বিপদে লগ নেৰা হৈছে কংগ্ৰেছ নেতা পৱন খেড়াক। উচ্চতম ন্যায়ালয়ে নাকচ কৰিলে অন্তৰ্ৱৰ্তীকালীন জামিনৰ ম্যাদ বৃদ্ধিৰ আৱেদন
উচ্চতম ন্যায়ালয়টো সকাহ নাপালে কংগ্ৰেছ নেতা পৱন খেড়াই। অন্তৰ্ৱৰ্তীকালীন জামিনৰ ম্যাদ বৃদ্ধিৰ আৱেদন নাকচ উচ্চতম ন্যায়ালয়ৰ। মঙলবাৰলৈকে জামিন আবেদনৰ ম্যাদ বঢ়োৱাৰ আৰ্জি জনাইছিল পৱন খেড়াই। গুৱাহাটী উচ্চ ন্যায়ালয় বন্ধ থকাৰ ভুৱা তথ্যৰে কৰিছিল আবেদন। কিন্তু এতিয়া পৱন খেড়াক অসমলৈ আহি জামিন আবেদন কৰাৰ উচ্চতম ন্যায়ালয়ে নিৰ্দেশনা দিছে।
জানিব পৰা মতে তেলেংগানা উচ্চ ন্যায়ালয়ে ৭ দিনৰ বাবে দিছিল অন্তৰ্ৱৰ্তীকালীন জামিন।কিন্তু জামিন সম্পৰ্কে গুৱাহাটী উচ্চ ন্যায়ালয়ে চূড়ান্ত সিদ্ধান্ত ল’ব বুলিও উচ্চতম ন্যায়ালয়ে জানিবলৈ দিয়ে। এতিয়া যিকোনো মূহুৰ্ততে গ্ৰেপ্তাৰ হোৱাৰ সম্ভাৱনা আছে। পৱন খেড়াক গ্ৰেপ্তাৰ কৰাৰ সকলো বাধা আতৰিল অসম আৰক্ষীৰ।
উল্লেখ্য যে, ৰিণিকি ভূঞা শৰ্মাৰ অভিযোগৰ ভিত্তিত পৱন খেড়াৰ বিৰুদ্ধে ৰুজু হৈছিল গোচৰ। ভুৱা পাছপ’ৰ্টৰ অভিযোগৰ বিৰুদ্ধে ৰিণিকি ভূঞা শৰ্মাই তৰিছিল গোচৰ।
