ড’নাল্ড ট্ৰাম্পে আমেৰিকাৰ প্ৰতিৰক্ষা কোম্পানীসমূহৰ সৈতে হোৱা বৈঠকত ‘এক্সকুইজিট ক্লাছ’ অস্ত্ৰৰ উৎপাদন চাৰিগুণ বৃদ্ধি কৰাৰ কথা ঘোষণা কৰিছে।
শুকুৰবাৰে আমেৰিকাৰ ৰাষ্ট্ৰপতি ড’নাল্ড ট্ৰাম্পে দেশৰ বৃহত্তম প্ৰতিৰক্ষা উৎপাদন কোম্পানীসমূহৰ মুৰব্বীৰ সৈতে সাক্ষাৎ কৰে।এই বৈঠকত কোম্পানীসমূহে উচ্চ শ্ৰেণীৰ অস্ত্ৰৰ উৎপাদন ৪ গুণ বৃদ্ধি কৰিবলৈ সন্মত হৈছে।
ইয়াৰ সম্পূৰ্ণ বিৱৰণ ট্ৰুথ ছ’চিয়েল পোষ্টত দি ট্ৰাম্পে লিখিছে, ‘আমেৰিকাৰ বৃহত্তম প্ৰতিৰক্ষা উৎপাদন কোম্পানীসমূহৰ সৈতে আমাৰ এক অতি গুৰুত্বপূৰ্ণ বৈঠক হৈছিল।আমি উৎপাদন আৰু উৎপাদনৰ সময়সূচীৰ বিষয়ে আলোচনা কৰিলোঁ।তেওঁলোকে ‘এক্সকুইজিট ক্লাছ’ ৰ অস্ত্ৰৰ উৎপাদন ৪ গুণ বৃদ্ধি কৰিবলৈ সন্মত হৈছে।যাতে আমি যিমান পাৰো সোনকালে আৰু অধিক অস্ত্ৰ নিৰ্মাণ কৰিব পাৰো’।
ট্ৰাম্পে লগতে লিখিছে যে, ‘বৈঠকৰ তিনিমাহ আগৰ পৰাই অস্ত্ৰ উৎপাদন বৃদ্ধি আৰম্ভ হৈছিল আৰু ইতিমধ্যে বহু অস্ত্ৰ উদ্যোগ আৰু উৎপাদন চলি আছিল।আমাৰ হাতত মধ্যম আৰু উচ্চ মধ্যম শ্ৰেণীৰ অস্ত্ৰ-শস্ত্ৰৰ যথেষ্ট যোগান আছে,যিবোৰ আমি ব্যৱহাৰী কৰি আছো আৰু শেহতীয়াকৈ ভেনিজুৱেলাতো ইয়াৰ ব্যৱহাৰ কৰা হৈছে।ইয়াৰ উপৰিও আমি এই স্তৰত অৰ্ডাৰো বৃদ্ধি কৰিছো।’
ট্ৰাম্পে কয় যে, এই বৈঠকত বিএই চিষ্টেমছ, বয়িং, হানিৱেল এৰ’স্পেচ, এল ৩হেৰিছ মিছাইল ছলিউচন, লকহিড মাৰ্টিন, নৰ্থৰপ গ্ৰুম্মন আৰু ৰেথিয়ন গ্ৰুপৰ চিইঅ’ ই অংশগ্ৰহণ কৰে।
