কেন্দ্ৰীয় গৃহমন্ত্ৰী অমিত শ্বাহে আজি পাকিস্তানক সকীয়াই দি কৈছে যে, ‘সন্ত্ৰাসবাদৰ বিৰুদ্ধে মোডী চৰকাৰৰ শূন্য সহনশীলতা নীতি গ্ৰহণ কৰা হ’ব’।

‘ আমি পহলগাম আক্ৰমণৰ লগত জড়িত প্ৰতিজন সন্ত্ৰাসবাদীক হত্যা কৰিম।চৰকাৰে কাকো ৰেহাই নিদিয়ে’।

দিল্লীৰ পৰাই পাকিস্তানক হুংকাৰ দি কেন্দ্ৰীয় গৃহমন্ত্ৰী অমিত শ্বাহে কয় যে ‘কাপুৰুষ পাকিস্তানিক মাটিৰ পৰা উভালি পেলোৱা হ’ব। সন্ত্ৰাসবাদীক প্ৰশ্ৰয় দিয়াৰ বাবে পাকিস্তানে এতিয়া শাস্তি ভুগিব লাগিব’।

তেওঁ লগতে কয় যে, ‘পেহেলগামত সন্ত্ৰাসবাদৰ বলি হোৱা আমাৰ ভাই-ভনীসকললৈ শ্ৰদ্ধাঞ্জলি।তেওঁলোকৰ পৰিয়ালক ক’ব বিচাৰিছো যে এই দুখ কেৱল তেওঁলোকৰ নহয় সমগ্ৰ দেশৰ দুখ’।

‘আমি সমগ্ৰ দেশক ক’ব বিচাৰো যে দেশৰ প্ৰধানমন্ত্ৰীয়ে সন্ত্ৰাসবাদৰ বিৰুদ্ধে শূন্য সহনশীলতা নীতি মানি চলে।যদি পেহেলগাম আক্ৰমণৰ পিছত তেওঁলোকে ভাবে যে এইটোৱেই তেওঁলোকৰ জয়’।

‘তেনেহলে, আপোনালোকে ভুল বুজিছে।মোদী চৰকাৰে কাকো ৰেহাই নিদিয়ে ।সন্ত্ৰাসবিৰোধী এই যুঁজত সমগ্ৰ বিশ্ব আমাৰ লগত আছে।যেতিয়ালৈকে সন্ত্ৰাসবাদ শেষ নহয় তেতিয়ালৈকে আমাৰ যুঁজ চলিয়েই থাকিব’।

বুধবাৰে নিশা (২ এপ্ৰিল) মণিপুৰত ৰাষ্ট্ৰপতিৰ শাসন নিশ্চিত কৰিবলৈ সাংবিধানিক প্ৰস্তাৱ লোকসভাই গৃহীত কৰে । হিংসাত্মক পৰিস্থিতিত আক্ৰান্ত মণিপুৰত ১৩ ফেব্ৰুৱাৰীত ৰাষ্ট্ৰপতিৰ শাসন জাৰি কৰা হৈছিল । উচ্চতম ন্যায়ালয়ৰ নিৰ্দেশ অনুসৰি দুমাহৰ ভিতৰত ৰাষ্ট্ৰপতিৰ শাসন জাপি দিয়াৰ বাবে এক সাংবিধানিক প্ৰস্তাৱ লোকসভাত উত্থাপন কৰিছিল কেন্দ্ৰীয় গৃহমন্ত্ৰী অমিত শ্বাহে ।

‘গৰিষ্ঠসংখ্যক সদস্যই ক’লে, মণিপুৰত চৰকাৰ গঠন কৰিব পৰা অৱস্থাত নাই’- অমিত শ্বাহ

গৃহমন্ত্ৰী অমিত শ্বাহে সদনত মণিপুৰৰ মুখ্যমন্ত্ৰী এন বীৰেণ সিঙে পদত্যাগ কৰা বুলি কয়, তাৰ পিছতে ৰাজ্যপালগৰাকীয়ে বিধায়কসকলৰ সৈতে আলোচনাত মিলিত হয় আৰু সংখ্যাগৰিষ্ঠ সদস্যসকলে চৰকাৰ গঠনৰ অৱস্থাত নাই বুলি কয় । শ্বাহে কয় যে ইয়াৰ পিছত কেবিনেটে ৰাষ্ট্ৰপতিৰ শাসনৰ পৰামৰ্শ দিছিল যিটো ৰাষ্ট্ৰপতি দ্ৰৌপদী মুৰ্মুৱে গ্ৰহণ কৰে ।

তেওঁ কয় যে, উচ্চতম ন্যায়ালয়ৰ সিদ্ধান্ত অনুসৰি মই দুমাহৰ ভিতৰত এই সন্দৰ্ভত সদনৰ অনুমোদনৰ বাবে সাংবিধানিক প্ৰস্তাৱ আনিছো । শ্বাহে আৰু কয় যে চৰকাৰৰ প্ৰথম চিন্তা হৈছে মণিপুৰত শান্তি প্ৰতিষ্ঠা কৰা আৰু বৰ্তমান সময়ত মণিপুৰত যোৱা চাৰি মাহত এজনো মৃত্যু হোৱা নাই আৰু মাত্ৰ দুজন লোক আহত হৈছে ।

মণিপুৰ বিষয়ত ৰাজনীতি নকৰিবলৈ বিৰোধীক আহ্বান-

শ্বাহে কয় যে চৰকাৰে বিচাৰে মণিপুৰত শীঘ্ৰে শান্তি ঘূৰি আহক, পুনৰ্বাসন হ’ব লাগে । ইয়াৰ উপৰিও মণিপুৰ বিষয়ত ৰাজনীতি নকৰিবলৈ সদনৰ বিৰোধী দলসমূহক গৃহমন্ত্ৰী অমিত শ্বাহে আহ্বান জনায় ।

উল্লেখযোগ্য যে ২১ মাহৰ মণিপুৰ হিংসাত্মক পৰিস্থিতিৰ অন্তত দেওবাৰে (৯ ফেব্ৰুৱাৰী) ৰাজ্যৰ মুখ্যমন্ত্ৰী এন বীৰেণ সিঙে পদৰ পৰা পদত্যাগ কৰিছিল । ইম্ফলৰ ৰাজভৱনত তেওঁ ৰাজ্যপাল অজয় ​​কুমাৰ ভল্লাৰ হাতত পদত্যাগ পত্ৰ দাখিল কৰে ।

কেন্দ্ৰীয় গৃহমন্ত্ৰী অমিত শ্বাহে বৃহস্পতিবাৰে লোকসভাত প্ৰব্ৰজন আৰু বিদেশী বিধেয়ক ২০২৫ সন্দৰ্ভত ভাষণ দি বংগ চৰকাৰক লক্ষ্য কৰি লয়।

তেওঁ ভাৰত-বাংলাদেশ সীমান্তত কাঁটাতাৰ বেৰ দিয়াৰ বাবে বংগ চৰকাৰৰ বিৰুদ্ধে মাটি নিদিয়াৰ লগতে অনুপ্ৰৱেশকাৰীক দয়া দেখুৱাৰ অভিযোগ উত্থাপন কৰে।

লোকসভাত ভাষণ দি গৃহমন্ত্ৰী অমিত শ্বাহে কয় যে বাংলাদেশৰ সৈতে আমাৰ সীমা ২২১৬ কিলোমিটাৰ, ইয়াৰে ১৬৫৩ কিলোমিটাৰ বেৰ নিৰ্মাণ কৰা হৈছে।

গৃহমন্ত্ৰী অমিত শ্বাহে কয়, “বেৰৰ কাষৰ পথটো নিৰ্মাণ কৰা হৈছে আৰু চেকপইণ্টো নিৰ্মাণ কৰা হৈছে। SEZ ফেন্সিঙৰ দৈৰ্ঘ্য ৫৬৩ কিলোমিটাৰ, এই সীমান্ত এতিয়াও খোলা আছে।”

৫৬৩ কিলোমিটাৰ SEZ ফেন্সিঙৰ ভিতৰত ১১২ কিলোমিটাৰ এনেকুৱা য’ত নদী, নলা, পাহাৰ আদিৰ বাবে ফেন্সিং সম্ভৱ নহয়।

৪৫০ কিলোমিটাৰ দৈৰ্ঘ্যৰ ফেন্সিং এতিয়াও বাকী আছে আৰু ইয়াৰ কাৰণ হ’ল বংগ চৰকাৰে মাটি নিদিয়াৰ বাবে। ইয়াৰ বাবে ইতিমধ্যে সাতখন সভা অনুষ্ঠিত কৰা হৈছে।”

গৃহমন্ত্ৰী অমিত শ্বাহে বংগৰ মমতা চৰকাৰে অবৈধ অনুপ্ৰৱেশকাৰীক পৰিচয় পত্ৰ দি সহায় কৰাৰ অভিযোগ উত্থাপন কৰে।

তেওঁ কয়, “বাংলাদেশী অনুপ্ৰৱেশকাৰী হওক বা ৰোহিংগীয়া হওক, আগতে কংগ্ৰেছৰ ক্ষমতাত থকা সময়ত তেওঁলোকে অসমৰ মাজেৰে ভাৰতলৈ আহিছিল।”

এতিয়া তেওঁলোক পশ্চিম বংগ হৈ ভাৰতলৈ আহে য’ত টিএমচিৰ ক্ষমতা আছে। কোনে তেওঁলোকক আধাৰ কাৰ্ড, নাগৰিকত্ব প্ৰদান কৰে?

ধৰা পৰা সকলো বাংলাদেশীৰ হাত ২৪ খন পৰগনা জিলাৰ আধাৰ কাৰ্ড আছে। টিএমচিয়ে তেওঁলোকক আধাৰ কাৰ্ড দিয়ে আৰু তেওঁলোকে ভোটাৰ কাৰ্ড লৈ দিল্লীলৈ আহে।”

গৃহমন্ত্ৰীগৰাকীয়ে সকীয়াই দি কয়, “আমাৰ অনুপ্ৰৱেশৰ পৰিসৰ আৰু আকাৰ অতি বৃহৎ। ইয়াৰ সমান্তৰালভাৱে নিজৰ ন্যস্ত স্বাৰ্থ পূৰণ আৰু দেশখনক অসুৰক্ষিত কৰি তোলাৰ বাবে আশ্ৰয় লোৱা লোকৰ সংখ্যাও বৃদ্ধি পাইছে।”

এনে পৰিস্থিতিত ভাৰতীয় ব্যৱস্থাত অৰিহণা যোগাবলৈ অহা মানুহ, ব্যৱসায় আৰু শিক্ষাৰ বাবে আহে, এনে সকলো মানুহক আদৰণি জনোৱা হয়, কিন্তু ৰহিংগীয়া হওক বা বাংলাদেশী হওক… যদি ইয়ালৈ অশান্তিৰ সৃষ্টি কৰিবলৈ আহে, তেন্তে তেনে লোকৰ লগত অতি কঠোৰ ব্যৱহাৰ কৰা হ’ব।”