আই পি এল ২০২৬ৰ আৰম্ভণিৰ দিনটোতেই এম এছ ধোনীৰ অনুৰাগীৰ বাবে এটা বেয়া খবৰ আহিছে। এইবাৰ ছিজনত ধোনী অবিহনেই দলটোৱে খেলিব লাগিব।
আই পি এল ২০২৬ৰ আৰম্ভ হোৱাৰ ঠিক আগতেই চেন্নাই ছুপাৰ কিংছৰ অনুৰাগীলৈ এটা বেয়া খবৰ আহিছে।প্ৰায় দুসপ্তাহ ধৰি খেলিব নোৱাৰিব চেন্নাই ছুপাৰ কিংছৰ প্ৰবীণ খেলুৱৈ এম এছ ধোনীয়ে। দৰাচলতে ২৮ মাৰ্চ শনিবাৰে চেন্নাই ছুপাৰ কিংছে নিশ্চিত কৰিছিল যে ভৰিত দুখ পাইছে। যাৰ বাবে প্ৰতিযোগিতাখনৰ প্ৰাৰম্ভিক পৰ্যায়ত ধোনী অবিহনেই দলটোৱে খেলিব লাগিব।এম এছ ধোনীয়ে উদ্বোধনী মেচত অংশ ল’ব নোৱাৰিব।
প্ৰতিবেদন অনুসৰি,এম এছ ধোনী এই ছিজনৰ প্ৰথম চাৰিখন মেচত অংশ ল’ব নোৱাৰিবও পাৰে।ধোনীৰ অনুপস্থিতিত দলটোৰ উইকেট ৰক্ষণাবেক্ষণৰ দায়িত্ব সঞ্জু চেমছনে চম্ভালিব পাৰে নতুবা উৰভিল পেটেলে সুযোগ পাব পাৰে।ধোনীয়ে ছিজনৰ প্রথম চাৰিখন মেচত হয়টো অংশ ল’ব নোৱাৰিব৷ছিজনৰ আৰম্ভণিতে ধোনিৰ অনুপস্থিতিয়ে চি এছ কে দলৰ বাবে এক ডাঙৰ পৰীক্ষা হ’ব।
লগতে পঢ়ক: আজিৰে পৰা আৰম্ভ আই পি এলৰ মহাৰণ; বিধ্বংসী ৰূপ ধাৰণ কৰিব বিৰাট কোহলীয়ে
