কাবুলৰ এখন চিকিৎসালয়ত সংঘটিত হোৱা আক্রমণক গৰিহণা দি পাকিস্তানক তীব্ৰ সমালোচনা কৰিছে ভাৰতে
আফগানিস্তানৰ কাবুলৰ এখন চিকিৎসালয়ত সংঘটিত হোৱা আক্রমণক গৰিহণা দি পাকিস্তানক তীব্ৰ সমালোচনা কৰিছে ভাৰতে ৷ ভাৰতে স্পষ্টকৈ উল্লেখ কৰিছে যে এয়া কোনো সামৰিক অভিযান নাছিল, বৰঞ্চ নিৰীহ লোকক লক্ষ্য কৰি কৰা কাপুৰুষোচিত আক্ৰমণ আছিল । কোনো চিকিৎসালয়ক এনেদৰে আক্ৰমণৰ লক্ষ্য কৰি ল’ব নালাগে । ভাৰত চৰকাৰে কয় যে পাকিস্তানে এতিয়া সমগ্ৰ ঘটনা ঢাকিবলৈ চেষ্টা কৰিব । ভাৰতে ইয়াক বৰ্বৰ, কাপুৰুষোচিত আৰু অমানৱীয় হিংসা বুলি অভিহিত কৰিছে ।
ভাৰত চৰকাৰে ইয়াক অভিযান আখ্যা দিয়ে । অৱশ্যে সত্যটো হ’ল এয়া সাধাৰণ নাগৰিকৰ ওপৰত হোৱা প্ৰত্যক্ষ আক্ৰমণ । ই কোনো সামৰিক অভিযান নহয় । পাকিস্তানে প্ৰত্যুত্তৰ দিব লাগিব । ভাৰতে উল্লেখ কৰে যে এয়া কেৱল আক্ৰমণ নহয়, আফগান ভূমি আৰু ইয়াৰ সাৰ্বভৌমত্বৰ ওপৰত প্ৰত্যক্ষ আক্ৰমণ । ইয়াৰ ফলত সমগ্ৰ অঞ্চলটোত উত্তেজনা আৰু অধিক বৃদ্ধি পাব পাৰে । উত্তেজনা আৰু অধিক ভয়াৱহ কৰি তুলিছে পাকিস্তানে । ভাৰতে উল্লেখ কৰিছে যে এই আক্ৰমণ ৰমজান মাহত সংঘটিত হৈছে । এই সময়ত শান্তি আৰু মানৱতাৰ কথা কোৱা হয় আৰু চিকিৎসালয়ত আক্ৰমণ কৰাটো আৰু অধিক লজ্জাজনক বুলি ভাৰতে উল্লেখ কৰে ।
এই বিষয়টোক সহজভাৱে নল’বলৈ আৰু দায়ীসকলৰ বিৰুদ্ধে কঠোৰ ব্যৱস্থা ল’বলৈ ভাৰতে বিশ্বৰ আন দেশসমূহকো আহ্বান জনাইছে । অৱশেষত ভাৰতে আফগানিস্তানৰ জনসাধাৰণৰ সৈতে সংহতি প্ৰকাশ কৰি নিহতসকলৰ বাবে শোক প্ৰকাশ কৰে আৰু আহতসকলৰ আশু আৰোগ্য লাভৰ বাবে প্ৰাৰ্থনা কৰে ।
ভাৰতে স্পষ্ট বাৰ্তা দিছে যে চিকিৎসালত কৰা আক্ৰমণ কোনো কাৰণতে ন্যায্য হ’ব নোৱাৰে আৰু ইয়াক লুকুৱাবলৈ কৰা যিকোনো প্ৰচেষ্টা বিফল হ’ব ।
লগতে পঢ়ক : আফগানিস্তানত পাকিস্তানৰ ভয়ংকৰ এয়াৰ ষ্ট্ৰাইক, ৪০০ লোকৰ মৃত্যুৰ দাবী
