বিধানসভা নিৰ্বাচনৰ বাবে আজি তিনিখন ৰাজ্য অসম, পুডুচেৰী, আৰু কেৰালাত ভোটদান চলি আছে
বিধানসভা নিৰ্বাচন ২০২৬ৰ বাবে আজি তিনিখন ৰাজ্য অসম, পুডুচেৰী, আৰু কেৰালাত ভোটদান চলি আছে । এই বিশেষ দিনটোত প্ৰধানমন্ত্ৰী নৰেন্দ্ৰ মোদীয়ে আজি তিনিওখন ৰাজ্যৰ ভোটাৰক গণতন্ত্ৰৰ এই উদযাপনত অংশগ্ৰহণ কৰিবলৈ আহ্বান জনায় । বিশেষকৈ যুৱক-যুৱতী আৰু মহিলা ভোটাৰসকলক গণতান্ত্ৰিক প্ৰক্ৰিয়াক শক্তিশালী কৰিবলৈ আহ্বান জনায় তেওঁ । প্ৰধানমন্ত্ৰী মোদীয়ে কয় যে দেশৰ ভৱিষ্যত গঢ় দিয়াত প্ৰতিটো ভোটে গুৰুত্বপূৰ্ণ ভূমিকা পালন কৰে ।
২০২৬ চনৰ বিধানসভা নিৰ্বাচনত অভিলেখ সৃষ্টিকাৰী ভোটাৰৰ ভোটদানৰ বাবে আবেদন জনাই প্ৰধানমন্ত্ৰী মোদীয়ে কয় যে, “নাগৰিকসকলে নিজৰ গণতান্ত্ৰিক অধিকাৰ সাব্যস্ত কৰাৰ এক গুৰুত্বপূৰ্ণ সুযোগ ভোটদান । সকলোৱে নিজৰ ভোটাধিকাৰ প্ৰয়োগ কৰি গণতন্ত্ৰক সৱলীকৰণ কৰা উচিত । এই প্ৰক্ৰিয়াই ৰাজ্যৰ ভৱিষ্যত গঢ় দিয়াত সহায় কৰিব । প্ৰতিজন নাগৰিকৰ অৱদান গুৰুত্বপূৰ্ণ ।”
কেৰালা, পুডুচেৰী, অসমৰ জনসাধাৰণক পৃথক পৃথক এক্স-পোষ্টত আবেদন জনায় প্ৰধানমন্ত্ৰী মোদীয়ে । ২০২৬ চনৰ বিধানসভা নিৰ্বাচনত অভিলেখসংখ্যক অংশগ্ৰহণৰ আহ্বান জনাই প্ৰধানমন্ত্ৰী মোদীয়ে ৰাজ্যসমূহৰ যুৱ-মহিলাসকলক আগবাঢ়ি আহি বৃহৎ সংখ্যক ভোটদান কৰিবলৈ আহ্বান জনায় ।
লগতে পঢ়ক : পাৰমাণৱিক শক্তিৰ ক্ষেত্ৰত অভূতপূৰ্ব সফলতা ভাৰতৰ
