অৱশেষত গ্ৰেপ্তাৰ কৰা হ’ল মঠঘৰীয়া পথ দুৰ্ঘটনাৰ চালক ছামিম আহমেদ। দেওবাৰে পুৱতি নিশা সংঘটিত হোৱা পথ দুৰ্ঘটনাটোত চুইফ্ট বাহনখনৰ চালক আছিল ছামিম আহমেদ।
অৱশেষত গ্ৰেপ্তাৰ হ’ল মঠঘৰীয়া পথ দুৰ্ঘটনাৰ বাহন খনৰ চালক ছামিম আহমেদ। নিশা ডিব্ৰুগড়ৰ লাহোৱালৰ পৰা গ্ৰেপ্তাৰ কৰা হয় ছামিম আহমেদক। ডিব্ৰুগড়ৰ লাহোৱালত আত্মগোপন কৰি আছিল ছামিমে।দুৰ্ঘটনাটোৰ পাছৰে পৰা পলাতক অৱস্থাত আছিল ছামিম। আৰক্ষীয়ে লাভ কৰিছিল ছামিমৰ ম’বাইল ফোনৰ লোকেচন। তাৰ পিছতেই নিশা গ্ৰেপ্তাৰ কৰি নুনমাটি আৰক্ষীক গতাই দিয়া হয় ছামিম আহমেদক।
জানিব পৰা মতে, দুৰ্ঘটনাটোৰ পিছত চুইফ্ট বাহনখনৰ চালক ছামিম আহমেদক উদ্ধাৰ কৰি ততাতৈয়াকৈ নিকটৱৰ্তী গেট হাস্পতাললৈ লৈ যোৱা হৈছিল। কিন্তু হাস্পতালত চিকিৎসা নকৰি তাৰ পৰা পলায়ন কৰিছিল চালক ছামিম আহমেদে।গেট হাস্পতালৰ CCTVত বন্দী হৈছিল ছামিম আহেমেদে হাস্পতালৰ পৰা পলায়নৰ সমগ্ৰ দৃশ্য।
উল্লেখ্য যে, দেওবাৰে পুৱতি নিশা সংঘটিত হোৱা পথ দুৰ্ঘটনাটোত পূজা চাহা, আকাংক্ষা শইকীয়া আৰু নেহা খান নামৰ ৩ গৰাকীকৈ যুৱতীৰ মৃত্যু হৈছিল।
লগতে পঢ়ক: কমেডি শ্ব’ চাবলৈ ৩ বান্ধৱীক লৈ গৈছিল চামিম আহমেদে ; মঠঘৰীয়াৰ দুৰ্ঘটনাৰ নতুন মোৰ
