প্ৰাক্তন কেন্দ্ৰীয় মন্ত্ৰী আৰ কে সিঙক দলৰ পৰা নিলম্বন…
প্ৰাক্তন কেন্দ্ৰীয় মন্ত্ৰী আৰ কে সিঙক দলৰ পৰা নিলম্বন
বিহাৰ বিধানসভা নিৰ্বাচন ২০২৫ৰ ফলাফল ঘোষণা হোৱাৰ লগে লগে বিজেপি একচন মোডলৈ আহিছে।শনিবাৰে (১৫ নৱেম্বৰ) বিজেপিয়ে বিহাৰে জ্যেষ্ঠ নেতা তথা প্ৰাক্তন কেন্দ্ৰীয় মন্ত্ৰী আৰ কে সিঙৰ বিৰুদ্ধে কঠোৰ ব্যৱস্থা গ্ৰহণ কৰি দলৰ পৰা নিলম্বন কৰে।
বিজেপিয়ে দল বিৰোধী কাৰ্যকলাপৰ বাবেই এই পদক্ষেপ গ্ৰহণ কৰিছে আৰু এসপ্তাহৰ ভিতৰতে বিজেপিক প্ৰত্যুত্তৰ দিবলৈ কৈছে।
বিহাৰ বিজেপিয়ে দলৰ এম এল চি অশোক কুমাৰ আগৰৱাল আৰু কাটিহাৰৰ মেয়ৰ উষা আগৰৱালক “দল বিৰোধী কাৰ্যকলাপ”ৰ বাবে নিলম্বন কৰিছে। দলটোৱে তেওঁলোকক এসপ্তাহৰ ভিতৰত উত্তৰ দিবলৈ কৈছে।
নৰেন্দ্ৰ মোদী চৰকাৰৰ শক্তি মন্ত্ৰী তথা প্ৰাক্তন কেন্দ্ৰীয় গৃহ সচিব হিচাপে কাৰ্যনিৰ্বাহ কৰি আহিছে আৰ কে সিঙে।তেওঁ বিজেপিৰ আভ্যন্তৰীণ গতিশীলতাৰ বিৰুদ্ধে ধাৰাবাহিকভাৱে সৰৱ হৈ আছিল আৰু এন ডি এৰ কেইবাজনো নেতাক দুৰ্নীতি আৰু দলীয়তাবাদৰ বাবে সমালোচনা কৰিছিল।
নিৰ্বাচনৰ সময়ত নিৰ্বাচন আয়োগে আইন-শৃংখলাৰ বিষয় চম্ভালি লোৱাৰ ওপৰত মুকলিকৈ প্ৰশ্ন উত্থাপন কৰে, বিশেষকৈ মকামাত হোৱা হিংসাত্মক পৰিস্থিতিক তেওঁ প্ৰশাসন আৰু নিৰ্বাচন আয়োগৰ ব্যৰ্থতা বুলি অভিহিত কৰে।
লগতে পঢ়ক: ‘গংগা জী বিহাৰৰ পৰা বৈ বংগ পাই…’; বিহাৰৰ ফলাফলৰ পিছত মমতালৈ প্ৰধানমন্ত্ৰীৰ ইংগিত