টীম ইণ্ডিয়াই অষ্ট্ৰেলিয়াৰ বিৰুদ্ধে পঞ্চমখন টেষ্ট মেচ খেলি আছে। এই শৃংখলাৰ পঞ্চমখন টেষ্ট মেচখনৰ মাজতে ভাৰতীয় দল আৰু অনুৰাগীসকলৰ বাবে এটা বেয়া খবৰ আহিছে।

খেলখনত টীম ইণ্ডিয়াৰ শক্তিশালী স্থিতিত সময়তে হঠাতে খেলপথাৰ এৰিলে যশপ্ৰীত বুমৰাহে। তেওঁক খেলপথাৰৰ পৰা ওলাই যোৱা দেখি, প্ৰতিজন অনুৰাগীৰ হৃদস্পন্দন বাঢ়ি গৈছিল।

যশপ্ৰীত বুমৰাহ এই শৃংখলাটোৰ সময়ত টীম ইণ্ডিয়াৰ বাবে আটাইতকৈ সফল বলাৰ আছিল। বুমৰাহে খেলপথাৰ এৰি যোৱাৰ কিছুসময় পিছতে তেওঁক টীম ইণ্ডিয়াৰ চিকিৎসা কৰ্মীৰ সৈতে স্কেনৰ বাবে ষ্টেডিয়ামৰ বাহিৰলৈ যোৱা দেখা গৈছিল। ইয়াৰ এটা ভিডিঅ’ বাইৰেল হৈছে য’ত তেওঁক গাড়ীত বহি ওলাই যোৱা দেখা গৈছিল।

ভাৰতীয় তাৰকা বলাৰ যশপ্ৰীত বুমৰাহ এই শৃংখলাটোৰ সময়ত উৎকৃষ্ট ফৰ্মত আছে। তেওঁৰ অধিনায়কত্বৰ পৰা বলিংলৈকে, দুয়োটাই চমৎকাৰ আছিল।

টীম ইণ্ডিয়াক এই সময়ত বুমৰাহৰ প্ৰয়োজন। এই শৃংখলাটোত বুমৰাহৰ প্ৰদৰ্শন আন সকলো খেলুৱৈতকৈ বহুত ভাল আছিল।তেওঁ এই শৃংখলাটোত মুঠ ৩২ টা উইকেট দখল কৰিছে। যিটো আটাইতকৈ বেছি।

কোনো অষ্ট্ৰেলিয়ান বলাৰে এনেধৰণৰ প্ৰদৰ্শন কৰা নাই। ইয়াৰ উপৰিও, বুমৰাহ এই খেলখনত টীম ইণ্ডিয়াৰ অধিনায়ক। এনে পৰিস্থিতিত, ই টীম ইণ্ডিয়াৰ বাবে ই এক মোক্ষম আঘাত।

মেলবৰ্ণ টেষ্টৰ মাজতেই আহিছিল এটা বেয়া খবৰ।প্ৰাক্তন প্ৰধানমন্ত্ৰী মনমোহন সিঙে ৯২ বছৰ বয়সত শেষ নিশ্বাস ত্যাগ কৰে।

তাৰ পিছতেই ভাৰতীয় ক্ৰিকেট দলটোৱে প্ৰাক্তন প্ৰধানমন্ত্ৰী মনমোহন সিঙৰ মৃত্যুত শোক প্ৰকাশ কৰিবলৈ বক্সিং ডে টেষ্টৰ দ্বিতীয় দিনা টীম ইণ্ডিয়াৰ খেলুৱৈসকলে ক’লা বেজ পৰিধান কৰে।   

মেলবৰ্ণ ক্ৰিকেট গ্ৰাউণ্ডত অষ্ট্ৰেলিয়াৰ বিৰুদ্ধে চতুৰ্থ টেষ্টৰ দ্বিতীয় দিনা টীম ইণ্ডিয়াই ভাৰতৰ প্ৰাক্তন প্ৰধানমন্ত্ৰী ড০ মনমোহন সিঙক শ্ৰদ্ধাঞ্জলি জনোৱাৰ বাবেই এই ক’লা বেজ পৰিধান কৰে খেলুৱৈ সকলে।

ড০ মনমোহন সিং ২০০৪ চনৰ পৰা ২০১৪ চনলৈ একেৰাহে দুটা কাৰ্যকালৰ বাবে ভাৰতৰ প্ৰধানমন্ত্ৰী আছিল। বিচিচিআইয়ে এক বিবৃতিত কয়, “টীম ইণ্ডিয়াৰ খেলুৱৈসকলে প্ৰাক্তন প্ৰধানমন্ত্ৰী ড০ মনমোহন সিঙৰ স্মৃতিত শোকৰ চিহ্ন হিচাপে হাতত ক’লা বেজ পৰিধান কৰিছে।

প্ৰখ্যাত অৰ্থনীতিবিদ ড০ মনমোহন সিঙক ১৯৯১ চনৰ অৰ্থনৈতিক সংস্কাৰৰ নেতৃত্ব দিয়াৰ বাবে কৃতিত্ব দিয়া হয়। ড০ মনমোহন সিঙৰ নীতিয়ে অৰ্থনৈতিক উদাৰীকৰণৰ সূচনা কৰে, যি পৰৱৰ্তী দশকবোৰত ভাৰতৰ দ্ৰুত অৰ্থনৈতিক বিকাশৰ ভেটি স্থাপন কৰে।