“মোৰ বাবে পদতকৈ নৈতিকতা অধিক গুৰুত্বপূৰ্ণ বিষয়”, নেপালৰ গৃহমন্ত্ৰী চুডান গুৰুঙে পদত্যাগ কৰিছে।
নেপালত প্ৰধানমন্ত্ৰী বলেন্দ্ৰ শ্বাহৰ চৰকাৰক লৈ জনসাধাৰণৰ অসন্তুষ্টি ক্ৰমাৎ বৃদ্ধি পোৱাৰ মাজতে এক ডাঙৰ খবৰ আহিছে। নেপালৰ গৃহমন্ত্ৰী চুডান গুৰুঙে পদত্যাগ কৰিছে।
গুৰুঙে আয়ত কৈ বেছি সম্পত্তি ৰখাৰ পৰা আৰম্ভ কৰি ধন সৰবৰাহৰ অভিযোগৰ সন্মুখীন হৈছে।তেওঁৰ বিৰুদ্ধে বিতৰ্কিত ব্যৱসায়ীৰ সৈতে জড়িত কোম্পানীৰ শ্বেয়াৰ ক্ৰয় কৰাৰ অভিযোগো উত্থাপন হৈছে। গুৰুঙে প্ৰধানমন্ত্ৰী বলেন্দ্ৰ শ্বাহক পদত্যাগ পত্ৰ দাখিল কৰিছে। ছচিয়েল মিডিয়াৰ জৰিয়তে তেওঁ পদত্যাগৰ কথা ঘোষণা কৰিছে।
সামাজিক মাধ্যমত তেওঁ লিখিছে যে, যোৱা কিছুদিন ধৰি নাগৰিক সকলে মোৰ শ্বেয়াৰকে ধৰি বিভিন্ন বিষয়ৰ সন্দৰ্ভত প্ৰশ্ন উত্থাপন, মন্তব্য আৰু অনুসন্ধানবোৰক মই গুৰুত্বসহকাৰে লৈছো। মোৰ সম্পৰ্কীয় বিষয়সমূহৰ ওপৰত নিৰপেক্ষ তদন্ত হ’ব লাগে আৰু মই কাৰ্যভাৰ গ্ৰহণ কৰি থকাৰ সময়ত কোনো ধৰণৰ স্বাৰ্থৰ সংঘাত স্পষ্ট হ’ব নালাগে আৰু সেয়ে মই গৃহমন্ত্ৰীৰ পদৰ পৰা পদত্যাগ কৰিছো।”
নেপালৰ গৃহমন্ত্ৰী গৰাকীয়ে আৰু লিখিছে যে, মোৰ বাবে পদতকৈ নৈতিকতা অধিক গুৰুত্বপূৰ্ণ বিষয়।আৰু জনসাধাৰণৰ আস্থাতকৈ ডাঙৰ কোনো শক্তি নাই।
উল্লেখ্য যে, নেপালৰ প্ৰধানমন্ত্ৰী বলেন্দ্ৰ শ্বাহে শপত গ্ৰহণ কৰাৰ দিনাই মন্ত্ৰী পৰিষদ গঠন কৰিছিল আৰু গুৰুঙক গৃহমন্ত্ৰী হিচাপে নিযুক্তি দিয়া হৈছিল। কেইবাজনো উচ্চপদস্থ বিষয়াক গ্ৰেপ্তাৰ কৰি কাৰ্যভাৰ গ্ৰহণ কৰাৰ কিছু সময়ৰ পিছতে প্ৰথমবাৰৰ বাবে বাতৰিৰ শিৰোনাম দখল কৰা গুৰুঙে যোৱা কিছুদিন ধৰি ধাৰাবাহিকভাৱে সমালোচনাৰ কেন্দ্ৰবিন্দু হৈ পৰিছে।
লগতে পঢ়ক: বলেন্দ্ৰ শ্বাহ চৰকাৰৰ বিৰুদ্ধে জনসাধাৰণৰ ক্ষোভ; গৃহমন্ত্ৰীৰ ‘অবৈধ লেনদেন’ক লৈ প্ৰতিবাদ
