ষ্ট্ৰীমিং প্লেটফৰ্মে ছ’চিয়েল মিডিয়া পোষ্টৰ জৰিয়তে ‘ধূৰন্ধৰ: দ্য ৰিভেঞ্জ’ৰ ‘ৰ’ এণ্ড আনছিন’ সংস্কৰণৰ মুক্তিৰ তাৰিখ নিশ্চিত কৰিছে।

১৯ মাৰ্চত চিনেমাগৃহত মুক্তি পাইছিল ‘ধূৰন্ধৰ: দ্য ৰিভেঞ্জ’। ছবিখনে বক্স অফিচত এক ইতিহাস সৃষ্টি কৰিছিল। ঘৰুৱা বক্স অফিচত ১৩০০ কোটি টকাৰ ওপৰত আৰু বিশ্বজুৰি ১৮০০ কোটি উপাৰ্জন কৰিছিল।ইফালে অনুৰাগীসকলে ধূৰন্ধৰ: দ্য ৰিভেঞ্জ অ’টিটি প্লেটফৰ্মত মুক্তিৰ বাবে আগ্ৰহেৰে অপেক্ষা কৰি আছে। অৱশেষত ছবিখনৰ ডিজিটেল মুক্তিক লৈ যথেষ্ট জল্পনা-কল্পনাৰ অন্ত পৰিছে। আদিত্য ধৰৰ পৰিচালনাত নিৰ্মিত ‘ধুৰন্ধৰ ২: দ্য ৰিভেঞ্জ’ ছবিখন ২০২৬ চনৰ ১৪ মে’ৰ পৰা ১৫ মে’ৰ ভিতৰত নেটফ্লিক্সত বিশ্বজুৰি প্ৰচাৰ হোৱাৰ সম্ভাৱনা আছে।

ছবিখনৰ প্ৰথম খণ্ড নেটফ্লিক্সত মুক্তি পোৱাৰ লগতে,ইয়াৰ দ্বিতীয় খণ্ডটোও একেটা প্লেটফৰ্মতে আন্তঃৰাষ্ট্ৰীয় দৰ্শকৰ বাবে মুকলি কৰা হ’ব।এই ছবিখন বিশ্বজুৰি নেটফ্লিক্সত প্ৰচাৰ হ’ব, আনহাতে ভাৰতত এই ছবিখন জিঅ’ হটষ্টাৰত চাব পৰা যাব। বিদেশত থকা দৰ্শকৰ বাবে একেটা প্লেটফৰ্মতে এটা সুকীয়া শিৰোনাম ‘ধুৰন্ধৰ: দ্য ৰিভেঞ্জ ৰ’ এণ্ড উণ্ডেখী’ৰ সৈতে মুক্তি পাব।যাক ‘Raw and Unseen’ বুলিও কোৱা হৈছে।

লগতে পঢ়ক: মৌনি ৰয়ৰ ৪ বছৰীয়া বিবাহৰ অন্ত; বিবাহ বিচ্ছেদৰ জল্পনা-কল্পনাত চীলমোহৰ

এইবাৰ ডিজিটেল প্লেটফৰ্মলৈ সাজু হৈছে ৰণবীৰ সিঙৰ শেহতীয়া স্পাই থ্ৰিলাৰ ব্লকবাষ্টাৰ ধূৰন্ধৰ ২

বক্স অফিচত ধুমুহাৰ সৃষ্টি কৰাৰ পিছত এইবাৰ ডিজিটেল প্লেটফৰ্মলৈ সাজু হৈছে ৰণবীৰ সিঙৰ শেহতীয়া স্পাই থ্ৰিলাৰ ব্লকবাষ্টাৰ ‘ধূৰন্ধৰ ২’ (Dhurandhar: The Revenge) । ২০২৬ চনৰ মাৰ্চ মাহত চিনেমাগৃহত মুক্তি পোৱাৰ পৰা বৰ্তমানলৈকে ছবিখনে সমগ্ৰ বিশ্বতে ১,৭৯১.৫৫ কোটি টকাৰো অধিক ব্যৱসায় কৰি নতুন অভিলেখ গঢ়িবলৈ সক্ষম হৈছে ।

কেতিয়া আৰু ক’ত চাব পাৰিব ?

নেটফ্লিক্সৰ অফিচিয়েল তথ্য অনুসৰি, অহা ১৪ মে’, ২০২৬ তাৰিখে ছবিখনে আন্তঃৰাষ্ট্ৰীয় পৰ্যায়ত মুক্তি লাভ কৰিব । অৱশ্যে টাইম জ’নৰ পাৰ্থক্যৰ বাবে কিছুমান দেশত ই ১৫ মে’ৰ পৰাহে উপলব্ধ হ’ব । মন কৰিবলগীয়া যে ভাৰতীয় দৰ্শকৰ বাবে এই ছবিখন এতিয়াই নেটফ্লিক্সত উপলব্ধ নহয় ।

ভাৰতীয় দৰ্শকৰ বাবে বিশেষ খবৰ-

বিভিন্ন সংবাদ মাধ্যমৰ ৰিপৰ্ট অনুসৰি, ভাৰতত ‘ধূৰন্ধৰ ২’ সম্ভৱত ‘জিঅ’হটষ্টাৰ’ত মুক্তি পাব । যদিও নিৰ্মাতাসকলে এতিয়াও আনুষ্ঠানিক ঘোষণা কৰা নাই, ছবিখনৰ চিনেমাগৃহত আঠ সপ্তাহ সম্পূৰ্ণ হোৱাৰ পৰিপ্ৰেক্ষিতত অহা ১৪ মে’ত ইয়াৰ অ’টিটি মুক্তিৰ সম্ভাৱনা প্রবল । শেহতীয়াকৈ এক আইনী গোচৰৰ শুনানিৰ সময়তো ইংগিত পোৱা গৈছে যে মে’ মাহৰ মাজভাগৰ আগত ছবিখন অ’টিটিত উপলব্ধ নহ’ব ।

অ’টিটি সংস্কৰণৰ বিশেষত্ব-

চিনেমাগৃহতকৈ অ’টিটিত ছবিখন অধিক দীঘলীয়া হ’ব । প্ৰায় ৩ ঘণ্টা ৫২ মিনিট দৈৰ্ঘ্যৰ এই সংস্কৰণটোত কিছুমান অতিৰিক্ত দৃশ্য, অপ্ৰকাশিত ফুটেজ আৰু চেঞ্চৰ নকৰা সংলাপো অন্তৰ্ভুক্ত থাকিব বুলি জানিব পৰা গৈছে ।

বিবাদ আৰু সফলতা-

আদিত্য ধৰৰ নিৰ্দেশনাত নিৰ্মিত এই ছবিখনত ৰণবীৰ সিঙৰ উপৰিও চাৰা অৰ্জুন, অৰ্জুন ৰামপাল, আৰ মাধৱন আৰু সঞ্জয় দত্তৰ দৰে তাৰকাই অভিনয় কৰিছে । অৱশ্যে ছবিখনৰ ক্লাইমেক্সত পুৰণি জনপ্ৰিয় গীত ‘তিৰছি টোপিৱালে’ৰ ৰিমিক্স ব্যৱহাৰ কৰাক লৈ মূল পৰিচালক ৰাজীৱ ৰায়ৰ সৈতে এক আইনী বিবাদৰো সৃষ্টি হৈছিল । সকলো বাধা নেওচি ছবিখনে বৰ্তমানলৈকে ভাৰতীয় বজাৰৰ পৰা ১,৩ ৬৫.২০ কোটি টকা সংগ্ৰহ কৰি এক ঐতিহাসিক সফলতা অৰ্জন কৰিছে ।

লগতে পঢ়ক : পতি,পত্নী ঔৰ ৱহ দ্বিতীয়ৰ ওপৰত প্ৰৱঞ্চনা প্ৰচাৰৰ অভিযোগ; আয়ুষ্মান খুৰানাৰ স্পষ্টিকৰণ

ধূৰন্ধৰ ২ত ধূমপান সন্দৰ্ভত শিখ সম্প্ৰদায়ৰ ওচৰত ক্ষমা খুজিলে আৰ মাধৱনে।এটা আৱেগিক পোষ্টৰ জৰিয়তে অভিনেতা গৰাকীয়ে নিজৰ মনৰ ভাৱ ব্যাখ্য কৰিছে।

অভিনেতা আৰ মাধৱনে তেওঁৰ ছবি ‘ধুৰন্ধৰ: দ্য ৰিভেঞ্জ’ৰ এটা দৃশ্য সন্দৰ্ভত স্পষ্টীকৰণ দিছে।এটা দৃশ্যত তেওঁৰ চৰিত্ৰটোৱে চিগাৰেট খাই থকা দেখা গৈছে,যাৰ বিৰুদ্ধে আপত্তি উত্থাপন কৰা হৈছিল। অভিনেতাগৰাকীয়ে এই বিষয়টোৰ ওপৰত ইনষ্টাগ্ৰামত উত্থাপন কৰিছে আৰু তেওঁ নিজৰ অনুৰাগী আৰু শিখ সমাজক আশ্বস্ত কৰিলে যে তেওঁৰ কোনো অপমান কৰাৰ কোনো উদ্দেশ্য নাছিল।

এটা বাৰ্তাত আৰ মাধৱনে কয়, ধূৰন্ধৰৰ পৰিয়ালৰ হৈ,আপোনালোক সকলোকে অশেষ ধন্যবাদ যে আমাক ইমান মৰম দিলে। শেহতীয়াকৈ আমি জানিব পাৰিছো যে কিছুমান মানুহে এই কথাত ক্ষুন্ন হৈছে যে এই ছবিখনৰ এটা দৃশ্যত গুৰু গোবিন্দ সিংহৰ দশম গ্ৰন্থৰ দুই এটা শাৰী কোৱাৰ সময়ত এটা চিগাৰেট খাইছিলো। মই আপোনালোকক আশ্বস্ত কৰিছো, এইটো একেবাৰে সত্য নহয়।

অভিনেতা আৰ মাধৱনে স্পষ্ট কৰি দিছে যে অলপ ভুল বুজাবুজি হ’ল। তেওঁ লগতে কয়, মোৰ সম্পূৰ্ণকৈ বিশ্বাস আছে,এই দৃশ্যটোৰ পূৰ্বে,এই ডায়লগ কেইটা কোৱাৰ পূৰ্বে আদিত্য ধৰে কৈছিল যে, এই লাইনটো ডেলিভাৰী কৰাৰ আগতে চিগাৰেটটো নুমুৱাই দিব।এইটো দৃশ্যত না আপোনাৰ মুখৰ পৰা ধোঁৱা ওলাব, না আপোনাৰ হাতত চিগাৰেট থাকিব। কাৰণ এইটো আমাৰ বাবে অত্যন্ত পবিত্ৰ আৰু বিশুদ্ধ। আৰু মই চিগাৰেটটো নুমুৱাই দিছিলো। আৰু সেই কথা কেৱল আমি জানো।

অভিনেতা গৰাকীয়ে লগতে কয়, আমি বিশুদ্ধ শিখ সম্প্ৰদায়ৰ সৈতে লগত আছো। আৰু তেওঁলোকৰ প্ৰতি আমাৰ অতিশয় শ্ৰদ্ধা আছে।প্ৰতিখন ছবি মুক্তিৰ আগতেই মই গল্ডেন মন্দিৰলৈ যাওঁ আৰু সেইটো সকলোৱেই জানে।আমাক ক্ষমা কৰিব কোনো সম্প্ৰদায়কে অপমান কৰাৰ আমাৰ কোনো উদ্দেশ্য নাছিল।  

লগতে পঢ়ক: “জুবিন গাৰ্গ মৃত্যু কোনো ষড়যন্ত্ৰমূলক হত্যাকাণ্ড নহয়”; ছিংগাপুৰ কৰ’নাৰ্ছ আদালতৰ চূড়ান্ত ৰায়দান