পাকিস্তান সীমান্তত সেনাৰ সামৰিক অনুশীলন
ভাৰত-পাকিস্তান সীমান্তৰ গাতে লাগি থকা ৰাজস্থানৰ মৰুভূমি অঞ্চল জয়ছালমেৰত অপাৰেচন ত্ৰিশূল নামৰ এক অনুশীলন চলাই আছে ভাৰতৰ তিনিওটা সেনাই । এই ১২ দিনীয়া সামৰিক অনুশীলনৰ ১১ তাৰিখে ভাৰতীয় সেনাই বৃহৎ অনুশীলন “মৰু জ্বলা” অনুষ্ঠিত কৰে । অপাৰেচন সিন্দুৰৰ পিছত ত্ৰিসেৱাৰ সেনাবাহিনীৰ সৈতে জড়িত এইটোৱেই সৰ্ববৃহৎ যৌথ অনুশীলন বুলি গণ্য কৰা হৈছে ।
অনুশীলনৰ সময়ত শত্ৰুৰ স্থান চিনাক্ত কৰে ড্ৰোনে-
অপাৰেচন ত্ৰিশূলৰ অংশ হিচাপে ত্ৰিসেৱাৰ সশস্ত্ৰ বাহিনী—সেনা, বায়ুসেনা আৰু নৌসেনাৰ ইউনিটে সন্ত্ৰাসবাদী আত্মগোপন স্থান আৰু শত্ৰুৰ আউটপোষ্টৰ বিৰুদ্ধে একেলগে আক্ৰমণ প্ৰদৰ্শন কৰে । সামৰিক অনুশীলনৰ সময়ত ড্ৰোনে শত্ৰুৰ স্থান চিনাক্ত কৰি ওচৰৰ গাঁওসমূহ খালী কৰে । হেলিকপ্টাৰে টি-৯০ টেংকৰ বাবে কভাৰ ফায়াৰ প্ৰদান কৰাৰ বিপৰীতে এআই সক্ষম ড্ৰোন আৰু ৰবটিক মিউলে সৈন্যলৈ অস্ত্ৰ-শস্ত্ৰ আৰু প্ৰাথমিক চিকিৎসা প্ৰদান কৰে ।
একেলগে গৰজিলে সেনাৰ টেংক, আৰ্টিলাৰী আৰু যুঁজাৰু বিমানে
এই অনুশীলনত মৰুভূমিত একেলগে টেংক, আৰ্টিলাৰী, হেলিকপ্টাৰ, যুঁজাৰু বিমান চলে । দক্ষিণ কমাণ্ডৰ জেনেৰেল অফিচাৰ কমাণ্ডিং ইন চিফ লেফটেনেণ্ট জেনেৰেল ধীৰাজ ছেথেৰ নেতৃত্বত এই অনুশীলন অনুষ্ষিত হয় । তেওঁ ইয়াক সেনাবাহিনীৰ “জয় মন্ত্ৰ”ৰ যৌথতা, আত্মনিৰ্ভৰ্তি, আৰু উদ্ভাৱনৰ জীৱন্ত উদাহৰণ হিচাপে বৰ্ণনা কৰে । “মাৰু জ্বালা”-এ কঠোৰ পৰিস্থিতিত স্বদেশী অস্ত্ৰ-শস্ত্ৰ, যোগাযোগ ব্যৱস্থা আৰু কাউণ্টাৰ ড্ৰোন প্ৰযুক্তি পৰীক্ষা কৰিছিল । এই অনুশীলন কেৱল শক্তিৰ প্ৰদৰ্শনেই নহয়, ভাৰতীয় সশস্ত্ৰ বাহিনীৰ যৌথ অভিযান আৰু আধুনিক যুদ্ধত প্ৰযুক্তিগত আত্মনিৰ্ভৰশীলতাৰ প্ৰমাণো আছিল ।
অনুশীলনৰ নেতৃত্ব দিয়ে দক্ষিণ কমাণ্ডে-
সেনাবাহিনীৰ মেকানাইজড আৰু আৰ্মৰ কৰ্পছৰ টেংকৰ লগতে বায়ুসেনাৰ যুদ্ধ বিমানেও নিজৰ শক্তি প্ৰদৰ্শন কৰিছিল । দক্ষিণ কমাণ্ডৰ নেতৃত্বত এই অনুশীলন অনুষ্ঠিত হয় । দক্ষিণ কমাণ্ডৰ জেনেৰেল অফিচাৰ কমাণ্ডিং ইন চিফ লেফটেনেণ্ট জেনেৰেল ধীৰাজ ছেথে যুদ্ধক্ষেত্ৰ পৰিদৰ্শন কৰি জোৱানসকলৰ দক্ষতাক প্ৰশংসা কৰে । তেওঁ উল্লেখ কৰে যে ভাৰতীয় সেনা যিকোনো পৰিস্থিতিত শত্ৰুৰ সৈতে মুখামুখি হ’বলৈ সম্পূৰ্ণৰূপে সক্ষম ।
লগতে পঢ়ক : দিল্লী বিস্ফোৰণৰ ঘটনাক লৈ উচ্চ পৰ্যায়ৰ বৈঠক অমিত শ্বাহৰ; NIAক তদন্তৰ দায়িত্ব
