বাংলাদেশৰ শেহতীয়া আভ্যন্তৰীণ পৰিস্থিতি আৰু দেশখনে গ্ৰহণ কৰা ভাৰত বিকোধী স্থিতিৰ বাবে চিকেন নেকত গঢ়ি তোলা হৈছে সুৰক্ষা বেহু ।
চুবুৰীয়া দেশ বাংলাদেশৰ শেহতীয়া অস্থিৰ তথা হিংসাত্মক পৰিস্থিতিয়ে ভাৰতলৈয়ো ভাবুকি কঢ়িয়াই আনিছে । বিশেষকৈ ভাৰতৰ মূল ভূ-খণ্ডক উত্তৰ-পূৰ্বাঞ্চলৰ সৈতে সংযুক্ত কৰা চিকেন নেককলৈ বাংলাদেশে শেহতীয়াকৈ গ্ৰহণ কৰা স্থিতিয়ে উদ্বেগ সৃষ্টি কৰিছে । সেয়েহে শিলিগুৰি কৰিডৰ বা চিকেন নেক সামৰি এক অভেদ্য সুৰক্ষা বেহু গঢ়ি তুলিছে ভাৰত চৰকাৰে । বাংলাদেশত শেহতীয়াকৈ সংঘটিত হৈ থকা ঘটনাৱলী তথা হাছিনা চৰকাৰৰ পতনৰ পিছত দেশখনে গ্ৰহণ কৰি অহা ভাৰতবিৰোধী স্থিতিৰ বাবে ভাৰতে অঞ্চলটোৰ সুৰক্ষা ব্যৱস্থা কটকটীয়া কৰি তুলিছে ।
অঞ্চলটোৰ সুৰক্ষা কটকটীয়া কৰি তুলিবলৈ বহুওৱা হৈছে অত্যধুনিক ফেঞ্চিং । শেহতীয়াকৈ জানিব পৰা মতে ভাৰত-বাংলাদেশ সীমান্তৰ ৭৫ শতাংশ এলেকাত বহুওৱা হৈছে এই নতুন বেৰ । এই অত্যধুনিক ফেঞ্চিং সমূহৰ সৈতে সংযুক্ত কৰা হৈছে শতক্তিশালী কেমেৰা আৰু এয়াৰ উন্নত এয়াৰ ডমিনেচন ব্যৱস্থা । লগতে আকাশ মাৰ্গেৰে প্ৰৱেশস কৰিব পৰা যিকোনো আক্ৰমণ প্ৰতিহত কৰিবলৈ নিযুক্ত কৰা হৈছে ‘সুদৰ্শন চক্ৰ’ এছ-৪০০ এয়াৰ ডিফেন্স চিষ্টেম । বাংলাদেশত শেহতীয়াকৈ চলি থকা আভ্যন্তৰীণ উত্তেজনা তথা অস্থিৰতাৰ ফলত এই সতৰ্কমূলক ব্যৱস্থা গ্ৰহণ কৰা হৈছে ।
উল্লেখ্য সীমান্তত বহুওৱা অত্যধুনিক ফেঞ্চিং ব্যৱস্থা প্ৰায় ১২ ফুট ওখ আৰু ইয়াত সংযুক্ত কৰা হৈছে শক্তিশালী কেমেৰা, যাৰ জৰিয়তে প্ৰতিটো ঘটনা ৰিয়েল টাইমত নিৰীক্ষণ কৰিব পৰা যাব । এই ফেঞ্চিং এন্টি ক্লাইম্ব আৰু এন্টি কাটাৰ । ইয়াৰ সম্পূৰ্ণ দায়িত্বত আছে বি এছ এফ ।
ভাৰতৰ পাঁচখন ৰাজ্যৰ সৈতে বাংলাদেশৰ ৪,০৯৬ কিলোমিটাৰ জুৰি আন্তঃৰাষ্ট্ৰীয় সীমান্ত আছে । নিৰাপত্তাজনিত কাৰণত অতিশয় গুৰুত্বপূৰ্ণ এই আন্তঃৰাষ্ট্ৰীয় সীমান্ত । ইয়াৰে ২,২১৭ কিলোমিটাৰ আন্তঃৰাষ্ট্ৰীয় সীমান্ত পশ্চিমবংগত আছে । ইয়াতেই এই অত্যধুনিক ফেঞ্চিং বহুওৱা হৈছে ।
ইফালে ভাৰত-বাংলাদেশ সীমান্তত অনুপ্ৰৱেশ, চোৰাং কাৰবাৰ আদিৰ প্ৰতি লক্ষ্য ৰাখি শক্তিশালী নিৰাপত্তাৰ বাবে দুটা অতিৰিক্ত আকাশ এডভান্স মিছাইল চিষ্টেম, ভৈৰৱ বেটেলিয়ন মোটায়েন কৰা হৈছে । ইয়াৰ বাবে ব্যৱ কৰা হৈছে অতিৰিক্ত ৮,৬৬০ কোটী টকা ।
লগতে পঢ়ক : অন্ত পৰিব পথ দুৰ্ঘটনাৰ পিছত চিকিৎসাৰ চিন্তা ; কেন্দ্ৰীয় পৰিৱহণ মন্ত্ৰীৰ ডাঙৰ ঘোষণা
