আজি বিজয় দিৱস । ভাৰতৰ সশস্ত্ৰ বাহিনীৰ বীৰত্ব, সাহস, ত্যাগৰ স্মৃতিত পালন কৰা হয় এই দিৱস । এই দিনটোতে ১৯৭১ চনত ভাৰতীয় সেনাৰ ওচৰত আত্মসমৰ্পণ কৰিছিল পাকিস্তানী সেনাই ।

বিজয় দিৱস ভাৰতৰ ইতিহাসৰ অন্যতম এক গৌৰৱময় দিন । ভাৰতীয় সেনাৰ বীৰত্ব, সাহস, ত্যাগৰ স্মৃতিত পালন কৰা হয় এই দিৱস । ৫৪ বছৰ পূৰ্বে আজিৰ দিনটোতে ভাৰত-পাকিস্তান যুদ্ধৰ সময়ত ভাৰতীয় সশস্ত্ৰ বাহিনীয়ে অতুলনীয় বীৰত্ব প্ৰদৰ্শন কৰি পাকিস্তানক আত্মসমৰ্পণ কৰিবলৈ বাধ্য কৰিছিল আৰু পূব পাকিস্তানক মুক্ত কৰিছিল । এই ঐতিহাসিক বিজয়ে কেৱল বাংলাদেশৰ জন্মই নহয়, ভাৰতৰ সামৰিক শক্তি আৰু ৰাষ্ট্ৰীয় স্বাৰ্থৰ প্ৰতি দায়বদ্ধতাৰ বিষয়েও বিশ্ববাসীলৈ বাৰ্তা প্ৰেৰণ কৰিছিল । আজিৰ বিজয় দিৱসৰ দিনা প্ৰধানমন্ত্ৰী নৰেন্দ্ৰ মোদী আৰু দ্ৰৌপদী মুৰ্মুকে ধৰি কেইবাজনো নেতাই ভাৰতীয় সশস্ত্ৰ বাহিনীৰ অৱদানক স্মৰণ কৰে ।

ভাৰতীয় সশস্ত্ৰ বাহিনীৰ ত্যাগক স্মৰণ প্ৰধানমন্ত্ৰী মোদীৰ-

মঙলবাৰে বিজয় দিৱস উপলক্ষে প্ৰধানমন্ত্ৰী নৰেন্দ্ৰ মোদীয়ে ভাৰতীয় সশস্ত্ৰ বাহিনীৰ বীৰত্ব আৰু ত্যাগক স্মৰণ কৰে । ছ’চিয়েল মিডিয়া প্লেটফৰ্ম এক্সত এটা পোষ্টত প্ৰধানমন্ত্ৰী মোদীয়ে কয় যে ভাৰতীয় সেনাই ১৯৭১ চনৰ যুদ্ধত অসাধাৰণ সাহস প্ৰদৰ্শন কৰি দেশখনক এক ঐতিহাসিক বিজয়ৰ দিশত আগুৱাই লৈ গৈছিল ।

তেওঁ কয় যে বিজয় দিৱসৰ দিনা আমি সেই সাহস আৰু ত্যাগৰ দ্বাৰা ১৯৭১ চনত ভাৰতৰ ঐতিহাসিক বিজয় নিশ্চিত কৰা সাহসী জোৱানসকলক স্মৰণ কৰোঁ । তেওঁলোকৰ নিষ্ঠা আৰু নিস্বাৰ্থ সেৱাই ৰাষ্ট্ৰক ৰক্ষা কৰিছিল আৰু ইতিহাসৰ এক গৌৰৱময় মুহূৰ্ত হিচাপে চিহ্নিত কৰিছিল । তেওঁ আৰু কয় যে এই দিনটো সশস্ত্ৰ বাহিনীৰ বীৰত্বক প্ৰণাম জনোৱাৰ লগতে তেওঁলোকৰ অদম্য সাহসৰ কথা সোঁৱৰাৰ দিন । জোৱানসকলৰ বীৰত্বই আগন্তুক প্ৰজন্মক অনুপ্ৰাণিত কৰি থাকিব ।

ৰাষ্ট্ৰপতি দ্ৰৌপদী মুৰ্মুৰ শ্ৰদ্ধাঞ্জলি-

১৯৭১ চনৰ ভাৰত-পাকিস্তান যুদ্ধত ভাৰতক বিজয়ৰ দিশে আগুৱাই নিয়া সাহসী জোৱানসকলক মঙলবাৰে শ্ৰদ্ধাঞ্জলি জনায় ৰাষ্ট্ৰপতি দ্ৰৌপদী মুৰ্মুৱে । ভাৰতীয় সেনাৰ “স্থানীয়কৰণৰ জৰিয়তে সবলীকৰণ” পৰিকল্পনাই ভৱিষ্যতৰ প্ৰত্যাহ্বানৰ বাবে সাজু হোৱাৰ প্ৰতিশ্ৰুতি প্ৰতিফলিত কৰে বুলিও কয় তেওঁ ।

ছ’চিয়েল মিডিয়া প্লেটফৰ্ম এক্সত এটা পোষ্টত মুৰ্মুৱে লিখিছে যে “অপাৰেচন সিন্দুৰ”ত সেনাৰ আত্মনিৰ্ভৰশীলতা, কৌশলগত সংকল্প আৰু আধুনিক যুদ্ধ কৌশলৰ ফলপ্ৰসূ ব্যৱহাৰ সমগ্ৰ ৰাষ্ট্ৰৰ বাবে প্ৰেৰণাৰ উৎস । তেওঁ লগতে কয়, “বিজয় দিৱস উপলক্ষে মাতৃভূমিৰ বীৰ সন্তানসকলক মোৰ শ্ৰদ্ধাঞ্জলি জনাইছো । তেওঁলোকৰ সাহস, বীৰত্ব আৰু নিস্বাৰ্থ সেৱাই ৰাষ্ট্ৰক গৌৰৱেৰে ভৰাই তুলিছে । তেওঁলোকৰ বীৰত্ব আৰু দেশপ্ৰেমে আমাৰ দেশবাসীক সদায় অনুপ্ৰাণিত কৰিব ।”

কেনেকৈ আত্মসমৰ্পণ কৰিছিল ৯৩ হাজাৰ পাকিস্তানী সৈন্যই ?

এই দিনটো ভাৰতৰ ইতিহাসৰ অন্যতম গুৰুত্বপূৰ্ণ দিন বুলি গণ্য কৰা হয় । আজিৰ দিনটোতে ১৯৭১ চনৰ ভাৰত-পাকিস্তান যুদ্ধৰ সময়ত পাকিস্তানী সেনাই ভাৰতীয় সেনাৰ ওচৰত আত্মসমৰ্পণ কৰিছিল । এই যুদ্ধত প্ৰায় ৯৩,০০০ পাকিস্তানী সৈন্যই আত্মসমৰ্পণ কৰে । পাকিস্তানী সেনাৰ নেতৃত্বত আছিল জেনেৰেল এ এ খান নিয়াজী । এই আত্মসমৰ্পণক দ্বিতীয় বিশ্বযুদ্ধৰ পিছত বিশ্বৰ অন্যতম বৃহৎ সামৰিক আত্মসমৰ্পণ বুলি গণ্য কৰা হয় । তদুপৰি বিজয় দিৱস ভাৰতৰ সামৰিক শক্তি, সাহস, ত্যাগৰ প্ৰতীক ।

লগতে পঢ়ক : ‘জম্মু-কাশ্মীৰ আমাৰ আছিল, আছে আৰু থাকিব…’, ৰাষ্ট্ৰসংঘত পাকিস্তানক ভাৰতৰ কঠোৰ প্ৰত্যুত্তৰ

শ্ৰীলংকাত কালঘূৰ্ণী দিটৱাহাে বিধ্বংসী ৰূপ ধাৰণ কৰিছে । দুৰ্যোগ পীড়িত দেশখনক সাহায্যৰ বাবে ‘অপাৰেচন সাগৰ বন্ধু’ত যোগদান ভাৰতীয় সেনাৰ

শ্ৰীলংকাত বিধ্বংসী ৰূপ ধাৰণ কৰিছে ঘূৰ্ণীবতাহ দিটৱাহাই । দিটৱাহাৰ ফলত হোৱা বান আৰু ভূমিস্খলনৰ ফলত প্ৰায় ৩০০ লোকৰ মৃত্যু হোৱাৰ লগতে বহু লোক সন্ধানহীন হৈ আছে । এই কঠিন সময়ত ভাৰতে চুবুৰীয়া দেশখনক অৰ্শনিশে সাহাৰ্য আগবঢ়াই আছে । ভাৰতে প্ৰেৰণ কৰা সাহায্য দলসমূহে ততাতৈয়াকৈ ক্ষতিগ্ৰস্ত উপকূলীয় অঞ্চলসমূহত কাম আৰম্ভ কৰিছে আৰু আৱদ্ধ লোকসকলক উদ্ধাৰ কৰাৰ কামত নিয়োজিত হৈছে । ভাৰতে অস্থায়ী আশ্ৰয় শিবিৰ নিৰ্মাণৰ লগতে ঔষধ, খাদ্য, পানী, সামগ্ৰীকে ধৰি বিভিন্ন সাহায্য সামগ্ৰী প্ৰেৰণ কৰিছে ।

এই কঠিন সময়ত ভাৰতীয় সেনাই অপাৰেচন সাগৰ বন্ধুৰ অধীনত শ্ৰীলংকাত বিশেষ দল মোতায়েন কৰি দেশখনৰ জনসাধাৰণৰ প্ৰয়োজনৰ সময়ত তেওঁলোকৰ সৈতে থিয় দিয়াৰ প্ৰতিশ্ৰুতি পুনৰ দৃঢ় কৰি তুলিছে । এই দলটোত সমৰ্পিত চিকিৎসা, অভিযান্ত্ৰিক আৰু সংকেত সঁজুলি থাকে, যিবোৰ তাৎক্ষণিক আৰু স্থায়ী সকাহ প্ৰদান কৰিবলৈ সাজু ।

চিকিৎসা দলটোত আছে এডভান্সড ড্ৰেছিং ষ্টেচন আৰু মোবাইল চাৰ্জিকেল টিম, যিবোৰ ডাঙৰ আৰু সৰু সৰু অস্ত্ৰোপচাৰ কৰিব পৰা অপাৰেচন থিয়েটাৰেৰে সজ্জিত । ইয়াৰ উপৰিও ইয়াত এটা নিৰ্দিষ্ট সুবিধা আছে যিয়ে এটা সময়ত ২০-৩০ জন ৰোগীক ৰাখিব পাৰে । ভাৰতীয় সেনাৰ দলটোৰ অভিযান্ত্ৰিক উপাদানসমূহে অত্যাৱশ্যকীয় সেৱা আৰু আন্তঃগাঁথনি পুনৰুদ্ধাৰত সহায় কৰিছে আৰু সংকেত ডিটেচমেণ্টে সাহায্য অভিযানৰ বাবে নিৰৱচ্ছিন্ন যোগাযোগ নিশ্চিত কৰিছে ।

উল্লেখ্য যে, প্ৰধানমন্ত্ৰী নৰেন্দ্ৰ মোদীয়ে শ্ৰীলংকাৰ ৰাষ্ট্ৰপতি অনুৰা কুমাৰ দিছানায়াকেৰ সৈতে ফোনযোগে বাৰ্তালাপ কৰে । প্ৰধানমন্ত্ৰী মোদীয়ে শ্ৰীলংকাৰ পৰিস্থিতিক লৈ দুখ প্ৰকাশ কৰি সকলো ধৰণৰ সহায়ৰ আশ্বাস দিয়ে । প্ৰধানমন্ত্ৰীয়ে ঘূৰ্ণীবতাহৰ ফলত শ্ৰীলংকাত জীৱন আৰু সম্পত্তিৰ ক্ষতি হোৱাক লৈ গভীৰ শোক প্ৰকাশ কৰি ৰাষ্ট্ৰপতিগৰাকীক কয় যে এই কঠিন সময়ত ভাৰত শ্ৰীলংকাৰ জনসাধাৰণৰ সৈতে দৃঢ়তাৰে থিয় দিছে । প্ৰধানমন্ত্ৰীয়ে দুৰ্দশাগ্ৰস্ত লোকসকলক উদ্ধাৰ আৰু সাহায্য প্ৰদানৰ বাবে চলি থকা অপাৰেচন সাগৰ বন্ধুৰ জৰিয়তে ভাৰতে অবিৰত সমৰ্থন আগবঢ়োৱাৰ আশ্বাসো প্ৰদান কৰে প্ৰধানমন্ত্ৰীয়ে ।

লগতে পঢ়ক : শ্ৰীলংকাত দিটৱাহৰ তাণ্ডৱ; অপাৰেচন সাগৰ বন্ধুৰ জৰিয়তে সহায়ৰ হাত ভাৰতৰ