পাকিস্তানৰ প্ৰতিৰক্ষা মন্ত্ৰী খোৱাজা আছিফে আকৌ এবাৰ আমেৰিকাৰ বিষয়ে এক তিক্ত সত্য পোহৰলৈ আনিছে। যিটো শ্বাহবাজ চৰকাৰৰ বাবে কাঁইট হৈ পৰিব পাৰে।
আমেৰিকা আৰু পাকিস্তানৰ মাজত বন্ধুত্বৰ সন্দৰ্ভত আলোচনা অব্যাহত থাকিলেও, পাকিস্তানৰ সংসদত পাকিস্তানৰ প্ৰতিৰক্ষা মন্ত্ৰী খোৱাজা আছিফে যিটো ইংগিত দিছে,সেইটো দেশখনৰ নীতিৰ পৰিৱৰ্তনৰ লক্ষণো হ’ব পাৰে।
পাকিস্তানৰ প্ৰতিৰক্ষা মন্ত্ৰী খোৱাজা আছিফে সংসদৰ ভিতৰত থিয় হৈ এক বিস্ফোৰক স্বীকাৰোক্তি কৰিছে। প্ৰতিৰক্ষা মন্ত্ৰী গৰাকীয়ে কৈছে যে,আমেৰিকাই নিজৰ কৌশলগত স্বাৰ্থৰ বাবে পাকিস্তানক ব্যৱহাৰ কৰিছিল আৰু তাৰ পিছত তেওঁলোকক ‘টয়লেট পেপাৰতকৈও বেয়াকৈ পেলাই দিয়া হ’ল’।
প্ৰতিৰক্ষা মন্ত্ৰী খোৱাজা আছিফে আৰু কয় যে, আমেৰিকাৰ যুদ্ধত জড়িত হোৱাৰ বাবে পাকিস্তানে যথেষ্ট মূল্যও দিব লাগিব।
১৯৯৯ চনৰ পিছত আফগানিস্তানত পাকিস্তানৰ পুনৰ সক্ৰিয়কৰণক লৈ প্ৰশ্ন উত্থাপন কৰি খোৱাজা আছিফে কয় যে সেই সময়ত ইছলামবাগে পুনৰবাৰ ৱাশ্বিংটনৰ সৈতে থিয় দিয়াৰ সিদ্ধান্ত লয়,যাতে আমেৰিকাৰ সমৰ্থন লাভ কৰিব পাৰে। প্ৰতিৰক্ষা মন্ত্ৰীগৰাকীয়ে স্পষ্টকৈ কৈছে যে,কিন্তু এই সিদ্ধান্ত পাকিস্তানৰ বাবে বিপৰ্যয়জনক বুলি প্ৰমাণিত হ’ল।
পাকিস্তানত বছৰ বছৰ ধৰি গঢ় লৈ উঠা চৰকাৰী ধাৰণাক নাকচ কৰি প্ৰতিৰক্ষা মন্ত্ৰীয়ে কয় যে আফগান যুদ্ধত পাকিস্তানৰ অংশগ্ৰহণ ইছলামক ৰক্ষাৰ বাবে নাছিল।
তেওঁ মুকলিকৈ স্বীকাৰ কৰিছিল যে পাকিস্তানীক জেহাদৰ নামত যুঁজ দিয়া আৰু মৃত্যুৰ বাবে পঠিওৱা হৈছিল, যিটো ভুল সিদ্ধান্ত আছিল।
তেওঁ কয় যে আশীৰ দশকত ছোভিয়েট ইউনিয়নৰ বিৰুদ্ধে আফগান যুদ্ধ ধৰ্মীয় কৰ্তব্য নহয় বৰঞ্চ আমেৰিকাৰ ৰণনীতিৰ অংশ আছিল।
প্ৰতিৰক্ষা মন্ত্ৰী খোৱাজা আছিফৰ মতে ৰাছিয়াই আফগানিস্তান এনেদৰে দখল কৰা নাছিল যে জেহাদ ঘোষণা কৰাটো প্ৰয়োজনীয় আছিল,ইয়াৰ পিছতো পাকিস্তানে সেই যুদ্ধত জপিয়াই পৰিল।
প্ৰতিৰক্ষা মন্ত্ৰীয়ে আৰু কয়, ১৯৯৯ চনৰ পিছত পুনৰ আমেৰিকাৰ সৈতে থিয় দিয়াৰ বাবে পাকিস্তানে যথেষ্ট মূল্য দিবলগীয়া হৈছিল,যাৰ পৰা আজিলৈকে দেশখন সম্পূৰ্ণৰূপে আৰোগ্য লাভ কৰিব পৰা নাই।
সংসদত অতি কঠোৰ শব্দ ব্যৱহাৰ কৰি খোৱাজা আছিফে কয় যে পাকিস্তানক ‘টয়লেট পেপাৰতকৈও বেয়াকে’ ব্যৱহাৰ কৰা হৈছিল।প্ৰথমে প্ৰয়োজনৰ সময়ত লগত লৈ যোৱা হৈছিল, আৰু তাৰ পিছত নিৰ্মমভাৱে পৰিত্যাগ কৰা হৈছিল।
লগতে পঢ়ক: ‘ভাৰতৰ তথ্য শত্ৰুক বিক্ৰী কৰা হৈছে’; চাইবাৰ জালিয়াতিক লৈ দেশবাসীক অমিত শ্বাহৰ সতৰ্কবাণী
