আমেৰিকা-ইজৰাইল আৰু ইৰাণৰ মাজত ক্ৰমাৎ বৃদ্ধি পোৱা উত্তেজনাৰ মাজতে চৌদি আৰৱত উপস্থিত পাকিস্তানৰ সেনাপ্ৰধান আছিম মুনিৰ। ছৌদি আৰৱৰ প্ৰতিৰক্ষা মন্ত্ৰীৰ সৈতে বৈঠক আছিম মুনিৰৰ।
আমেৰিকা-ইজৰাইল আক্ৰমণৰ পিছত ইৰাণে সেই উপসাগৰীয় দেশসমূহক অহৰহ লক্ষ্য কৰি লৈছে, যিয়ে আমেৰিকাক সমৰ্থন কৰিছে। প্ৰথম অৱস্থাত কেৱল সামৰিক ঘাটিকে লক্ষ্য কৰি লোৱা হৈছিল,কিন্তু শেহতীয়া আক্ৰমণৰ পৰা দেখা গৈছে যে ছৌদি আৰৱৰ তৈলখাদকো লক্ষ্য কৰি লোৱা হৈছে।
ইফালে, ছৌদি আৰৱৰ প্ৰতিৰক্ষা মন্ত্ৰী খালিদ বিন ছালমানে পাকিস্তানৰ সেনা প্ৰধান আৰু ফিল্ড মাৰ্শ্বাল আছিম মুনিৰক সাক্ষাৎ কৰে আৰু ইৰাণৰ আক্ৰমণ ৰোধ কৰাৰ দৰে বিষয়সমূহৰ ওপৰত আলোচনা কৰে। তেওঁৰ এই বক্তব্যক এনে এক লক্ষণ হিচাপে দেখা গৈছে যে পাকিস্তানেও এতিয়া ইৰাণৰ সৈতে যুদ্ধত যোগদান কৰিব।
ছৌদি আৰৱৰ প্ৰতিৰক্ষা মন্ত্ৰী খালিদ বিন ছালমানে ৰিয়াদত পাকিস্তান সেনা প্ৰধান জেনেৰেল আছিম মুনিৰক সাক্ষাৎ কৰে।এইখন কেৱল আনুষ্ঠানিক বৈঠক নাছিল, বৰঞ্চ এই সময়ছোৱাত দুয়োখন দেশৰ মাজত হোৱা সামৰিক চুক্তিৰ অধীনত ইৰাণৰ আক্ৰমণ ৰোধৰ ব্যৱস্থাৰ বিষয়ে আলোচনা কৰা হৈছিল।
ছৌদি প্ৰতিৰক্ষা মন্ত্ৰীয়ে ছ’চিয়েল মিডিয়া প্লেটফৰ্ম এক্সত লিখিছে, “পাকিস্তানৰ সেনা প্ৰধান আৰু প্ৰতিৰক্ষা বাহিনীৰ মুৰব্বী, ফিল্ড মাৰ্শ্বাল অসীম মুনিৰৰ সৈতে সাক্ষাৎ কৰা হয়।আমি ৰাজ্যখন (চৌদি আৰৱ)ৰ ওপৰত ইৰাণৰ আক্ৰমণ আৰু ইয়াক প্ৰতিৰোধৰ বাবে প্ৰয়োজনীয় ব্যৱস্থাসমূহৰ বিষয়ে আলোচনা কৰিলোঁ। এই আলোচনা আমাৰ যুটীয়া কৌশলগত প্ৰতিৰক্ষা চুক্তিৰ অধীনত হৈছিল।আমি এইটো কথাৰ ওপৰত গুৰুত্ব দিলোঁ যে এনে কাৰ্য্যই আঞ্চলিক নিৰাপত্তা আৰু স্থিতিশীলতাক ক্ষতিগ্ৰস্ত কৰে।”
লগতে পঢ়ক: ইৰাণক সম্পূৰ্ণৰূপে ধ্বংস কৰাৰ প্ৰস্তুতি চলাইছে ট্ৰাম্প!অস্ত্ৰৰ উৎপাদন চাৰিগুণ বৃদ্ধি কৰিব আমেৰিকাই
