গণৰাজ্য দিৱস উপলক্ষে দেশৰ বিভিন্ন ৰাজ্যতো ত্ৰিৰংগ উন্মোচন কৰা হয় । একে সময়তে ক্ৰীড়া জগতখনো গণৰাজ্য দিৱস উদযাপনৰ ক্ষেত্ৰত পিছ পৰি থকা নাই ।
আজি সমগ্ৰ দেশতে ৭৭ সংখ্যক গণৰাজ্য দিৱস উদযাপন কৰা হৈছে । ৰাষ্ট্ৰীয় ৰাজধানী দিল্লীত অনুষ্ঠিত মূল অনুষ্ঠানত পেৰেডৰ অভিবাদন গ্ৰহণ কৰে ৰাষ্ট্ৰপতি দ্ৰৌপদী মুৰ্মুৱে । ইউৰোপীয় সংঘৰ সভানেত্ৰী উৰ্চুলা লেয়েন আৰু ইউৰোপীয় পৰিষদৰ সভাপতি এণ্টনিঅ’ লুইছ ছান্টোছ দা কোষ্টাই এই গৌৰৱময় মুহূৰ্তৰ সাক্ষী হয় । গণৰাজ্য দিৱস উপলক্ষে দেশৰ বিভিন্ন ৰাজ্যতো ত্ৰিৰংগ উন্মোচন কৰা হয় । একে সময়তে ক্ৰীড়া জগতখনো গণৰাজ্য দিৱস উদযাপনৰ ক্ষেত্ৰত পিছ পৰি থকা নাই । ভাৰতীয় ক্ৰিকেট দলৰ মুখ্য প্ৰশিক্ষক গৌতম গম্ভীৰ, প্ৰাক্তন অধিনায়ক ৰোহিত শৰ্মা আৰু আই চি চিৰ অধ্যক্ষ জয় শ্বাহৰ পৰা আৰম্ভ কৰি ক্ৰীড়া জগতৰ সৈতে জড়িত বহু লোকে দেশবাসীক গণৰাজ্য দিৱসৰ শুভেচ্ছা জনায় ।
ৰোহিতে জনালে শুভেচ্ছা-
২০২৪ চনৰ টি-২০ বিশ্বকাপ আৰু ২০২৫ চনৰ চেম্পিয়নছ ট্ৰফীত ভাৰতক নেতৃত্ব দিয়া ৰোহিত শৰ্মাই তেওঁৰ হেলমেটত ত্ৰিৰংগ দেখুৱাই ইনষ্টাগ্ৰামত এটা ষ্ট্ৰৰী শ্বেয়াৰ কৰিছে । ইফালে গম্ভীৰে ইনষ্টাগ্ৰামত লিখিছে, “আমাৰ এখনেই সংবিধান আছে । আমাৰ এটাই পৰিচয় থাকিব লাগে : ভাৰতীয় !”
ভাৰতক প্ৰতিনিধিত্ব কৰি গৌৰৱ অনুভৱ কৰিছো- মনু ভাকৰ
আইচিচি (ICC) অধ্যক্ষ জয় শ্বাহে লিখিছে, “গণতন্ত্ৰ দিৱসৰ আন্তৰিক শুভেচ্ছা ! আহক আমি সেই সংবিধানক উদযাপন কৰোঁ যিয়ে ভাৰতক এখন শক্তিশালী আৰু অধিক স্থিতিস্থাপক ৰাষ্ট্ৰ হোৱাৰ দিশত আগুৱাই লৈ গৈছে ।”
আনহাতে, দুবাৰকৈ অলিম্পিক পদক বিজয়ী ভাৰতীয় মহিলা শ্বুটাৰ মনু ভাকৰে লিখিছে, “আজি আৰু প্ৰতিটো দিনেই নিজৰ দেশক প্ৰতিনিধিত্ব কৰিবলৈ পাই মই গৌৰৱান্বিত । জয় হিন্দ । গণতন্ত্ৰ দিৱসৰ আন্তৰিক শুভেচ্ছা জনালোঁ ।”
প্ৰাক্তন ভাৰতীয় বেটছমেন শিখৰ ধাৱানে লিখিছে, ‘দিল ছে হিন্দুস্তানী । গণতন্ত্ৰ দিৱসৰ শুভেচ্ছা।’ ভাৰতীয় টি-২০ দলৰ অধিনায়ক সূৰ্যকুমাৰ যাদৱে লিখিছে, ‘সংবিধানৰ দ্বাৰা পৰিচালিত ৰাষ্ট্ৰৰ ৭৭ বছৰ । গণতন্ত্ৰ দিৱসৰ আন্তৰিক শুভেচ্ছা ।’ আনহাতে, ভাৰতীয় ক্ৰিকেট নিয়ন্ত্ৰণ ব’ৰ্ড (বিচিচিআই), সৰ্বভাৰতীয় ফুটবল ফেডাৰেচন (এআইএফএফ) আৰু হকী ইণ্ডিয়াইও গণতন্ত্ৰ দিৱস উপলক্ষে দেশবাসীক শুভেচ্ছা জ্ঞাপন কৰে ।
লগতে পঢ়ক : মহাকাশৰ নায়ক শুভাংশু শুক্লাক অশোক চক্ৰৰে সন্মানিত ৰাষ্ট্ৰপতিৰ
