পঞ্জাৱ অসামৰিক সচিবালয় আৰু মিনি সচিবালয়ৰ লগতে আৰক্ষী মুখ্য কাৰ্যালয়ক বোমাৰে উৰুৱাই দিয়াৰ ভাবুকি লাভ কৰিছে। এই ভাবুকিৰ পিছতে সমগ্ৰ কেম্পাছত হাই এলাৰ্ট ঘোষণা কৰা হয়।

পঞ্জাৱ সচিবালয় বোমাৰে উৰুৱাই দিয়াৰ ভাবুকি ইমেইল পোৱাৰ পিছতে আতংকিত হৈ পৰিছে প্ৰশাসন।সতৰ্কতামূলক ব্যৱস্থা হিচাপে আৰক্ষীয়ে নিৰাপত্তাৰ ব্যৱস্থা কটকটীয়া কৰি সমগ্ৰ চৌহদটোৰ তদন্ত আৰম্ভ কৰিছে।

ইমেইলৰ জৰিয়তে এই ভাবুকি প্ৰেৰণ কৰা হৈছে।এই ইমেইলত সচিবালয় কমপ্লেক্সত বিস্ফোৰণ সংঘটিত কৰাৰ কথা লিখা হৈছিল।

তথ্য লাভ কৰাৰ লগে লগে আৰক্ষী আৰু প্ৰশাসনে সচিবালয়ৰ চৌহদত উপস্থিত হৈ হিচাপে সমগ্ৰ সচিবালয় কমপ্লেক্সটো খালী কৰিছে, আৰু কৰ্মচাৰী আৰু জনসাধাৰণক সুৰক্ষিত স্থানলৈ স্থানান্তৰ কৰা হয়।নিৰাপত্তা সংস্থাই অঞ্চলটো ঘেৰাও কৰি হাই এলাৰ্ট ঘোষণা কৰে।

তথ্য অনুসৰি সংশ্লিষ্ট বিভাগে এটা ইমেইল লাভ কৰে য’ত সচিবালয়ত বোমা বিস্ফোৰণৰ সন্দৰ্ভত সতৰ্কবাণী দিয়া হয়।ইমেইলটোত সময়ৰ কথা উল্লেখ কৰা হৈছিল, যাৰ ফলত প্ৰশাসনৰ চিন্তা আৰু অধিক বৃদ্ধি পাইছে।লগে লগে আৰক্ষীয়ে অঞ্চলটোত বেৰিকেড লগাই সকলো প্ৰৱেশ আৰু প্ৰস্থান গেটতে কঠোৰ নিৰীক্ষণ আৰম্ভ কৰে।

এই ভাবুকিৰ পিছতে আৰক্ষী বাহিনী, বোমা নিষ্কাশন দল উপস্থিত হয়।নিৰাপত্তা সংস্থাসমূহে সচিবালয়ৰ প্ৰতিটো অংশত পুংখানুপুংখ অভিযান আৰম্ভ কৰিছে।

জানিব পৰা মতে, ইমেইলটোত লিখা আছিল যে পঞ্জাৱ সচিবালয়ত দুপৰীয়া ২:১১ বজাত আৰু চণ্ডীগড় ক’ৰ্ট কমপ্লেক্সত বিয়লি ৩:১১ বজাত বিস্ফোৰণ হ’ব।এই কাৰণে আদালত চৌহদত নিৰাপত্তা বৃদ্ধি কৰাৰ লগতে অতিৰিক্ত আৰক্ষী বাহিনী মোতায়েন কৰা হৈছে।

লগতে পঢ়ক: ‘মমতা বেনাৰ্জীয়ে কৰিছে আতংক,আঁতৰাইছে সকলো প্ৰমাণ’; উচ্চতম ন্যায়ালয়ত ইডিৰ অভিযোগ

পঞ্জাৱৰ জলন্ধৰত আম আদমি পাৰ্টিৰ নেতা লাকী ওবেৰয়ক গুলীয়াই হত্যা কৰা হৈছে। নিজৰ বাহনৰ ভিতৰতে গুলীয়াই হত্যা লাকী ওবেৰয়ক।

পঞ্জাৱৰ জলন্ধৰত দিন-দুপৰতে এক ভয়ংকৰ ঘটনা সংঘটিত হৈছে। আম আদমী পাৰ্টীৰ নেতা লাকী ওবেৰয়ক গুলীয়াই হত্যা দুৰ্বৃত্তৰ।

শুকুৰবাৰে পুৱা জলন্ধাৰৰ মডেল টাউন অঞ্চলত আম আদমি পাৰ্টিৰ নেতা লাকী ওবেৰয়ক গুলীয়াই হত্যা কৰা হয়।এই ঘটনাটো মডেল টাউনত অৱস্থিত গুৰুদ্বাৰা চাহিবৰ বাহিৰত সংঘটিত হৈছে।

কোনো অজ্ঞাত আক্ৰমণকাৰীয়ে প্ৰায় ১৫ ৰ পৰা ১৫ জাঁই গুলীচালনা কৰে। যাৰ ভিতৰত ৬টা গুলী লাকী ওবেৰয়ৰ দেহত বিদ্ধ হয়।

আপ নেতা গৰাকীৰ হত্যাৰ পিছতে জলন্ধৰ চহৰত আতংকময় পৰিৱেশৰ সৃষ্টি হৈছে। প্ৰত্যক্ষদৰ্শীৰ মতে, বাহনখনত গৈ থকা লাকী ওবেৰয়ক হঠাতে দুষ্কৃতিকাৰীয়ে আক্ৰমণ কৰে।

গুলীচালনাৰ শব্দই সমগ্ৰ অঞ্চলটোত আতংকৰ সৃষ্টি কৰিছিল। ঘটনাটোৰ পিছতেই লাকী ওবেৰয়ক হাস্পতালত ভৰ্তি কৰোৱা হয় যদিও চিকিৎসকে মৃত ঘোষাণা কৰে। বৰ্তমান আৰক্ষীয়ে ঘটনাটোক লৈ তদন্ত আৰম্ভ কৰিছে। ঘটমনাস্থলীৰ পৰা কেইবাটাও খালী গুলীৰ কাৰ্টিজ উদ্ধাৰ কৰা হৈছে।

লগতে পঢ়ক: ‘যাৰ চৰকাৰ সুৰাৰ ৰাগীত ডুব গ’ল,যাৰ কাঁচৰ ৰাজপ্ৰসাদ…’; ৰাজ্যসভাত আপক প্ৰধানমন্ত্ৰী মোদীৰ তীক্ষ্ণ আক্ৰমণ