এন ডি এৰ প্ৰাৰ্থীৰ সমৰ্থনত প্ৰচাৰ চলাবলৈ দেওবাৰে কেৰালা ভ্ৰমণ কৰিব প্ৰধানমন্ত্ৰী নৰেন্দ্ৰ মোদীয়ে
৯ এপ্ৰিলত অনুষ্ঠিত হ’ব লগা বিধানসভা নিৰ্বাচনৰ বাবে এন ডি এৰ প্ৰাৰ্থীৰ সমৰ্থনত প্ৰচাৰ চলাবলৈ দেওবাৰে কেৰালা ভ্ৰমণ কৰিব প্ৰধানমন্ত্ৰী নৰেন্দ্ৰ মোদীয়ে । তদুপৰি পলাক্কাডত এখন জনসভা আৰু ত্ৰিশুৰত এক বৃহৎ ৰোড শ্ব’ত অংশগ্ৰহণ কৰিব প্ৰধানমন্ত্ৰীগৰাকীয়ে ।
এই ভ্ৰমণ সন্দৰ্ভত ছ’চিয়েল মিডিয়া প্লেটফৰ্ম এক্সত প্ৰধানমন্ত্ৰীগৰাকীয়ে লগতে লিখিছে, “আজি কেৰেলাৰ জনসাধাৰণৰ মাজত থাকিবলৈ আগ্ৰহী । মই পালাক্কাডত এখন সভাত ভাষণ দিম আৰু পিছত ত্ৰিশুৰত ৰোড শ্ব’ত অংশগ্ৰহণ কৰিম । কেৰালাৰ জনসাধাৰণ এন ডি এৰ পক্ষত । এল ডি এফ আৰু ইউ ডি এফৰ অপশাসনত মানুহ বিৰক্ত হৈ পৰিছে ।”
জানিব পৰা মতে, পলাক্কাডৰ ফ’ৰ্ট গ্ৰাউণ্ডত দুপৰীয়া প্ৰায় ২:৩০ বজাত প্ৰধানমন্ত্ৰীয়ে ৰাজহুৱা সভাত ভাষণ দিব । এই অনুষ্ঠানত হাজাৰ হাজাৰ দলীয় কৰ্মীয়ে অংশগ্ৰহণ কৰাৰ সম্ভাৱনা আছে । এই সমাৱেশত অঞ্চলটোৰ বিজেপিৰ জ্যেষ্ঠ নেতা আৰু এন ডি এৰ প্ৰাৰ্থীয়ে অংশগ্ৰহণ কৰাৰ সম্ভাৱনা আছে ।
লগতে পঢ়ক : মন কি বাতৰ ১৩২ সংখ্যক খণ্ডত দেশবাসীলৈ প্ৰধানমন্ত্ৰী মোদীৰ আহ্বান
