টি-২০ বিশ্বকাপৰ লীগ পৰ্যায়ৰ চাৰিওখন মেচতে জয়লাভ কৰি ছুপাৰ ৮ পৰ্যায়ত প্ৰৱেশ কৰিছে ভাৰতীয় দল । এতিয়া ছুপাৰ এইটৰ বাবে সাজু হৈছে দলটো ।

ভাৰতীয় ক্ৰিকেট দলে টি-২০ বিশ্বকাপৰ লীগ পৰ্যায়ৰ চাৰিওখন মেচতে জয়লাভ কৰি ছুপাৰ ৮ পৰ্যায়ত প্ৰৱেশ কৰিছে । ছুপাৰ ৮ত ভাৰতীয় দলটোৱে মুখামুখি হ’বলগীয়া দলসমূহ বৰ্তমানলৈকে প্ৰতিযোগিতাখনত অপৰাজিত হৈ আছে । এইটোক গ্ৰুপ অৱ ডেথ বুলি কোৱা হৈছে কাৰণ এই গ্ৰুপৰ সকলো দলেই লীগ পৰ্যায়ত শীৰ্ষস্থান দখল কৰিছিল । দক্ষিণ আফ্ৰিকা, জিম্বাবুৱে আৰু ৱেষ্ট ইণ্ডিজৰ লগতে ভাৰত এই গোটত আছে ।

ভাৰতৰ প্ৰথম সংঘৰ্ষ দক্ষিণ আফ্ৰিকাৰ বিৰুদ্ধে-

ভাৰতে দক্ষিণ আফ্ৰিকাক পৰাস্ত কৰি টি-২০ বিশ্বকাপৰ ২০২৪ সংস্কৰণৰ ফাইনেলত জয়লাভ কৰিছিল । ভাৰতৰ দৰে দক্ষিণ আফ্ৰিকাইও লীগ পৰ্যায়ৰ চাৰিওখন মেচতে জয়লাভ কৰি চলিত সংস্কৰণৰ ছুপাৰ ৮ পৰ্যায়ত প্ৰৱেশ কৰে । ছুপাৰ ৮ ৰাউণ্ডত ভাৰতৰ প্ৰথমখন খেল দক্ষিণ আফ্ৰিকাৰ বিৰুদ্ধে আছে । এই খেলখন অহা ২২ ফেব্ৰুৱাৰী দেওবাৰে আহমেদাবাদৰ নৰেন্দ্ৰ মোদী ষ্টেডিয়ামত সন্ধিয়া ৭:০০ বজাৰ পৰা অনুষ্ঠিত হ’ব ।

জয়ৰ ধাৰা অব্যাহত ৰাখিছে ৱেষ্ট ইণ্ডিজ আৰু জিম্বাবুৱে-

ৱেষ্ট ইণ্ডিজে চলিত টি-২০ বিশ্বকাপৰ লীগ পৰ্যায়ত গ্ৰুপ চিৰ চাৰিওখন মেচতে জয়লাভ কৰে । শ্বাই হোপৰ অধিনায়কত্বৰ এই দলটোক চলিত এই প্ৰতিযোগিতাত বিপদজনক ৰূপত দেখা গৈছে । অধিনায়ক আৰু দলটোৰ বেটছমেনে বিস্ফোৰক ৰূপ ধাৰণ কৰিছে, বলাৰসকলে অভিজ্ঞ বেটছমেনকো প্ৰত্যাহ্বান জনাইছে ।

ৱেষ্ট ইণ্ডিজৰ দৰে জিম্বাবুৱেও এইবাৰ সকলোকে আচৰিত কৰি তুলিছে । গ্ৰুপ পৰ্যায়ত জিম্বাবুৱে এখনো মেচত পৰাস্ত নহ’ল । লগতে অষ্ট্ৰেলিয়াক পৰাস্ত কৰি চলিত টি-২০ বিশ্বকাপত ডাঙৰ অঘটন ঘটায় দলটোৱে । তাৰ পিছত, তেওঁলোকৰ অন্তিমখন খেলত আয়োজক শ্ৰীলংকাক পৰাস্ত কৰে । এই দলটোৱে ভাৰতৰ বাবেও এক ভয়ংকৰ প্ৰত্যাহ্বানৰ সৃষ্টি কৰিব পাৰে ।

টি-২০ বিশ্বকাপ চুপাৰ ৮ সূচী (গ্ৰুপ ১)

২২ ফেব্ৰুৱাৰী : ভাৰত বনাম দক্ষিণ আফ্ৰিকা (নৰেন্দ্ৰ মোদী ষ্টেডিয়াম)

২৩ ফেব্ৰুৱাৰী : জিম্বাবুৱে বনাম ৱেষ্ট ইণ্ডিজ (ৱাংখেড়ে ষ্টেডিয়াম)

২৬ ফেব্ৰুৱাৰী : ৱেষ্ট ইণ্ডিজ বনাম দক্ষিণ আফ্ৰিকা (নৰেন্দ্ৰ মোদী ষ্টেডিয়াম)

২৬ ফেব্ৰুৱাৰী : ভাৰত বনাম জিম্বাবুৱে (এম এ চিদাম্বৰম ষ্টেডিয়াম)

১ মাৰ্চ : জিম্বাবুৱে বনাম দক্ষিণ আফ্ৰিকা (অৰুণ জেটলী ষ্টেডিয়াম)

১ মাৰ্চ : ভাৰত বনাম ৱেষ্ট ইণ্ডিজ (ইডেন গাৰ্ডেনছ ষ্টেডিয়াম)

শীৰ্ষ দুটা দলে ছেমি ফাইনেলৰ বাবে অৰ্জন কৰিব যোগ্যতা-

টি-২০ বিশ্বকাপৰ ছুপাৰ ৮ ৰাউণ্ডত প্ৰতিটো দলে নিজৰ গ্ৰুপৰ প্ৰতিটো দলৰ বিৰুদ্ধে এখনকৈ মেচ খেলিব । প্ৰতিটো গ্ৰুপত মুঠ ছখন খেল অনুষ্ঠিত হ’ব, প্ৰতিটো দলে তিনিখন মেচ খেলিব । ইয়াৰ পিছত প্ৰতিটো গ্ৰুপৰ পৰা পইণ্ট টেবুলৰ শীৰ্ষ দুটা দল ছেমি ফাইনেললৈ আগবাঢ়িব, বাকী দল বাহিৰ হ’ব ।

লগতে পঢ়ক : ৰোমাঞ্চকৰ হৈ উঠিছে টি-২০ বিশ্বকাপ ২০২৬ : বাহিৰ হ’ল এই ৩টা দল, আন ৫টা দলৰ মৰণপণ যুঁজ

টি-২০ বিশ্বকাপ ২০২৬ এতিয়া এনে এটা পৰ্যায়ত উপনীত হৈছে য’ত প্ৰতিখন মেচেই হ’ব পাৰে এটা দলৰ বাবে অন্তিম মেচ ।

টি-২০ বিশ্বকাপ ২০২৬ এতিয়া এনে এটা পৰ্যায়ত উপনীত হৈছে য’ত প্ৰতিখন মেচেই হ’ব পাৰে এটা দলৰ বাবে ‘জীৱনদান’ বা ‘বিদায়’ । ইতিমধ্যে লীগ পৰ্যায়ৰ মাজভাগত নেপাল, ওমান, নামিবিয়া বাহিৰ হৈছে । ইয়াৰ পিছত এতিয়া পাকিস্তানকে ধৰি পাঁচটা দল আছে, যাৰ ছুপাৰ ৮ত স্থান সম্পূৰ্ণৰূপে নিৰ্ভৰ কৰিব তেওঁলোকৰ আগন্তুক মেচৰ ফলাফলৰ ওপৰত ।

পাকিস্তানৰ শেষ সুযোগ-

ভাৰতৰ বিৰুদ্ধে হোৱা শোচনীয় পৰাজয়ে পাকিস্তানৰ পৰিস্থিতি অত্যন্ত কঠিন কৰি তুলিছে । এই পৰাজয়ে কেৱল পইণ্ট টেবুলতে নহয় দলটোৰ নেট ৰান ৰেটতো প্ৰভাৱ পেলাইছে । বৰ্তমান গ্ৰুপ এৰ তৃতীয় স্থানত থকা পাকিস্তানৰ পৰৱৰ্তী মেচখন অতি গুৰুত্বপূৰ্ণ । যদিহে দলটোৱে লীগৰ অন্তিমখন খেলত জয়ী হ’ব নোৱাৰে তেন্তে তেওঁলোকৰ টি-২০ বিশ্বকাপৰ যাত্ৰা শেষ হ’ব পাৰে । এই মেচখন তেওঁলোকৰ বাবে অত্যন্ত গুৰুত্বপূৰ্ণ ।

কঠিন প্ৰত্যাহ্বানৰ সন্মুখীন নেদাৰলেণ্ড-

গ্ৰুপ এৰ দ্বিতীয় দল নেদাৰলেণ্ডো বিপদৰ পৰা বাহিৰ হোৱা নাই । তেওঁলোকৰ পৰৱৰ্তী মেচ হ’ব শক্তিশালী ভাৰতীয় দলৰ বিৰুদ্ধে, যিটো দলে একেৰাহে জয়ৰ সৈতে উৎকৃষ্ট ফৰ্মত আছে । গতিকে নেদাৰলেণ্ডৰ বাবে জয় সহজ নহ’ব । এই মেচত পৰাস্ত হ’লে নেদাৰলেণ্ড ছুপাৰ ৮ৰ দৌৰৰ পৰা বাহিৰ হোৱাটো প্ৰায় নিশ্চিত ।

আয়াৰলেণ্ড আৰু স্কটলেণ্ডৰ সংগ্ৰাম-

গ্ৰুপ বিত আয়াৰলেণ্ডৰ স্থান যথেষ্ট দুৰ্বল । তিনিখন মেচত মাত্ৰ এখনত জয় লাভ কৰি পইণ্ট টেবুলত পিছ পৰি আছে দলটো । এতিয়া বাকী থকা মেচবোৰত জয়ী হ’ব লাগিব দলটো । স্কটলেণ্ডৰ পৰিস্থিতিও একেধৰণৰ । গ্ৰুপ চিত থকা তেওঁলোকে এতিয়ালৈকে মাত্ৰ এটা জয়হে লাভ কৰিবলৈ সক্ষম হৈছে আৰু আগবাঢ়ি যাবলৈ আগন্তুক মেচসমূহত ভাল প্ৰদৰ্শন কৰিব লাগিব ।

আশা সজীৱ ৰাখিছে আফগানিস্তানে-

বিগত সংস্কৰণৰ টি-২০ বিশ্বকাপৰ ছেমি ফাইনেলত প্ৰৱেশ কৰা আফগানিস্তানৰ দলটোৱে এইবাৰ আশানুৰূপ প্ৰদৰ্শন কৰিব পৰা নাই । প্ৰথম মেচত পৰাজয়ে ছুপাৰ এইটছলৈ যোৱাৰ পথ কঠিন হৈ পৰিছে দলটোৰ । অৱশ্যে সোমবাৰে ইউ এ ইৰ বিৰুদ্ধে অনুষ্ঠিত হোৱা মেচত জয়লাভ কৰি ছুপাৰ এইটৰ আশা কিছু সজীৱ কৰিছে দলটোৱে ।

লগতে পঢ়ক : পাকিস্তানক ধূলিসাৎ কৰি ইতিহাস ৰচিলে টীম ইণ্ডিয়াই, সূৰ্য বাহিনীৰ সন্মুখত পাকিস্তানৰ আত্মসমৰ্পণ

কলম্বোৰ আৰ প্ৰেমাদাছা ষ্টেডিয়ামত অনুষ্ঠিত এই খেলখনত ভাৰতীয় অ’পেনিং বেটছমেন ঈশান কিষণে বিস্ফোৰক ইনিংছ খেলে ।

দেওবাৰে আই চি চি পুৰুষ টি-২০ বিশ্বকাপত মুখামুখি হৈছে চিৰ প্ৰতিদ্বন্দ্বী ভাৰত আৰু পাকিস্তান । কলম্বোৰ আৰ প্ৰেমাদাছা ষ্টেডিয়ামত অনুষ্ঠিত এই খেলখনত ভাৰতীয় অ’পেনিং বেটছমেন ঈশান কিষণে বিস্ফোৰক ইনিংছ খেলে । তেওঁ মাত্ৰ ৪০টা বলত ৭৭ ৰান সংগ্ৰহ কৰে, য’ত ১০টা চাৰি আৰু তিনিটা ছয় আছিল । টি-২০ ইণ্টাৰনেশ্যনেল কেৰিয়াৰৰ এয়া আছিল ঈশানৰ নৱমটো অৰ্ধশতক ।

এই মেচত উইকেটকীপাৰ বেটছমেন ঈশান কিষানে মাত্ৰ ২৭টা বলতে অৰ্ধশতক অৰ্জন কৰে । ইয়াৰ লগে লগে তেওঁ ভাৰত-পাকিস্তান মাজত টি-২০ বিশ্বকাপৰ মেচত দ্ৰুততম অৰ্ধশতক অৰ্জন কৰা বেটছমেন হিচাপে পৰিগণিত হয় । ভাৰত-পাকিস্তান টি-২০ আন্তঃৰাষ্ট্ৰীয় মেচত এজন বেটছমেনৰ এয়া তৃতীয় দ্ৰুততম অৰ্ধশতক । এই টেলিত গৌতম গম্ভীৰক অতিক্ৰম কৰি দুয়োখন দেশৰ টি-২০ মেচত তেওঁৰ ৭৭ ৰানেৰে ব্যক্তিগত স্ক’ৰ চতুৰ্থ শ্ৰেষ্ঠ স্ক’ৰ হিচাপে পৰিগণিত হয় ।

ভাৰত বনাম পাকিস্তান টি-২০ আন্তঃৰাষ্ট্ৰীয় মেচত দ্ৰুততম অৰ্ধশতক-

২৩ বল – মহম্মদ হাফিজ, আহমেদাবাদ, ২০১২

২৪ বল – অভিষেক শৰ্মা, ডুবাই ২০২৫

২৭ বল – ঈশান কিষাণ, কলম্বো আৰ পি এছ, ২০২৬

২৯ বল – যুৱৰাজ সিং, আহমেদাবাদ, ২০১২

টি-২০ আন্তঃৰাষ্ট্ৰীয় মেচত ভাৰত বনাম পাকিস্তানৰ সৰ্বোচ্চ স্ক’ৰ

৮২* বিৰাট কোহলী (মেলবৰ্ণ, ২০২২)

৭৯* মহম্মদ ৰিজৱান (ডুবাই, ২০২১)

৭৮* বিৰাট কোহলী (কলম্বো আৰ পি এছ, ২০১২)

৭৭ ঈশান কিষাণ (কলম্বো আৰ পি এছ, ২০২৬)

৭৫ গৌতম গম্ভীৰ (জোহান্সবাৰ্গ, ২০০৭)

লগতে পঢ়ক : শ্ৰীলংকাত হোৱা নাই বৰষুণ; IND vs PAK খেলৰ সময়ত কেনেকুৱা হ’ব বতৰ?

ভাৰত আৰু পাকিস্তানে এই পৰ্যন্ত ১৬খন টি-২০ আন্তঃৰাষ্ট্ৰীয় মেচ খেলিছে । এই সংঘৰ্ষত ভাৰত ১৩-৩ ব্যৱধানত আগবাঢ়ি আছে ।

দেওবাৰে কলম্বোৰ আৰ প্ৰেমদাছা ষ্টেডিয়ামত অনুষ্ঠিত হ’ব ভাৰত আৰু পাকিস্তানৰ টি-২০ বিশ্বকাপৰ হাই ভল্টেজৰ মেচ । দুয়োটা দলে এই পৰ্যন্ত অপৰাজিত হৈ গ্ৰুপ এৰ শীৰ্ষ দুটা স্থান দখল কৰিছে । টুৰ্ণামেণ্টৰ আৰম্ভণিৰ খেলখনত ভাৰতে আমেৰিকাক ২৯ ৰানত পৰাস্ত কৰাৰ পিছত দ্বিতীয়খন মেচত নামিবিয়াক ৯৩ ৰানত পৰাস্ত কৰে । ভাৰতে ৪ পইণ্ট আৰু +৩.০৫০ নেট ৰান ৰেটেৰে টেবুলত আগবাঢ়ি আছে ।

আনহাতে পাকিস্তানে প্ৰথমে নেদাৰলেণ্ডক ৰোমাঞ্চকৰ মেচত পৰাস্ত কৰিছিল, তাৰ পিছত আমেৰিকাৰ বিৰুদ্ধে জয়লাভ কৰিছিল । +০.৯৩২ নেট ৰান ৰেটেৰে তালিকাত দ্বিতীয় স্থানত আছে দলটো ।

ভাৰত আৰু পাকিস্তানে এই পৰ্যন্ত ১৬খন টি-২০ আন্তঃৰাষ্ট্ৰীয় মেচ খেলিছে । এই সংঘৰ্ষত ভাৰত ১৩-৩ ব্যৱধানত আগবাঢ়ি আছে । টি-২০ বিশ্বকাপত এই ব্যৱধান আৰু অধিক । এই প্ৰতিযোগিতাত ভাৰত ৮খন মেচত ৭-১ ব্যৱধানত আগবাঢ়ি আছে ৷

দুয়োটা দলৰ সম্ভাৱ্য মূল একাদশ-

ভাৰত (সম্ভাৱ্য মূল একাদশ): অভিষেক শৰ্মা, ঈশান কিষণ, তিলক বাৰ্মা, সূৰ্যকুমাৰ যাদৱ, শিৱম ডুবে, হাৰ্দিক পাণ্ডিয়া, ৰিংকু সিং, অক্ষৰ পেটেল, বৰুণ চক্ৰৱৰ্তী, যশপ্ৰীত বুমৰাহ, অৰ্শদীপ সিং ।

পাকিস্তান (সম্ভাৱ্য একাদশ) : ছাইম আয়ুব, চাহিবজাদা ফাৰহান, ছলমান আলী আঘা (অধিনায়ক), বাবৰ আজম, উছমান খান (উইকেটকীপাৰ), ছাদাব খান, মহম্মদ নৱাজ, ফাহীম আছৰাফ, শ্বাহীন আফ্ৰিদী, উছমান তাৰিক, আব্ৰাৰ আহমেদ ।

ভাৰত বনাম পাকিস্তান :  আন্তঃৰাষ্ট্ৰীয় টি-২০ হেড টু হেড

মুঠ মেচ : ১৬

ভাৰত: ১৩ (বল আউটৰ জৰিয়তে ১)

পাকিস্তানঃ ৩

টাই: ১ (বল আউটৰ জৰিয়তে ভাৰত জয়ী)

কোনো ফলাফল নাই: ০

টি-২০ বিশ্বকাপত মুখামুখি-

মুঠ মেচ: ৮

ভাৰত: ৭ (বল আউটৰ দ্বাৰা ১)

পাকিস্তান: ১

টাই: ১ (বল আউটৰ দ্বাৰা ভাৰত জয়ী)

কোনো ফলাফল নাই: 0

অভিষেক আৰু তাৰিকৰ ওপৰত থাকিব চকু-

এই মেচখনৰ পূৰ্বে সকলোৰে দৃষ্টি পাকিস্তানৰ উছমান তাৰিক আৰু ভাৰতৰ অভিষেক শৰ্মাৰ ওপৰত আছে । মেচৰ পূৰ্বে অনুষ্ঠিত সংবাদমেলত দুয়োগৰাকী খেলুৱৈৰ কথা উল্লেখ কৰা হৈছিল । পাকিস্তানৰ অধিনায়ক ছলমান আঘাই কয় যে তেওঁ অভিষেকে ভাল মেচ নিশ্চিত কৰিবলৈ খেলাটো বিচাৰে । ইফালে সূৰ্যকুমাৰ যাদৱে উছমানৰ মুখামুখি হ’বলৈ সাজু বুলি উল্লেখ কৰি অভিষেকে এই মেচ খেলিব বুলিও কয় ৷

লগতে পঢ়ক : হেণ্ডশ্বেকৰ পৰা অভিষেক শৰ্মালৈ… ভাৰত-পাকিস্তান মেচৰ পূৰ্বে প্ৰতিটো প্ৰশ্নৰ উত্তৰ দিলে অধিনায়ক সূৰ্যই

ভাৰত-পাকিস্তান খেলখনক লৈ চলা বিতৰ্ক সন্দৰ্ভত অধিনায়ক সূৰ্যকুমাৰে কয় যে ভাৰতীয় দলটোৱে নিজৰ সময়সূচী অনুসৰি প্ৰস্তুতি চলাইছে ।

চলিত টি-২০ বিশ্বকাপত ভাৰত-পাকিস্তান মহাৰণৰ পূৰ্বে শনিবাৰে ভাৰতীয় দলৰ অধিনায়ক সূৰ্যকুমাৰ যাদৱে সংবাদমেল সম্বোধন কৰে । সংবাদমেলত তেওঁ মেচখনৰ সৈতে জড়িত কেইবাটাও প্ৰশ্নৰ উত্তৰ দিয়ে । যাদৱে কয় যে দলটো যিকোনো পৰিস্থিতিৰ বাবে সাজু হৈ আছে আৰু এতিয়া তেওঁৰ মনোযোগ কেৱল ক্ৰিকেটতহে আছে ।

“আমি সাজু আছিলো, আমাৰ বিমানো বুকিং হৈছিল”

খেলখনক লৈ চলি থকা বিতৰ্ক সন্দৰ্ভত অধিনায়ক সূৰ্যকুমাৰে কয় যে ভাৰতীয় দলটোৱে নিজৰ সময়সূচী অনুসৰি প্ৰস্তুতি চলাইছে । তেওঁ কয়, “আমি সূচী অনুসৰি প্ৰস্তুতি চলাই আছিলো । আমাৰ বিমানো বুকিং হৈছিল । আমি পাকিস্তানৰ বিৰুদ্ধে খেলিবলৈ সম্পূৰ্ণ সাজু আছিলো ।”

কলম্বো পিটচৰ বিষয়ে কি ক’লে ?

লগতে তেওঁ কয় যে দলটোৱে শ্ৰীলংকাত বহু দ্বিপাক্ষিক শৃংখলা খেলিছে, গতিকে পৰিস্থিতি নতুন নহয় । সূৰ্যকুমাৰ যাদৱে কয় যে আমি ইয়াত বহুত ক্ৰিকেট খেলিছো, গতিকে পৰিস্থিতি আৰু পিটচৰ বিষয়ে আমি ভালদৰেই জানো । উল্লেখ্য যে, পাকিস্তানৰ দলটো শ্ৰীলংকাত থকা প্ৰায় এসপ্তাহ হ’ল । সেয়েহে পাকিস্তানে প্ৰস্তুতি চলাবলৈ অধিক সময় লাভ কৰিছে নেকি সেই লৈ প্ৰশ্ন উত্থাপন হৈছিল ।

অভিষেক শৰ্মাৰ লৈ দিলে উত্তৰ-

পাকিস্তানৰ অধিনায়কয়কে অভিষেক শৰ্মাক খেলোৱাৰ ইচ্ছা প্ৰকাশ কৰাক লৈ সূৰ্যকুমাৰে হাঁহি হাঁহি উত্তৰ দিয়ে । তেওঁ কয়, ‘যদি পাকিস্তানে বিচাৰে যে আমি কাইলৈ ​​অভিষেকক খেলাব লাগে তেন্তে ঠিকেই আছে, আমি তেওঁক খেলাম ।’

অতিৰিক্ত পেচাৰ নে স্পীনাৰ ?

দলৰ মূল একাদশ সন্দৰ্ভত আটাইতকৈ ডাঙৰ প্ৰশ্নটো হ’ল দলটোৱে অতিৰিক্ত বেগী বলাৰক সুযোগ দিব নে অতিৰিক্ত স্পীনাৰক অন্তৰ্ভূক্ত কৰিব । অধিনায়কগৰাকীয়ে স্বীকাৰ কৰে যে এই সিদ্ধান্ত সহজ নহয় । তেওঁ কয়, “আমাৰ হাতত মানসম্পন্ন স্পীনাৰ আৰু মানসম্পন্ন পেচাৰ দুয়োটা আছে । অতিৰিক্ত পেচাৰ আৰু অতিৰিক্ত স্পীনাৰৰ মাজৰ পৰা এটা বাছনি কৰাটো সহজ নহয় । ই এক অতি কঠিন সিদ্ধান্ত ।”

কলম্বোৰ আৰ প্ৰেমদাছা ষ্টেডিয়ামত অনুষ্ঠিত হ’বলগীয়া ভাৰত আৰু পাকিস্তানৰ এই মেচখনে গ্ৰুপৰ শীৰ্ষ স্থান নিৰ্ণয় কৰাত গুৰুত্বপূৰ্ণ ভূমিকা ল’ব পাৰে । দলৰ গঠন আৰু কৌশল দুয়োটা গুৰুত্বপূৰ্ণ হ’ব । উছমান তাৰিকৰ বিষয়ে কোৱাৰ সময়ত সূৰ্যই কয় যে আমাৰ দলটো সম্পূৰ্ণৰূপে সাজু আৰু যিকোনো প্ৰত্যাহ্বানৰ সন্মুখীন হ’বলৈ সাজু ।’

হেণ্ডশ্বেক সম্পৰ্কে কি ক’লে সূৰ্যই ?

মেচৰ আগত আৰু পিছত হেণ্ডশ্বেক কৰা হ’ব নেকি বুলি সোধাত সূৰ্যকুমাৰ যাদৱে পৰিৱ্শটো লঘু কৰে । তেওঁ ক’য়, “মেচৰ ওপৰত এৰি দিয়ক । আজি ভালকৈ টোপনি যাওক আৰু চাওক কাইলৈ ​​কি হয় ।” সূৰ্যই হাঁহি হাঁহি এই কথা কয় ।

লগতে পঢ়ক : পাকিস্তানৰ বিৰুদ্ধে হাইভল্টেজ মেচৰ পূৰ্বে টীম ইণ্ডিয়ালৈ সুখবৰ; অভিষেক শৰ্মাক লৈ আহিল ডাঙৰ আপডেট

১৫ ফেব্ৰুৱাৰীত কলম্বোৰ আৰ প্ৰেমদাছা ষ্টেডিয়ামত মুখামুখি হ’ব চিৰ প্ৰতিদ্বন্দ্বি ভাৰত-পাকিস্তান ।

টি-২০ বিশ্বকাপ ২০২৬ৰ আটাইতকৈ প্ৰত্যাশিত মেচখনৰ দিন চমু চাপিছে । ১৫ ফেব্ৰুৱাৰীত কলম্বোৰ আৰ প্ৰেমদাছা ষ্টেডিয়ামত মুখামুখি হ’ব চিৰ প্ৰতিদ্বন্দ্বি ভাৰত-পাকিস্তান । এইখন গ্ৰুপ এ-ৰ মেচ যদিও ইয়াৰ গুৰুত্ব আৰু উন্মাদনা ফাইনেলতকৈ কম নহয় বুলি গণ্য কৰা হয় ।

ভাৰত আৰু শ্ৰীলংকাই এইবাৰৰ টি-২০ বিশ্বকাপ আয়োজন কৰিছে । নিৰাপত্তা আৰু ৰাজনৈতিক কাৰণত পাকিস্তানৰ সকলো মেচ শ্ৰীলংকাত অনুষ্ঠিত হৈছে । সেয়ে দেশত প্ৰথম দুখন মেচ খেলাৰ পাছত এতিয়া ভাৰতীয় দলটো শ্ৰীলংকালৈ যাত্ৰা কৰিব, য’ত ইতিমধ্যে পাকিস্তান উপস্থিত আছে ।

দুয়োটা দলৰ এই পৰ্যন্ত যাত্ৰা-

চলিত প্ৰতিযোগিতাত ভাৰতীয় দলটো উৎকৃষ্ট ফৰ্মত আছে । আৰম্ভণিৰ দুয়োখন মেচতে জয়লাভ কৰা দলটোৱে বেটে-বলে আগ্ৰাসী প্ৰদৰ্শন অব্যাহত ৰাখিছে । আগ্ৰাসী বেটিং আৰু তীক্ষ্ণ বলিঙে এই মেগা প্ৰতিযোগিতাত ভাৰতক শক্তিশালী আৰম্ভণি দিছে । অধিনায়ক সূৰ্যকুমাৰ যাদৱৰ নেতৃত্বত দলটো আত্মবিশ্বাসী যেন দেখা গৈছে । যশপ্ৰীত বুমৰাহ আৰু অৰ্শদীপ সিঙে ফাষ্ট বলিং বিভাগত প্ৰভাৱ পেলোৱাৰ বিপৰীতে স্পীন বিভাগটোও শক্তিশালী দেখা গৈছে ।

আনহাতে পাকিস্তানেও দুখন মেচত জয়লাভ কৰি ভাল ফৰ্ম প্ৰদৰ্শন কৰিছে । নতুন নেতৃত্বৰ অধীনত দলটোৱে সংযম আৰু আক্ৰমণাত্মকতাৰ ভাৰসাম্য প্ৰদৰ্শন কৰিছে । শ্বাহীন আফ্ৰিদী আৰু নছিম শ্বাহৰ ফাষ্ট বলিং যুটিয়ে যিকোনো বেটিং অৰ্ডাৰক প্ৰত্যাহ্বান জনাব পাৰে । এই মেচখন ৰোমাঞ্চকৰ হ’ব বুলি আশা কৰা হৈছে ।

কলম্বোৰ পিটচ ৰি’পৰ্ট-

সাধাৰণতে স্পীন বলাৰৰ বাবে কলম্বোৰ পিটচ উৎকৃষ্ট । গতিকে মিডল অভাৰত স্পীনাৰসকলে গুৰুত্বপূৰ্ণ ভূমিকা পালন কৰিব । যিটো দলে চাপ ভালদৰে চম্ভালিব, সেই দলেই জয়ী হোৱাৰ সম্ভাৱনা আছে ।

টি-২০ বিশ্বকাপত ভাৰত বনাম পাকিস্তান-

মুঠ যুঁজ : ৮

ভাৰতৰ জয়ঃ ৭

পাকিস্তানৰ জয়: ১

পাকিস্তানৰ একমাত্ৰ জয় : ২০২১

প্ৰথম স্মৰণীয় মেচ: ২০০৭ চনৰ টি-২০ বিশ্বকাপ

শেষৰখন খেল: ২০২৪ চনৰ টি-২০ বিশ্বকাপ

পৰিসংখ্যাই স্পষ্টকৈ দেখুৱাইছে যে টি-২০ বিশ্বকাপ ভাৰতৰ হাতত আছে । কিন্তু পাকিস্তানেও ডাঙৰ প্ৰতিযোগিতাত অঘটন ঘটোৱাৰ ক্ষমতা দেখুৱাইছে । এইবাৰ গ্ৰুপ পৰ্যায়ত দুয়োটা দল শক্তিশালী স্থানত থকাৰ বাবে এই খেলখনৰ গুৰুত্ব আৰু অধিক । বিজয়ী দলটোৱে ছুপাৰ ৮ৰ দিশত এক শক্তিশালী পদক্ষেপ ল’ব ।

কেতিয়া আৰু ক’ত অনুষ্ঠিত হ’ব মেচ ?

অহা ১৫ ফেব্ৰুৱাৰীত দুয়োটা দলৰ মাজত অনুষ্ঠিত হ’ব এই হাইভল্টেজ মেচ । সন্ধিয়া ৬:৩০ বজাত অনুষ্ঠিত হ’ব টছ । খেলখনৰ প্ৰথমটো বল ৭ বজাত বলিং হ’ব । অনুৰাগীয়ে এই মহাকাব্যিক যুদ্ধখনৰ লাইভ চাব পাৰিব ষ্টাৰ স্প’ৰ্টছ নেটৱৰ্ক আৰু জিঅ’ হটষ্টাৰত ।

লগতে পঢ়ক : নামিবিয়াক পৰাস্ত কৰি ইতিহাস ৰচিলে ভাৰতীয় দলে… টি-২০ বিশ্বকাপত প্ৰথমবাৰৰ বাবে ঘটিল এই ঘটনা

চলিত প্ৰতিযোগিতাত সূৰ্যকুমাৰ যাদৱ নেতৃত্বাধীন ভাৰতীয় দলৰ এয়া আছিল একেৰাহে দ্বিতীয়টো জয় । নামিবিয়াক৯৩ ৰানত পৰাস্ত কৰে দলটোৱে । লগে লগে দলটোৱে অৰ্জন কৰিলে আন এক কৃতিত্ব ।

আই চি চি পুৰুষ টি-২০ বিশ্বকাপ ২০২৬ত ভাৰতীয় দলৰ আকৰ্ষণীয় প্ৰদৰ্শন অব্যাহত আছে । দিল্লীৰ অৰুণ জেটলী ষ্টেডিয়ামত ১২ ফেব্ৰুৱাৰী, বৃহস্পতিবাৰে অনুষ্ঠিত হোৱা গ্ৰুপ এ-ৰ এখন মেচত ভাৰতে নামিবিয়াক ৯৩ ৰানত পৰাস্ত কৰে । ভাৰতীয় দলটোৱে নামিবিয়াক জয়ৰ বাবে ২১০ ৰানৰ লক্ষ্য নিৰ্ধাৰণ কৰি দিছিল যদিও দলটোৱে ১৬.২ অভাৰত ১১৬ ৰান সংগ্ৰহ কৰি অল আউট হয় ।

চলিত প্ৰতিযোগিতাত সূৰ্যকুমাৰ যাদৱ নেতৃত্বাধীন ভাৰতীয় দলৰ এয়া আছিল একেৰাহে দ্বিতীয়টো জয় । ইয়াৰ পূৰ্বে গ্ৰুপৰ প্ৰথমখন খেলত আমেৰিকাক ২৯ ৰাণত পৰাস্ত কৰিছিল ভাৰতীয় দলে । এই জয়ৰ পিছতে ভাৰতীয় দলটোৱে এতিয়া পাকিস্তানক অতিক্ৰম কৰি গ্ৰুপ এৰ স্থানত শীৰ্ষস্থান দখল কৰিছে । ভাৰতীয় দলটোৱে এতিয়া ১৫ ফেব্ৰুৱাৰী দেওবাৰে গ্ৰুপৰ তৃতীয়খন মেচত পাকিস্তানৰ বিৰুদ্ধে খেলিব । এই খেলখন কলম্বোৰ আৰ প্ৰেমদাছা ষ্টেডিয়ামত অনুষ্ঠিত হ’ব ।

নামিবিয়াৰ বিৰুদ্ধে ভাৰতৰ জয়ত হাৰ্দিক পাণ্ডিয়াই আলৰাউণ্ড প্ৰদৰ্শন আগবঢ়ায় । ৫২ ৰান সংগ্ৰহ কৰাৰ লগতে দুটা উইকেট দখল কৰি মেচৰ শ্ৰেষ্ঠ খেলুৱৈৰ সন্মান লাভ কৰে তেওঁ । ভাৰতৰ এই জয়ত ঈশান কিষণ আৰু মিষ্ট্ৰী স্পীনাৰ বৰুণ চক্ৰৱৰ্তেও গুৰুত্বপূৰ্ণ ভূমিকা লয় । অ’পেনাৰ ঈশানে ২৪টা বলত ৬১ ৰানৰ বিস্ফোৰক ইনিংছ খেলাৰ বিপৰীতে বৰুণে ৭ ৰানত তিনিটা উইকেট দখল কৰে ।

ভাৰতীয় দলটোৱে নামিবিয়াৰ বিৰুদ্ধে ৯৩ ৰানত জয়লাভ কৰি টি-২০ বিশ্বকাপৰ ইতিহাসত ৰানৰ হিচাপত সৰ্বাধিক জয় লাভ কৰে । ইয়াৰ পূৰ্বে ২০১২ চনৰ টি-২০ বিশ্বকাপত কলম্বোৰ আৰ প্ৰেমদাছা ষ্টেডিয়ামত ভাৰতে ইংলেণ্ডক ৯০ ৰানত পৰাস্ত কৰিছিল । ভাৰতীয় দলটোৱে সেই অভিলেখ আৰু অধিক উন্নত কৰিছে ।

ভাৰতৰ সৰ্ববৃহৎ টি-২০ বিশ্বকাপ জয় (ৰাণত)

-৯৩ ৰান বনাম নামিবিয়া, দিল্লী, ২০২৬

-৯০ ৰান বনাম ইংলেণ্ড, কলম্বো আৰ পি এছ, ২০১২

-৭৩ ৰান বনাম অষ্ট্ৰেলিয়া, মিৰপুৰ, ২০১৪

-৭১ ৰান বনাম জিম্বাবুৱে, মেলবৰ্ণ, ২০২২

-৬৮ ৰান বনাম ইংলেণ্ড, প্ৰভিডেন্স, ২০২৪

এই কৃতিত্ব অৰ্জন কৰা ভাৰত প্ৰথমটো দল-

কেৱল এয়াই নহয়, টি-২০ বিশ্বকাপৰ ইতিহাসত একেৰাহে দহখন মেচত জয়ী হোৱা প্ৰথমটো দল হিচাবে পৰিগণিত হৈছে ভাৰত । ২০২৪ চনৰ টি-২০ বিশ্বকাপৰ সময়ত ভাৰতীয় দলটোৱে একেৰাহে আঠখন মেচত জয়লাভ কৰিছিল । সেই সময়ত কানাডাৰ বিৰুদ্ধে খেলখন টছ নোহোৱাকৈ পৰিত্যক্ত হৈছিল । চলিত বিশ্বকাপত দুয়োখন মেচতে জয়লাভ কৰিছে ।

একেৰাহে সৰ্বাধিক টি-২০ বিশ্বকাপত জয়-

১০*- ভাৰত (২০২৪-২০২৬)

৮- দক্ষিণ আফ্ৰিকা (২০২৪)

৮- অষ্ট্ৰেলিয়া (২০২২-২০২৪)

৭- ইংলেণ্ড (২০১০-২০১২)

৭- ভাৰত (২০১২-২০১৪)

লগতে পঢ়ক : টি-২০ বিশ্বকাপত অপ্ৰতিৰোধ্য ভাৰত, নামিবিয়াৰ বিৰুদ্ধে ৯৩ ৰানৰ বৃহৎ জয়