এক ভয়ংকৰ দুৰ্ঘটনাৰ পৰা কোনোমতে প্ৰাণৰক্ষা পৰিল বলীউড অভিনেতা অক্ষয় কুমাৰৰ! পত্নীসহ জুহুস্থিত ঘৰলৈ আহি থকা অৱস্থাতে সংঘটিত হয় ভয়ংকৰ দুৰ্ঘটনা…
দুৰ্ঘটনাত পতিত হ’ল বলীউড অভিনেতা অক্ষয় কুমাৰৰ বাহন । এই দুৰ্ঘটনাত কোনোমতে প্ৰাণৰক্ষা পৰিল অভিনেতাগৰাকীৰ । সোমবাৰে সন্ধিয়া মুম্বাইত বলীউড অভিনেতা অক্ষয় কুমাৰৰ এস্কৰ্ট গাড়ী আৰু অট’ৰিক্সাৰ মাজত হোৱা সংঘৰ্ষত এই দুৰ্ঘটনা সংঘটিত হয় । এই দুৰ্ঘটনাত দুজন লোক আহত হয় বুলি জানিব পৰা গৈছে । অভিনেতাগৰাকীৰ জুহুৰ বাসগৃহৰ সমীপত সংঘটিত হয় এই ভয়ংকৰ দুৰ্ঘটনা । অৱশ্যে দুৰ্ঘটনা সংঘটিত হোৱাৰ সময়ত গাড়ীখনত অক্ষয় কুমাৰ নাছিল । ইফালে অটোৰিক্সা চালকজনৰ ভাতৃয়ে এতিয়া ক্ষতিপূৰণৰ দাবী জনাইছে ।
জানিব পৰা মতে, অক্ষয় কুমাৰ আৰু তেওঁৰ পত্নী টুইংকল খান্নাই বিমানবন্দৰৰ পৰা জুহুৰ ঘৰলৈ উভতি আহি আছিল । এখন গাড়ীয়ে পিছফালৰ পৰা এখন অটোৰিক্সা খুন্দা মৰাৰ ফলত ৰিক্সাখন বাগৰি অক্ষয় কুমাৰৰ গাড়ীৰ সৈতে খুন্দা মাৰে । ইয়াৰ প্ৰভাৱ ইমানেই ভয়াৱহ আছিল যে অভিনেতাজনৰ নিৰাপত্তাৰক্ষীৰ বাহনখন সোঁফালে বাগৰি পৰে ।
ঘটনা সন্দৰ্ভত তথ্য লাভ কৰাৰ লগে লগে আৰক্ষী ঘটনাস্থলীত উপস্থিত হৈ পৰিস্থিতি নিয়ন্ত্ৰণ কৰে । এটা ভাইৰেল ভিডিঅ’ত দেখা গৈছে যে অক্ষয় কুমাৰৰ এস্কৰ্ট বাহনখন দুটা টায়াৰত বাগৰি পৰাৰ বিপৰীতে অটোৰিক্সাখনৰ সন্মুখভাগ বেয়াকৈ ছিন্নভিন্ন হৈ পৰিছে । সৌভাগ্যক্ৰমে কোনো লোক গুৰুতৰভাৱে আহত হোৱা নাই ।
আনহাতে দুৰ্ঘটনাটোত আহত অট’ৰিক্সা চালকজনৰ ভাতৃয়ে কয় যে, “নিশা ৮ৰ পৰা ৮:৩০ বজাৰ ভিতৰত সংঘটিত হয় এই ঘটনা । মোৰ ভাইটিয়ে অট’ৰিক্সাখন চলাই থকা অৱস্থাত অক্ষয় কুমাৰৰ ইনোভা আৰু এখন মাৰ্চিডিজ গাড়ী পিছফালৰ পৰা আহি আছিল । মাৰ্চিডিজখনে ইনোভাখনক খুন্দা মাৰে, যিয়ে পাছলৈ অট’ৰিক্সাখনত খুন্দা মাৰে । ফলত মোৰ ভাইটি আৰু আন এজন যাত্ৰী অট’ৰিক্সাখনৰ তলত সোমাই ধৰে । অট’ৰিক্সাখন যথেষ্ঠ ক্ষতিগ্ৰস্ত হৈছে আৰু ভাইটিৰ অৱস্থাও গুৰুতৰ । আমাৰ একমাত্ৰ অনুৰোধ যে মোৰ ভাইটিয়ে উপযুক্ত চিকিৎসা আৰু ৰিক্সাখনৰ ক্ষতিপূৰণ লাভ কৰক । আমি আৰু একো নিবিচাৰো ।”
লগতে পঢ়ক : ‘মই উভতি আহিম নে নাই নাজানো …’; বলিউডৰ পৰা বিৰতি ল’ব নেকি নেহা কক্কৰে
