বাংলাদেশত ধাৰাবাহিকভাৱে হিন্দু লোকসকলক আক্ৰমণৰ লক্ষ্য কৰি লোৱা হৈছে । সোমবাৰে পুনৰ আন এগৰাকী হিন্দু ব্যক্তি হিংসাৰ বলি হয় । বিগত ১৮ দিনত হিন্দু লোকৰ ওপৰত সংঘটিত এইটো ষষ্ঠটো ঘটনা ।

বাংলাদেশত সংখ্যালঘু হিন্দু সম্প্ৰদায়ৰ বিৰুদ্ধে হিংসাত্মক ঘটনা তথা অত্যাচাৰ অব্যাহত আছে । পেছাত এগৰাকী সাংবাদিক ৰাণা প্ৰতাপ বৈৰাগীক গুলীয়াই হত্যা কৰাৰ ২৪ ঘন্টা পাৰ নহওতেই আন এগৰাকী হিন্দু লোক হিংসাৰ বলি হৈছে । শেহতীয়া ঘটনা সংঘটিত হৈছে নৰসিংদ্ধি জিলাত । এই ঘটনাত গেলামালৰ ব্যৱসায়ী মণি চক্ৰৱৰ্তীক দুষ্কৃতিকাৰীয়ে হত্যা কৰে । সোমবাৰে নিশা প্ৰায় ৮ বজাত এই ঘটনা সংঘটিত হোৱা বুলি জানিব পৰা গৈছে ।

খবৰ অনুসৰি মণি চক্ৰৱৰ্তীয়ে বাংলাদেশৰ নৰসিংদ্ধি পলাশ উপ-জিলাৰ অন্তৰ্গত চাৰসিন্দুৰ বজাৰত এখন গেলামালৰ দোকান চলাইছিল । শিবপুৰ মহকুমাৰ সধৰচৰ ইউনিয়নৰ বাসিন্দা আছিল ব্যক্তিজন ।

জানিব পৰা মতে, মণি চক্ৰৱৰ্তী সচৰাচৰৰ দৰে নিজৰ দোকানত বহি থকা অৱস্থাত হঠাতে অচিনাকি দুৰ্বৃত্তই আক্ৰমণ কৰে । এই আক্ৰমণত তেওঁ গুৰুতৰভাৱে আহত হয় ।

ঘটনাৰ পাছতে স্থানীয় ৰাইজ ঘটনাস্থলীত উপস্থিত হৈ মণি চক্ৰৱৰ্তীক উদ্ধাৰ কৰি ততাতৈয়াকৈ চিকিৎসালয়লৈ লৈ যায় যদিও বাটতে তেওঁৰ মৃত্যু হয় । এই ঘটনাই সমগ্ৰ অঞ্চলটোত আতংকৰ সৃষ্টি কৰিছে । স্থানীয় ব্যৱসায়ীসকলে কয় যে মণি চক্ৰৱৰ্তী আছিল এজন শান্ত স্বভাৱৰ ব্যক্তি আৰু তেওঁৰ কাৰো লগত কোনো ধৰণৰ সংঘাত বা শত্ৰুতা নাছিল ।

মুকলি বজাৰত সংঘটিত হোৱা এই নৃশংস হত্যাকাণ্ডই ব্যৱসায়ী আৰু সাধাৰণ জনতাৰ মাজত নিৰাপত্তাহীনতাৰ ভাৱ আৰু গভীৰ কৰি তুলিছে । স্থানীয় সচেতন লোকসকলে এই ঘটনাক লৈ গুৰুতৰ উদ্বেগ প্ৰকাশ কৰিছে । তেওঁলোকে কয় যে সংখ্যালঘু হিন্দু সম্প্ৰদায়ৰ এজন ব্যৱসায়ীক ৰাজহুৱাভাৱে এইদৰে হত্যা কৰাটো অত্যন্ত চিন্তনীয় । প্ৰশাসনে অতি সোনকালে আক্ৰমণকাৰীক গ্ৰেপ্তাৰ কৰিবলৈ দাবী জনাইছে তেওঁলোকে ।

লগতে পঢ়ক : বাংলাদেশত পুনৰ হিন্দু যুৱকক গুলীয়াই হত্যা… বিগত এমাহতে সংখ্যালঘুৰ ওপৰত পঞ্চমটো আক্ৰমণ

বাংলাদেশত সংখ্যলঘু হিন্দুৰ ওপৰত হোৱা আক্ৰমণৰ ঘটনা অব্যাহত আছে । সোমবাৰে পুনৰ আন এজন হিন্দু লোকক গুলীয়াই হত্যা কৰে দুৰ্বৃত্তই ।

বাংলাদেশত সংখ্যালঘু হিন্দুৰ ওপৰত ধাৰাবাহিকভাৱে সংঘটিত হৈ আছে আক্ৰমণৰ ঘটনা । শেহতীয়াকৈ দেশখনৰ সংখ্যালঘু হিন্দুৰ বিৰুদ্ধে আন এক হিংসাৰ ঘটনা পোহৰলৈ আহিছে । জেছৌৰ জিলাৰ মণিৰামপুৰ মহকুমাৰ এক ৰাজহুৱা স্থানত দুৰ্বৃত্তই গুলীয়াই হত্যা কৰিলে এজন হিন্দু যুৱকক । মৃত যুৱকজন কেশবপুৰ মহকুমাৰ আৰুৱা গাঁৱৰ ৪৫ বছৰীয়া ৰাণা প্ৰতাপ বৈৰাগী বুলি জানিব পৰা গৈছে ।

সোমবাৰে সন্ধিয়া প্ৰায় ৫:৪৫ বজাত মণিৰামপুৰৰ ১৭ নং ৱাৰ্ডৰ কোপালিয়া বজাৰ অঞ্চলত সংঘটিত হয় এই ঘটনা । প্ৰত্যক্ষদৰ্শী আৰু আৰক্ষীৰ সূত্ৰৰ পৰা জানিব পৰা মতে, বজাৰত উপস্থিত থকা ৰাণা প্ৰতাপক লক্ষ্য কৰি কোনো অচিনাকি আক্ৰমণকাৰীয়ে গুলীচালনা কৰে । গুলীৰ আঘাতত ৰাণা প্ৰতাপৰ থিতাতে মৃত্যু হয় ।

ঘটনাৰ পিছতে বজাৰ আৰু ইয়াৰ আশে-পাশে আতংকৰ সৃষ্টি হয় । তথ্য লাভ কৰাৰ লগে লগে মণিৰামপুৰ আৰক্ষী ঘটনাস্থলীত উপস্থিত হৈ পৰিস্থিতি নিয়ন্ত্ৰণ কৰে । আৰক্ষীয়ে ঘটনাস্থলী ঘেৰাও কৰি তদন্ত আৰম্ভ কৰে ।

মণিৰামপুৰ থানাৰ ভাৰপ্ৰাপ্ত বিষয়াই ঘটনাস্থলীত আৰক্ষী উপস্থিত থকাৰ লগতে মৃতদেহটো উদ্ধাৰ কৰি মৰণোত্তৰ পৰীক্ষাৰ প্ৰস্তুতি চলোৱা বুলি জানিবলৈ দিয়ে । তেওঁ লগতে কয় যে এই গোচৰৰ তদন্ত চলি আছে আৰু আক্ৰমণকাৰীক চিনাক্ত কৰাৰ প্ৰচেষ্টা অব্যাহত আছে ।

উল্লেখ্য যে, বাংলাদেশত হিন্দু সম্প্ৰদায়ৰ বিৰুদ্ধে কেইবাটাও হিংসাত্মক ঘটনা সংঘটিত হোৱাৰ সময়তে ৰাণা প্ৰতাপ বৈৰাগীৰ হত্যাকাণ্ড সংঘটিত হৈছে । ইয়াৰ পূৰ্বে দীপু চন্দ্ৰ দাস নামৰ হিন্দু যুৱকক ৰাইজে প্ৰহাৰ কৰি হত্যা কৰিছিল । আন এজন হিন্দু যুৱক অমৃত মণ্ডলকো শেহতীয়াকৈ হত্যা কৰা হৈছিল ।

লগতে পঢ়ক : ভেনিজুৱেলাৰ পিছত এইবাৰ গ্ৰীণলেণ্ডৰ পাল ! ভাবুকি নিদিবলৈ ট্ৰাম্পক সকীয়নি ডেনমাৰ্কৰ

বাংলাদেশৰ সংখ্যালঘু হিন্দুৰ বিৰুদ্ধে অব্যাহত আছে হিংসা । আন এক হিংসাত্মক ঘটনাত শনিবাৰে পুৱা চিকিৎসাধীন অৱস্থাত মৃত্যু হয় আন এজন হিন্দু ব্যক্তিৰ ।

বাংলাদেশৰ সংখ্যালঘু হিন্দুৰ বিৰুদ্ধে সংঘটিত হোৱা আন এক হিংসাত্মক ঘটনাত শনিবাৰে পুৱা ঢাকাৰ নেশ্যনেল বাৰ্ন ইনষ্টিটিউটত চিকিৎসাধীন অৱস্থাত মৃত্যু হয় খোকন চন্দ্ৰ দাসৰ । শ্বৰীয়তপুৰ জিলাৰ বজাৰত মেডিকেল ষ্টোৰ চলাই আছিল খোকনে । নৱবৰ্ষৰ পূৰ্বে আক্ৰমণকাৰীয়ে তেওঁক পেট্ৰ’ল ঢিলা জীৱন্তে জ্বলাই দিছিল । এই ঘটনাত গুৰুতৰভাৱে আহত হৈ তেওঁ চিকিৎসাধীন অৱস্থাত আছিল ।

চিকিৎসকৰ মতে, খোকন দাসৰ শৰীৰৰ প্ৰায় ৩০ শতাংশতকৈ অধিক অগ্নিদগ্ধ হয় । তেওঁৰ মুখমণ্ডল আৰু শ্বাস-প্ৰশ্বাসতন্ত্ৰৰ যথেষ্ট ক্ষতিসাধন হয় । চিকিৎসালয়খনৰ অধ্যাপক ডাঃ শ্বাউন বিন ৰহমানে কয় যে তেওঁ পুৱা প্ৰায় ৭:২০ বজাত শেষ নিশ্বাস ত্যাগ কৰে ।

স্থানীয় বাতৰি কাকত প্ৰথম আলোৰ মতে, বাংলাদেশৰ দমুদিয়া উপজিলাৰ কনেশ্বৰ ইউনিয়নৰ কেউৰভংগা বজাৰৰ সমীপত ৩১ ডিচেম্বৰৰ নিশা প্ৰায় ৯:৩০ বজাত সংঘটিত হয় এই ঘটনা । দোকান বন্ধ কৰি ঘৰলৈ উভতি অহা খোকন দাসক দুষ্কৃতিকাৰীয়ে ৰখাই চোকা অস্ত্ৰৰে আক্ৰমণ কৰাৰ পিছত পেট্ৰ’ল ঢালি জুই লগাই দিয়ে । জুইৰ পৰা ৰক্ষা পাবলৈ খোকন দাসে ওচৰৰ পুখুৰী এটাত জপিয়াই । তেওঁৰ চিঞৰ শুনি ওচৰৰ লোকসকলে ঘটনাস্থলীলৈ উপস্থিত হোৱাত আক্ৰমণকাৰী পলায়ন কৰে । সংকটজনক অৱস্থাত তেওঁক প্ৰথমে শ্বৰীয়তপুৰ সদৰ চিকিৎসালয়লৈ প্ৰেৰণ কৰা হয় আৰু তাৰ পিছত ঢাকালৈ প্ৰেৰণ কৰা হয় ।

ঘটনাৰ পিছতে এতিয়া খোকন চন্দ্ৰ দাসৰ পৰিয়ালে দোষীক কৰায়ত্ত কৰি কঠোৰ শাস্তি বিহাৰ দাবী জনাইছে ।

লগতে পঢ়ক : ইৰাণত ক্ষুদ্ধ জনসাধাৰণ,চৌদিশে হিংসাত্মক প্ৰতিবাদ; ৭ জনৰ মৃত্যু

বাংলাদেশত বুধবাৰে গভীৰ নিশা এজন হিন্দু যুৱকক প্ৰহাৰ কৰি হত্যা কৰে এদল উন্মত্ত বাংলাদেশী নাগৰিকে । ৱকজনক আৰক্ষীয়ে সংকটজনক অৱস্থাত উদ্ধাৰ কৰি চিকিৎসালয়লৈ লৈ যোৱা হয় যদিও তেওঁক মৃত ঘোষণা কৰা হয় ।

বাংলাদেশত অবিৰতভাৱে হিংসা অব্যাহত আছে । দীপু চন্দ্ৰ দাসৰ পিছত আন এজন হিন্দু যুৱক দেশখনত গণৰোষৰ বলি হৈছে । দেশখনত পুনৰ এগৰাকী হিন্দু যুকক নিষ্ঠুৰভাৱে প্ৰহাৰ কৰি হত্যা কৰা বুলি বৃহস্পতিবাৰে পোহৰলৈ আহিছে । আৰক্ষীয়ে জনোৱা মতে, এই আক্ৰমণ ধন দাবীৰ সৈতে জড়িত ।

ডেইলী ষ্টাৰৰ বাতৰি অনুসৰি বাংলাদেশৰ ৰাজবাৰী জিলাৰ পানছাত বুধবাৰে গভীৰ নিশা এজন হিন্দু যুৱকক প্ৰহাৰ কৰি হত্যা কৰে এদল উন্মত্ত বাংলাদেশী নাগৰিকে । আৰক্ষীয়ে জনোৱা মতে, নিশা প্ৰায় ১১ বজাত সংঘটিত হয় এই ঘটনা ।

দেশখনৰ আৰক্ষীয়ে জনোৱা মতে, মৃত ব্যক্তিজনৰ নাম অমৃত মণ্ডল ওৰফে সম্ৰাট, যাৰ বিৰুদ্ধে ধন দাবীৰ কেইবাটাও গোচৰ ৰুজু হৈ আছিল । আৰক্ষীয়ে জনোৱা মতে অমৃত আছিল “সম্ৰাট বাহিনী”ৰ মুৰব্বী । অমৃত মণ্ডল ওৰফে সম্ৰাট (৩০) হুছেইনদংগাৰ অক্ষয় মণ্ডলৰ পুত্ৰ । সম্ৰাটৰ এজন সহযোগী মহম্মদ চেলিমক গ্ৰেপ্তাৰ কৰিছে আৰক্ষীয়ে ।

ডেইলী ষ্টাৰৰ বাতৰি অনুসৰি, পাংছা চক্ৰৰ সহকাৰী আৰক্ষী অধীক্ষক দেবৰাতা সৰকাৰে জনোৱা মতে, স্থানীয় ৰাইজৰ পৰা এজন লোকক আক্ৰমণ কৰা বুলি তথ্য লাভ কৰি ঘটনাস্থলীত আৰক্ষী উপস্থিত হয় । সম্ৰাট নামেৰেও পৰিচিত অমৃত মণ্ডল নামৰ যুৱকজনক আৰক্ষীয়ে সংকটজনক অৱস্থাত উদ্ধাৰ কৰি চিকিৎসালয়লৈ লৈ যোৱা হয় যদিও তেওঁক মৃত ঘোষণা কৰা হয় ।

দীপু চন্দ্ৰ দাস নামৰ এজন হিন্দু যুকক হত্যাৰ মাত্ৰ কেইদিনমান পিছতে এই ঘটনা সংঘটিত হৈছে । মইমনছসিঙৰ ভালুক অঞ্চলত ২৭ বছৰীয়া হিন্দু যুৱকগৰাকীক ৰাইজে প্ৰহাৰ কৰি হত্যা কৰে আৰু তাৰ পিছত তেওঁৰ মৃতদেহ জ্বলাই দিয়ে ।

বাংলাদেশৰ অন্তৱৰ্তীকালীন চৰকাৰৰ মুৰব্বী মহম্মদ ইউনুছে দীপু চন্দ্ৰক হত্যা কৰা ঘটনাক গৰিহণা দি কয় যে দেশত হিংসা আৰু সাম্প্ৰদায়িক হিংসাৰ কোনো স্থান নাই ।

লগতে পঢ়ক : অস্থিৰতাৰ মাজতে বনবাসৰ অন্ত পেলাই বাংলাদেশলৈ ঘূৰিল তাৰিক ৰহমান, ভংগ কৰিলে প্ৰতিশ্ৰুতি !