বিহাৰ নিৰ্বাচনত পৱন সিঙে নকৰে প্ৰতিদ্বন্দ্বিতা

আগন্তুক বিহাৰ বিধানসভা নিৰ্বাচনত অংশগ্ৰহণ নকৰাৰ কথা ঘোষণা কৰিছে ভোজপুৰীৰ বিখ্যাত গায়ক তথা ছুপাৰষ্টাৰ পৱন সিঙে।

কণ্ঠশিল্পী গৰাকীয়ে স্পষ্ট কৰি দিছে যে তেওঁ নিৰ্বাচনত প্ৰতিদ্বন্দ্বিতা কৰাৰ উদ্দেশ্য নাই।তেওঁ কেৱল দলৰ প্ৰকৃত সৈনিক হৈ থাকিব বিচাৰে।সামাজিক মাধ্যমত দিয়া পোষ্টৰ জৰিয়তে তেওঁ এই ঘোষণা কৰিছে।

পৱন সিঙে নিজৰ পোষ্টত লিখিছে যে তেওঁৰ ভাৰতীয় জনতা পাৰ্টিত যোগদানৰ উদ্দেশ্য নিৰ্বাচনত প্ৰতিদ্বন্দ্বিতা কৰা নাছিল।

‘মই পৱন সিঙে মোৰ ভোজপুৰী সমাজক ক’ব বিচাৰো যে মই বিহাৰ বিধানসভা নিৰ্বাচনত প্ৰতিদ্বন্দ্বিতা কৰিবলৈ দলত যোগদান কৰা নাছিলো আৰু না মই বিধানসভাৰ নিৰ্বাচনত প্ৰতিদ্বন্দ্বিতা কৰিব বিচাৰো’।এই পোষ্টটোৱে তেওঁ নিৰ্বাচনত প্ৰতিদ্বন্দ্বিতা নকৰাৰ জল্পনা-কল্পনাৰ অন্ত পেলাইছে।

শেহতীয়াকৈ বিজেপিৰ জ্যেষ্ঠ নেতাৰ সৈতে পৱন সিঙৰ কেইবাখনো বৈঠকক লৈ খবৰ ওলাইছিল যে এইবাৰ তেওঁ নিৰ্বাচনী খেলপথাৰত প্ৰৱেশ কৰিব পাৰে।অৱশ্যে এতিয়া স্পষ্ট হৈ পৰিছে যে তেওঁৰ গুৰুত্ব মূলতঃ ভোজপুৰী চিনেমা আৰু সংগীতৰ ওপৰত।

লগতে পঢ়ক: নীতিশ কুমাৰক মোক্ষম আঘাত! RJD ত যোগদান কৰিব JDU প্ৰাক্তন সাংসদ

RJD ত যোগদান কৰিব JDU প্ৰাক্তন সাংসদ

বিহাৰ বিধানসভা নিৰ্বাচন সন্দৰ্ভত সকলো ৰাজনৈতিক দলৰ নেতাই ধাৰাবাহিক বৈঠক আৰম্ভ কৰিছে। এনে পৰিস্থিতিত বহু নেতাই এতিয়া দল সলনি কৰাৰ প্ৰক্ৰিয়া আৰম্ভ কৰিছে। এই সন্দৰ্ভত পূৰ্ণিয়াৰ JDU ৰ প্ৰাক্তন সাংসদ সন্তোষ কুশৱাহাই আজি ৰাষ্ট্ৰীয় জনতা দলত যোগদান কৰিব পাৰে।

এনে পৰিস্থিতিত নিৰ্বাচনৰ পূৰ্বেও নীতিশ কুমাৰে ডাঙৰ আঘাতৰ সন্মুখীন হ’ব পাৰে। আজি বিয়লি ৩ বজাত পাটনাত RJDত যোগদান কৰিব পাৰে সন্তোষ কুশৱাহাই।

এনে পৰিস্থিতিত সন্তোষ কুশৱাহাই ধমধাৰৰ পৰা বিধানসভা নিৰ্বাচনত RJD ৰ পৰা প্ৰতিদ্বন্দ্বিতা কৰিব পাৰিব বুলি চৰ্চা চলিছে। তেওঁ বিহাৰ চৰকাৰৰ মন্ত্ৰী তথা জেডিইউৰ বলিষ্ঠ নেতা লেছি সিঙৰ বিৰুদ্ধে নিৰ্বাচনত অৱতীৰ্ণ হ’বলৈ সাজু হৈছে।

উল্লেখ্য যে সন্তোষ কুমাৰ কুশৱাহা বিহাৰৰ পূৰ্ণিয়া লোকসভা সমষ্টিৰ প্ৰাক্তন সাংসদ আৰু জেডিইউৰ এজন বিশিষ্ট নেতা। কুশৱাহা-কুৰ্মি সম্প্ৰদায়ৰ আৰু বিহাৰৰ ৰাজনীতিত তেওঁক শক্তিশালী নেতা হিচাপে গণ্য কৰা হয়।

লগতে পঢ়ক: বিহাৰ বিধানসভা নিৰ্বাচন; জন সূৰজ দলে প্ৰকাশ কৰিলে প্ৰথমখন তালিকা