শনিবাৰে অনুষ্ঠিত হোৱা এখন মেচত ছানৰাইজাৰ্ছ হায়দৰাবাদে চেন্নাই ছুপাৰ কিংছক পৰাস্ত কৰে

চলিত আই পি এলত শনিবাৰে অনুষ্ঠিত হোৱা এখন মেচত ছানৰাইজাৰ্ছ হায়দৰাবাদে চেন্নাই ছুপাৰ কিংছক পৰাস্ত কৰে । ৰোমাঞ্চকৰ মেচখনত হায়দৰাবাদে ১০ ৰানত জয়লাভ কৰে । হায়দৰাবাদৰ ৰাজীৱ গান্ধী আন্তঃৰাষ্ট্ৰীয় ষ্টেডিয়ামত অনুষ্ঠিত হয় এই খেলখন । টছত জয়লাভ কৰি চি এছ কেয়ে প্ৰথমে বলিং কৰিবলৈ সিদ্ধান্ত লয় । অভিষেক আৰু ক্লাচেনৰ অৰ্ধ শতকৰ জৰিয়তে হায়দৰাবাদে চেন্নাইৰ সন্মুখত ১৯৫ ৰানৰ লক্ষ্য নিৰ্ধাৰণ কৰে । ইয়াৰ প্ৰতিক্ৰিয়া স্বৰূপে ২০ অভাৰত ৮টা উইকেট হেৰুৱাই মাত্ৰ ১৮৪ ৰানহে কৰিবলৈ সক্ষম হয় চেন্নাই দলে ।

চি এছ কেৰ ইনিংছ-

১৯৫ ৰানৰ লক্ষ্য অনুসৰণ কৰি চি এছ কেয়ে দুৰ্বল আৰম্ভণি কৰে । তাৰকা বেটছমেন সঞ্জু চেমছন মাত্ৰ ৭ ৰানত আউট হয় । ইয়াৰ পিছত গাইকোৱাড পুনৰ বিফল হয় । তেওঁ মাত্ৰ মাত্ৰ ১৯ ৰান সংগ্ৰহ কৰে । অৱশ্যে আয়ুষে ১৩টা বলত ৩০ ৰান সংগ্ৰহ কৰাৰ লগতে মেথিউ শ্বৰ্টেও ভাল ইনিংছ খেলে ।

কিন্তু ডেৱাল্ড ব্ৰেভিছে নিজৰ একাউণ্ট খোলাত ব্যৰ্থ হয় । ছৰফৰাজ খানেও ২৫ ৰানহে কৰিবলৈ সক্ষম হয় । শিৱম ডুবে ১৬টা বলত ২১ ৰানেৰে ইনিংছটো সুস্থিৰ কৰিবলৈ চেষ্টা কৰে যদিও ছিৰাজে তেওঁক পেভিলিয়নৰ বাট দেখুৱাই । ইয়াৰ পিছত চি এছ কেয়ে আটাইকেইটা উইকেট হেৰুৱাই মাত্ৰ ১৮৪ ৰানহে কৰিবলৈ সক্ষম হয় ।

হায়দৰাবাদৰ ইনিংছ-

প্ৰথমে বেটিং কৰৰা হায়দৰাবাদে বিস্ফোৰক আৰম্ভণি কৰে । অভিষেক শৰ্মাই ১৫টা বলত অৰ্ধ শতক সম্পূৰ্ণ কৰে । তেওঁ ২২টা বলত ৫৯ ৰান সংগ্ৰহ কৰি পেভিলিয়নমুখী হয় । হেডে ২৩ ৰান কৰে । কিন্তু ঈশান কিষাণ কোনো ৰান নকৰাকৈয়ে পেভিলিয়নলৈ উভতে । অৱশ্যে তাৰ পাছত হাইনৰিখ ক্লাচেনে ৩৯টা বলত ৫৯ ৰান সংগ্ৰহ কৰি দলৰ স্থিতি মজবুট কৰে । ইয়াৰ ফলত হায়দৰাবাদে ২০ অভাৰত ৯ টা উইকেট হেৰুৱাই ১৯৪ ৰান সংগ্ৰহ কৰিবলৈ সক্ষম হয় ।

লগতে পঢ়ক : ৰোমাঞ্চকৰ মেচত দিল্লীৰ হাতত ধৰাশায়ী বেংগালুৰু, ৰাহুল-ষ্টাবছৰ অৰ্ধ শতক

আৰম্ভণিৰে পৰা বিপৰ্যৰ সন্মুখীন হোৱা কলকাতাই ৭ উইকেট হেৰুৱাই মাত্ৰ ১৬০ ৰানহে কৰিবলৈ সক্ষম হয়

আই পি এল ২০২৬ৰ ২২ সংখ্যক মেচত মঙলবাৰে চেন্নাই ছুপাৰ কিংছ আৰু কলকাতা নাইট ৰাইডাৰ্ছৰ মাজত অনুষ্ঠিত হয় । এই মেচখনতো উদয় নহ’ল কলকাতা নাইট ৰাইডাৰ্ছৰ ভাগ্য । চেন্নাইৰ এম এ চিদাম্বৰম ষ্টেডিয়ামত অনুষ্ঠিত এই খেলখনত চেন্নাই চুপাৰ কিংছে ৩২ ৰানত জয়লাভ কৰে । টছত জয়ী হোৱাৰ পিছত কেকেআৰে প্ৰথমে বলিং কৰাৰ সিদ্ধান্ত লয় । সঞ্জু চেমছনৰ ৪৮ আৰু ব্ৰেভিছৰ ৪১ ৰানৰ সহায়ত চেন্নাইয়ে ১৯২ ৰান সংগ্ৰহ কৰে ।

ইয়াৰ প্ৰতিক্ৰিয়া স্বৰূপে আৰম্ভণিৰে পৰা বিপৰ্যৰ সন্মুখীন হোৱা কলকাতাই ৭ উইকেট হেৰুৱাই মাত্ৰ ১৬০ ৰানহে কৰিবলৈ সক্ষম হয় । ইয়াৰ লগে লগে চেন্নাই চুপাৰ কিংছে চলিত আই পি এলত দ্বিতীয়টো জয় সাব্যস্ত কৰিছে । অৱশ্যে কেকেআৰে এতিয়াও জয়ৰ বাবে হাহাকাৰ কৰি আছে আৰু প্ৰতিযোগিতাখনৰ একমাত্ৰ দল যিয়ে এতিয়াও জয়ী হোৱা নাই ।

কলকাতাৰ ইনিংছ-

১৯৩ ৰানৰ প্ৰতিক্ৰিয়া স্বৰূপে কে কে আৰে আৰম্ভণিৰে পৰাই বিপৰ্যয়ৰ সন্মুখীন হয় । দ্বিতীয় অভাৰত ফিন এলেনে নিজৰ উইকেট হেৰুৱাই । ইয়াৰ পিছতে ২৪ ৰান সংগ্ৰহ কৰি সুনীল নাৰিন পেভিলিয়নমুখী হয় । অধিনায়ক ৰাহানেই দ্ৰুত ২৮ ৰান কৰে যদিও নূৰ আহমেদৰ বলত তেওঁ পেভিলিয়নৰ বাট বুলে । আটাইতকৈ নিৰাশ কৰে ২৫ কোটি টকাৰে ক্ৰয় কৰা কেমেৰনু গ্ৰীণে, যি প্ৰথম বলতে আউট হয় ।

ৰিংকু সিঙৰ ওপৰত কেকেআৰৰ বহু আশা আছিল যদিও তেওঁও হতাশ কৰে । মাত্ৰ ১২টা বলত ৬ ৰান সংগ্ৰহ কৰি আউট হয় তেওঁ । ইয়াৰ পিছত ৰমণদীপ আৰু পাৱেলে বহু চেষ্টা কৰি অৰ্ধশতৰ অংশীদাৰিত্ব গঢ়ি তোলে যদিও তেওঁলোকে কেকেআৰক জয়ৰ দিশত আগুৱাই নিব নোৱাৰিলে । সমগ্ৰ কে কে আৰ দলটোৱে মাত্ৰ ১৬০ ৰানহে কৰিবলৈ সক্ষম হয় ।

চেন্নাই চুপাৰ কিংছৰ বেটিং-

প্ৰথমে বেটিং কৰা চি এছ কেক পুনৰবাৰ হতাশ কৰিলে অধিনায়ক  ৰুতুৰাজ গাইকৱাদে । তৃতীয় অভাৰত গাইকোৱাদে মাত্ৰ ৭ ৰান সংগ্ৰহ কৰি উইকেট হেৰুৱাই । অৱশ্যে সঞ্জু চেমছনে ৪৮ ৰান সংগ্ৰহ কৰে । আয়ুষ মাহাত্ৰেও ১৭টা বলত ৩৮ ৰান সংগ্ৰহ কৰে । ইয়াৰ পিছতে ডেৱাল্ড ব্ৰেভিছ আৰু ছৰফৰাজৰ মাজত অৰ্ধশতকৰ এক উজ্জ্বল অংশীদাৰিত্বৰ সৃষ্টি হয় । অৱশ্যে ১৭ নং অভাৰত ছৰফৰাজে ২৩ ৰান কৰি আউট হয় । ইয়াৰ পিছতে ব্ৰেভিছে ৪১ ৰানৰ ইনিংছ খেলি চি এছ কেক ২০ অভাৰত ৫ উইকেটত ১৯২ ৰান সংগ্ৰহ কৰাত সহায় কৰে ।

লগতে পঢ়ক : প্ৰফুল হিংগৰ বিধ্বংসী স্পেলত দিশহাৰা ৰাজস্থান, প্ৰথমটো পৰাজয় ৰিয়ান বাহিনীৰ

এই মেচত জয়লাভ কৰি চলিত ছিজনত তিনিখন মেচত পৰাজয়ৰ ধাৰাবাহিকতাৰ অন্ত পেলায় চেন্নাই চুপাৰ কিংছে

আই পি এল ২০২৬ত নিজৰ প্ৰথমটো জয় সাব্যস্ত কৰিছে চেন্নাই চুপাৰ কিংছে । শনিবাৰে অনুষ্ঠিত হোৱা এখন মেচত চেন্নাই ছুপাৰ কিংছে দিল্লী কেপিটেলছক ২৩ ৰানত পৰাস্ত কৰে । চেন্নাইৰ এম এ চিদাম্বৰম ষ্টেডিয়ামত অনুষ্ঠিত হৈছিল মেচখন । এই মেচত জয়লাভ কৰি চলিত ছিজনত তিনিখন মেচত পৰাজয়ৰ ধাৰাবাহিকতাৰ অন্ত পেলায় চেন্নাই চুপাৰ কিংছে । মাত্ৰ ৫২টা বলত শতক অৰ্জন কৰা সঞ্জু চেমছন এই জয়ৰ নায়ক হিচাপে পৰিগণিত হয় । উল্লেখ্য যে, চলিত ছিজনত আই পি এলৰ এয়া তেওঁৰ প্ৰথম শতক আৰু কেৰিয়াৰৰ চতুৰ্থটো শতক ।

এই মেচত দিল্লীয়ে টছত জয়লাভ কৰি প্ৰথমে বলিং কৰিবলৈ সিদ্ধান্ত লয় । সঞ্জু আৰু মাহত্ৰেৰ উজ্জ্বল ইনিংছৰ বাবে চি এছ কেয়ে ২১২ ৰান সংগ্ৰহ কৰে । ইয়াৰ প্ৰতিক্ৰিয়া স্বৰূপে দিল্লী কেপিটেলছ ১৮৯ ৰানতে অল আউট হয় । এয়া আছিল দিল্লী কেপিটেলছৰ একেৰাহে দ্বিতীয়টো পৰাজয় ।

দিল্লী কেপিটেলছৰ ইনিংছ-

২১৩ ৰানৰ লক্ষ্য অনুসৰণ কৰি দিল্লী কেপিটেলছে শক্তিশালী আৰম্ভণি কৰে । কে এল ৰাহুল আৰু নিছাংকাই শক্তিশালী বেটিঙেৰে মাত্ৰ ৫ অভাৰতে ৬১ ৰান সংগ্ৰহ কৰে । অৱশ্যে এই স্ক’ৰত ৰাহুলৰ উইকেটৰ পতন ঘটে । পৰৱৰ্তী অভাৰত পাথুম নিছাংকাৰো উইকেটৰ পতন ঘটে । সপ্তম অভাৰৰ প্ৰথম বলত অধিনায়ক অক্ষৰ পেটেল আউট হোৱাৰ লগে লগে দিল্লীৰ ইনিংছ বিপদত পৰে ।

ইয়াৰ পিছত সমীৰ ৰিজৱীৰো উইকেটৰ পতন ঘটে । তাৰ পিছত ডেভিদ মিলাৰ আৰু ষ্টাবছে ইনিংছ আগবঢ়াই নিয়াৰ চেষ্টা কৰে । অৱশ্যে মিলাৰো ১৭ ৰানত আউট হয় । অৱশেষত আশুতোষ শৰ্মা আৰু ষ্টাবছে ইনিংছৰ  দায়িত্ব লয় । অৱশ্যে ১৫ অভাৰত আশুতোষৰ উইকেটৰ পতন ঘটে । ষ্টাবছে ৬০ ৰানৰ ইনিংছ খেলিলেও নিজৰ দলটোক জয়ৰ দিশে আগুৱাই নিয়াত ব্যৰ্থ হয় । লগে লগে ১৮৯ ৰানত অল আউট হয় দিল্লী ।

চি এছ কেৰ বেটিং-

চি এছ কেৰ হৈ সঞ্জু চেমছন আৰু ৰুতুৰাজ গাইকোৱাডে প্ৰথমে ইনিংছ মুকলি কৰে । এই মেচখনত সঞ্জুক শক্তিশালী ছন্দত দেখা যায় । প্ৰথম বলৰ পৰাই তেওঁ আক্ৰমণাত্মক ভাৱে ৰান সংগ্ৰহ কৰিছিল । অৱশ্যে ৰুতুৰাজে দলীয় ৬২ ৰানত নিজৰ উইকেট বিসৰ্জন দিয়ে । ৰুতুৰাজে মাত্ৰ ১৫ ৰানহে সংগ্ৰহ কৰে । অৱশ্যে সঞ্জুৱে ক্ৰীজত খোপনি পুতি বিস্ফোৰক অৰ্ধশতক অৰ্জন কৰে । আয়ুষ মাহাত্ৰেই তেওঁক যোগ্য সমৰ্থন আগবঢ়াই । ১১ নং অভাৰত চি এছ কেয়ে ১০০ ৰানৰ সীমা অতিক্ৰম কৰে ।

ইয়াৰ পিছতে সঞ্জুৱে মাহাত্ৰেৰ সৈতে শতকীয় অংশীদাৰিত্ব গঢ়ে । তেওঁ মাত্ৰ ৫২টা বলত ছিজনৰ প্ৰথমটো শতক অৰ্জন কৰে । মাহাত্ৰেও অৰ্ধশতক অৰ্জন কৰে যদিও তেওঁ আঘাতৰ বাবে পেভিলিয়নমুখী হয় । তাৰ পিছত শিৱম ডুবেই ইনিংছৰ দায়িত্ব লয় । কিন্তু সঞ্জুৱে শেষ বলটোলৈকে থাকি ৫৬টা বলত অপৰাজিত ১১৫ ৰান কৰে । নিজৰ ইনিংছত সঞ্জুৱে ১৫টা চাৰি আৰু ৪টা ছয় কোবাই । ইয়াৰ ফলত চি এছ কে ২০ অভাৰত ২ টা উইকেটত ২১২ ৰান সংগ্ৰহ কৰিবলৈ সক্ষম হয় ।

লগতে পঢ়ক : আই পি এল ২০২৬ৰ প্ৰথমটো শতক অৰ্জন সঞ্জু চেমছনৰ, গঢ়িলে দ্ৰুততম শতকৰ অভিলেখ

২০২৬ৰ আই পি এলত প্ৰথমটো শতক অৰ্জন কৰিছে সঞ্জু চেমছনে

আই পি এল ২০২৬ৰ সংস্কৰণত শতক অৰ্জন কৰা প্ৰথমজন বেটছমেন হিচাপে পৰিগণিত হৈছে সঞ্জু চেমছন । শনিবাৰে দিল্লী কেপিটেলছৰ বিৰুদ্ধে অনুষ্ঠিত হোৱা মেচত তেওঁ এই কৃতিত্ব অৰ্জন কৰে । চেমছনে ৫২টা বলত শতক অৰ্জন কৰে, যিটো তেওঁৰ আই পি এল কেৰিয়াৰৰ আটাইতকৈ দ্ৰুততম শতক । আই পি এলত চেন্নাই ছুপাৰ কিংছৰ হৈ খেলি থকাৰ সময়ত এইবাৰ প্ৰথমবাৰৰ বাবে শতক অৰ্জন কৰিছে তেওঁ ।

আই পি এল ২০২৬ৰ প্ৰথমটো শতক-

২০২৬ৰ আই পি এলত প্ৰথমটো শতক অৰ্জন কৰিছে সঞ্জু চেমছনে । পূৰ্বতে চলিত ছিজনৰ সৰ্বোচ্চ স্ক’ৰ অৰ্জন কৰিছিল দিল্লী কেপিটেলছৰ কে এল ৰাহুলে, যিয়ে ৯২ ৰান সংগ্ৰহ কৰিছিল । দিল্লীৰ সমীৰ ৰিজভিয়েও ৯০ ৰান সংগ্ৰহ কৰিছিল যদিও এতিয়া চেমছনে প্ৰথমটো শতক অৰ্জন কৰি অভিলেখ গঢ়িছে ।

দ্ৰুততম শতকৰ অভিলেখ-

দিল্লী কেপিটেলছৰ বিৰুদ্ধে খেলখনত ৫২টা বলত শতক অৰ্জন কৰে সঞ্জু চেমছনে । ব্যক্তিগতভাৱে এইটোৱেই তেওঁৰ আই পি এলৰ আটাইতকৈ দ্ৰুততম শতক । তেওঁৰ পূৰ্বৰ আটাইতকৈ দ্ৰুততম শতক ৫৪টা বলত আছিল যিটো তেওঁ ২০১৯ৰ ছিজনত ৰাজস্থান ৰয়েলছৰ হৈ খেলি থকাৰ সময়তে পঞ্জাব কিংছৰ বিৰুদ্ধে শতক অৰ্জন কৰিছিল ।

𝐇.𝐔.𝐍.𝐃.𝐑.𝐄.𝐃 💯

First of #TATAIPL 2026 😍
First in yellow 💛

Sanju Samson, Take A Bow 🙇‍♂️

Updates ▶️ https://t.co/BzGc6O65jX #KhelBindaas | #CSKvDC | @IamSanjuSamson pic.twitter.com/s2Hq1vSMsr

— IndianPremierLeague (@IPL) April 11, 2026

আই পি এলত চেন্নাই ছুপাৰ কিংছৰ বাবেও এয়া পঞ্চমটো দ্ৰুততম শতক । ২০১০ চনত ৰাজস্থান ৰয়েলছৰ বিৰুদ্ধে ৪৬টা বলত শতক অৰ্জন কৰা মুৰালী বিজয়ে চি এছ কেৰ হৈ দ্ৰুততম শতক অৰ্জন কৰাৰ অভিলেখ গঢ়িবলৈ সক্ষম হৈছিল । বিগত ১৬ বছৰে এই অভিলেখ মুৰালী বিজয়ৰ হাতত আছে ।

উল্লেখ্য যে, আই পি এল ২০২৬ত চেন্নাই ছুপাৰ কিংছৰ হৈ তিনিটা ইনিংছত ৬, ৭, আৰু ৯ ৰান সংগ্ৰহ কৰি সেই তিনিটা ইনিংছত মাত্ৰ ২২ ৰান সংগ্ৰহ কৰাৰ বাবে সমালোচনাৰ সন্মুখীন হৈছিল সঞ্জু চেমছন । অৱশ্যে দিল্লী কেপিটেলছৰ বিৰুদ্ধে তেওঁৰ বিস্ফোৰক শতকে তেওঁৰ সমালোচকসকক যোগ্য প্ৰত্যুত্তৰ দিবলৈ সক্ষম হয় ।

১৮ কোটিত চেন্নাইলৈ-

চলিত ছিজনত ৰাজস্থান ৰয়েলছৰ পৰা চেন্নাই চুপাৰ কিংছলৈ ১৮ কোটি টকাত ট্ৰেডিং কৰা হৈছিল সঞ্জু চেমছনক । ইয়াৰ বিনিময়ত চি এছ কেয়ে ৰবীন্দ্ৰ জাডেজা আৰু ছেম কাৰানক ৰাজস্থান ৰয়েলছৰ সৈতে ট্ৰেডিং কৰিছিল । প্ৰথম তিনিখন মেচত চেমছনৰ প্ৰদৰ্শন দুৰ্বল আছিল যদিও এই শতকৰ জৰিয়তে তেওঁ দেখুৱাই দিলে নিজৰ শক্তি আৰু প্ৰতিভাক ।

সঞ্জু চেমছনৰ আই পি এলৰ শতক-

–১০২ (৬৩) বনাম আৰ পি এছ, পুনে, ২০১৭

–১০২ (৫৫) বনাম এছ আৰ এইচ, হায়দৰাবাদ, ২০১৯

-১১৯ (৬৩) বনাম পিবিকেএছ, ৱাংখেড়ে, ২০২১

-১০২ (৫২) বনাম ডি চি, চেন্নাই, ২০২৬

উল্লেখ্য য়ে, আই পি এলৰ পূৰ্বে অনুষ্ঠিত হোৱা টি-২০ বিশ্বকাপ ২০২৬তো চেমছন বিস্ফোৰক ফৰ্মত আছিল । প্ৰথম অৱস্থাত প্ৰথম কোনো মেচত সুযোগ পোৱা নাছিল আৰু কিছু মেচত ৰান সংগ্ৰহ কৰিব পৰা নাছিল তেওঁ ।

কিন্তু নকআউট মেচত তেওঁ বিস্ফোৰক প্ৰদৰ্শন আগবঢ়াইছিল । ৱেষ্ট ইণ্ডিজৰ বিৰুদ্ধে ৯৭*, ইংলেণ্ডৰ বিৰুদ্ধে ৮৯ আৰু ফাইনেলত নিউজীলেণ্ডৰ বিৰুদ্ধে ৮৯ ৰান সংগ্ৰহ কৰি দলৰ জয়ত গুৰুত্বপূৰ্ণ ভূমিকা লৈছিল । পাঁচটা ইনিংছত ৩২১ ৰান সংগ্ৰহ কৰিছিল তেওঁ । তেওঁৰ ৮০.২৫ গড় আৰু ষ্ট্ৰাইক ৰেট আছিল ১৯৯.৩৭ । এই প্ৰতিযোগিতাত তেওঁ প্লেয়াৰ অব্ দ্য চিৰিজ সন্মান লাভ কৰিছিল ।

লগতে পঢ়ক : মুল্লনপুৰত শ্ৰেয়াছ আয়াৰৰ ধুমুহা, বৃহৎ লক্ষ্য দিও পঞ্জাৱৰ হাতত ধৰাশায়ী হায়দৰাবাদ