ভয়ংকৰ দুৰ্ঘটনা

উত্তৰাখণ্ডত তীৰ্থযাত্ৰী কঢ়িয়াই নিয়া এখন বাছ ভয়ংকৰ দুৰ্ঘটনাত পতিত হৈছে । ৰাজ্যখনৰ তেহৰী জিলাৰ নৰেন্দ্ৰনগৰ কুঞ্জাপুৰী মন্দিৰৰ ওচৰত বাছখন দুৰ্ঘটনাত পতিত হয় । বাছখনত ২৯ জন যাত্ৰী আছিল, যিসকল গুজৰাটৰ পৰা কুঞ্জাপুৰী মন্দিৰ চাবলৈ আহিছিল । দুৰ্ঘটনাটোৰ খবৰ পোৱাৰ লগে লগে জিলা দণ্ডাধীশ আৰু আৰক্ষীৰ দল ঘটনাস্থলীত ততাতৈয়াকৈ উপস্থিত হয় ।

নৰেন্দ্ৰনগৰ আৰক্ষী থানা এলেকাৰ কুঞ্জাপুৰী-হিন্দোলাখালৰ ওচৰৰ প্ৰায় ৭০ মিটাৰ দ খাৱৈত বাছখন পৰি যোৱাৰ ফলত এই দুৰ্ঘটনা সংঘটিত হয় । স্থানীয় লোকসকলেও ঘটনাৰ পিছতে উদ্ধাৰৰ কাম আৰম্ভ কৰে । আৰক্ষী-প্ৰশাসনৰ দল ঘটনাস্থলীত উপস্থিত হৈ আহতসকলক উদ্ধাৰ কৰে । জিলা দুৰ্যোগ ব্যৱস্থাপনা বিষয়াই কয় যে এই দুৰ্ঘটনাত পাঁচজন লোকৰ মৃত্যু হৈছে, য’ত চাৰিজন পুৰুষ আৰু এগৰাকী মহিলাও আছে । তিনিজন আহতক এইমছ ঋষিকেশ আৰু চাৰিজন আহতক শ্ৰীদেৱ সুমন উপ জিলা হাস্পতাল নৰেন্দ্ৰনগৰক ভৰ্তি কৰা হৈছে । ১৭ গৰাকী যাত্ৰীৰ আঘাত সামান্য ।

লগতে পঢ়ক : সলনি হ’ব পাৰে ভাৰত-পাকিস্তানৰ সীমান্তঃ ৰাজনাথ সিঙৰ বিস্ফোৰক মন্তব্য

তীৰ্থযাত্ৰাই হ’ল কাল

কাৰ্তিক পূৰ্ণিমাৰ দিনাই উত্তৰ প্ৰদেশৰ মিৰ্জাপুৰ জিলাত সংঘটিত হয় এক শোকাৱহ দুৰ্ঘটনা । তীৰ্থযাত্ৰা কৰিবলৈ যোৱাই হ’ল কাল । চুনাৰ ৰে’ল ষ্টেচনত ৰে’লৰ খুন্দাত চাৰিজন তীৰ্থযাত্ৰীৰ মৃত্যু হয় । খবৰ অনুসৰি এই তীৰ্থযাত্ৰীসকলে চোপন-প্ৰয়াগৰাজ যাত্ৰীবাহী ৰে’লৰ পৰা চাৰি নম্বৰ প্লেটফৰ্মত নামিছিল । ষ্টেচনত যাত্ৰীসকলে খৰখেদাকৈ ৰে’লপথ পাৰ হোৱাৰ সময়তে বিপৰীত দিশৰ পৰা আহি থকা এক্সপ্ৰেছ ৰে’ল (হাউৰা-কলকা নেতাজী এক্সপ্ৰেছ)এ মহতিয়াই নিয়ে আটাইকেইজনক ।

ৰে’লপথ পাৰ হোৱাৰ সময়ত সংঘটিত হয় এই ভয়াবহ দুৰ্ঘটনা । আটাইকেইজন ভক্তৰ থিতাতে মৃত্যু হয় । এই লোক কেইজন গংগাত পবিত্ৰ স্নানৰ বাবে গৈ আছিল । এই ঘটনাই চুনাৰ ৰেল ষ্টেচনত হুলস্থূলীয়া পৰিৱেশৰ সৃষ্টি কৰে । ঘটনাৰ লগে লগে ৰে’লৱেৰ বিষয়া আৰু আৰক্ষীয়ে উদ্ধাৰ অভিযান আৰম্ভ কৰে । প্ৰশাসনে যাত্ৰীসকলক নিজৰ সুৰক্ষাৰ বাবে প্লেটফৰ্ম আৰু অভাৰব্ৰিজ ব্যৱহাৰ কৰিবলৈ আহ্বান জনাইছে ।

ঘটনাস্থলীত উপস্থিত থকা লোকসকলে জনোৱা মতে, এই ঘটনা ইমানেই ভয়াৱহ আছিল যে মৃতদেহবোৰ ছিন্নভিন্ন হৈ পৰে । দুৰ্ঘটনাটোৰ পিছতে চিঞৰ-বাখৰ আৰম্ভ হয় । ততাতৈয়াকৈ জি আৰ পি আৰু আৰ পি এফৰ দল ঘটনাস্থলীত উপস্থিত হৈ আহতসকলক চিকিৎসালয়লৈ প্ৰেৰণ কৰে । মৃতদেহ দুটা জিম্মাত লৈ মৰণোত্তৰ পৰীক্ষাৰ বাবে প্ৰেৰণ কৰা হৈছে । পৰিস্থিতিৰ বুজ ল’বলৈ ঘটনাস্থলীত উপস্থিত আছে জ্যেষ্ঠ বিষয়া ।

লগতে পঢ়ক : ডাম্পাৰৰ দৌৰাত্ম; মহটিয়াই নিলে ৫০ জনকৈ লোকক, ১০ জনৰ মৃত্যু