ভূমিকম্পৰ কম্পন অনুভূত হোৱাৰ লগে লগে আতংকময় পৰিৱেশৰ সূচনা হয় ।
ভূমিকম্পই জোঁকাৰি গ’ল কলকাতা । ভূমিকম্পৰ কম্পন অনুভূত হোৱাৰ লগে লগে আতংকময় পৰিৱেশৰ সূচনা হয় । ৰিখটাৰ স্কেলত এই ভূমিকম্পৰ তীব্ৰতা ৫.৫ বুলি জানিব পৰা গৈছে । কম্পন অনুভূত হোৱাৰ লগে লগে বাসিন্দাসকলৰ মাজত, আতংকৰ সৃষ্টি হয় আৰু ঘৰ, কাৰ্যালয়ৰ পৰা সকলো ওলাই অহা পৰিলক্ষিত হয় । এই পৰ্যন্ত কোনো লোক হতাহত বা সা-সম্পত্তিৰ ক্ষতিৰ খবৰ পোৱা হোৱা নাই ।
প্ৰাৰম্ভিক খবৰ অনুসৰি ভূমিকম্পৰ কেন্দ্ৰবিন্দু আছিল বাংলাদেশ । কেইবা ছেকেণ্ডো ধৰি কঁপনিৰ সৃষ্টি হয় । চহৰৰ বহু ঠাইত ভূমিকম্পৰ জোঁকাৰণি অনুভূত হোৱাৰ খবৰ লাভ কৰা গৈছে ।
ভূমিকম্পৰ তীব্ৰতা অনুভৱ কৰাৰ লগে লগে বহু কাৰ্যালয়ৰ কৰ্মচাৰীয়ে নিজৰ চৌহদ খালী কৰি মুকলি ঠাইত গোট খায় । ভূমিকম্পৰ পিছত মুকলি ঠাইত মানুহৰ সমাগম হোৱা দেখা যায় ।
জানিব পৰা মতে, কলকাতাৰ পৰা ১০০ কিলোমিটাৰ উত্তৰত ভূগৰ্ভৰ ১০ কিলোমিটাৰ গভীৰতাত ভূমিকম্পৰ কেন্দ্ৰবিন্দু ।
লগতে পঢ়ক : ভাৰত-পাকিস্তান সীমান্তত ‘প্ৰচণ্ড’ হেলিকপ্টাৰত সহ-পাইলটৰ ৰূপত ৰাষ্ট্ৰপতি মুৰ্মু
