমন্ত্ৰী মোদীৰ সৈতে বাৰ্তালাপ কৰাৰ বাবেই বাবেই তেওঁক টাৰ্গেট কৰা বুলি দাবী কৰিছে ফোন কৰা সকলে।

বিষয়টোৰ গম্ভীৰতা আৰু ইয়াৰ আন্তঃৰাষ্ট্ৰীয় সংযোগৰ প্ৰতি লক্ষ্য ৰাখি প্ৰশাসনে ব্যৱস্থা গ্ৰহণ কৰিছে,বিক্ৰম সৌৰ নিৰাপত্তা সুনিশ্চিত কৰিবলৈ তেওঁৰ দোকান আৰু বাসগৃহৰ আশে-পাশে আৰক্ষী আৰু কেন্দ্ৰীয় বাহিনী মোতায়েন কৰা হৈছে।আৰক্ষী প্ৰশাসনে এই আন্তঃৰাষ্ট্ৰীয় নম্বৰ কেইটাক ট্ৰেক কৰি তথ্য লাভ কৰাৰ বাবে তদন্ত আৰম্ভ কৰিছে।

লগতে পঢ়ক: অনুপ্ৰৱেশৰ বিৰুদ্ধে শূন্য-সহনশীলতা নীতি: দেশৰ সীমান্ত চিল কৰিবলৈ আৰম্ভ হ’ব ‘স্মাৰ্ট বৰ্ডাৰ প্ৰকল্প’

প্ৰধানমন্ত্ৰী নৰেন্দ্ৰ মোদীয়ে ইটালীৰ প্ৰধানমন্ত্ৰীক উপহাৰ হিচাপে দিয়া মেলোডী চকলেটৰ ভিডিঅ’ আৰু ছবি দ্ৰুতগতিত ভাইৰেল হৈ পৰিছে। কিন্তু মেলোডী চকলেটৰ লগতে মেলনীক প্ৰধানমন্ত্ৰী মোদীয়ে দিলে অসমৰ বিশেষ উপহাৰ।

প্ৰধানমন্ত্ৰী নৰেন্দ্ৰ মোদীয়ে সংযুক্ত আৰব আমিৰশ্বাহী (ইউ এ ই), নেদাৰলেণ্ড, ছুইডেন, নৰৱে আৰু ইটালীৰ পাঁচখন দেশৰ ভ্ৰমণৰ সামৰণি মাৰি ভাৰতলৈ উভতি আহিছে। তাৰ মাজতে প্ৰধানমন্ত্ৰী নৰেন্দ্ৰ মোদীয়ে ইটালীৰ প্ৰধানমন্ত্ৰী জৰ্জিয়া মেল’নীক ‘মেলোডী’ টফি উপহাৰ দি সকলোতে আলোচনাৰ সূচনা কৰিছে।প্ৰধানমন্ত্ৰী মোদীৰ পৰা এই উপহাৰ লাভ কৰাৰ লগে লগে মেলনী একেবাৰে আনন্দত আত্মহাৰা হৈ পৰাৰ লগতে এটা ভিডিঅ’ৰ জৰিয়তেও নিজৰ সুখ প্ৰকাশ কৰে।

প্ৰধানমন্ত্ৰী নৰেন্দ্ৰ মোদীয়ে ইটালীৰ প্ৰধানমন্ত্ৰীক দিয়া ‘Melody’ উপহাৰৰ ভিডিঅ’ আৰু ছবিবোৰ সামাজিক মাধ্যমত অতি দ্ৰুতগতিত ভাইৰেল হৈ পৰিছে।প্ৰধানমন্ত্ৰী মোদীয়ে মেলনীক দিয়া এই উপহাৰটো মানুহে অত্যন্ত বিশেষ বুলি বিবেচনা কৰিছিল। কিন্তু আমোদজনক কথাটো হ’ল ‘মেলোডী’ৰ ট্ৰেণ্ড ভাইৰেল হ’লেও প্ৰধানমন্ত্ৰী মোদীয়ে মেলনীক ভাৰতৰ আন দুটা অতি সুন্দৰ উপহাৰ প্ৰদান কৰিছিল।

প্ৰধানমন্ত্ৰী মোদীয়ে ইটালীৰ প্ৰধানমন্ত্ৰী মেলনীক অসমৰ মুগাৰ এখন শাৰী উপহাৰ দিছে। গাঢ় নীলা আৰু মুগাত বোৱা এই শাৰীখনে অসমৰ সংস্কৃতি আৰু চহকী কৰিছে।

কেৱল মুগা শাৰীখনেই নহয়, প্ৰধানমন্ত্ৰী মোদীয়ে মেলনীক শিৰুই লিলি ৰেচমৰ পৰা তৈয়াৰী এখন মণিপুৰী ষ্ট’লো উপহাৰ দিয়ে। যি মণিপুৰৰ বিৰল ফুলৰ পৰা অনুপ্ৰাণিত।এই বগা চাদৰখনৰ সীমা ৰঙা, আৰু ইয়াত গোলাপী ফুল অংকন কৰা হৈছে।

আচলতে এই ষ্ট’লখনৰ ডিজাইনটো শ্বিৰুই লিলি ফুলৰ সৈতে মিল আছে।ঘণ্টা আকৃতিৰ এই ফুলটো যথেষ্ট সুক্ষ্ম; ইয়াৰ পাহিবোৰ শেঁতা গোলাপী-বগা ৰঙৰ।মণিপুৰৰ শিৰুই কাছং শৃংগত পোৱা বিৰল শিৰুই লিলিৰ পৰাই ইয়াক অংকন কৰা হৈছে। এই শিৰুই লিলিৰ ৰেচমৰ আটাইতকৈ লক্ষণীয় কথাটো হ’ল এই ফুলপাহ মণিপুৰৰ বাহিৰে পৃথিৱীৰ আন ক’তো পোৱা নাযায়।

প্ৰধানমন্ত্ৰী নৰেন্দ্ৰ মোদীয়ে ইটালীৰ প্ৰধানমন্ত্ৰী জৰ্জিয়া মেলোনীক উত্তৰ-পূব ভাৰতৰ দুটা সুকীয়া উপহাৰ দি সাংস্কৃতিক কূটনীতিৰ ইংগিত প্ৰদান কৰে। প্ৰধানমন্ত্ৰী মোদীয়েও কেৱল মেলোনিযকেই নহয়, তেওঁ পাঁচখন দেশৰ ভ্ৰমণৰ সময়ত সকলোৰে বাবে কিছুমান অনন্য বস্তুও লৈ আহিছিল।

লগতে পঢ়ক: “উপহাৰৰ বাবে ধন্যবাদ”; প্ৰধানমন্ত্ৰী মোদীয়ে মেল’নীক দিলে মেলোডীৰ বিশেষ উপহাৰ

ইটালী ভ্ৰমণৰ সময়ত প্ৰধানমন্ত্ৰী মোদীয়ে জৰ্জিয়া মেল’নীক ‘মেলোডী’ টফিৰ এটা পেকেট উপহাৰ দিয়ে।

প্ৰধানমন্ত্ৰী নৰেন্দ্ৰ মোদীয়ে বৰ্তমান ইটালীত আছে। ইটালীত উপস্থিত হোৱাৰ পিছত ছচিয়েল মিডিয়াত প্ৰধানমন্ত্ৰী নৰেন্দ্ৰ মোদী আৰু ইটালীৰ প্ৰধানমন্ত্ৰী জৰ্জিয়া মেল’নীৰ ফটো ভাইৰেল হ’বলৈ আৰম্ভ কৰিছে।এই সময়ত প্ৰধানমন্ত্ৰী জৰ্জিয়া মেল’নীক প্ৰধানমন্ত্ৰী মোদীয়ে বিশেষ ‘মেলোডী’ টফি উপহাৰ দিয়ে।

এই উপহাৰৰ বাবে ইটালীৰ প্ৰধানমন্ত্ৰী মেল’নীয়ে এক্সত এটা পোষ্ট শ্বেয়াৰ কৰি প্ৰধানমন্ত্ৰী মোদীক উপহাৰৰ বাবে ধন্যবাদ জনাইছে। প্ৰধানমন্ত্ৰী মোদীক ধন্যবাদ জনাই মেল’নীয়ে ছ’চিয়েল মিডিয়াত পোষ্ট কৰি লিখিছে- “উপহাৰৰ বাবে ধন্যবাদ।” তেওঁলোকৰ আনন্দময় সময়ৰ এই ভিডিঅ’ ইণ্টাৰনেট ট্ৰেণ্ড হৈ পৰিছে।মেল’নিৰ এই পোষ্টটোৰ পিছতে ছ’চিয়েল মিডিয়াত ‘মেলোডি’ চকলেটক লৈ আলোচনা তীব্ৰতৰ হৈ পৰিছে।

মঙলবাৰে ৰোমত উপস্থিত হোৱাৰ কিছু সময়ৰ পাছতে, পাঁচখন দেশৰ ভ্ৰমণৰ অন্তিম পৰ্যায়ত প্ৰধানমন্ত্ৰী মোদীয়ে মেল’নীক ৰাতিৰ আহাৰ গ্ৰহণৰ সময়ত সাক্ষাৎ কৰে।ইয়াৰ পিছত দুয়োজনে আইকনিক কলছিয়াম ভ্ৰমণকৰে, য’ত তেওঁলোকে বহুতো বিষয়ৰ ওপৰত গভীৰ কথা-বতৰাত লিপ্ত হয়।

লগতে পঢ়ক: ‘ৰোমলৈ আপোনাক স্বাগতম, মোৰ বন্ধু’; ইটালীত উপস্থিত হোৱাৰ পিছতেই ভাইৰেল মোদী-মেলনীৰ নতুন চেলফি

আনুষ্ঠানিক দ্বিপাক্ষিক ভ্ৰমণৰ বাবে ইটালীত উপস্থিত হৈছে প্ৰধানমন্ত্ৰী নৰেন্দ্ৰ মোদী ।ইয়াৰ ৰাজধানী ৰোমত তেওঁক আদৰণি জনোৱা হৈছিল। ইফালে ইটালীৰ প্ৰধানমন্ত্ৰী জৰ্জিয়া মেল’নীয়ে প্ৰধানমন্ত্ৰী মোদীৰ সৈতে এখন চেলফি শ্বেয়াৰ কৰিছে।

প্ৰধানমন্ত্ৰী নৰেন্দ্ৰ মোদীয়ে মঙলবাৰে (১৯ মে’ ২০২৬) তেওঁৰ ৫খন দেশৰ ভ্ৰমণৰ অন্তিম পৰ্যায়ত ইটালীৰ ৰাজধানী ৰোমত উপস্থিত হয়,য’ত তেওঁক উষ্ম আদৰণি জনোৱা হয়।উল্লেখ্য যে ইটালীৰ প্ৰধানমন্ত্ৰী জৰ্জিয়া মেল’নীৰ বিশেষ নিমন্ত্ৰণ মৰ্মে প্ৰধানমন্ত্ৰী মোদী ৰোমত উপস্থিত হৈছে। ইটালীত এয়া তেওঁৰ প্ৰথমটো চৰকাৰী দ্বিপাক্ষিক ভ্ৰমণ।  

বিমানবন্দৰত ইটালীৰ উপ-প্ৰধানমন্ত্ৰী এণ্টনিঅ’ তাজানীয়ে প্ৰধানমন্ত্ৰী মোদীক আদৰণি জনায়। প্ৰধানমন্ত্ৰীক দেখি প্ৰৱাসী ভাৰতীয়সকলৰ মাজতো ব্যাপক উৎসাহ দেখিবলৈ পোৱা যায়। প্ৰধানমন্ত্ৰীয়েও ৰোমত ভাৰতীয় প্ৰৱাসীসকলক সাক্ষাৎ কৰে আৰু তেওঁলোকৰ সৈতে বাৰ্তালাপ কৰে।

প্ৰধানমন্ত্ৰী মোদীক আদৰণি জনাই ইটালীৰ প্ৰধানমন্ত্ৰী জৰ্জিয়া মেল’নীয়ে তেওঁৰ অফিচিয়েল ছ’চিয়েল মিডিয়া হেণ্ডেল ‘X’ত তেওঁৰ সৈতে এখন নতুন আৰু অতি সুন্দৰ চেলফি পোষ্ট কৰে। পোষ্ট শ্বেয়াৰ কৰি মেল’নীয়ে লিখিছে, ‘ৰোমলৈ আদৰণি জনাইছোঁ, মোৰ বন্ধু।’ সামাজিক মাধ্যমত এই ফটোখন এতিয়া তীব্ৰ গতিত ভাইৰেল হৈ পৰিছে।

এইটো প্ৰধানমন্ত্ৰী মোডী আৰু জৰ্জিয়া মেল’নীৰ ছবি বা চেলফি ইণ্টাৰনেটত ভাইৰেল হোৱা প্ৰথম ঘটনা নহয়, ইয়াৰ পূৰ্বে ২০২৩ চনত ডুবাইত অনুষ্ঠিত হোৱা COP28 শীৰ্ষ সন্মিলনৰ সময়ত তোলা মেল’নিৰ ‘গুড ফ্ৰেণ্ডছ এট চিঅ’পি২৮’ চেলফি আৰু তাৰ পিছত, ২০২৪ চনত ইটালীৰ আপুলিয়াত অনুষ্ঠিত হোৱা জি-৭ শীৰ্ষ সন্মিলনৰ সময়ত “টিম মেলোডীৰ তৰফৰ পৰা হেল্ল'” বুলি অভিবাদন জনোৱা ভিডিঅ’টোৱে বিশ্বজুৰি শিৰোনাম দখল কৰিছিল।

প্ৰধানমন্ত্ৰী মোদীয়েও ছচিয়েল মিডিয়া প্লেটফৰ্ম ‘X’ত নিজৰ এই ভ্ৰমণৰ বিষয়ে তথ্য দি কয় যে তেওঁৰ এই ভ্ৰমণৰ উদ্দেশ্য হৈছে ভাৰত আৰু ইটালীৰ মাজৰ সহযোগিতা শক্তিশালী কৰা। তেওঁ লিখিছে, ‘মই ইটালীৰ ৰোম চহৰত অৱতৰণ কৰিছোঁ। মই ৰাষ্ট্ৰপতি ছাৰ্জিঅ’ মেটাৰেল্লা আৰু প্ৰধানমন্ত্ৰী জৰ্জিয়া মেল’নীক সাক্ষাৎ কৰিম আৰু তেওঁলোকৰ সৈতে আলোচনা কৰিম। এই ভ্ৰমণৰ মূল উদ্দেশ্য হৈছে ভাৰত-ইটালীৰ সহযোগিতাক উদগনি দিয়া, বিশেষকৈ ভাৰত-মধ্যপ্ৰাচ্য-ইউৰোপ অৰ্থনৈতিক কৰিডৰ (IMEC)ৰ ওপৰত গুৰুত্ব আৰোপ কৰা। যুটীয়া কৌশলগত কাৰ্য পৰিকল্পনা ২০২৫-২০২৯ ৰো পৰ্যালোচনা কৰা হ’ব। মই খাদ্য আৰু কৃষি সংস্থা (FAO)ৰ মুখ্য কাৰ্যালয়ো ভ্ৰমণ কৰিম আৰু বহুপক্ষীয়তাৰ লগতে গোলকীয় খাদ্য সুৰক্ষাৰ প্ৰতি ভাৰতৰ প্ৰতিশ্ৰুতিবদ্ধতাক শক্তিশালী কৰিম।’

লগতে পঢ়ক: ৰাষ্ট্ৰপতি ট্ৰাম্প আৰু প্ৰধানমন্ত্ৰী মোদীৰ বৈঠকৰ সম্ভাৱনা;  জি-৭ শীৰ্ষ সন্মিলনত কৰিব অংশগ্ৰহণ

জুন মাহত ফ্ৰান্সত অনুষ্ঠিত হ’বলগীয়া জি-৭ সন্মিলনৰ সময়ত ভাৰতৰ প্ৰধানমন্ত্ৰী নৰেন্দ্ৰ মোদী আৰু আমেৰিকাৰ ৰাষ্ট্ৰপতি ড’নাল্ড ট্ৰাম্পৰ বৈঠকত মিলিত হোৱাৰ সম্ভাৱনা আছে।

অহা মাহত প্ৰধানমন্ত্ৰী নৰেন্দ্ৰ মোদী আৰু আমেৰিকাৰ ৰাষ্ট্ৰপতি ড’নাল্ড ট্ৰাম্পৰ বৈঠক হোৱাৰ সম্ভাৱনা আছে। ফ্ৰান্সত অনুষ্ঠিত হ’বলগীয়া জি-৭ শীৰ্ষ সন্মিলনত ৰাষ্ট্ৰপতি ড’নাল্ড ট্ৰাম্পে অংশগ্ৰহণ কৰিব ।১৫ জুনৰ পৰা ১৭ জুনলৈ অনুষ্ঠিত হ’বলগীয়া এই বৈঠক ফ্ৰান্সৰ ইভিয়ান-লেছ-বেইনছত অনুষ্ঠিত হ’ব।ফ্ৰান্সৰ ৰাষ্ট্ৰপতি মেক্ৰনে প্ৰধানমন্ত্ৰী মোদীক জি-৭ শীৰ্ষ সন্মিলনলৈ আমন্ত্ৰণ জনাইছে।যদিও ভাৰত জি-৭ৰ সদস্য নহয়, তথাপিও ফ্ৰান্সে ইয়াক অংশীদাৰ দেশ হিচাপে আমন্ত্ৰণ জনাইছে।

১৬ মাহতকৈ অধিক সময়ৰ ভিতৰত প্ৰথমবাৰৰ বাবে প্ৰধানমন্ত্ৰী মোদী আৰু ৰাষ্ট্ৰপতি ট্ৰাম্পৰ বৈঠক হোৱাৰ সম্ভাৱনা আছে।জি-৭ শীৰ্ষ সন্মিলনত অংশগ্ৰহণৰ বাবে ফ্ৰান্স ভ্ৰমণ কৰিবলৈ সাজু হৈছে প্ৰধানমন্ত্ৰী নৰেন্দ্ৰ মোদী।সংস্থাটোৰ মতে, এই সন্মিলন ১৫ জুনৰ পৰা ১৭ জুনলৈ অনুষ্ঠিত হ’ব।

শেহতীয়াকৈ ফ্ৰান্সৰ বৈদেশিক পৰিক্ৰমা মন্ত্ৰালয়ে এই ভ্ৰমণ নিশ্চিত কৰি এক বিবৃতি প্ৰকাশ কৰিছে।এই বিবৃতিত বৈদেশিক পৰিক্ৰমা মন্ত্ৰী এছ জয়শংকৰ আৰু ফ্ৰান্সৰ ইউৰোপ আৰু বৈদেশিক পৰিক্ৰমা মন্ত্ৰী জিন-ন’ৱেলৰ মাজত হোৱা কথোপকথনৰ মূল উল্লেখযোগ্য দিশসমূহৰ ৰূপৰেখা দাঙি ধৰা হৈছিল।এই কথা-বতৰা ফ্ৰান্সৰ Abbaye des Vaux-de-Cernay জি-৭ৰ বৈদেশিক মন্ত্ৰীসকলৰ বৈঠকৰ সময়ত হৈছিল।

ফ্ৰান্স চৰকাৰৰ এক বিবৃতিত কোৱা হৈছে যে:দুয়োগৰাকী মন্ত্ৰীয়ে এইটো কথাত আদৰণি জনায় যে ইভিয়ান শীৰ্ষ সন্মিলনত (১৫–১৭ জুন) প্ৰধানমন্ত্ৰী মোদীয়ে অংশগ্ৰহণ কৰাটো নিশ্চিত।এই কথা মনত ৰাখি দুয়োজন মন্ত্ৰীয়ে জি-৭ৰ কামত ভাৰতৰ অৱদানৰ ওপৰত গুৰুত্ব আৰোপ কৰে।’  

লগতে পঢ়ক: পুনৰ ভাৰতলৈ আহিব ৰাছিয়াৰ ৰাষ্ট্ৰপতি পুটিন, অংশ ল’ব ব্ৰিকছ সন্মিলনত