অসমৰ জনপ্ৰিয় কণ্ঠশিল্পী মহেন্দ্ৰ হাজৰীকাক চিনি নোপোৱা মানুহ হয়টো নোলাব। সেই মহেন্দ্ৰ হাজৰীকাই সামাজিক মাধ্যমত এটা আৱেগিক পোষ্ট দিছে। তেওঁ অসমবাসীলৈ এটা আহ্বান জনাইছে।
ফেচবুকত তেওঁ লিখিছে যে “মোৰ মৃত্যুত যেন প্ৰচাৰৰ মহোৎসৱ নহওক” । পোষ্টটো শ্বেয়াৰ কৰি লিখিছে যে ‘মোৰ কাম্য এই গীতিময়ী জীৱনৰ’। অৱশ্যে শিল্পী গৰাকীয়ে কি কাৰণত এই পোষ্টটো কৰিচে তাৰ কোনো উল্লেখ নাই।
ডিব্ৰুগড় লেঙেৰীৰ ৫২ নং B ৰাষ্ট্ৰীয় ঘাইপথত এক ভয়ংকৰ পথ দুৰ্ঘটনা সংঘটিত হৈছে। ঘন কুঁৱলীৰ বাবে নিয়ন্ত্ৰণ হেৰুৱাই পথৰ কাষত বাগৰিল ১০৮ বাহন ।
দুৰ্ঘটনাটোৰ ফলত আশা কৰ্মীসহ কেইবা জনো অহত হোৱা বুলি জানিব পৰা গৈছে । জানিব পৰা মতে জয়পুৰৰ পৰা অসম মেডিকেল কলেজলৈ ৰোগী কঢ়িয়াই নিছিল এম্বুলেন্স খনে। সেই সময়তে দুৰ্ঘটনাত পতিত হয় ১০৮ বাহনখন।
ঢেকিয়াজুলিত এক শোকাৱহ ঘটনা সংঘটিত হৈছে। শিক্ষকৰ প্ৰহাৰত প্ৰাণ গ’ল সপ্তম শ্ৰেণীৰ ছাত্ৰৰ ।শিক্ষক উত্তম বক্সি মহন্তৰ প্ৰহাৰত মৃত্যু হোৱাৰ অভিযোগ সপ্তম শ্ৰেনীত অধ্যয়নৰত ছাত্ৰ অমন মাহাতুৰ।
ঢেকিয়াজুলিৰ চিৰাজুলিৰ নিউ হৰাইজন স্কুলত সংঘটিত হৈছে এই ঘটনাটো।জানিব পৰা মতে এক সপ্তাহ পূৰ্বে শিক্ষক উত্তম বক্সি মহন্তই পাঠদানৰ সময়তে অমানুষিকভাৱে প্ৰহাৰ কৰিছিল অমন মাহাতুক।
দুদিন পিছত ছাত্ৰ গৰাকীৰ স্বাস্থৰ অৱনমতি হোৱাত পৰিয়ালৰ লোকে TMCH ত ভৰ্তি কৰাইছিল অমনক। কিন্তু চিকিৎসাধীন অৱস্থাতে বৃহস্পতিবাৰে বিয়লি মৃত্যু হয় ছাত্ৰগৰাকীৰ।
অতি দৰিদ্ৰ পৰিয়ালটোৰ পিতৃ-মাতৃৰ একমাত্ৰ সন্তান আছিল অমন মাহাতু।ছাত্ৰ গৰাকীৰ মৃত্যুৰ পিছত অঞ্চলযুৰী তীব্ৰ প্ৰতিক্ৰিয়াৰ সৃষ্টি হৈছে।
ঘটনাক কেন্দ্ৰকৰি শিক্ষক উত্তম বক্সি মহন্তৰ বিৰুদ্ধে এজাহাৰ দাখিল মৃত ছাত্ৰ গৰাকীৰ পৰিয়ালৰ।জানিব পৰা মতে শিক্ষক উত্তম বক্সি মহন্ত বৰ্তমান আৰক্ষীৰ জিম্মাত আছে।পষ্ট মৰ্টেম তথা আৰক্ষীৰ তদন্তৰ পাছতহে প্ৰকৃত ঘটনা পোহৰলৈ আহিব।
উৰুকাৰ নিশা ভেলাঘৰত হাঁহে মাঁহে এসাজ খাম বুলি সকলোৱে হয়টো ভাবিছে। কিন্তু সেই আনন্দত বতৰে দিব পাৰে বাধা। উৰুকাৰ আনন্দ বতৰে ম্লান কৰাৰ পূৰ্ণ সম্ভাৱনা আছে।
কাৰণ উৰুকাৰ নিশা ৰাজ্যত ধুমুহা বৰষুণৰ হাই এলাৰ্ট বতৰ বিজ্ঞান কেন্দ্ৰৰ। উজনিৰ পৰা নামনি লৈ শিলাবৃষ্টিৰ বাবে হাই এলাৰ্ট জাৰি কৰা হৈছে।
ৰাজ্যৰ লাখ লাখ কৃষকৰ বাবে আহিছে এক ভাল খবৰ ।ফচল বীমাৰ নতুন নিয়মক লৈ মুখ্যমন্ত্ৰী ড০ হিমন্ত বিশ্ব শৰ্মাৰ ডাঙৰ মন্তব্য। সৰুসজাই ষ্টেডিয়ামত ৰাজ্যৰ কৃষক সকলক মুখ্যমন্ত্ৰী গৰাকীয়ে দিলে ভালখবৰ।
আপোনাৰ খেতি যদি বান্দৰ বা হাতীয়ে নষ্ট কৰে তেনেহলে এতিয়াৰ পৰা আপুনি লাভ কৰিব ক্ষতিপূৰণ। ফচল বীমা কৰিলেই এই ক্ষতিপূৰণ লাভ কৰিব কৃষকসকলে।
বান্দৰ, হাতীয়ে নষ্ট কৰা খেতিৰ ক্ষতিপূৰণ দিবলৈ কেন্দ্ৰক আহ্বান মুখ্যমন্ত্ৰীগৰাকীৰ। ইতিমধ্যে বানপানীয়ে নষ্ট কৰা খেতিৰ ক্ষতিপূৰণ পাই আহিছে কৃষকসকলে। কেন্দ্ৰৰ পৰা আৰু ২০০-৩০০ কোটি পুঁজিৰ অনুৰোধ মুখ্যমন্ত্ৰী গৰাকীৰ ।
বিহু নৃত্যৰ পিছত এইবাৰ বিশ্ব ৰেকৰ্ড গঢ়িবলৈ ওলাইছে ঝুমুৰ নৃত্যই। ২৪ ফেব্ৰুৱাৰীত গুৱাহাটীত হ’ব এই অনুষ্ঠান।দিছপুৰত সংবাদমেলত এই কথা ঘোষণা সাংস্কৃতিক মন্ত্ৰী বিমল বৰাৰ।
সংবাদমেলখনত বিমল বৰাই লগতে কয় যে প্ৰধানমন্ত্ৰী নৰেন্দ্ৰ মোডীৰ উপস্থিতিত সৰুসজাইত প্ৰদৰ্শন কৰা হ’ব ঝুমুৰ নৃত্য। ৮ হাজাৰ শিল্পীয়ে পৰিৱেশন কৰিব ঝুমুৰ নৃত্য ।বিহুৰ দৰে ঝুমুৰ নৃত্যৰ শিল্পী সকলকো দিয়া হ’ব ধনৰাশি।
সোমবাৰৰ পৰা প্ৰতিটো সমষ্টিতে আৰম্ভ হব বাছনী প্ৰক্ৰিয়া। ১৯ ফেব্ৰুৱাৰীত প্ৰতিখন জিলাৰ পৰা বাছনি প্ৰাপ্ত শিল্পীসকলক গুৱাহাটীলৈ অনা হ’ব। আৰু ২১ ৰ পৰা ২৩ ফেব্ৰুৱাৰীলৈ হ’ব চুড়ান্ত আখৰা ।
নৱবৰ্ষৰ আৰম্ভণিতে ধৰাৰ বুকুলৈ নামিছে প্ৰচণ্ড শীত। ডাঠ কুঁৱলীয়ে আৱৰিছে প্ৰকৃতি। প্ৰচণ্ড কুঁৱলীৰ আচ্ছাদনে ছানি ধৰিছে ৰাজ্যৰ সকলো প্ৰান্ত।পুহৰ জাৰত কঁপিছে সমগ্ৰ অসম।
অত্যধিক কুঁৱলীৰ বাবে ব্যাহত স্বাভাৱিক জনজীৱন। ১৭ জিলাত আজি নিশালৈ প্ৰচণ্ড বৰষুণৰ আগজাননী জাৰী কৰা হৈছে।৫ তাৰিখলৈ ৰাজ্যজুৰি জাৰি কৰিচে ইয়েল্ল’ এলাৰ্ট ।
অধিক নিম্মগামী হৈছে পাৰাস্তম্ভ, বাঢ়িছে শীতৰ প্ৰকোপ।হিম প্ৰৱাহে ঢৌ খেলিছে দেশজুৰি।জানিব পৰা মতে সমগ্ৰ জানুৱাৰী মাহটো কঁপিব উত্তৰ ভাৰত আৰু উত্তৰ পূব।আজি গুৱাহাটীত সৰ্বনিম্ন তাপমাত্ৰা ১৩, সৰ্বাধিক ২২ ডিগ্ৰী ছেলচিয়াছ।শোণিতপুৰত সৰ্বনিম্ন তাপমাত্ৰা ৭, সৰ্বাধিক ১৮ ডিগ্ৰী ছেলচিয়া।
কামৰূপ গ্ৰাম্যত সৰ্বনিম্ন তাপমাত্ৰা ১২, সৰ্বাধিক ১৮ ডিগ্ৰী ছেলচিয়াছ। ধুবুৰীত সৰ্বনিম্ন তাপমাত্ৰা ১৪, সৰ্বাধিক ২৩ ডিগ্ৰী ছেলচিয়াছ।শিলচৰত সৰ্বনিম্ন তাপমাত্ৰা ১৩, সৰ্বাধিক ২৬ ডিগ্ৰী ছেলচিয়াছ। বৰপেটাত সৰ্বনিম্ন তাপমাত্ৰা ১৩, সৰ্বাধিক ২৪ ডিগ্ৰী ছেলচিয়াছ।
মৰিগাঁৱত সৰ্বনিম্ন তাপমাত্ৰা ১২, সৰ্বাধিক ২৪ ডিগ্ৰী ছেলচিয়াছ শ্ৰীভূমিত সৰ্বনিম্ন তাপমাত্ৰা ১৪, সৰ্বাধিক ২৫ ডিগ্ৰী ছেলচিয়াছ। উজনিৰ যোৰহাটত সৰ্বনিম্ন তাপমাত্ৰা ১১, সৰ্বাধিক ২১ ডিগ্ৰী ছেলচিয়াছ। বিশ্বনাথত সৰ্বনিম্ন তাপমাত্ৰা ৯, সৰ্বাধিক ১৮ ডিগ্ৰী ছেলচিয়াছ। ধেমাজিত সৰ্বনিম্ন তাপমাত্ৰা ১০, সৰ্বাধিক ২৪ ডিগ্ৰী ছেলচিয়াছ।
বিশ্বৰ সৰ্ববৃহৎ নদীবান্ধ নিৰ্মাণৰ দিশে আগবাঢ়িছে চীন । তীব্বতত ব্ৰহ্মপুত্ৰক ভেদিব চীনে। তীব্বতৰ ব্ৰহ্মপুত্ৰৰ উৎসতেই এই বান্ধ নিৰ্মাণ কৰিব চীনে। য়াৰলুং চাংপো নামেৰে ব্ৰহ্মপুত্ৰক জনা যায় তীব্বতত। এই নদীবান্ধ নিৰ্মাণৰ ফলত ভাবুকি আহিব ব্ৰহ্মপুত্ৰ উপত্যকাৰ বাবে। অৰুণাচল-অসমৰ বাবে ই হৈ পৰিব অশনি সংকেট। ১৩৭ বিলিয়ন US ডলাৰ চীনে খৰচ কৰিব এই বান্ধ নিৰ্মাণত ।
অৰুণাচলত প্ৰৱেশ কৰাৰ পূৰ্বেই ব্ৰহ্মপুত্ৰই বৃহৎ হু-TERত্ত্ব লয়। এই অঞ্চলটোতেই বান্ধ নিৰ্মাণ কৰিব চীনে। এই বান্ধৰ ফলত অৰুণাচল আৰু অসমত সৃষ্টি হ’ব পাৰে ভয়াৱহ বানৰ। তীব্বতৰ সেই অঞ্চলটো ভূমিকম্প প্ৰৱণ। এই অঞ্চলত বিশ্বৰ সৰ্ববৃহৎ নদীবান্ধ নিৰ্মাণ কৰিবলৈ গৈ আছে চীনে। ব্ৰহ্মপুত্ৰৰ পানী উৎসতে নিয়ন্ত্ৰণত ৰাখি চীনে চাপত ৰাখিব পাৰিব ভাৰতক।
বিশেষজ্ঞৰ দাবী- খৰালি কালত চীনে উৎসত আৱদ্ধ কৰি ৰাখিব পানী। যাৰফলত সৃষ্টি হ’ব ভয়াৱহ খৰাঙৰ। এই নদীবান্ধৰ ফলত কেৱল ভাৰতৰে নহয়, বাংলাদেশৰ প্ৰতিও আহিব ভাবুকি। সমগ্ৰ উত্তৰ-পূবৰ বাবে এতিয়া চিন্তনীয় বিষয়, শুকাই যাব নেকি ব্ৰহ্মপুত্ৰ নদী?
ৰাজ্যত পুনৰ গ্ৰেপ্তাৰ কৰা হৈছে জইছ -ই- মহম্মদৰ দুৰ্ধৰ্ষ সদস্যক। ধুবুৰী আৰু কোকৰাঝাৰ জিলাত STF ৰে চলাইছিল অভিযান।
সেই অভিযানতে জইছ -ই- মহম্মদৰ ৮ দুৰ্ধৰ্ষ সদস্যক গ্ৰেপ্তাৰ কৰে ধুবুৰী আৰু কোকৰাঝাৰ আৰক্ষীয়ে। গ্ৰেপ্তাৰ কৰা দুৰ্ধৰ্ষ সদস্যকেইটা নুৰ ইছলাম,মুজিবৰ ৰহমান, হামিদুৰ ইছলাম, এনামুল হক আৰু আব্দুল কৰিম।
কোকৰাঝাৰ জিলাৰ জয়পুৰৰ নামাপাৰাত পৰা চাৰিজন আৰু ধুবুৰী জিলাৰ পৰা চাৰিজন আটক কৰিবলৈ সক্ষম হয় অসম আৰক্ষী।
দীৰ্ঘদিন ধৰি বিভিন্ন কাম-কাজ চলাই আহিছিল সদস্যকেইটাই । বৰ্তমান ধৃত সদস্যকেইটাক জেৰা অব্যাহত ৰাখিছে STFয়ে।