ভোট গণনাৰ অন্ত, ৮২খন আসনত বিজেপিৰ জয়লাভ । ৰাজ্যজুৰি প্ৰবাহিত হোৱা গেৰুৱা ঢৌত ধূলিসাৎ হ’ল বিৰোধী শিবিৰ ।

অপেক্ষাৰ অন্ত পেলাই ঘোষণা হ’ল অসম বিধানসভা নিৰ্বাচন ২০২৬ৰ ফলাফল । এই নিৰ্বাচনী ফলাফলত ৰাজ্যজুৰি প্ৰবাহিত হোৱা গেৰুৱা ঢৌত ধূলিসাৎ হ’ল বিৰোধী শিবিৰ । নিৰ্বাচন আয়োগৰ তথ্য অনুসৰি ভাৰতীয় জনতা পাৰ্টিয়ে এককভাৱে ৮২খন আসনত জয়লাভ কৰি ৰাজ্যত নিজৰ আধিপত্য অক্ষুণ্ণ ৰাখিবলৈ সক্ষম হৈছে ।

অভিলেখ সৃষ্টি কৰি পুনৰ জয়ী মুখ্যমন্ত্ৰী-

এই নিৰ্বাচনৰ আটাইতকৈ চৰ্চিত ফলাফল আহিছে জালুকবাৰী সমষ্টিৰ পৰা । মুখ্যমন্ত্ৰী ড০ হিমন্ত বিশ্ব শৰ্মাই ৮৯,৪৩৪টা ভোটৰ এক বিশাল ব্যৱধানত জয়লাভ কৰি পুনৰবাৰ নিজৰ দুৰ্গ ৰক্ষা কৰে ।

শীৰ্ষ নেতাৰ দপদপনি-

মুখ্যমন্ত্ৰীৰ লগতে কেবিনেটৰ প্ৰায়সংখ্যক প্ৰভাৱশালী মন্ত্ৰীয়েই বিপুল ভোটত জয়লাভ কৰিবলৈ সক্ষম হৈছে :

–জাগীৰোডত পীযুষ হাজৰিকাই ৯৩,৫৮৪টা ভোটৰ ব্যৱধানত বৃহৎ জয় সাব্যস্ত কৰে ।

-নলবাৰীত জয়ন্ত মল্ল বৰুৱাই ৬০,১০১ টা ভোটত জয়লাভ কৰে ।

-ঢেকীয়াজুলিত অশোক সিংঘলে ৪৮,১৬৯টা ভোটত বিজয় সাব্যস্ত কৰে ।

-গোলাঘাটত অজন্তা নেওগ ৪৩,৭৫৯টা ভোটত জয়ী হয় ।

বিজেপিৰ দখলত উজনি-

ইফালে উজনি অসমত বিজেপিৰ ভেটি অধিক মজবুত হোৱা পৰিলক্ষিত হৈছে । বিশেষকৈ ডিব্ৰুগড়ত প্ৰশান্ত ফুকন (৭২,০৪৩ ভোট), নাহৰকটীয়াত তৰংগ গগৈ (৬২,২৮২ ভোট) আৰু জোনাইত ভুৱন পেগুৱে (৮০,১২৪ ভোট) বিৰোধীক কোনো সুযোগ নিদিলে । আনহাতে, মাজুলীত ভূৱন গামে ৩৫,৩০০ ভোটৰ ব্যৱধানত জয়লাভ কৰে ।

নামনি অসম আৰু বৰাক উপত্যকাতো বিজেপিৰ প্ৰদৰ্শন আছিল চকুত পৰা বিধৰ । লক্ষীপুৰত কৌশিক ৰায়ে সৰ্বাধিক ৯৯,৪০১টা ভোটৰ ব্যৱধানত জয়লাভ কৰি চমক সৃষ্টি কৰে । বৰাকৰ শিলচৰ, হাইলাকান্দি আৰু পাথাৰকান্দিটো বিজেপিয়ে বিজয়ধ্বজ্জা উৰুৱাইছে ।

কোন কোন জিকিল-

ভোট গণনাৰ অন্ত, ৮২খন আসনত বিজেপিৰ জয়লাভ–

গোলকগঞ্জত ৩০,৭৮২টা ভোটত অশ্বিনী ৰায় সৰকাৰৰ জয়লাভ

গোৱালপাৰা পশ্চিমত ৩৯,৯১৭টা ভোটত পবিত্ৰ ৰাভাৰ জয়লাভ

দুধনৈ ৪৭,৬৩৭টা ভোটত জয়লাভ টংকেশ্বৰ ৰাভাৰ

অভয়াপুৰীত ৫৮,৯২৬ ভোটত ভূপেন ৰয়ৰ জয়লাভ

বিজনীত ৩৩,৯২৭ অৰূপ কুমাৰ দে’ৰ জয়লাভ

ভৱানীপুৰ-সৰভোগত ৩৯,১৫২টা ভোটত ৰঞ্জিত দাসৰ জয়লাভ

বকো-ছয়গাঁও সমষ্টিত ৰাজু মেচৰ ৫৯,৫৫৪টা ভোটত জয়লাভ

পলাশবাৰী সমষ্টিত ৪৩,৯৫৩ ভোটত জয়লাভ হিমাংশু শেখৰ বৈশ্যৰ

ৰঙিয়া সমষ্টিত ভৱেশ কলিতাৰ ৩৪,০২৯টা ভোটত জয়লাভ

কমলপুৰত দিগন্ত কলিতাৰ ১৯,৪৪৯টা ভোটত জয়লাভ

দিশপুৰত ৪৯,৬৬৭ টা ভোটত প্ৰদ্যুত বৰদলৈৰ জয়লাভ

নিউ গুৱাহাটীত সমষ্টিত দিপ্লুৰঞ্জন শৰ্মাৰ ৪৭,৬৬৮টা ভোটত জয়লাভ

গুৱাহাটী চেন্ট্ৰেলত বিজয় কুমাৰ গুপ্তাৰ ৬১,৯২১টা ভোটত জয়লাভ

জালুকবাৰী সমষ্টিত ৮৯,৪৩৪ ভোটত জয়লাভ মুখ্যমন্ত্ৰী ড০ হিমন্ত বিশ্ব শৰ্মাৰ

বৰক্ষেত্ৰীত নাৰায়ণ ডেকাৰ ২৮,৮৪৪টা ভোটত জয়লাভ

নলবাৰীত ৬০,১০১ ভোটত জয়লাভ জয়ন্ত মল্ল বৰুৱাৰ

টিহুত চন্দ্ৰমোহন পাটোৱাৰীৰ ২৬৪৯৬টা ভোটত জয়লাভ

তামুলপুৰত ২৬,৭৪৩ ভোটত বিশ্বজিৎ দৈমাৰীৰ জয়লাভ

গোৰেশ্বৰত ভিক্টৰ দাসৰ ৬৯,২৪৯টা ভোটত জয়লাভ

টংলাত বিকান চন্দ্ৰ ডেকাৰ ৫৪,৬০১টা ভোটত জয়লাভ

ছিপাঝাৰ সমষ্টিত ২৫,২৪৫টা ভোটত জয়লাভ পৰমানন্দ ৰাজবংশীৰ

মঙলদৈত ২৩,৯৩৬ টা ভোটত জয়লাভ নিলীমা দেৱীৰ

জাগীৰোডত ৯৩,৫৮৪টা ভোটত জয়লাভ পীয়ুষ হাজৰিকাৰ

মৰিগাঁৱত ৰমাকান্ত দেউৰীৰ ৬৫,৪৮৯টা ভোটত জয়লাভ

বঢ়মপুৰ সমষ্টিত ৫৬,১৪১ টা ভোটত জিতু গোস্বামীৰ জয়লাভ

নগাঁও-বটদ্ৰৱাত ৰূপক শৰ্মাৰ ৬১,৯৮৪টা ভোটত জয়লাভ

ৰহাত শশীকান্ত দাসৰ ২০,৫৯৪টা ভোটত জয়লাভ

হোজাইত শিলাদিত্য দেৱৰ ৬৬,৭০১টা ভোটত জয়লাভ

লামডিঙত শিৱু মিশ্ৰৰ ২২,১১৪টা ভোটত জয়লাভ

ঢেকীয়াজুলিত ৪৮,১৬৯টা  ভোটত অশোক সিংঘলৰ জয়লাভ

বৰছলাত ঋতুবৰণ শৰ্মাৰ ২৪,৫৬২টা ভোটত জয়লাভ

ৰঙাপৰাত কৃষ্ণকমল তাঁতীৰ ৪৩৩১৫টা ভোটত জয়লাভ

ন-দুৱাৰত পদ্ম হাজৰিকাৰ ৫২,৯১৬টা ভোটত জয়লাভ

বিশ্বনাথত পল্লৱ লোচন দাসৰ ২৫,৭৭০টা ভোটত জয়লাভ

বিহালীত মুনীন্দ্ৰ দাসৰ ৬০,৭০৩টা ভোটত জয়লাভ

গহপুৰত ৫২,৭২২টা ভোটত জয়লাভ উৎপল বৰাৰ

বিহপুৰীয়াত ভূপেন বৰাৰ ৮,২৩৬টা ভোটত জয়লাভ

ৰঙানদী সমষ্টিত ঋষিৰাজ হাজৰিকাৰ ১৯,৬৫২টা ভোটত জয়লাভ

লখিমপুৰত মানৱ ডেকাৰ ৩২,২২০টা ভোটত জয়লাভ

ঢকুৱাখনাত নৱ কুমাৰ দলেৰ ৫০,০৭২টা ভোটত জয়লাভ

ধেমাজি সমষ্টিত ৩২,২২৯ ভোটৰ ব্যৱধানত জয়লাভ ডাঃ ৰণোজ পেগুৰ

চিচিবৰগাঁও সমষ্টিত জীৱন গগৈৰ ৪০,৫৯৩টা ভোটত জয়লাভ

জোনাইত ভুৱন পেগুৰ ৮০,১২৪টা ভোটত জয়লাভ

শদিয়াত বলিন চেতিয়াৰ ৪১,৭৪৯টা ভোটত জয়লাভ

ডুমডুমাত ৰূপেশ গোৱালাৰ ৫৫,৩৮২টা ভোটত জয়লাভ

মাৰ্ঘেৰিটাত ভাস্কৰ শৰ্মাৰ ৫৫,৩১৭টা ভোটত জয়লাভ

ডিগবৈত সুৰেন ফুকনৰ ৪১,০৭৩টা ভোটত জয়লাভ

মাকুমত ২৮,২৭৬ টা ভোটত সঞ্জয় কিষানৰ জয়লাভ

তিনিচুকীয়াত ৪৮,৪৯৭টা ভোটত পুলক গোঁহাইৰ জয়লাভ

চাবুৱা-লাহোৱাত বিনোদ হাজৰিকাৰ ৫০,৯১৪টা ভোটত জয়লাভ

ডিব্ৰুগড়ত প্ৰশান্ত ফুকনৰ ৭২,০৪৩টা ভোটত জয়লাভ

খোৱাঙত ৯,৯৮৪ টা ভোটত চক্ৰধৰ গগৈৰ জয়লাভ

দুলীয়াজানত ৰামেশ্বৰ তেলীৰ ১০,৪৫৯টা ভোটত জয়লাভ

টিংখাং সমষ্টিত বিমল বৰাৰ ৪৯,০২৬টা ভোটত জয়লাভ

নাহৰকটীয়াত তৰংগ গগৈৰ ৬২,২৮২টা ভোটত জয়লাভ

সোণাৰিত সমষ্টিত ধৰ্মেশ্বৰ কোঁৱৰৰ ২৪,১৩৪টা ভোটত জয়লাভ

মাহমৰাত সুৰজ দিহিঙীয়াৰ ১৬,০২১টা ভোটত জয়লাভ

ডিমৌ সমষ্টিত সুশান্ত বৰগোঁহাইৰ ৩৩,৫২৮টা ভোটত জয়লাভ

নাজিৰাত ময়ূৰ বৰগোঁহাইৰ ৪৬,৭০১টা ভোটত জয়লাভ

মাজুলীত ৩৫,৩০০ ভোটত ভূৱন গামৰ জয়লাভ

যোৰহাট ২৩,১৮২ ভোটত হিতেন্দ্ৰনাথ গোস্বামীৰ জয়লাভ

মৰিয়নী সমষ্টিত ২৬,৮৪০ ভোটত জয়লাভ ৰূপজ্যোতি কুৰ্মীৰ

তিতাবৰত ২৩,৩১৫ ভোটত ধীৰাজ গোৱালাৰ জয়লাভ

গোলাঘাটত ৪৩,৭৫৯ ভোটত জয়লাভ অজন্তা নেওগৰ

দেৰগাঁৱত ৩৬,৯৫৩ ভোটত জয়লাভ মৃদুল কুমাৰ দত্ত

খুমটাই সমষ্টিত ৫৮,৪১২ ভোটত জয়লাভ মৃণাল শইকীয়াৰ

সৰুপথাৰত  ৫৬,০৮০ ভোটত জয়লাভ বিশ্বজিৎ ফুকনৰ

বোকাজান সমষ্টিত সূৰ্য ৰংফাৰৰ ১৭,৪৬৬টা ভোটত জয়লাভ

হাওৰাঘাট সমষ্টিত লানছিং টেৰনৰ ৭৮,১০৬টা ভোটত জয়লাভ

ডিফু সমষ্টিত নিছু টেৰানপীৰ ৪৯,৭৪০টা ভোটত জয়লাভ

ৰংখাং সমষ্টিত তুলিৰাম ৰংহাঙৰ ৬০,২৪৩টা ভোটত জয়লাভ

আমৰি সমষ্টিত হাবে টেৰনৰ ২৩,৯১০টা ভোটত জয়লাভ

লক্ষীপুৰ সমষ্টিত কৌশিক ৰায়ৰ ৯৯,৪০১টা ভোটত জয়লাভ

উদাৰবন্দ সমষ্টিত ৰাজদীপ গোৱালাৰ ৫৫,৪৬৪টা ভোটত জয়লাভ

কাটিগড়াত কমলাক্ষ দে পুৰকায়স্থৰ ৩৭,৬৮০টা ভোটত জয়লাভ

বৰখালত কিশোৰ নাথৰ ৩৬,৬১৩টা ভোটত জয়লাভ

শিলচৰত ডাঃ ৰাজদ্বীপ ৰয়ৰ ৫৩,৯৯৭টা ভোটত জয়লাভ

ধলাইত অমিয়কান্তি দাসৰ ৪৪,৪৬২টা ভোটত জয়লাভ

হাইলাকান্দিত মিলন দাসৰ ৫৫,৮১৭টা ভোটত জয়লাভ

পাথাৰকান্দিত কৃষ্ণেন্দু পালৰ ৪৬,৭৬৪টা ভোটত জয়লাভ

ৰামকৃষ্ণ নগৰ সমষ্টিত বিজয় মালাকাৰৰ ৮৩,৭৬৫টা ভোটত জয়লাভ

লগতে পঢ়ক : হিমন্ত বিশ্ব শৰ্মাৰ নেতৃত্বত অসমত বিজেপিৰ অপ্ৰতিৰোধ্য যাত্ৰা, ধূলিস্যাৎ বিৰোধী

তেওঁ কয় যে জুবিন গাৰ্গৰ হত্যাৰ গোচৰ ফাষ্টট্ৰেক আদালতত দিয়া সন্দৰ্ভত সিদ্ধান্ত শিল্পীগৰাকীৰ পৰিয়ালৰ সৈতে আলোচনা কৰিহে লোৱা হ’ব ।

জুবিন গাৰ্গৰ তদন্তৰ গোচৰ ফাষ্টট্ৰেক আদালতত দিয়াক লৈ চলি থকা অভিযোগ-প্ৰতিঅভিযোগৰ মাজতে শেহতীয়াকৈ মুখ্যমন্ত্ৰী ড০ হিমন্ত বিশ্ব শৰ্মাই এক গুৰুত্বপূৰ্ণ মন্তব্য কৰিছে । তেওঁ কয় যে, জুবিন গাৰ্গৰ হত্যাৰ গোচৰ ফাষ্টট্ৰেক আদালতত দিয়া সন্দৰ্ভত সিদ্ধান্ত শিল্পীগৰাকীৰ পৰিয়ালৰ সৈতে আলোচনা কৰিহে লোৱা হ’ব ।

মঙলবাৰে মৰিয়নীত অনুষ্ঠিত এক চৰকাৰী কাৰ্যসূচীত অংশ লোৱাৰ পিছত সাংবাদিকৰ সৈতে হোৱা কথা-বতৰাত মুখ্যমন্ত্ৰীগৰাকীয়ে এই মন্তব্য কৰে । তেওঁ কয়- “ফাষ্টট্ৰেক আদালত পৰিয়ালৰ সৈতে কথা পাতি দিয়া হ’ব । বৰ্তমানৰ ন্যায়াধীশজনে এজনো অভিযুক্তক জামিন দিয়া নাই । আটাইকেইজন অভিযুক্তৰ জামিন বৰ্তমানৰ ন্যায়াধীশে নাকচ কৰিছে । ফাষ্টট্ৰেক আদালতলৈ যোৱাৰ লগে লগে যদি অভিযুক্তৰ জামিন হৈ যায় তেতিয়া দোষটো যাতে মোৰ ওপৰত নপৰে ।“

এই সিদ্ধান্ত পৰিয়ালৰ সৈতে কথা পাতি লোৱা হব বুলি উল্লেখ কৰি মুখ্যমন্ত্ৰী ড০ শৰ্মাই কয় যে, নিয়মমতে যেতিয়া ভাল ফলাফল পাই থকা যায় তেতিয়া তেতিয়া তেওঁক মানুহে সলনি নকৰে । এতিয়া ইয়াত দাবী উঠিছে যে যিজনে ভাল ফলাফল দি আছে তেওঁক সলনি কৰিব লাগে ।

ইফালে এই গোচৰ বিচাৰ লেহেমীয়া গতিৰে চলি আছে বুলি উত্থাপিত অভিযোগৰো প্ৰত্যুত্তৰ দিয়ে মুখ্যমন্ত্ৰীয়ে । তেওঁ কয় যে, লেহেমীয়া হলেও এতিয়ালৈকে অভিযুক্তসকল কাৰাগাৰৰ পৰা ওলোৱা নাই । তেওঁলোকে এতিয়াও জামিন লাভ কৰা নাই । যিসকলে এই অভিযোগ কৰি আছে তেওঁলোকে কথাবোৰ বুজি পোৱা নাই যে, শ্যামকানু-সিদ্ধাৰ্থ চাৰি-পাঁচ মাহে জেলতেই আছে, এয়াও এক সফলতা ।

আনহাতে নিৰ্বাচনৰ পিছতে জুবিন হত্যাত অভিযুক্তসকল কাৰাগাৰৰ পৰা মুকলি হব বুলি বিৰোধীয়ে তথা একাংশই কৰা অভিযোগৰো প্ৰত্যুত্তৰ দিয়ে মুখ্যমন্ত্ৰীয়ে । তেওঁ বিৰোধী দল সমূহে এই বিষয়টো সম্পূৰ্ণ ৰাজনীতিৰে চাই বুলি অভিযোগ কৰে । বিৰোধীৰ জুবিনৰ প্ৰতি কোনো মৰম নাই কেৱল এই বিষয়ত ৰাজনীতি কৰাটোৱেই মূল উদ্দেশ্য বুলি কটাক্ষ কৰে মুখ্যমন্ত্ৰীয়ে । যদি নিৰ্বাচনৰ পিছত ওলাবই তেন্তে তেওঁলোকেই ভাল উকীল নিদিয়ে কিয় বুলিও বিৰোধী দলসমূহক প্ৰশ্ন কৰে মুখ্যমন্ত্ৰী ড০ শৰ্মাই ।

জুবিন গাৰ্গৰ হত্যাৰ গোচৰত তদন্তকাৰী দলে দাখিল কৰা অভিযোগনামা দুৰ্বল বুলি কৰা অভিযোগৰো উত্তৰ দিয়ে মুখ্যমন্ত্ৰী ড০ হিমন্ত বিশ্ব শৰ্মাই । তেওঁ কয় য়ে, চাৰ্জশ্বীট দুৰ্বল নে শক্তিশালী সেয়া আদালতে ক’ব । এই কথা বিলাকতেই তেওঁলোকৰ চিন্তা কিমান ঋণাত্মক সেয়া প্ৰকাশ পাইছে । তেওঁলোকে জীৱনকালত জুবিন গাৰ্গক সন্মানেই কৰা নাছিল । জীনৱকালত যিসকলে জুবিন গাৰ্গক সন্মান নকৰিছিল সেইসকলেহে এতিয়া জুবিনক লৈ বেছি প্ৰশ্ন কৰে । জুবিন ভাল পোৱাসকলে একো নুসুধে ।

এইক্ষেত্ৰত অখিল গগৈক সমালোচনা কৰি মুখ্যমন্ত্ৰীয়ে কয় যে, জীৱন কালত অখিল গগৈৰ সৈতে জুবিন গাৰ্গক দেখিছিল নেকি । মৰাণত হোৱা সভাত জুবিন গাৰ্গক আনিব নালাগে বুলি প্ৰস্তাৱ লৈছিল অখিল গগৈয়ে । মুখ্যমন্ত্ৰীয়ে কয়- ‘যিসকলে জুবিন গাৰ্গক ভাল পায় তেওঁলোকৰ মোৰ ওপৰত বিশ্বাস আছে । জুবিনক লৈ যিসকলে ৰাজনীতি কৰিব খোজে সেইসকলৰ মোৰ ওপৰত বিশ্বাস নাই ।“

লগতে পঢ়ক : বিকাশৰ বিৰোধিতা কৰাসকলক উন্নয়নৰ ধুমুহাই উৰুৱাই নিবঃ মুখ্যমন্ত্ৰীৰ মন্তব্য

কেইটামান দিন পূৰ্বে সংবাদমেলযোগে গৌৰৱ গগৈৰ পাকিস্তান সংযোগ উন্মোচন কৰা মুখ্যমন্ত্ৰীয়ে সোমবাৰে পুনৰ আন এক বিস্ফোৰণ ঘটায় ।

গৌৰৱ গগৈৰ পাকিস্তান সংযোগৰ এটা দ্বিতীয় অধ্যায়ও আছে । দ্বিতীয় অধ্যায়ত থকা তথ্য অধিক বিস্ফোৰক আৰু ভয়ানক । কেইটামান দিন পূৰ্বে সংবাদমেলযোগে গৌৰৱ গগৈৰ পাকিস্তান সংযোগ উন্মোচন কৰা মুখ্যমন্ত্ৰীয়ে সোমবাৰে এই মন্তব্যৰে পুনৰ আন এক বিস্ফোৰণ ঘটায় । মুখ্যমন্ত্ৰী ড০ হিমন্ত বিশ্ব শৰ্মাৰ মতে গৌৰৱ গগৈৰ পাকিস্তান লিংক এতিয়াও শেষ হোৱা নাই । গৌৰৱ গগৈৰ পাকিস্তান কানেকচনৰ দ্বিতীয় অধ্যায় এটাও আছে ।

প্ৰদেশ কংগ্ৰেছৰ প্ৰাক্তন সভাপতি তথা জ্যেষ্ঠ কংগ্ৰেছ নেতা ভূপেন বৰাই সোমবাৰে দল ত্যাগৰ পিছতে গৌৰৱ গগৈৰ পাকিস্তান সংযোগক লৈ আন বিস্ফোৰণ ঘটায় মুখ্যমন্ত্ৰী ড০ হিমন্ত বিশ্ব শৰ্মাই । তেওঁ কয়- গৌৰৱ গগৈৰ পাকিস্তান লিংকৰ বিচাৰ হ’বয়ে । ৰাষ্ট্ৰীয় নিৰাপত্তাৰ স্বাৰ্থত মই যিখিনি ৰাজহুৱা কৰিলোঁ তাৰ পিছত আৰু এটা অধ্যায় আছে । গৌৰৱ গগৈৰ পাকিস্তান সংযোগক লৈ যিখিন কলোঁ তাৰ দ্বিতীয় এখন কিতাপো আছে । কিন্তু এই কথাখিনি মই ৰাজহুৱা কৰিব নোৱাৰো কাৰণ মোৰ পদৰ গোপনীয়তাৰ শপত আছে ।

গৌৰৱ গগৈয়ে পাকিস্তানত থকা ১০ দিন সময় কি কৰিছিল, ক’ত আছিল তাৰ ভিডিঅ’ আছে বুলিও দাবী কৰে মুখ্যমন্ত্ৰী ড০ শৰ্মাই । তেওঁ কয়- গৌৰৱ গগৈয়ে পাকিস্তানত ১০ টা দিন থকা আৰু তেওঁ তাত কি কৰিছিল তাৰ ভিডিঅ’ও আমাৰ হাতত আছে । এই অধ্যায়টো ইয়াতেই শেষ যোৱা নাই । কিন্তু সেইখিনি মই প্ৰকাশ কৰিব নোৱাৰোঁ । সেইখিনি কেন্দ্ৰীয় তদন্তকাৰী সংস্থাই আমাৰ পৰা পাব । গতিকে বহুত ঘটনা ঘটিবলৈ বাকী আছে ।

২০২৯লৈ কংগ্ৰেছত নাথাকে কোনো হিন্দু-

ইফালে ২০২৯ চনলৈ কংগ্ৰেছ দলত কোনো হিন্দু মানুহ নাথাকে বুলি মন্তব্য কৰে মুখ্যমন্ত্ৰী হিমন্ত বিশ্ব শৰ্মাই । তেওঁ কয় যে, যিকেইজনৰ একেবাৰে উপাই নাই আৰু যিসকলৰ সমষ্টি সংখ্যালঘু তেওঁলোকৰ দৰে দুই-এজন লোক কংগ্ৰেছত থাকিব । তেওঁ লগতে কয়- শিৱসাগৰ, ডিব্ৰুগড়ৰ টিকট নিৰ্বাচনৰ বাবে ৰেকিবুদ্দিন আহমেদ, আছিফ নজৰ আৰু আব্দুৰ ৰহিমক কিয় পঠাইছে কংগ্ৰেছে । এই আটাইকেইজনেই ৰকিবুল হুছেইনৰ মানুহ ।

লগতে পঢ়ক : ‘ভূপেন বৰা প্ৰকৃত কংগ্ৰেছী নেতা’; ভূপেন বৰাৰ পদত্যাগ পত্ৰ স্বীকাৰ কৰা নাই জিতেন্দ্ৰ সিঙে