• July 20, 2026
Facebook-f Instagram Youtube Linkedin-in

ফিফা বিশ্বকাপ ২০২৬ : ভাৰতত টিভি সম্প্ৰচাৰক লৈ ডাঙৰ খবৰ, অন্ত পৰিব অনিশ্চয়তাৰ

May 24, 2026 ·

অনিশ্চয়তাৰ অৱসান ঘটাই অহা সপ্তাহতে ভাৰতত ফিফা বিশ্বকাপ ২০২৬ৰ অফিচিয়েল ব্ৰডকাষ্টিং পাৰ্টনাৰ বা সম্প্ৰচাৰ সহযোগীৰ নাম ঘোষণা কৰা হ’ব

ভাৰতৰ ফুটবল অনুৰাগীসকলৰ বাবে এটা অতি সুখবৰ । দীৰ্ঘদিন ধৰি চলি থকা অনিশ্চয়তাৰ অৱসান ঘটাই অহা সপ্তাহতে ভাৰতত ফিফা বিশ্বকাপ ২০২৬ৰ অফিচিয়েল ব্ৰডকাষ্টিং পাৰ্টনাৰ বা সম্প্ৰচাৰ সহযোগীৰ নাম ঘোষণা কৰা হ’ব । অল ইণ্ডিয়া ফুটবল ফেডাৰেচন (AIFF)ৰ প্ৰাক্তন সাধাৰণ সম্পাদক শাজী প্ৰভাকৰণে শনিবাৰে এই গুৰুত্বপূৰ্ণ তথ্য সদৰী কৰিছে ।

এছচিয়েশ্যন ফৰ স্প’ৰ্টছ ইণ্ডাষ্ট্ৰী প্ৰফেচনেলছ (ASIP)ৰ প্ৰতিষ্ঠাপক তথা সভাপতি শাজী প্ৰভাকৰণে ছ’চিয়েল মিডিয়া প্লেটফৰ্ম এক্স (X)ত লিখিছে— “ভাৰতীয় ফুটবল অনুৰাগীসকলৰ বাবে ডাঙৰ খবৰ! অৱশেষত দীৰ্ঘদিনীয়া অপেক্ষাৰ অন্ত পৰিল । ভাৰতত ফিফা বিশ্বকাপ ২০২৬-ৰ সম্প্ৰচাৰৰ অধিকাৰ সম্পৰ্কীয় সকলো আলোচনা সফলভাৱে সমাপ্ত হৈছে আৰু অহা সপ্তাহতে ইয়াৰ চৰকাৰী ঘোষণা কৰা হ’ব । কেইবামাহৰো অনিশ্চয়তাৰ পিছত এতিয়া অনুৰাগীসকলে সকাহ পাব পাৰে । বিশ্বকাপখন ভাৰতত সম্পূৰ্ণৰূপে উপলব্ধ হ’ব ।”

উল্লেখ্য যে, আগন্তুক ১১ জুনৰ পৰা ১৯ জুলাই, ২০২৬ লৈ অনুষ্ঠিত হ’বলগীয়া এই মেগা ইভেণ্টখনৰ টিভি আৰু ডিজিটেল মিডিয়া অধিকাৰ ভাৰতত কোনেও ক্ৰয় নকৰাক লৈ শেহতীয়াকৈ ব্যাপক চিন্তাৰ সৃষ্টি হৈছিল । আনকি বিষয়টো আদালতৰ মজিয়াও পাইছিলগৈ । চলিত মাহৰ আৰম্ভণিতে অধিবক্তা অৱধেশ বাইৰৱাই সংবিধানৰ ২২৬ নং অনুচ্ছেদৰ অধীনত দিল্লী উচ্চ ন্যায়ালয়ত এখন ৰীট আবেদন দাখিল কৰিছিল । আবেদনখনত কোৱা হৈছিল যে ক্ৰীড়া সম্প্ৰচাৰ সংকেত আইন ২০০৭-ৰ অধীনত ফিফা বিশ্বকাপক ইতিমধ্যে “ৰাষ্ট্ৰীয় গুৰুত্বপূৰ্ণ ক্ৰীড়া ইভেণ্ট” হিচাপে ঘোষণা কৰা হৈছে । গতিকে চৰকাৰ আৰু প্ৰসাৰ ভাৰতীয়ে দূৰদৰ্শন বা ডিডি স্প’ৰ্টছৰ দৰে বিনামূলীয়া (free-to-air) প্লেটফৰ্মৰ জৰিয়তে জনসাধাৰণক এই খেলসমূহ দেখুওৱাটো নিশ্চিত কৰিব লাগে । এই আবেদনৰ ভিত্তিত উচ্চ ন্যায়ালয়ৰ ন্যায়াধীশ পুৰুষেন্দ্ৰ কুমাৰ কৌৰৱে কেন্দ্ৰীয় চৰকাৰ আৰু প্ৰসাৰ ভাৰতীলৈ জাননীও জাৰি কৰিছিল ।

জানিব পৰা মতে, ফিফাই প্ৰথমতে ২০২৬ আৰু ২০৩০ চনৰ বিশ্বকাপৰ বাবে ভাৰতৰ সম্প্ৰচাৰ অধিকাৰ পেকেজৰ মূল্য প্ৰায় ১০০ নিযুত মাৰ্কিন ডলাৰ (প্ৰায় ৮৩০ কোটি টকা) নিৰ্ধাৰণ কৰিছিল । কিন্তু ভাৰতীয় কোম্পানীসমূহৰ মাজত বিশেষ আগ্ৰহ দেখা নোপোৱাত পিছলৈ ফিফাই এই মূল্য হ্ৰাস কৰি প্ৰায় ৩৫ নিযুত মাৰ্কিন ডলাৰ (প্ৰায় ২৯০ কোটি টকা) কৰিবলৈ বাধ্য হয় ।

মূল্য হ্ৰাসৰ পিছতো কোনো চুক্তি নোহোৱাত অনুৰাগীসকল হতাশ হৈ পৰিছিল । কিন্তু এতিয়া শাজী প্ৰভাকৰণৰ এই ভাষ্যই ফুটবলপ্ৰেমীসকলৰ মাজলৈ আশাৰ বতৰা কঢ়িয়াই আনিছে । এতিয়া কেৱল অপেক্ষা অহা সপ্তাহৰ সেই চৰকাৰী ঘোষণালৈ, যাৰ পিছত স্পষ্ট হ’ব যে ভাৰতত কোনটো চেনেল বা অ’টিটি প্লেটফৰ্মত দেখা পোৱা যাব ইতিহাসৰ আটাইতকৈ ডাঙৰ ফিফা বিশ্বকাপ ।

লগতে পঢ়ক : আই পি এল ২০২৬ : দিল্লীৰ বিদায়! অন্তিমটো প্লে-অফ স্থানৰ বাবে তিনিটা দলৰ মাজত তীব্ৰ যুঁজ

ফিফা বিশ্বকাপতো মধ্যপ্ৰাচ্যৰ যুদ্ধৰ প্ৰভাৱ, ইৰানে ল’লে ডাঙৰ সিদ্ধান্ত

March 13, 2026 ·

ফিফা বিশ্বকাপতো এতিয়া আমেৰিকা আৰু ইৰানৰ মাজত সংঘটিত হোৱা যুদ্ধৰ প্ৰৱাভ পৰা পৰিলক্ষিত হৈছে

ইজৰাইল, আমেৰিকা আৰু ইৰানৰ মাজত সংঘটিত হোৱা ভয়াৱহ যুদ্ধৰ প্ৰভাৱ এতিয়া ক্ৰীড়া জগততো পৰিছে । ইৰানে ২০২৬ বৰ্ষৰ ফিফা বিশ্বকাপত অংশগ্ৰহণ নকৰাৰ কথা ঘোষণা কৰিছে । ইৰানৰ ওপৰত আমেৰিকা আৰু ইজৰাইলে আক্ৰমণ সংঘটিত কৰাৰ পিছত মধ্যপ্ৰাচ্য আৰু সমগ্ৰ বিশ্বতে উত্তেজনা অব্যাহত থকাৰ সময়তে এই সিদ্ধান্ত গ্ৰহণ কৰিছে দেশখনে ।

চৰকাৰী টিভিৰ সৈতে হোৱা এক সাক্ষাৎকাৰত ইৰানৰ ক্ৰীড়া মন্ত্ৰী আহমদ দুনিয়ামালিয়ে কয় যে যিখন দেশে তেওঁলোকৰ সৰ্বোচ্চ নেতাক হত্যা কৰিছে, সেইখন দেশত খেলাটো অসম্ভৱ । তেওঁ স্পষ্টভাৱে কয় যে বৰ্তমানৰ পৰিস্থিতিত দলটোৰ সুৰক্ষা নিশ্চিত কৰিব পৰা নাযায় ।

শেহতীয়াকৈ আমেৰিকা আৰু ইজৰাইলে ইৰানৰ ওপৰত কৰা বিমান আক্ৰমণত ইৰানৰ সৰ্বোচ্চ নেতা আয়াতুল্লাহ আলী খামেনেই নিহত হয় । ইয়াৰ ফলত সমগ্ৰ অঞ্চলটোত সংঘাতে তীব্ৰ ৰূপ ধাৰণ কৰিছে ।

ইৰানৰ ক্ৰীড়া মন্ত্ৰীগৰাকীয়ে উল্লেখ কৰিছে যে এই আক্ৰমণত হাজাৰ হাজাৰ লোকৰ মৃত্যু হৈছে আৰু দেশখনত যুদ্ধসদৃশ পৰিস্থিতিৰ সৃষ্টি হৈছে । এনে পৰিস্থিতিত বিশ্বকাপলৈ দল পঠোৱাটো অনুচিত হ’ব । উল্লেখ্য যে, ১১ জুনৰ পৰা ১৯ জুলাইলৈ আমেৰিকা, মেক্সিকো, কানাডাত অনুষ্ঠিত হ’বলগীয়া এই প্ৰতিযোগিতাত ৪৮টা দলে অংশগ্ৰহণ কৰিব ।

ইয়াৰ পূৰ্বে বিশ্ব ফুটবল গভৰ্নিং ব’ডিৰ সভাপতি জিয়ানি ইনফান্টিনোৱে আমেৰিকাৰ ৰাষ্ট্ৰপতি ড’নাল্ড ট্ৰাম্পৰ সৈতে বাৰ্তালাপ কৰা বুলি কয় । ট্ৰাম্পে ইৰানৰ দলটোক আশ্বাস দিয়ে যে তেওঁলোকক আদৰণি জনোৱা হ’ব আৰু প্ৰতিযোগিতাখনত প্ৰৱেশ নিশ্চিত কৰা হ’ব ।

যোৱা বছৰৰ ড্ৰ’ত ইৰানক বেলজিয়াম, ইজিপ্ত আৰু নিউজীলেণ্ডৰ সৈতে গ্ৰুপ জিত স্থান দিয়া হৈছিল । এই গ্ৰুপৰ সকলো মেচ আমেৰিকাত অনুষ্ঠিত হোৱাৰ কথা আছিল, দুখন লছ এঞ্জেলছত আৰু এখন ছিয়াটলত অনুষ্ঠিত হ’ব ।

লগতে পঢ়ক : আমেৰিকাৰ যুদ্ধ জাহাজ আব্ৰাহাম লিংকনত মিছাইল আক্ৰমণৰ দাবী ইৰানৰ

ফিফা বিশ্বকাপ ২০২৬ৰ সম্পূৰ্ণ সূচী প্ৰকাশ, কেতিয়া আৰু ক’ত অনুষ্ঠিত হ’ব মেচসমূহ ?

December 7, 2025 ·

শনিবাৰে ৱাশ্বিংটন ডি চিত অনুষ্ঠিত এক অনুষ্ঠানত এফিফা বিশ্বকাপ ২০২৬ৰ সম্পূৰ্ণ সূচী প্ৰকাশ কৰা হয় ।

২০২৬ চনৰ ফিফা বিশ্বকাপৰ প্ৰস্তুতি পূৰ্ণগতিত চলি আছে । শনিবাৰে ৱাশ্বিংটন ডি চিত অনুষ্ঠিত এক অনুষ্ঠানত এই ফিফা বিশ্বকাপৰ সম্পূৰ্ণ সূচী প্ৰকাশ কৰা হয় । আগন্তুক ফিফা বিশ্বকাপ আমেৰিকা, মেক্সিকো আৰু কানাডাত যৌথভাৱে অনুষ্ঠিত হ’ব । প্ৰথমবাৰৰ বাবে ৪৮টা দলে এইবাৰৰ ফিফা বিশ্বকাপত অংশগ্ৰহণ কৰিব আৰু ই ইতিহাসৰ সৰ্ববৃহৎ বিশ্বকাপ হিচাপে পৰিগণিত হ’ব ।

৩৮ দিনীয়া ফিফা বিশ্বকাপ ১১ জুনত মেক্সিকো চহৰৰ আইকনিক এষ্টাডিঅ’ এজটেকা ষ্টেডিয়ামত আৰম্ভ হ’ব, য’ত মেক্সিকো আৰু দক্ষিণ আফ্ৰিকা উদ্বোধনী মেচত মুখামুখি হ’ব । একেখন ষ্টেডিয়ামতে ১৯৭০ আৰু ১৯৮৬ চনৰ ফিফা বিশ্বকাপৰ উদ্বোধনী মেচ অনুষ্ঠিত হৈছিল । পিছদিনা, ১২ জুনত লছ এঞ্জেলছত পাৰাগুৱেৰ বিৰুদ্ধে আমেৰিকাই ফিফা বিশ্বকাপ ২০২৬ত অভিযান আৰম্ভ কৰাৰ বিপৰীতে কানাডাই টৰন্টোত ইউ এফ এ প্লে অফ এৰ বিজয়ী দলৰ বিৰুদ্ধে প্ৰথমখন মেচ খেলিব ।

লিয়নেল মেছিৰ নেতৃত্বত আৰ্জেণ্টিনাক ফিফা বিশ্বকাপ ২০২৬ৰ গ্ৰুপ Jত স্থান দিয়া হৈছে । ডিফেণ্ডিং চেম্পিয়ন আৰ্জেণ্টিনাই প্ৰথমখন মেচত আলজেৰিয়াৰ বিৰুদ্ধে খেলিব, তাৰ পিছতে অষ্ট্ৰিয়া আৰু জৰ্ডানৰ বিৰুদ্ধে খেলিব । ব্ৰাজিল বনাম মৰক্কো, জাৰ্মানী বনাম কুৰাচাও, নেদাৰলেণ্ড বনাম জাপান, ইংলেণ্ড বনাম ক্ৰ’ৱেচিয়াকে ধৰি অনুৰাগীসকলে কেইবাখনো ডাঙৰ মেচ দেখা পাব । টুৰ্ণামেণ্টৰ মেচসমূহ নিউয়ৰ্ক, হিউষ্টন, মিয়ামি, ভেংকুৱাৰ, ডালাছ আৰু গুৱাডালাজাৰাৰ দৰে চহৰত অনুষ্ঠিত হ’ব ।

ফিফা বিশ্বকাপ ২০২৬ত অংশগ্ৰহণ কৰা ৪৮টা দলক চাৰিজনীয়া ১২টা গ্ৰুপত ভাগ কৰা হৈছে । ইয়াৰ পিছতে ৩২টা দল ৩২ ৰাউণ্ডলৈ আগবাঢ়িব, য’ত নকআউট ৰাউণ্ডৰ আৰম্ভণি হ’ব । ২০২৬ চনৰ ১৯ ​​জুলাইত নিউ জাৰ্ছিৰ মেটলাইফ ষ্টেডিয়ামত নতুন বিশ্ব ফুটবল চেম্পিয়ন দলক সমগ্ৰ বিশ্বই দেখিব ।

ফিফা বিশ্বকাপ ২০২৬ৰ সম্পূৰ্ণ সূচী-

১১ জুন-

-মেক্সিকো বনাম দক্ষিণ আফ্ৰিকা (গ্ৰুপ এ) – মেক্সিকো চহৰ

-দক্ষিণ কোৰিয়া বনাম ইউ এফ এ প্লে অফ ডি (গ্ৰুপ এ) – গুৱাডালাজাৰা

১২ জুন-

-কানাডা বনাম ইউ এফ এ প্লে অফ এ (গ্ৰুপ বি)–  টৰন্টো

-আমেৰিকা বনাম পাৰাগুৱে (গ্ৰুপ ডি)–  লছ এঞ্জেলছ

১৩ জুন-

ব্ৰাজিল বনাম মৰক্কো (গ্ৰুপ চি) – বষ্টন বা নিউয়ৰ্ক/নিউ জাৰ্চি

অষ্ট্ৰেলিয়া বনাম ইউ এফ এ প্লে অফ চি (গ্ৰুপ ডি) – ভেংকুৱাৰ

হাইটি বনাম স্কটলেণ্ড (গ্ৰুপ চি) – বষ্টন বা নিউয়ৰ্ক/নিউ জাৰ্চি

কাটাৰ বনাম ছুইজাৰলেণ্ড (গ্ৰুপ বি) – ছান ফ্ৰান্সিস্কো বে এৰিয়া

১৪ জুন-

জাৰ্মানী বনাম কিউৰাচাও (গ্ৰুপ ই)–  ফিলাডেলফিয়া বা হিউষ্টন

আইভৰি কোষ্ট বনাম ইকুৱেডৰ (গ্ৰুপ ই) – ফিলাডেলফিয়া বা হিউষ্টন

নেদাৰলেণ্ড বনাম জাপান (গ্ৰুপ এফ) – ডালাছ বা মণ্টেৰেই

ইউএফএ প্লে অফ বি বনাম টিউনিছিয়া (গ্ৰুপ এফ) – ডালাছ বা মণ্টেৰেই

১৫ জুন-

-স্পেইন বনাম কেপ ভাৰ্ডে (গ্ৰুপ এইচ) – মিয়ামি বা আটলান্টা

-চৌদি আৰব বনাম উৰুগুৱে (গ্ৰুপ এইচ) – মিয়ামি বা আটলান্টা

-বেলজিয়াম বনাম ইজিপ্ত (গ্ৰুপ জি) – লছ এঞ্জেলছ বা ছিয়াটল

-ইৰাণ বনাম নিউজীলেণ্ড (গ্ৰুপ জি) – লছ এঞ্জেলছ বা ছিয়াটল

১৬ জুন-

-ফ্ৰান্স বনাম চেনেগাল (গ্ৰুপ I) – নিউয়ৰ্ক/নিউ জাৰ্চি বা বষ্টন

-ফিফা প্লে অফ ২ বনাম নৰৱে (গ্ৰুপ I) – নিউয়ৰ্ক/নিউ জাৰ্চি বা বষ্টন

-আৰ্জেণ্টিনা বনাম আলজেৰিয়া (গ্ৰুপ জে) – কানছাছ চিটি বা চান ফ্ৰান্সিস্কো বে এৰিয়া

-অষ্ট্ৰিয়া বনাম জৰ্ডান (গ্ৰুপ জে) – কানছাছ চিটি বা চান ফ্ৰান্সিস্কো বে এৰিয়া

১৭ জুন-

-ইংলেণ্ড বনাম ক্ৰ’ৱেচিয়া (গ্ৰুপ এল) – টৰন্টো বা ডালাছ

-ঘানা বনাম পানামা (গ্ৰুপ এল) – টৰন্টো বা ডালাছ

-পৰ্তুগাল বনাম ফিফা প্লে অফ ১ (গ্ৰুপ কে) – হিউষ্টন বা মেক্সিকো চিটি

-উজবেকিস্তান বনাম কলম্বিয়া (গ্ৰুপ কে) – হিউষ্টন বা মেক্সিকো চিটি

১৮ জুন-

-ইউ এফ এ প্লে অফ ডি বনাম দক্ষিণ আফ্ৰিকা (গ্ৰুপ এ) – আটলান্টা

-ছুইজাৰলেণ্ড বনাম ইউএফএ প্লে অফ এ (গ্ৰুপ এ) – লছ এঞ্জেলছ

-কানাডা বনাম কাটাৰ (গ্ৰুপ বি) – ভেংকুৱাৰ

-মেক্সিকো বনাম দক্ষিণ কোৰিয়া (গ্ৰুপ এ) – গুৱাডালাজাৰা

১৯ জুন-

-ব্ৰাজিল বনাম হাইটি (গ্ৰুপ চি) – ফিলাডেলফিয়া বা নিউয়ৰ্ক/নিউ জাৰ্চি

-স্কটলেণ্ড বনাম মৰক্কো (গ্ৰুপ চি) – ফিলাডেলফিয়া বা নিউয়ৰ্ক/নিউ জাৰ্চি

-ইউএফএ প্লে অফ চি বনাম পাৰাগুৱে (গ্ৰুপ ডি) – ছান ফ্ৰান্সিস্কো বে এৰিয়া

-আমেৰিকা বনাম অষ্ট্ৰেলিয়া (গ্ৰুপ ডি) – ছিয়াটল

২০ জুন-

-জাৰ্মানী বনাম আইভৰি কোষ্ট (গ্ৰুপ ই) – টৰন্টো বা কানছাছ চিটি

-ইকুৱেডৰ বনাম Curaçao (গ্ৰুপ ই) – টৰন্টো বা কানছাছ সিটি

-নেদাৰলেণ্ড বনাম ইউএফএ প্লে অফ বি (গ্ৰুপ এফ) – হিউষ্টন বা মণ্টেৰেই

-টিউনিছিয়া বনাম জাপান (গ্ৰুপ এফ) – হিউষ্টন বা মণ্টেৰেই

২১ জুন-

-স্পেইন বনাম চৌদি আৰব (গ্ৰুপ এইচ) – মিয়ামি বা আটলান্টা

-উৰুগুৱে বনাম কেপ ভাৰ্ডে (গ্ৰুপ এইচ) – মিয়ামি বা আটলান্টা

-বেলজিয়াম বনাম ইৰাণ (গ্ৰুপ জি) – লছ এঞ্জেলছ বা ভেংকুৱাৰ

-নিউজীলেণ্ড বনাম ইজিপ্ত (গ্ৰুপ জি) – লছ এঞ্জেলছ বা ভেংকুৱাৰ

২২ জুন-

-ফ্ৰান্স বনাম ফিফা প্লে অফ ২ (গ্ৰুপ I) – নিউয়ৰ্ক/নিউ জাৰ্চি বা ফিলাডেলফিয়া

-নৰৱে বনাম চেনেগাল (গ্ৰুপ I) – নিউয়ৰ্ক/নিউ জাৰ্চি বা ফিলাডেলফিয়া

-আৰ্জেণ্টিনা বনাম অষ্ট্ৰিয়া (গ্ৰুপ জে) – ডালাছ বা চান ফ্ৰান্সিস্কো বে এৰিয়া

-জৰ্ডান বনাম আলজেৰিয়া (গ্ৰুপ জে) – ডালাছ বা চান ফ্ৰান্সিস্কো বে এৰিয়া

২৩ জুন-

-ইংলেণ্ড বনাম ঘানা (গ্ৰুপ এল) – বষ্টন বা টৰন্টো

-পানামা বনাম ক্ৰ’ৱেচিয়া (গ্ৰুপ এল) – বষ্টন বা টৰন্টো

-পৰ্তুগাল বনাম উজবেকিস্তান (গ্ৰুপ কে) – হিউষ্টন বা গুয়াডালাজাৰা

-কলম্বিয়া বনাম ফিফা প্লে অফ ১ (গ্ৰুপ কে) – হিউষ্টন বা গুয়াডালাজাৰা

২৪ জুন-

-স্কটলেণ্ড বনাম ব্ৰাজিল (গ্ৰুপ চি) – মিয়ামি বা আটলান্টা

–মৰক্কো বনাম হাইটি (গ্ৰুপ চি) – মিয়ামি বা আটলান্টা

-কানাডা বনাম ছুইজাৰলেণ্ড (গ্ৰুপ বি) – ভেংকুৱাৰ

-ইউএফএ প্লে অফ এ বনাম কাটাৰ (গ্ৰুপ বি) – ছিয়াটল

-মেক্সিকো বনাম ইউএফএ প্লে অফ ডি (গ্ৰুপ এ) – মেক্সিকো চিটি

-দক্ষিণ কোৰিয়া বনাম দক্ষিণ আফ্ৰিকা (গ্ৰুপ এ) – মণ্টেৰেই

২৫ জুন-

-ইকুৱেডৰ বনাম জাৰ্মানী (গ্ৰুপ ই) – ফিলাডেলফিয়া বা নিউয়ৰ্ক/নিউ জাৰ্চি

-কুৰাচাও বনাম আইভৰি কোষ্ট (গ্ৰুপ ই) – ফিলাডেলফিয়া বা নিউয়ৰ্ক/নিউ জাৰ্চি

-টিউনিছিয়া বনাম নেদাৰলেণ্ড (গ্ৰুপ এফ) – ডালাছ বা কানছাছ চিটি

-জাপান বনাম ইউএফএ প্লে অফ বি (গ্ৰুপ এফ) – ডালাছ বা কানছাছ চিটি

-আমেৰিকা বনাম ইউএফএ প্লে অফ চি (গ্ৰুপ ডি) – লছ এঞ্জেলছ

-পাৰাগুৱে বনাম অষ্ট্ৰেলিয়া (গ্ৰুপ ডি) – ছান ফ্ৰান্সিস্কো বে এৰিয়া

২৬ জুন-

-নৰৱে বনাম ফ্ৰান্স (গ্ৰুপ I) – বষ্টন বা টৰন্টো

-চেনেগাল বনাম ফিফা প্লে অফ ২ (গ্ৰুপ I) – বষ্টন বা টৰন্টো

-নিউজীলেণ্ড বনাম বেলজিয়াম (গ্ৰুপ জি) – ছিয়াটল বা ভেংকুৱাৰ

-ইজিপ্ত বনাম ইৰাণ (গ্ৰুপ জি) – ছিয়াটল বা ভেংকুৱাৰ

-উৰুগুৱে বনাম স্পেইন (গ্ৰুপ এইচ) – হিউষ্টন বা গুয়াডালাজাৰা

-কেপ ভাৰ্ডে বনাম চৌদি আৰব (গ্ৰুপ এইচ) – হিউষ্টন বা গুয়াডালাজাৰা

২৭ জুন-

-পানামা বনাম ইংলেণ্ড (গ্ৰুপ এল) – নিউয়ৰ্ক/নিউ জাৰ্চি বা ফিলাডেলফিয়া

-ক্ৰ’ৱেচিয়া বনাম ঘানা (গ্ৰুপ এল) – নিউয়ৰ্ক/নিউ জাৰ্চি বা ফিলাডেলফিয়া

-জৰ্ডান বনাম আৰ্জেণ্টিনা (গ্ৰুপ জে) – কানছাছ চিটি বা ডালাছ

-আলজেৰিয়া বনাম অষ্ট্ৰিয়া (গ্ৰুপ জে) – কানছাছ চিটি বা ডালাছ

-কলম্বিয়া বনাম পৰ্তুগাল (গ্ৰুপ কে) – মিয়ামি বা আটলান্টা

-ফিফা প্লে অফ ১ বনাম উজবেকিস্তান (গ্ৰুপ কে) – মিয়ামি বা আটলান্টা

নকআউট ৰাউণ্ডৰ সূচী-

৩২ ৰাউণ্ড: ২৮ জুনৰ পৰা ৩ জুলাইলৈ

১৬ ৰাউণ্ড: ৪ জুলাইৰ পৰা ৭ জুলাইলৈ

কোৱাৰ্টাৰ ফাইনেল : ৯ জুলাইৰ পৰা ১১ জুলাইলৈ

ছেমিফাইনেলঃ ১৪ আৰু ১৫ জুলাই, এ টি এণ্ড টি ষ্টেডিয়াম (আৰ্লিংটন, টেক্সাছ) আৰু মাৰ্চিডিজ-বেঞ্জ ষ্টেডিয়াম (আটলান্টা)

তৃতীয় স্থানৰ মেচ: ১৮ জুলাই, হাৰ্ড ৰক ষ্টেডিয়াম, মিয়ামি গাৰ্ডেনছ

বিশ্বকাপৰ ফাইনেল: ১৯ জুলাই, মেটলাইফ ষ্টেডিয়াম, ইষ্ট ৰাদাৰফোৰ্ড, নিউ জাৰ্চি

লগতে পঢ়ক : নিৰ্ণায়ক এদিনীয়াত যশস্বী জয়ছোৱালৰ দুৰ্দান্ত শতক, অৰ্জন কৰিলে এই বিৰল কৃতিত্ব

ঘোষণা কৰা হ’ল ফিফা বিশ্বকাপ ২০২৬ৰ গ্ৰুপ; কোন দল কেতিয়া আৰু কাৰ মুখামুখি হ’ব ?

December 6, 2025 ·

অহা বছৰ অনুষ্ঠিত হ’ব মেগা ফুটবল ইভেণ্ট ফিফা বিশ্বকাপ। প্ৰথমবাৰৰ বাবে এইবাৰ মুঠ ৪৮ টা দলে অংশগ্ৰহণ কৰিব। কোনটো গ্ৰুপত আছে ৰোনাল্ডো আৰু মেছি

ফুটবল বিশ্বৰ আটাইতকৈ জনপ্ৰিয় খেল। অহা বছৰ অনুষ্ঠিত হ’ব মেগা ফুটবল ইভেণ্ট ফিফা বিশ্বকাপ।বিশেষ কথাটো হ’ল এই প্ৰতিযোগিতাত মুঠ ৪৮ টা দলে অংশগ্ৰহণ কৰিব।

এইবাৰ প্ৰথমবাৰৰ বাবে,ইমানবোৰ দলে ফিফা বিশ্বকাপত অংশগ্ৰহণ কৰিব। এই কাৰণেই অনুৰাগীসকল অতি সুখী।

এতিয়া ফিফা বিশ্বকাপ ২০২৬ৰ বাবে গ্ৰুপ ঘোষণা কৰা হৈছে।আগন্তুক প্ৰতিযোগিতাখন আমেৰিকা, কানাডা আৰু মেক্সিকোৰ মাটিত যৌথভাৱে আয়োজন কৰা হৈছে।

ফিফা বিশ্বকাপ ২০২৬ৰ  বাবে এটা অনুষ্ঠানত ড্ৰ’ ঘোষণা কৰা হৈছে।ইয়াত হলিউডৰ বহু তাৰকাইও অংশ লৈছিল।ইয়াৰ ভিতৰত টম ব্ৰেডী, শ্বাকিল অ’নিল, এৰন জাজ আৰু ৱেইন গ্ৰেট্জকিৰ দৰে কিংবদন্তিয়ে দলসমূহ উন্মোচন কৰিবলৈ উপস্থিত আছিল।

ফিফা বিশ্বকাপ ২০২৬ৰ আৰম্ভণি ১১ জুনৰ পৰা হ’ব আৰু ইয়াৰ অন্তিমখন খেল ১৯ জুলাইত অনুষ্ঠিত হ’ব।চূড়ান্ত খেলখন নিউ জাৰ্ছিৰ মেট লাইফ ষ্টেডিয়ামত অনুষ্ঠিত হ’ব ।

ফিফা বিশ্বকাপ ২০২৬ৰ বাবে এতিয়ালৈকে মুঠ ৪২টা দলে যোগ্যতা অৰ্জন কৰিছে। আনহাতে ৬টা দলে এতিয়াও যোগ্যতা অৰ্জন কৰিব পৰা নাই।

আগন্তুক প্ৰতিযোগিতাখনত ২টা দলে আন্তঃমহাদেশীয় প্লে অফৰ মাজেৰে প্ৰৱেশ কৰিব।তাৰকা ফুটবলাৰ ক্রিষ্টিয়ানো ৰোনাল্ডোৰ দল পর্তুগালক গ্ৰুপ কে-ত স্থান দিয়া হৈছে৷

ইফালে লিয়নেল মেছিৰ দল আৰ্জেণ্টিনাক গ্ৰুপ জে-ত স্থান দিয়া হৈছে।কাইলিয়ান এমবাপেৰ ফ্ৰান্স আৰু আৰ্লিং হালেণ্ডৰ নৰৱেক প্ৰথম গ্ৰুপত অন্তৰ্ভূক্ত কৰা হৈছে। এনে পৰিস্থিতিত অহা বছৰ ৰোনাল্ডো আৰু মেছিৰ মাজত এক ৰোমাঞ্চকৰ খেল দেখিবলৈ পোৱা যাব।

লগতে পঢ়ক: আজি ভাৰত-দক্ষিণ আফ্ৰিকাৰ তৃতীয়খন এদিনীয়া; টীম ইণ্ডিয়াই দেখুৱাব পাৰিব নে প্ৰদৰ্শন