শেষ হ’ব নেকি কংগ্ৰেছ আৰু ৰাইজৰ দলৰ মিত্ৰতা । মিত্ৰতাক লৈ এতিয়া অখিল গগৈয়ে এক বিস্ফোৰক মন্তব্য কৰিছে।
কংগ্ৰেছ আৰু ৰাইজৰ দলৰ মিত্ৰতাক লৈ অখিল গগৈয়ে এক বিস্ফোৰক মন্তব্য কৰিছে। অখিল গগৈয়ে কয় যে, সোমবাৰে বিয়লি ৩ বজাত এখন সংবাদমেল যোগে এই মিত্ৰতাৰ সন্দৰ্ভত সিদ্ধান্ত গ্ৰহণ কৰা হ’ব।
কিন্তু বৰ্তমানলৈকে পৰিস্থিতি ভাল নহয়। এতিয়া লৈকে কংগ্ৰেছৰ পৰা কোনো সহাৰি পোৱা নাই। আমি সকলো লক্ষ্য কৰি আছো। সেয়ে আমাৰ দলৰ যি স্থিতি সেই সম্পৰ্কে ৩ বজাত এখন সংবাদমেল যোগে সকলো কথা ব্যক্ত কৰিম।
কংগ্ৰেছৰ মন্তব্যবোৰ সঘনাই সলনি হৈ আছে। প্ৰথমে কংগ্ৰেছে যিবোৰ কথাত মান্তি হৈছিল এতিয়া সকলো কথা সলনি কৰিছে। তেওঁলোকে এনেকোৱা কিছুমান কথা কৈ আছে, যিবোৰে আমাৰ দলৰ মাজত বিৰূপ প্ৰভাৱ পেলাইছে।
তেওঁলোকে আমাক আৰু কিছুদিন ৰ’বলৈ কৈছে। কিন্তু দুবাৰকৈ পৰাজয় হোৱা কংগ্ৰেছৰ ১০০ খন আসনত প্ৰতিদ্বন্দ্বিতা কৰাৰ নৈতিক অধিকাৰ নাই।সেয়ে আমাৰ দলৰ সকলো কথা সংবাদমেল যোগে সকলো কথা উল্লেখ কৰিম।
দৰাচলতে ৰাইজৰ দলে কংগ্ৰেছৰ পৰা তেওঁলোকৰ মতে যি কেইখন আসন বিচাৰিছে সেই কেইখন আসন দিবলৈ মান্তি হোৱা নাই কংগ্ৰেছ। যাৰ বাবে এতিয়া কংগ্ৰেছ আৰু ৰাইজৰ দলৰ মাজত হ’বলগীয়া মহাজোঁটত ভাঙোন আহিছে।
