ইৰাণৰ বিৰুদ্ধে যুদ্ধত অংশগ্ৰহণ কৰা এখন আমেৰিকান বিমান দুৰ্ঘটনাগ্ৰস্ত হয়। ইৰাণৰ বিৰুদ্ধে চলি থকা যুদ্ধত অংশগ্ৰহণ কৰা আমেৰিকাৰ সেনাবাহিনীৰ ইন্ধন ভৰোৱা এখন বিমান ইৰাকত দুৰ্ঘটনাগ্ৰস্ত হৈছে।
ইৰাকত দুৰ্ঘটনাগ্ৰস্ত হৈছে আমেৰিকাৰ সামৰিক বাহিনীৰ ইন্ধন ভৰোৱা বিমান। এই তথ্য প্ৰদান কৰি আমেৰিকাৰ কেন্দ্ৰীয় কমাণ্ডে কয় যে ইৰাণত চলি থকা সংঘাতৰ মাজতে তেওঁলোকৰ কেচি-১৩৫ ইন্ধন ভৰোৱা বিমানখন দুৰ্ঘটনাগ্ৰস্ত হয়। এই বিমানখনত পাঁচজন ক্ৰু মেম্বাৰ আছিল।
সামৰিক বাহিনীয়ে জাৰি কৰা এক বিবৃতিত কোৱা হৈছে যে মুঠ দুখন বিমান আছিল, ইয়াৰে এখন বিমানে নিৰাপদ অৱতৰণ কৰাৰ বিপৰীতে আনখন বিমান দুৰ্ঘটনাগ্ৰস্ত হয়।সেনাই উল্লেখ কৰে যে শত্ৰুৰ আক্ৰমণৰ ফলত এই দুৰ্ঘটনাটো সংঘটিত হোৱা নাই। বৰ্তমান উদ্ধাৰ অভিযান চলি আছে, আৰু তদন্ত চলি আছে।
বিবৃতিটোত কোৱা হৈছে যে অপাৰেচন ‘এপিক ফিউৰি’ৰ সময়ত বন্ধুত্বপূৰ্ণ আকাশমাৰ্গৰ ভিতৰত এই দুৰ্ঘটনাটো সংঘটিত হৈছিল আৰু উদ্ধাৰ অভিযান আৰম্ভ হৈছে। এই অভিযান ইৰাণক লক্ষ্য কৰি লোৱা আমেৰিকাৰ সামৰিক কাৰ্য্যৰ অংশ আছিল। মন কৰিবলগীয়া যে আমেৰিকাৰ কেচি-১৩৫ এই বিমানখনক দীৰ্ঘ দূৰত্বৰ অভিযানৰ সময়ত যুদ্ধ বিমান আৰু আন সামৰিক বিমানত ইন্ধন ভৰোৱাৰ বাবে ব্যৱহাৰ কৰা হৈছিল।
লগতে পঢ়ক: আমেৰিকাৰ পাৰমাণৱিক যুদ্ধজাহাজ জেৰাল্ডত অগ্নিকাণ্ড; ইৰাণক আক্ৰমণৰ বাবে কৰিছিল ব্যৱহাৰ
