কেবিনেট বৈঠকত গ্ৰহণ কেইবাটাও গুৰুত্বপূৰ্ণ সিদ্ধান্ত
সোমবাৰে জনতা ভৱনৰ লোকসেৱা ভৱনত অনুষ্ঠিত হৈ যায় ৰাজ্য চৰকাৰৰ কেবিনেট বৈঠক । কেবিনেট বৈঠকৰ অন্তত মুখ্যমন্ত্ৰী ড০ হিমন্ত বিশ্ব শৰ্মাই সংবাদমেলযোগে কেবিনেট বৈঠকৰ সিদ্ধান্ত সমূহ সদৰী কৰে । এই বৈঠকত কেবিনেটে কেইবাটাও বিষয়ত কেতবোৰ গুৰুত্বপূৰ্ণ সিদ্ধান্ত গ্ৰহণ কৰে । জানক কেবিনেট বৈঠকৰ সবিশেষ-
অৰুণোদয় ৩.০ সম্প্ৰসাৰণ-
-অসম ৰাজ্যিক জীৱিকা অভিযানৰ ১০,১৮৬ সামূহিক কেডাৰক অৰুণোদয় ৩.০ আঁচনিৰ অধীনত হিতাধিকাৰী হিচাবে অন্তৰ্ভূক্তিত কেবিনেটৰ অনুমোদন ।
ৰাজ্যিক কৰ্মচাৰীৰ ভৱিষ্যৎ সুৰক্ষা-
-কেবিনেটে ৰাষ্ট্ৰীয় পেঞ্চন আঁচনিৰ অধীনত সামৰি লোৱা ৰাজযিক কৰ্মচাৰীৰ বাবে ইউ পি এছ প্ৰৱৰ্তনত অনুমোদন জনাই ।
-সেৱাকাল সম্পূৰ্ণ হোৱাৰ পাছত বা স্বেচ্ছাই অৱসৰ লোৱাৰ পাছত কৰ্মচাৰীসকলে নিশ্চিত পৰিশোধ লাভ কৰিব ।
শিক্ষকৰ সুবিধা নিশ্চিতকৰণ-
-ধুবুৰী, দক্ষিণ শালমাৰা-মানকাচৰ আৰু চৰ অঞ্চলত নিয়োজিত শিক্ষয়িত্ৰীসকলক ৫ বছৰৰ সেৱা সম্পূৰ্ণ কৰাৰ পাছত তেওঁলোকৰ গৃহ বা নিকটৱৰ্তী জিলালৈ বদলি কৰাৰ বাবে কেবিনেটৰ অনুমোদন ।
-সমগ্ৰ শিক্ষাৰ অধীনত পূৰ্বৰ ৫ বছৰৰ বিপৰীতে ৩ বছৰ সেৱা সম্পূৰ্ণ কৰা শিক্ষকসকলক চৰকাৰী শিক্ষক হিচাবে নিয়মীয়াকৰণ কৰাৰ বাবে কেবিনেটে অনুমোদন জনাই ।
তামিলনাডু দুৰ্ঘটনাৰ ভুক্তভোগী পৰিয়াললৈ বিত্তীয় সাহাৰ্য-
-তামিলনাডু দুৰ্ঘটনাত মৃত্যু হোৱা ৯ জন লোকৰ নিকটাত্মীয়ক মুখ্যমন্ত্ৰীৰ সাহাৰ্য পুঁজিৰ পৰা ৫ লাখ টকাকৈ প্ৰদানত কেবিনেটৰ অনুমোদন ।
শিলচৰত ষানজঁট ৰোধৰ ব্যৱস্থা-
–শিলচৰৰ কেপিটেল পইন্টৰ সমীপৰ ট্ৰাংক ৰোডৰ পৰা ৰংগিৰাখী পইন্টলৈ এলিভেটেড কৰিডৰ নিৰ্মাণৰ বাবে অনুমোদন । ৫৬৪.৫০ কোটি টকা ব্যয়েৰে নিৰ্মাণ হ’ব এই কৰিডৰ ।
অসমত স্বাস্থ্যসেৱাৰ ৰূপান্তৰ-
৪,২৮৭ কোটি টকা ব্যয়েৰে আছাম ষ্টেট টাৰ্চিয়েৰী হেলথ্কেয়াৰ আগমেন্টেশ্যন প্ৰকল্পত কেবিনেটৰ অনুমোদন ।
অস্থায়ী কৰ্মচাৰীৰ বাবে বৰ্ধিত দৰমহা-
১,২৩১ গৰাকী মাষ্টাৰ ৰোল, অস্থায়ী আৰু স্থিৰ দৰমহা কৰ্মচাৰীক নূন্যতম দৰমহা প্ৰদানৰ অনুমোদন । লগতে সাধাৰণ প্ৰশাসন বিভাগৰ ৯৯ গৰাকী চতুৰ্থ বৰ্গৰ কৰ্মচাৰীৰ বাবে সহায়ক ভাট্টাৰ সমতুল্য স্থিৰ দৰমহা ১৬,৪০০ টকালৈ বৃদ্ধিত কেবিনেটৰ অনুমোদন ।
আজিৰ কেবিনেট বৈঠকত লোৱা আন আন সিদ্ধান্ত-
-ৰাজ্য চৰকাৰৰ বিদ্যালয়ত অধ্যয়নৰত নৱম শ্ৰেণীৰ ৩,১১,৬১৪ গৰাকী শিক্ষাৰ্থীৰ মাজত বিতৰণৰ বাবে চাইকেল ক্ৰয়ত কেবিনেটৰ অনুমোদন ।
-স্নাতক প্ৰথম বৰ্ষত নামভৰ্তি কৰা ১,৭৫,৮১৭ গৰাকী শিক্ষাৰ্থীৰ নামভৰ্তিৰ মাচুল পৰিশোধ কৰাৰ বাবে প্ৰজ্ঞান ভাৰতী আঁচনিৰ অধীনত ১২৬.৯৭ কোটি টকাৰ বিত্তীয় আৱন্টন ।
-জলবায়ু স্থিতিস্থাপক গ্ৰাম্য দসং নিৰ্মাণৰ বাবে কেবিনেটে অসম স্থিতিস্থাপক গ্ৰাম্য দলং কাৰ্যসূচীৰ বাবে ৪,৮১৬.৩১ কোটি টকাৰ সংশোধিত প্ৰশাসনিক অনুমোদন ব্যয়ত কেবিনেটৰ অনুমোদন ।
লগতে পঢ়ক : ‘জুবিন গাৰ্গৰ জীৱিত কালত অখিল গগৈক অনুৰাগী হিচাপে দেখা নাছিলো’; মুখ্যমন্ত্ৰী
