বিতৰ্কৰ মাজত সোমাই পৰিছে ৱেব ছিৰিজ ‘ঘোছখোৰ পণ্ডিত’। উত্তৰ প্ৰদেশত ৱেব ছিৰিজ খনৰ বিৰুদ্ধে ৰুজু হৈছে গোচৰ। ছবিখনৰ শিৰোনামক লৈ ব্ৰাহ্মণ সমাজে আপত্তি দৰ্শাইছে।
উত্তৰ প্ৰদেশত ৱেব ছিৰিজ ‘ঘুছখোৰ পণ্ডিত’ক লৈ বৃদ্ধি পাইছে বিতৰ্ক। এই ৱেব ছিৰিজখনৰ বিৰুদ্ধে ব্ৰাহ্মণ সমাজে এটা মৰ্চা মুকলি কৰিছে।এই ছবিখনৰ শিৰোনামক লৈ ব্ৰাহ্মণ সমাজে আপত্তি দৰ্শাইছে।
একে সময়তে ৰাজনৈতিক দলসমূহেও ইয়াৰ বিৰোধিতা কৰিছে। ৰাজ্যখনত চলি থকা ব্যাপক প্ৰতিবাদৰ পৰিপ্ৰেক্ষিতত ‘ঘুছখোৰ পণ্ডিত’ ৱেব ছিৰিজৰ বিৰুদ্ধে এফআইআৰ ৰুজু কৰা হৈছে।
মুখ্যমন্ত্ৰী যোগী আদিত্য নাথৰ নিৰ্দেশত এই ব্যৱস্থা গ্ৰহণ কৰা হৈছে। চৰকাৰে কৈছে যে, সামাজিক সম্প্ৰীতি আৰু আইন-শৃংখলাৰ সৈতে খেলা-ধূলা কৰাসকলৰ বিৰুদ্ধে শূন্য সহনশীলতা নীতিৰ অধীনত এই ব্যৱস্থা গ্ৰহণ কৰা হৈছে।
বৃহস্পতিবাৰে হজৰতগঞ্জ কোতৱালিৰ এছ এইচ অ’ বিক্ৰম সিঙে নিজেই এই এফ আই আৰ দাখিল কৰে। শুকুৰবাৰে বিক্ৰম সিঙে কয় যে ‘ঘোছখোৰ পণ্ডিত’ ছবিখনৰ পৰিচালক আৰু তেওঁৰ দলৰ বিৰুদ্ধে এটা বিশেষ জাতিক অপমান কৰি শত্ৰুতা বিয়পাই দিয়াৰ অভিযোগত আৰক্ষীয়ে এফআইআৰ ৰুজু কৰিছে।
এই এফ আই আৰ ভাৰতীয় দণ্ডবিধিৰ (বিএনএছ)ৰ ধাৰা ১৯৬ (ধৰ্ম, জাতি বা ভাষাৰ ভিত্তিত শত্ৰুতাক প্ৰসাৰ কৰা), ২৯৯ (যিকোনো শ্ৰেণীৰ অনুভূতিক ক্ষুব্ধ কৰাৰ উদ্দেশ্যেৰে কৰা ইচ্ছাকৃত আৰু দুৰ্নীতিপৰায়ণ কাৰ্য্য),তথ্য প্ৰযুক্তি সংশোধনী আইনৰ ৩৫২ (শান্তি ভংগৰ উদ্দেশ্যেৰে ইচ্ছাকৃতভাৱে অপমান), ৩৫৩ (জনসাধাৰণৰ উপদ্ৰৱৰ সৈতে জড়িত) আৰু ৬৬ নং ধাৰাত গোচৰ ৰুজু কৰা হৈছে।
এজাহাৰত এছ এইচ অ’ই কৈছে যে অ’টিটি প্লেটফৰ্ম নেটফ্লিক্সত ‘ঘোছখোৰ পণ্ডিত’ নামৰ এখন ছবি মুক্তি লাভ কৰিছে।
তেওঁলোকে অভিযোগ কৰিছে যে ছবিখনৰ নামটোৱে এটা বিশেষ জাতিক লক্ষ্য কৰি তেওঁলোকক অপমান কৰিছে যাৰ বাবে সেই বিশেষ জাতিটোৰ মাজত যথেষ্ট ক্ষোভৰ সৃষ্টি হয়।
এফআইআৰৰ তথ্য অনুসৰি বহু সামাজিক সংগঠন, অনুষ্ঠান-প্ৰতিষ্ঠানেও ছবিখনৰ বিৰুদ্ধে হিংসাত্মক প্ৰতিবাদ সাব্যস্ত কৰিবলৈ সাজু হৈছে।
পৰিচালকৰ দ্বাৰা টেলিকাষ্ট কৰা এই ছবিখনে সমাজৰ সমন্বয় আৰু শান্তি বিনষ্ট কৰি জনগোষ্ঠীসমূহৰ মাজত শত্ৰুতা বিয়পাব পাৰে।
লগতে পঢ়ক: তিহাৰ জে’লত ৰাজপাল যাদৱৰ আত্মসমৰ্পণ; কাৰাগাৰেই হ’ব নেকি ঠিকনা
