ভাৰতীয় মহাকাশ গৱেষণা সংস্থাৰ প্ৰাক্তন মুৰব্বী এ এছ কিৰণ কুমাৰে এক বৃহৎ ঘোষণা কৰিছে।২০৪০ৰ ভিতৰত চন্দ্ৰলৈ ভাৰতে প্ৰেৰণ কৰিব মহাকাশচাৰী
ভাৰতৰ ভৱিষ্যত মহাকাশ ৰোডমেপ সন্দৰ্ভত ভাৰতীয় মহাকাশ গৱেষণা সংস্থাৰ প্ৰাক্তন মুৰব্বী এ এছ কিৰণ কুমাৰে এক বৃহৎ ঘোষণা কৰিছে।
তেওঁ কয় যে ভাৰতে কেৱল চন্দ্ৰলৈ মানুহ পঠিয়াবলৈ সাজু হোৱাই নহয়,বৰঞ্চ মহাকাশত নিজৰ স্থায়ী ভিত্তি স্থাপনৰ দিশতো আগবাঢ়িছে।
বৰ্তমান ভৌতিক গৱেষণা পৰীক্ষাগাৰ (পি আৰ এল)ৰ পৰিচালনা পৰিষদৰ অধ্যক্ষ কুমাৰে ভাৰতীয় জ্যোতিৰ্বিজ্ঞান সমিতিৰ পঞ্চম সন্মিলনৰ উদ্বোধনী অনুষ্ঠানত ভাষণ দিয়ে।
তেওঁ কয় যে, ‘এতিয়াৰ পৰা ২০৪০ চনলৈকে মহাকাশ কাৰ্য্যকলাপত বহু অভিযান সম্পন্ন হ’ব।২০৪০ চনৰ ভিতৰত ইছৰ’ই ভাৰতীয় মহাকাশচাৰীক চন্দ্ৰলৈ পঠিয়াই আকৌ নিৰাপদে ঘূৰাই অনাৰ পৰিকল্পনা কৰিছে।ভাৰতে ২০৪০ চনৰ ভিতৰত মহাকাশ কেন্দ্ৰ নিৰ্মাণৰ দিশতো কাম কৰি আছে।
পি আৰ এল চৌহদত অনুষ্ঠিত এই অনুষ্ঠানৰ আঁৰত সংবাদ মাধ্যমৰ সৈতে হোৱা কথা-বতৰাত ইছৰোৰ প্ৰাক্তন মুৰব্বীগৰাকীয়ে দেশৰ মহাকাশ গৱেষণাৰ বিষয়ে বিতংভাৱে কয়।
তেওঁ কয় যে অদূৰ ভৱিষ্যতে চন্দ্ৰযান সম্পৰ্কীয় অভিযান হ’ব আৰু জাপানৰ সৈতে লেণ্ডাৰ আৰু ৰভাৰত কাম চলি আছে।চন্দ্ৰৰ দক্ষিণ মেৰু অঞ্চলত আমি কিছু নিৰ্দিষ্ট তথ্য বিচাৰি উলিয়াবলৈ চেষ্টা কৰা উচিত।এয়া মাত্ৰ অধিক কাৰ্যসূচীৰ আৰম্ভণি হে।
লগতে পঢ়ক: পি এছ এল ভি–চি৬২ অভিযানেৰে ২০২৬ৰ আৰম্ভণি ইছৰোৰ; ১২ জানুৱাৰীত হ’ব উৎক্ষেপণ
