আজি বিহাৰ লোক ভৱনত ৰাজ্যপালৰ সচিব গোপাল মীনাৰ অধ্যক্ষতাত পাটনা জিলা প্ৰশাসনৰ উচ্চপদস্থ বিষয়াৰ সৈতে এখন বৈঠক অনুষ্ঠিত হয়
১৫ এপ্ৰিলত বিহাৰে লাভ কৰিব বাৰতীয় জনতা পাৰ্টীৰ প্ৰথমগৰাকী মুখ্যমন্ত্ৰী । লোক ভৱনত ইতিমধ্যে শপতগ্ৰহণৰ বাবে প্ৰস্তুতি তীব্ৰগতিত চলি আছে । আজি বিহাৰ লোক ভৱনত ৰাজ্যপালৰ সচিব গোপাল মীনাৰ অধ্যক্ষতাত পাটনা জিলা প্ৰশাসনৰ উচ্চপদস্থ বিষয়াৰ সৈতে এখন বৈঠক অনুষ্ঠিত হয় । পাটনাৰ বিভাগীয় আয়ুক্ত, ডি এম, এছ এছ পি, সকলো এছ পি, এ ডি এম আৰু এছ ডি এমে ইয়াত অংশ লয় । অহা ১৫ এপ্ৰিলত নতুন চৰকাৰৰ শপতগ্ৰহণ অনুষ্ঠান অনুষ্ঠিত হ’ব । পুৱা ১১ বজাত শপত গ্ৰহণ কৰিব নতুন মুখ্যমন্ত্ৰীয়ে । বিশেষ কথাটো হ’ল নতুন মুখ্যমন্ত্ৰীৰ শপত গ্ৰহণ অনুষ্ঠানত প্ৰধানমন্ত্ৰী নৰেন্দ্ৰ মোদীয়েও অংশগ্ৰহণ কৰিব । ইয়াৰ বাবে সকলো প্ৰস্তুতি চলি আছে । মঙলবাৰে বিয়লিৰ ভিতৰত সকলো প্ৰস্তুতি সম্পূৰ্ণ হ’ব বুলি আশা কৰা হৈছে ।
বিমানবন্দৰ, অনে মাৰ্গ আৰু ৰাজভৱনত পাটনা জিলা প্ৰশাসনে কটকটীয়া নিৰাপত্তা বেষ্টনী গঢ়ি তুলিছে । মঙলবাৰে সন্ধিয়া পাটনাত উপস্থিত হৈ লোকভৱনত থাকিব প্ৰধানমন্ত্ৰীগৰাকী । লোক ভৱনত সকলো প্ৰস্তুতি চলি আছে । অট্টালিকাটোৰ চাৰিওফালে নিৰাপত্তা কটকটীয়া কৰা হৈছে । বাট-পথতো বেৰিকেড লগোৱা হৈছে ।
জানিব পৰা মতে কাইলৈ কেবিনেট বৈঠক সমাপ্ত কৰাৰ পিছত মুখ্যমন্ত্ৰী নীতিশ কুমাৰে নিজৰ দলৰ বিধায়কসকলৰ সৈতে বৈঠকত মিলিত হ’ব । ইয়াৰ পিছত তেওঁ ৩:৩০ বজাত ৰাজ্যপালৰ ওচৰত পদত্যাগ পত্ৰ দাখিল কৰিব । ৰাজ্যিক সভাপতি সঞ্জয় সৰৱাগীয়ে স্পষ্টকৈ উল্লেখ কৰে যে ১৪ এপ্ৰিলত প্ৰথমবাৰৰ বাবে বিজেপি বিধায়িনী দলৰ বৈঠক অনুষ্ঠিত হ’ব । ইয়াৰ পিছত চৰকাৰ গঠন প্ৰক্ৰিয়া আগবাঢ়িব । নিৰ্ধাৰিত সময় অনুসৰি সকলো আগবাঢ়িছে । বিজেপিৰ বৈঠকৰ পাছত এন ডি এৰ বিধায়িনী দলৰ নেতাসকলৰ বৈঠক হ’ব ৷ এই বৈঠকত সকলো বিধায়কে বিজেপিয়ে বাছনি কৰা প্ৰাৰ্থীক অনুমোদন দিব ।
লগতে পঢ়ক : একবিংশ শতিকাৰ আটাইতকৈ ডাঙৰ সিদ্ধান্ত ল’বলৈ সাজু ভাৰতঃ প্ৰধানমন্ত্ৰী মোদী
