সিন্ধু জলসন্ধি কেতিয়াও পুনৰ কাৰ্যকৰী নহয়

পহলগাম সন্ত্ৰাসবাদী আক্ৰমণৰ পিছত ভাৰতে কঠোৰ ব্যৱস্থা গ্ৰহণ কৰি পাকিস্তানৰ সৈতে হোৱা সিন্ধু জলসন্ধি স্থগিত ৰাখে । ৰয়টাৰৰ মতে, এই চুক্তি পুনৰ বাহাল কৰিবলৈ ভাৰতৰ কোনো ইচ্ছা নাই । গৃহমন্ত্ৰী অমিত শ্বাহে শনিবাৰে স্পষ্ট কৰি দিয়ে যে ইছলামবাদৰ সৈতে কেতিয়াও সিন্ধু জলসন্ধি বাহাল ৰখা নহ’ব । টাইমছ এক সাক্ষাৎকাৰত এই মন্তব্য কৰে অমিত শ্বাহে । তেওঁ কয় যে পাকিস্তানলৈ বৈ যোৱা পানী আভ্যন্তৰীণ ব্যৱহাৰৰ বাবে ডাইভাৰ্ট কৰা হ’ব ।

পাকিস্তানৰ আশাত চেঁচা পানী-

অমিত শ্বাহে কয় যে ২৬ জন সাধাৰণ নাগৰিকৰ মৃত্যু হোৱা পহলগাম সন্ত্ৰাসবাদী আক্ৰমণৰ পিছত ভাৰতে ১৯৬০ চনৰ সিন্ধু নদী ব্যৱস্থাৰ ব্যৱহাৰ নিয়ন্ত্ৰণ কৰা সন্ধি “স্থগিত” কৰিছিল । এই সন্ধিৰ জৰিয়তে ভাৰতৰ মাজেৰে বৈ যোৱা তিনিখন নদীৰ পানী পাকিস্তানৰ ৮০% কৃষিভূমিৰ বাবে সুবিধাৰ নিশ্চয়তা দিয়া হৈছিল ।

বাহাল নহয় সিন্ধু জল সন্ধি-

উল্লেখ্য যে পহলগাম সন্ত্ৰাসবাদী আক্ৰমণত পাকিস্তানে নিজৰ কোনো ভূমিকা অস্বীকাৰ কৰিছে । কিন্তু দুয়োখন দেশৰ মাজত উত্তেজনা সৃষ্টি হোৱাৰ পাছত যুদ্ধবিৰতিৰ চুক্তি হোৱাৰ পাছতো এই সন্ধি নিষ্ক্ৰিয় হৈ আছে । অমিত শ্বাহে স্পষ্ট কৰি দিছিল যে এই চুক্তি কেতিয়াও বাহাল নহয় । তেওঁ কয় যে পাকিস্তান অভিমুখে বৈ যোৱা পানীখিনি আমি খাল নিৰ্মাণ কৰি ৰাজস্থানলৈ লৈ যাম । পাকিস্তানে অনুচিতভাৱে পোৱা পানী নাপাব । অমিত শ্বাহৰ এই নতুন মন্তব্যই অদূৰ ভৱিষ্যতে সন্ধি সন্দৰ্ভত আলোচনাৰ বাবে পাকিস্তানৰ আশাক স্তব্ধ কৰি তুলিছে ।

লগতে পঢ়ক : ‘পাঞ্জা আৰু লালটেনে বিহাৰৰ আত্মসন্মানক আঘাত কৰিছে’; প্ৰধানমন্ত্ৰী মোদী

ঝাৰখণ্ডত নিৰাপত্তা বাহিনীয়ে ৮টা নক্সালবাদী হত্যা কৰাৰ পিছত সোমবাৰে কেন্দ্ৰীয় গৃহমন্ত্ৰী অমিত শ্বাহে কয় যে চৰকাৰৰ নক্সালবাদ নিৰ্মূলৰ প্ৰতিশ্ৰুতি অটুট আছে । উল্লেখ্য যে, ঝাৰখণ্ডৰ বোকাৰো জিলাত চি আৰ পি এফ আৰু পুলিচৰ কোব্ৰা কমাণ্ডোৰ সৈতে হোৱা এনকাউণ্টাৰত আঠটা নক্সালবাদী নিহত হয়, য’ত এক কোটি টকাৰ পুৰস্কাৰ ঘোষণা কৰা এটা নক্সালবাদীও আছিল ।

আমাৰ নিৰাপত্তা বাহিনীৰ শলাগ লওক- অমিত শ্বাহ

কেন্দ্ৰীয় গৃহমন্ত্ৰীগৰাকীয়ে ছ’চিয়েল মিডিয়াত লিখিছে – ‘নক্সালবাদৰ অন্ত পেলোৱাৰ বাবে আমাৰ অভিযান অব্যাহত আছে । আজি নক্সালবাদক উভালি পেলোৱাৰ বাবে চলি থকা অভিযানত নিৰাপত্তা বাহিনীয়ে আন এক গুৰুত্বপূৰ্ণ সফলতা লাভ কৰিলে । ঝাৰখণ্ডৰ বোকাৰোৰ লুগু পাহাৰত হোৱা এনকাউণ্টাৰত নিহত হয় এক কোটি টকাৰ পুৰস্কাৰ থকা শীৰ্ষ পৰ্যায়ৰ নক্সাল নেতা বিবেককে ধৰি ৮টা মাওবাদী আৰু আন দুটা কুখ্যাত নক্সালবাদী । এই অভিযান অব্যাহত আছে । আমাৰ নিৰাপত্তা বাহিনীৰ শলাগ লওক ।‘

ঘটনাস্থলীৰ পৰা জব্দ কেইবাটাও ৰাইফল আৰু বন্দুক-

নিৰাপত্তা বাহিনীৰ এই অভিযানৰ বিষয়ে তথ্য দি বিষয়াসকলে কয় যে ২০৯ কমাণ্ডো বেটেলিয়ন ফৰ ৰিজ’লিউট একচন (কোব্ৰা)ৰ জোৱানসকলে ৰাজ্যিক আৰক্ষীৰ সহযোগত এই অভিযান চলাইছিল, য’ত আঠটা নক্সালবাদী নিহত হয় আৰু এটা এ কে ছিৰিজৰ ৰাইফল, তিনিটা ইনছাছ ৰাইফল, এটা চেল্ফ লোডিং ৰাইফল (এছ এল আৰ), আঠটা দেশত নিৰ্মিত বন্দুক আৰু এটা পিষ্টল জব্দ কৰা হৈছে ।

কেন্দ্ৰীয় গৃহমন্ত্ৰী অমিত শ্বাহে কয় যে যেতিয়া পশ্চিমবংগৰ জনসাধাৰণে মুখ্যমন্ত্ৰী মমতা বেনাৰ্জীক ক্ষমতাৰ পৰা উৎখাত কৰি ৰাজ্যখনত বিজেপি চৰকাৰ গঠন কৰিব তেতিয়াই অনুপ্ৰৱেশৰ সমস্যা সমাধান হ’ব । বুধবাৰে ৰাষ্ট্ৰীয় ৰাজধানীত অনুষ্ঠিত এক অনুষ্ঠানত বাংলাদেশৰ সাম্প্ৰতিক ৰাজনৈতিক পৰিস্থিতিৰ প্ৰতি লক্ষ্য ৰাখি অবৈধ অনুপ্ৰৱেশৰ ঘটনা সন্দৰ্ভত সোধাত শ্বাহে কয় যে পশ্চিম বংগৰ জনসাধাৰণৰ বাবে তেওঁৰ এটা সহজ পৰামৰ্শ আছে । বংগৰ ৰাইজে যদি মুখ্যমন্ত্ৰী মমতা বেনাৰ্জীৰ চৰকাৰ আঁতৰাই বিজেপি চৰকাৰ আনে তেন্তে সমস্যা সমাধান হ’ব আৰু অপৰাধ (ভাৰত-বাংলাদেশ সীমান্তত) বন্ধ হৈ যাব ।

গৃহমন্ত্ৰীগৰাকীয়ে কয় যে মমতা বেনাৰ্জীয়ে কৈছে যে কেন্দ্ৰীয় চৰকাৰৰ অধীনস্থ সীমান্ত সুৰক্ষা বাহিনীক এই অনুপ্ৰৱেশৰ বাবে দায়ী কৰা উচিত কাৰণ তেওঁলোকেই আন্তঃৰাষ্ট্ৰীয় সীমান্তৰ পহৰা দিয়ে । অমিত শ্বাহে কয়, তেওঁলোকৰ প্ৰতি মোৰ প্ৰশ্ন হ’ল এনে অনুপ্ৰৱেশকাৰীৰ ভোটাৰ আই ডি কাৰ্ড আৰু আধাৰ কাৰ্ড কোনে বনাইছিল । এই সকলোবোৰ ভোটাৰ কাৰ্ড উত্তৰ ২৪ পৰগনা জিলাত প্ৰস্তুত কৰা হৈছে । তেওঁ কয় যে ইণ্ডি এলায়েন্সে তেওঁলোকৰ মাজত (অনুপ্ৰৱেশকাৰী) এটা ভোট বেংক দেখা পায় ।

আনহাতে নতুন ৱাকফ আইনখন কাৰ্যকৰী কৰাৰ পক্ষ লৈ অমিত শ্বাহে সাধাৰণ মুছলমানসকলৰ বাবে উপকাৰী হ’ব বুলি উল্লেখ কৰি বিৰোধী কংগ্ৰেছে এই আইনখনক লৈ ভুৱা অপপ্ৰচাৰ চলোৱাৰ অভিযোগ উত্থাপন কৰে । আন এটা প্ৰশ্নৰ উত্তৰত শ্বাহে স্পষ্ট কৰি দিয়ে যে আগন্তুক বিহাৰ বিধানসভা নিৰ্বাচনত জে ডি ইউ নেতা তথা মুখ্যমন্ত্ৰী নীতিশ কুমাৰৰ নেতৃত্বত যুঁজ দিয়া হ’ব । ৰাজ্যখনত এন ডি এ চৰকাৰ গঠন হ’ব বুলি দাবী কৰে তেওঁ ।