দেওবাৰে অনুষ্ঠিত হোৱা এখন হাই ভল্টেজ মেচত ভাৰতৰ হাতত শোচনীয় পৰাজয়ৰ সন্মুখীন হয় পাকিস্তান । লগে লগে টিম ইণ্ডিয়াই ছেমি ফাইনেলত প্ৰৱেশ কৰিবলৈ সক্ষম হয় ।

১৯ বছৰ অনুৰ্ধ বিশ্বকাপত দেওবাৰে অনুষ্ঠিত হোৱা এখন হাই ভল্টেজ মেচত ভাৰতৰ হাতত শোচনীয় পৰাজয়ৰ সন্মুখীন হয় পাকিস্তান । এই মেচখনত ভাৰতে পাকিস্তানক ৫৮ ৰাণত পৰাস্ত কৰে । ইয়াৰ লগে লগে টিম ইণ্ডিয়াই ১৯ বছৰ অনুৰ্ধ বিশ্বকাপ ২০২৬ৰ ছেমি ফাইনেলত প্ৰৱেশ কৰে । পাকিস্তানে টছত জয়লাভ কৰি প্ৰথমে বলিং কৰিবলৈ সিদ্ধান্ত লয় । প্ৰথমে বেটিং কৰি ভাৰতে সম্পূৰ্ণ ৫০ অভাৰ সম্পূৰ্ণ খেলাত ব্যৰ্থ হয় আৰু ২৫২ ৰানত অল আউট হয় । ইয়াৰ প্ৰত্যুত্তৰত পাকিস্তানে মাত্ৰ ১৯৪ ৰানহে কৰিবলৈ সক্ষম হয় ।

ইতিমধ্যে ইংলেণ্ড, অষ্ট্ৰেলিয়া, আফগানিস্তানে বিশ্বকাপৰ ছেমি ফাইনেলৰ বাবে যোগ্যতা অৰ্জন কৰিছে । সেয়েহে সকলোৰে দৃষ্টি ভাৰত বনাম পাকিস্তানৰ মেচখনৰ ওপৰত আছিল, কিয়নো ইয়াৰ ফলাফলে ছেমি ফাইনেললৈ যোৱা চতুৰ্থ দলটোক নিৰ্ধাৰণ কৰে ।

ছেমি ফাইনেলত ভাৰত-

ভাৰতীয় দলটোৱে পাকিস্তানক ২৫২ ৰানৰ লক্ষ্য নিৰ্ধাৰণ কৰি দিয়ে । নেট ৰান ৰেটত পাকিস্তান বহু পিছ পৰি আছিল আৰু ছেমি ফাইনেলত  প্ৰৱেশৰ বাবে এই মেচখনত ৩৩.৩ অভাৰতে লক্ষ্যত উপনীত হ’ব লাগিছিল । উছমান খান, অধিনায়ক ফাৰহান ইউছুফ আৰু অ’পেনাৰ হামজা জাহুৰে প্ৰথমে ভাৰতক চাপত ৰাখিছিল যদিও পাকিস্তানৰ মিডল অৰ্ডাৰ আৰু টেইল এণ্ডাৰ বেটছমেনসকলে ভাৰতীয় বলিং আক্ৰমণৰ সন্মুখত তিষ্ঠিত নোৱাৰি আত্মসমৰ্পণ কৰে ।

অধিনায়ক আয়ুষৰ মেচ বিজয়ী প্ৰদৰ্শন-

পাকিস্তানে মাত্ৰ দুটা উইকেট হেৰুৱাই ৩০ অভাৰতে ১৫১ ৰান সংগ্ৰহ কৰিছিল । স্ক’ৰব’ৰ্ড ৫তকৈ অধিক ৰান ৰেটত আগবাঢ়িছিল । পাকিস্তানী দলটো সহজ জয়ৰ কাষ চাপিছিল যেন লাগিছিল যদিও তাৰ পিছত আৰ এছ আম্ব্ৰিছে অধিনায়ক ফাৰহান ইউছুফক ৩৮ ৰানত আউট কৰে । ইয়াৰ পৰাই মেচখনৰ ফলাফল ভাৰতৰ পক্ষলৈ যায় ।

ইফালে, অধিনায়ক আয়ুষ মাহাত্ৰেই দুৰ্দান্ত বলিং আক্ৰমণ আৰম্ভ কৰে ।  তেওঁ বল হাতত তুলি লোৱাৰ কিছু সময়ৰ পিছতে আহমেদ হুছেইনক আউট কৰি পাকিস্তানক শলঠেকত পেলাই । উছমান খান তেতিয়াও ক্ৰীজত থাকি ভাৰতক চাপত ৰখাৰ প্ৰসায় কৰিছিল যদিও আয়ুষে তেওঁক ৬৬ ৰানত আউট কৰে । মাহাত্ৰেই একেৰাহে দুজন বেটছমেনক আউট কৰাত মেচখন ভাৰতৰ পক্ষলৈ ঘূৰি আহে । পাকিস্তানৰ অন্তিম ছটা উইকেট মাত্ৰ ৪৩ ৰানতে পতন ঘটে ।

লগতে পঢ়ক : টি-২০ বিশ্বকাপৰ পূৰ্বে পাকিস্তানৰ নতুন নাটক : ভাৰতৰ বিৰুদ্ধে মেচ নেখেলাৰ সিদ্ধান্ত

পাকিস্তান ক্ৰিকেট দলক তীব্ৰ কটাক্ষ আইচলেণ্ড ক্ৰিকেট ব’ৰ্ডৰ ! আইচলেণ্ড ক্ৰিকেটে কয় যে যদি পাকিস্তানে টি-২০ বিশ্বকাপৰ পৰা আঁতৰি যায় তেন্তে তেওঁলোকৰ ঠাইত খেলিবলৈ সম্পূৰ্ণৰূপে সাজু ।

আইচিচি পুৰুষ টি-২০ বিশ্বকাপ ২০২৬ক লৈ চলি থকা বিতৰ্কৰ মাজতে আইচলেণ্ড ক্ৰিকেটে পাকিস্তানক লৈ ছ’চিয়েল মিডিয়াত এটা ধেমেলীয়া পোষ্ট শ্বেয়াৰ কৰে । প্ৰতিযোগিতাখনৰ পৰা বাংলাদেশ বাহিৰ হোৱা আৰু পাকিস্তান ক্ৰিকেট ব’ৰ্ডৰ ভাবুকিৰ বাবে অফ-ফিল্ড ড্ৰামা ক্ৰমাগতভাৱে বৃদ্ধি পোৱাৰ সময়ত এই পোষ্টটো কৰিছে আইচলেণ্ডে ।

আইচলেণ্ড ক্ৰিকেটে পাকিস্তানৰ অংশগ্ৰহণক লৈ সৃষ্টি হোৱা অনিশ্চয়তাৰ প্ৰতি নিজৰ অফিচিয়েল এক্স একাউণ্টৰ জৰিয়তে সঁহাৰি জনাইছিল । ধেমেলীয়া সুৰত আইচলেণ্ড ক্ৰিকেটে কয় যে যদি পাকিস্তানে টি-২০ বিশ্বকাপৰ পৰা আঁতৰি যায় তেন্তে তেওঁলোকৰ ঠাইত খেলিবলৈ সম্পূৰ্ণৰূপে সাজু ।

আইচলেণ্ড ক্ৰিকেটে নিজৰ পোষ্টত লিখিছে, “আমাক সঁচাকৈয়ে পাকিস্তানে টি-২০ বিশ্বকাপত খেলিব নে নাই সেই সন্দৰ্ভত সিদ্ধান্তৰ প্ৰয়োজন । ২ ফেব্ৰুৱাৰীত তেওঁলোকে আঁতৰি যোৱাৰ লগে লগে আমি টেক অফৰ বাবে সাজু হৈছো । একমাত্ৰ সমস্যাটো হ’ল ৭ ফেব্ৰুৱাৰীৰ ভিতৰত কলম্বোত উপস্থিত হোৱাৰ বিমানৰ সময়সূচীটো এটা ডাঙৰ সমস্যা । এনেও আমাৰ অপেনিং বেটছমেন টোপনি নহা অসুখত ভোগিছে ।”

আইচিচিক লৈ প্ৰশ্ন উত্থাপন পাকিস্তানৰ-

আইচলেণ্ড ক্ৰিকেটৰ এই ধেমেলীয়া মন্তব্যই ছ’চিয়েল মিডিয়াত তীব্ৰ গতিত ভাইৰেল হৈ পৰিছে । অৱশ্যে এই লঘু কৌতুকৰ আঁৰত এটা গুৰুতৰ বিষয় আছে । শেহতীয়াকৈ পাকিস্তান ক্ৰিকেট ব’ৰ্ডৰ অধ্যক্ষ মহছিন নাকৱীয়ে আন্তঃৰাষ্ট্ৰীয় ক্ৰিকেট পৰিষদক প্ৰশ্ন উত্থাপন কৰিছিল । বাংলাদেশে নিৰাপত্তাজনিত চিন্তাৰ উদ্ধৃতি দি ভাৰতলৈ যাবলৈ অস্বীকাৰ কৰাৰ পিছত বাংলাদেশক প্ৰতিযোগিতাখনৰ পৰা বাদ দিয়াৰ সমালোচনা কৰে তেওঁ ।

মহছিন নাকৱীয়ে যুক্তি দিছিল যে বাংলাদেশ আই চি চিৰ পূৰ্ণ সদস্য আৰু পাকিস্তানৰ দৰেই ৰেহাই লাভ কৰিব লাগিছিল । এই প্ৰতিযোগিতাত পাকিস্তানী দলৰ খেলসমূহ শ্ৰীলংকাত অনুষ্ঠিত হোৱাৰ কথা । আইচিচিয়ে নিজৰ সিদ্ধান্তৰ পক্ষ লৈ কয় যে আভ্যন্তৰীণ আৰু বাহ্যিক নিৰাপত্তা সংস্থাৰ প্ৰতিবেদনত ভাৰতত বাংলাদেশী খেলুৱৈ, বিষয়া বা অনুৰাগীৰ বাবে কোনো সুনিৰ্দিষ্ট বা বিশ্বাসযোগ্য ভাবুকি পোৱা নাই । ইয়াৰ পিছতো বাংলাদেশে অংশগ্ৰহণ নকৰাৰ সিদ্ধান্তৰ পিছত আইচিচিয়ে ইয়াৰ ঠাইত স্কটলেণ্ডক প্ৰতিযোগিতাখনত অন্তৰ্ভুক্ত কৰে ।

মহছিন নাকৱীৰ এই বক্তব্যত পাকিস্তানেও শেষ মুহূৰ্তত প্ৰতিযোগিতা বৰ্জন কৰিব পাৰে নেকি সেই সন্দৰ্ভত জল্পনা-কল্পনাৰ সৃষ্টি হয় । অৱশ্যে পিচিবিয়ে ১৫ জনীয়া পাকিস্তানী দলটো এদিন পিছত ঘোষণা কৰে । জানিব পৰা মতে আইচিচিয়ে পাকিস্তানক স্পষ্টভাৱে সকীয়াই দিছে যে যদি বাংলাদেশৰ দৰে পদক্ষেপ গ্ৰহণ কৰে তেন্তে কঠোৰ নিষেধাজ্ঞাৰ সন্মুখীন হ’ব লাগিব । এনে যিকোনো সিদ্ধান্তই পাকিস্তানী ক্ৰিকেটত দীৰ্ঘম্যাদী নেতিবাচক প্ৰভাৱ পেলাব পাৰে ।

বৰ্তমান পাকিস্তানে ভাৰতত অনুষ্ঠিত হ’ব লগা আইচিচি প্ৰতিযোগিতাত “হাইব্ৰিড মডেল”ৰ অধীনত খেলিব । এইবাৰ দলটোৰ সকলো খেল শ্ৰীলংকাত অনুষ্ঠিত হোৱাৰ কথা । মহছিন নাকৱীয়ে ধাৰাবাহিকভাৱে জোৰ দি আহিছে যে বাংলাদেশকো একেধৰণৰ ৰেহাই দিয়া উচিত আছিল । বহুতে তেওঁৰ এই বক্তব্যক ভাৰতৰ ওপৰত পৰোক্ষ কটাক্ষ বুলি ব্যাখ্যা কৰিছে । ভাৰত আৰু পাকিস্তানৰ বহু প্ৰত্যাশিত খেলখন অহা ১৫ ফেব্ৰুৱাৰীত কলম্বোত অনুষ্ঠিত হ’ব ।

লগতে পঢ়ক : নিউজীলেণ্ডক ‘ক্লীন ছুইপ’ কৰাৰ লক্ষ্য ভাৰতীয় দলৰ, বিশাখাপট্টনমত আজি চতুৰ্থ টি-২০