ইছৰোৱে নতুন বছৰৰ প্ৰথমটো বৃহৎ মহাকাশ অভিযানৰ বাবে সাজু হৈছে । ১২ জানুৱাৰীৰ পুৱা ১০:১৭ বজাত শ্ৰীহৰিকোটাৰ সতীশ ধাৱান মহাকাশ কেন্দ্ৰৰ পৰা PSLV-C62 অভিযান উৎক্ষেপণ হ’ব ।
ভাৰতীয় মহাকাশ সংস্থা চমুকৈ ইছৰোৱে নতুন বছৰৰ প্ৰথমটো বৃহৎ মহাকাশ অভিযানৰ বাবে সাজু হৈছে । সোমবাৰে পুৱা শ্ৰীহৰিকোটাৰ পৰা এনে এক ৰকেট উৰা মাৰিব আৰু ভাৰতক সেই শক্তি প্ৰদান কৰিব যাক বিশ্বই স্পেচ ইন্টেলিজেন্স বুলি কয় । ১২ জানুৱাৰীৰ পুৱা ১০:১৭ বজাত শ্ৰীহৰিকোটাৰ সতীশ ধাৱান মহাকাশ কেন্দ্ৰৰ পৰা PSLV-C62 অভিযান উৎক্ষেপণ হ’ব । এই অভিযানে ভাৰতৰ নিৰাপত্তা আৰু নিৰীক্ষণ ক্ষমতাক নতুন উচ্চতালৈ উন্নীত কৰিব । এই অভিযানৰ মূল আকৰ্ষণ হৈছে ই অ’ এছ-এন-১ উপগ্ৰহ, যাৰ আন এটা নাম হৈছে “অন্বেষা” ।
ভাৰতৰ PSLV-C62 কঢ়িয়াই লৈ যাব লগা EOS-N1 নামৰ উপগ্ৰহটোৱে পৃথিৱীৰ ফটো লোৱাই নহয় ইয়াৰ বাস্তৱতাও অধ্যয়ন কৰিব । ই ভাৰতক এনে এক শক্তি প্ৰদান কৰিব যাক সমগ্ৰ বিশ্বই স্পেচ ইন্টেলিজেন্স বুলি কয় । এই উপগ্ৰহটোৱে সাধাৰণ কেমেৰাৰ দৰে কাম নকৰে, বৰঞ্চ শতাধিক পোহৰৰ ৰশ্মিক অধ্যয়নক কৰি ছেকেণ্ডতে এক অনন্য প্ৰতিবেদন প্ৰস্তুত কৰে । অৰ্থাৎ মাটিৰ তলত আৰ্দ্ৰতা হওক বা খৰাং হওক, অৰণ্যৰ সেউজীয়া হওক বা শুষ্কতা, ভুৱা শিবিৰ হওক বা প্ৰকৃত কাৰ্যকলাপ, এই সকলোবোৰ বিভিন্ন ধৰণেৰে প্ৰকাশ পাব ।
EOS-N1 হৈছে এটা নিৰীক্ষণ ব্যৱস্থা যিয়ে লুকাই থকা লক্ষ্য, সন্দেহজনক চালচলন আৰু সন্দেহজনক গতিবিধি ধৰা পেলাব পাৰে । আনকি পাহাৰ, অৰণ্য, মৰুভূমিত লুকাই থকা কাৰ্য্যকলাপো ইয়াৰ হাইপাৰস্পেকট্ৰল ডিজিটেল ফিংগাৰপ্ৰিণ্টৰ দ্বাৰা ৰক্ষা নাপাব । অৰ্থাৎ এতিয়া কেৱল দেখাই নদয় ধৰা পেলোৱাটোও সহজ হৈ পৰিব ।
এই উপগ্ৰহটোৱে কোনবোৰ পথাৰত পানীৰ অভাৱ আছে, ক’ত শস্যৰ ৰোগ আছে আৰু ক’ত খৰাং পৰিস্থিতিৰ ভাবুকি আছে সেই কথা প্ৰকাশ কৰিব । ইয়াৰ জৰিয়তে ঘূৰ্ণীবতাহ, বানপানী, বনজুইৰ আগতীয়া সতৰ্কবাণী প্ৰদান কৰা হ’ব, যাৰ ফলত দুৰ্যোগৰ পূৰ্বে প্ৰস্তুতি চলাব পৰা যাব । PSLV-C62-এ কেৱল ভাৰতৰে নহয়, বিশ্বৰ বহু দেশৰ উপগ্ৰহ কঢ়িয়াই নিছে ।
ইয়াৰ উপৰিও ইয়াত এটা বিশেষ ৰি-এন্ট্ৰি কেপচুল থাকিব যিয়ে ভৱিষ্যতে মহাকাশৰ পৰা ঘূৰি অহা প্ৰযুক্তি পৰীক্ষা কৰিব । ১২ জানুৱাৰীৰ এই উৰণে প্ৰমাণ কৰিব যে ভাৰত এতিয়া কেৱল মহাকাশলৈ উপগ্ৰহ নিক্ষেপ কৰা ৰাষ্ট্ৰ নহয়, বৰঞ্চ দৃষ্টি, বুজাবুজি আৰু নিয়ন্ত্ৰণ তিনিওটাকে আয়ত্ত কৰি মহাকাশ শক্তিত পৰিণত হৈছে ।
লগতে পঢ়ক : চন্দ্ৰলৈ বৃহৎ অভিযানৰ প্ৰস্তুতি! ২০৪০ৰ ভিতৰত চন্দ্ৰলৈ ভাৰতে প্ৰেৰণ কৰিব মহাকাশচাৰী
