শেহতীয়াকৈ ৰাখী সাৱন্তই এটা সাক্ষাৎকাৰত তেওঁৰ জীৱনৰ আটাইতকৈ ডাঙৰ দুখৰ বিষয়ে স্পষ্টভাৱে কয়।তেওঁ কৈছিল যে, আজিলৈকে তেওঁ জীৱনত কেতিয়াও প্ৰকৃত প্ৰেম বিচাৰি নাপালে।
ৰাখী সাৱন্তক লাগিলে ড্ৰামা কুইন, মনোযোগ বিচৰা বা আন কিবা বুলি নকওক কিয় কিন্তু এটা কথা নিশ্চিত যে মনোৰঞ্জনৰ কথা আহিলে তেওঁৰ কোনো তুলনা নাই। পেছাদাৰী জীৱনত তেওঁ নিজৰ চৰ্তত কামবোৰ পৰিচালনা কৰিছিল যদিও ব্যক্তিগত জীৱনত তেওঁ বহু উত্থান-পতনৰ সন্মুখীন হৈছিল।আজিলৈকে জীৱনত ৰাখী সাৱন্তে প্ৰকৃত প্ৰেম বিচাৰি নোপোৱাৰ বাবে অনুশোচনা কৰে।
এটা সাক্ষাৎকাৰত ৰাখীয়ে তেওঁৰ প্ৰাক্তন স্বামী আদিল খান দুৰানীৰ বিৰুদ্ধেও অভিযোগ উত্থাপন কৰি তেওঁক হত্যাৰ চেষ্টা কৰাৰ অভিযোগ উত্থাপন কৰে।ৰাখীয়ে কয়, “মানুহে মোক ‘ৱাইফ মেটেৰিয়েল’ বুলি নাভাবে কাৰণ মই আপফ্ৰন্ট,জীৱিকা উপাৰ্জন আৰু ঘৰ চলাবৰ বাবে…।বাহিৰত আন ছোৱালী আছে যিয়ে ৰাস্তাত উলংগ হৈ ঘূৰি ফুৰে, তথাপিও তেওঁলোক নিমাত হৈ থাকে, সেইবোৰেই মানুহে গ্ৰহণযোগ্য বুলি বিবেচনা কৰে। কিন্তু মোৰ দৰে ছোৱালী এজনীয়ে কেৱল বিয়া হ’বলৈ ভাল ল’ৰা বিচাৰি নাপায়।”
মন কৰিবলগীয়া যে ২০১৯ চনত ৰাখী সাৱন্তই ৰিতেশ সিঙৰ সৈতে প্ৰথমবাৰৰ বাবে বিবাহপাশত আবদ্ধ হৈছিল। বিগ বছটো এই যুটিটোক একেলগে দেখা গৈছিল। সমগ্ৰ অনুষ্ঠানটোত বিভিন্ন কাৰণত এই দম্পতীহালে শিৰোনাম দখল কৰি থাকিল আৰু অৱশেষত ২০২২ চনত তেওঁলোকৰ পথ বিচ্ছিন্ন হৈ পৰে। চলিত বৰ্ষৰ আৰম্ভণিতে ৰাখীয়ে ব্যৱসায়ী আদিল দুৰানীৰ সৈতে দ্বিতীয় বিবাহত লিপ্ত হৈছিল।কিন্তু তেওঁৰ এই দ্বিতীয় বিবাহো অতি কম সময়ৰ বুলি প্ৰমাণিত হ’ল।মাত্ৰ কেইমাহমানৰ পিছত তেওঁলোকৰ বিবাহ বিচ্ছেদ হৈছিল। সেই সময়ত দুয়োজনে ইজনে সিজনৰ বিৰুদ্ধে কেইবাটাও গুৰুতৰ অভিযোগ উত্থাপন কৰিছিল। ৰাখী এতিয়া আকৌ এবাৰ প্ৰেমৰ সন্ধানত, কিন্তু তেওঁৰ মতে তেওঁক কোনেও বিয়া কৰাব নিবিচাৰে।
ৰাখীয়ে কয় যে, মায়ে মোক বিয়া পাতিবলৈ কৈছিল।তেওঁৰ হেঁচাত পৰিয়েই শেষত ভুল মানুহজনক বিয়া কৰাইছিলোঁ। পিছত আৱিষ্কাৰ কৰিলোঁ যে সমগ্ৰ পৃথিৱীতে ইয়াতকৈ বেয়া কোনো নাই।
অভিনেত্ৰী গৰাকীয়ে আৰু কয় “তেওঁ মোক আগতে মাৰপিট কৰিছিল, গালি-গালাজ কৰিছিল। মোক অত্যাচাৰ কৰিছিল। তেওঁ ইমান ‘মিঠা বিষ’ দিব যে শেষত ছোৱালীজনীয়ে নিজেই আত্মহত্যা কৰিব। আনকি তেওঁ মোক পেলাই দিয়াৰ উদ্দেশ্যেৰে মোক এটা নিৰ্দিষ্ট স্থানলৈ লৈ গৈছিল। মই তাৰ পৰা পলাই আহিলোঁ। মই তেওঁৰ পৰিকল্পনা বুজি পাইছিলোঁ। মোৰ সম্পত্তি জব্দ কৰিবলৈ সি মোক মাৰিব বিচাৰিছিল।সি মোৰ পৰা তিনি কোটি টকা প্ৰৱঞ্চনা কৰিলে।”
লগতে পঢ়ক: “তেওঁলোক ঐশ্বৰিক…”; অনন্যা পাণ্ডেক পুনৰ কটাক্ষ কংগনা ৰানাৱটৰ
