ফাইনেলত প্ৰথমে বেটিং কৰি গুজৰাট টাইটানছে ৰয়েল চেলেঞ্জাৰছ বেংগালুৰুৰ সন্মুখত ১৫৬ ৰানৰ লক্ষ্য বান্ধি দিয়ে।

আহমেদাবাদৰ নৰেন্দ্ৰ মোদী ষ্টেডিয়ামত খেলি থকা আই পি এল ২০২৬ ৰ ফাইনেল মেচখনত গুজৰাট টাইটানছে প্ৰথমে বেটিং কৰি ২০ অভাৰত ৮ টা উইকেট হেৰুৱাই ১৫৫ ৰাণ সংগ্ৰহ কৰে। দলটোৰ হৈ ৱাশ্বিংটন সুন্দৰে আটাইতকৈ ডাঙৰ ইনিংছ খেলি ৩৭ টা বলত ৫ টা চাৰিৰ সহায়ত ৫০ ৰাণ সংগ্ৰহ কৰে। দলৰ তাৰকা বেটছমেন শুভমন গিল, জছ বাটলাৰ আৰু ছাই সুদৰ্শন সম্পূৰ্ণৰূপে ফ্লপ প্ৰমাণিত হয়। এই খেলখনত বেংগালুৰুৰ হৈ ৰাশিখ ছালাম দাৰে সৰ্বাধিক ৩ টা উইকেট দখল কৰে।

মেচখনত বেংগালুৰুৰ অধিনায়ক ৰজত পাটিদাৰে টছত জিকি প্ৰথমে বলিং কৰাৰ সিদ্ধান্ত লয়। প্ৰথমে বেটিং কৰাৰ আমন্ত্ৰণ পোৱা গুজৰাটৰ আৰম্ভণি একেবাৰেই ভাল নহ’ল। দলটোৱে ২২ ৰাণৰ স্ক’ৰতে প্ৰথমটো উইকেট হেৰুৱায়, যেতিয়া অধিনায়ক শুভমন গিল মাত্ৰ ১০ ৰাণ কৰি পেভিলিয়নলৈ উভতি যায়।

ইয়াৰ পিছত দলটোৱে ২৬ ৰাণত দ্বিতীয়টো উইকেট, ৫৫ ৰাণত তৃতীয়টো উইকেট, ৭৩ ৰাণত চতুৰ্থটো উইকেট, ৯৯ ৰাণত পঞ্চমটো উইকেট, ১১৫ ৰাণত ষষ্ঠটো উইকেট,১৪২ ৰাণত সপ্তমটো উইকেট আৰু ১৫১ ৰাণত অষ্টমটো উইকেট হেৰুৱায়।

আটাইতকৈ ডাঙৰ ইনিংছ খেলা সুন্দৰৰ বাহিৰে দলটোৰ হৈ ছাই সুদৰ্শনে ১২ ৰাণ, অধিনায়ক শুভমন গিলে ১০ ৰাণ, নিশাম্ব সিন্ধুৱে ২০ ৰাণ, জছ বাটলাৰে ১৯ ৰাণ, আৰ্শদ খানে ১৫ ৰাণ, ৰাহুল টেৱাটিয়াই ০৭ ৰাণ, জেছন হ’ল্ডাৰে ০৭ ৰাণ, ৰাছিদ খানে ০৭ ৰাণ আৰু কাগিছ’ ৰাবাডাই ০৩ ৰাণ সংগ্ৰহ কৰে।

বেংগালুৰুৱে নিশ্চিতভাৱে দ্বিতীয়টো খিতাপ অৰ্জন কৰিব বিচাৰিব। দলটোৱে যোৱা ছিজনত অর্থাৎ ২০২৫ চনত নিজৰ প্ৰথমটো খিতাপ জয় কৰিছিল। এতিয়া অধিনায়ক ৰজত পাটিদাৰৰ নেতৃত্বত বেংগালুৰুৱে ধাৰাবাহিকভাৱে দ্বিতীয়বাৰৰ বাবে ট্ৰফীত নিজৰ নাম খোদিত কৰিব পাৰে।

বেংগালুৰুৱে দ্বিতীয়টো ট্ৰফী লাভ কৰিবলৈ ১৫৬ ৰাণ কৰিব লাগিব। এতিয়া দলটোৱে এই লক্ষ্য খেদি কেনে প্ৰদৰ্শন কৰে, সেয়া চোৱাটো আকৰ্ষণীয় হ’ব।

ছেন্নাই ছুপাৰ কিংছ আৰু মুম্বাই ইণ্ডিয়ানছৰ পিছত ধাৰাবাহিকভাৱে দুখন ট্ৰফী জয় কৰা তৃতীয়টো দল হোৱাৰ সুযোগ আছে বেংগালুৰুৰ সন্মুখত।

লগতে পঢ়ক: বিচিচিআইৰ ডাঙৰ সিদ্ধান্ত; ইণ্ডিয়া এ টীমৰ পৰা বাদ পৰিল ৰিয়ান পৰাগ

২৮ মাৰ্চত এম চিন্নাস্বামী ষ্টেডিয়ামত আৰ চি বি আৰু এছ আৰ এইচৰ মাজত আই পি এলৰ ১৯ সংখ্যক সংস্কৰণৰ প্ৰথমখন মেচ অনুষ্ঠিত হ’ব ।কিন্তু তাৰ পূৰ্বে বিচিচিআই এ আই পি এল ২০২৬ ক লৈ ডাঙৰ সিদ্ধান্ত গ্ৰহণ নকৰে।

আই পি এল ২০২৬ ৰ প্ৰথমখন মেচ ২৮ মাৰ্চত ৰয়েল চেলেঞ্জাৰছ বেংগালুৰু আৰু ছানৰাইজাৰ্ছ হায়দৰাবাদৰ মাজত অনুষ্ঠিত হ’ব। এই খেলখন সন্ধিয়া ৭:৩০ বজাৰ পৰা বেংগালুৰুৰ এম চিন্নাস্বামী ষ্টেডিয়ামত আৰম্ভ হ’ব।কিন্তু এইবাৰ আই পি এলত কোনোধৰণৰ উদ্বোধনী অনুষ্ঠান নাথাকিব। বিচিচিআইৰ সম্পাদন দেৱজিৎ শইকীয়াই এই কথা নিশ্চিত কৰিছে।

বিগত বৰ্ষৰ ৪ জুনত আৰ চি বিৰ বিজয় পেৰেডৰ সময়ত এম চিন্নাস্বামী ষ্টেডিয়ামৰ বাহিৰত পদপৃষ্ট হৈ ১১ জন লোকৰ মৃত্যু হৈছিল।তেওঁলোকৰ প্ৰতি সংবেদনশীলতা, স্মৃতি, আৰু সন্মান প্ৰদৰ্শন কৰি বিচিচিআইয়ে উদ্বোধনী অনুষ্ঠান অনুষ্ঠিত নকৰাৰ সিদ্ধান্ত লৈছে।যোৱা বছৰ আৰ চি বিয়ে পঞ্জাব কিংছক পৰাস্ত কৰি প্ৰথমটো আই পি এল খিতাপ দখল কৰিছিল।

বি চি চি আইয়ে শনিবাৰে, আই পি এলৰ প্রথমখন খেলৰ পূর্বে কোনো ধৰণৰ উদযাপন নকৰাৰ সিদ্ধান্ত লোৱা হৈছে৷অৱশ্যে বিচিচিআইৰ সম্পাদক দেৱজিৎ শইকীয়াই কয় যে বিচিচিআই আৰু আইপিএল গভৰ্নিং কাউন্সিলে আইপিএল ২০২৬ৰ ভৱ্য সামৰণি অনুষ্ঠানৰ পৰিকল্পনা কৰিছে।

দেৱজিৎ শইকীয়াই কয়, “যোৱা বছৰৰ ৪ জুনত সংঘটিত হোৱা কৰুণ ঘটনাৰ বাবে, আই পি এল ২০২৬ৰ মুকলি দিনটোত কোনো ধৰণৰ আনুষ্ঠানিক অনুষ্ঠান নাথাকিব।বিচিচিআইয়ে কোনো সাংস্কৃতিক অনুষ্ঠানৰ আয়োজন কৰা নাই। অৱশ্যে আই পি এলৰ ফাইনেলৰ দিনটোত বি চি চি আইয়ে এক বৃহৎ সামৰণি অনুষ্ঠানৰ পৰিকল্পনা কৰিবও পাৰে।

মন কৰিবলগীয়া যে অহা ৩১ মে’ত আই পি এল ২০২৬ৰ ফাইনেল অনুষ্ঠিত হ’ব।১০টা দলৰ এই লীগৰ বাবে বিচিচিআইয়ে এতিয়ালৈকে মাত্ৰ ২০খন খেলৰ সময়সূচীহে ঘোষণা কৰিছে।

লগতে পঢ়ক: ভাৰতৰ প্ৰস্তুতিৰ পৰা ৰোহিত-কোহলী ফেক্টৰলৈ… কেতিয়া, ক’ত আৰু কিয় বিশেষ হ’ব এদিনীয়া বিশ্বকাপ ?