প্ৰধানমন্ত্ৰী নৰেন্দ্ৰ মোদীয়ে ভেনিজুৱেলাৰ ভাৰপ্ৰাপ্ত ৰাষ্ট্ৰপতি ডেলচি ৰড্ৰিগেজৰ সৈতে ফোনযোগে বাৰ্তালাপ কৰে । নিকোলাছ মাদুৰোক আমেৰিকাই গ্ৰেপ্তাৰ কৰাৰ পিছত প্ৰথমবাৰৰ বাবে দুয়োগৰাকী নেতাই এইদৰে বাৰ্তালাপত মিলিত হয় ।
শুকুৰবাৰে প্ৰধানমন্ত্ৰী নৰেন্দ্ৰ মোদীয়ে ভেনিজুৱেলাৰ ভাৰপ্ৰাপ্ত ৰাষ্ট্ৰপতি ডেলচি ৰড্ৰিগেজৰ সৈতে ফোনযোগে বাৰ্তালাপ কৰে । আমেৰিকাৰ সামৰিক দমনৰ ফলত ভেনিজুৱেলাৰ পদচ্যুত ৰাষ্ট্ৰপতি নিকোলাছ মাদুৰোক গ্ৰেপ্তাৰ কৰাৰ পিছত প্ৰথমবাৰৰ বাবে দুয়োগৰাকী নেতাই এইদৰে বাৰ্তালাপত মিলিত হয় ।
এক্সৰ এটা পোষ্টত প্ৰধানমন্ত্ৰীয়ে কয়, “ভেনিজুৱেলাৰ ভাৰপ্ৰাপ্ত ৰাষ্ট্ৰপতি ডেলচি ৰড্ৰিগোজৰ সৈতে কথা পাতিলোঁ । আমি সকলো খণ্ডতে আমাৰ দ্বিপাক্ষিক অংশীদাৰিত্ব অধিক গভীৰ আৰু সম্প্ৰসাৰণ কৰিবলৈ সন্মত হওঁ, যাতে আগন্তুক বছৰবোৰত ভাৰত-ভেনিজুৱেলাৰ সম্পৰ্কক নতুন উচ্চতালৈ লৈ যাব পাৰি ।”
ডেলচি ৰড্ৰিগোজে ৫ জানুৱাৰীত ভেনিজুৱেলাৰ অন্তৱৰ্তীকালীন ৰাষ্ট্ৰপতি হিচাপে কাৰ্যভাৰ গ্ৰহণ কৰিছিল, তাৰ দুদিন পূৰ্বে আমেৰিকান বাহিনীয়ে তেওঁৰ পূৰ্বৰ নিকোলাছ মাদুৰোক আটক কৰি নিউয়ৰ্কলৈ লৈ গৈছিল য’ত তেওঁ বিচাৰৰ সন্মুখীন হ’বলগীয়া হৈছে ।
লগতে পঢ়ক : ট্ৰাম্পৰ সকীয়নিক বুঢ়া আঙুলি ইৰাণৰ; পুনৰ নিৰ্মাণ কৰিলে পাৰমাণৱিক ঘাটী
