তৃতীয় বিবাহৰ পিছত ‘লাভ জেহাদ’ৰ অভিযোগৰ মাজতে বলীউডৰ অভিনেতা আমিৰ খানে মন্তব্য প্ৰকাশ কৰিছে। তেওঁ স্পষ্ট কৰি দিয়ে যে তেওঁৰ পত্নী গৌৰী স্প্ৰেট হিন্দু নহয়।

আমিৰ খানৰ তৃতীয় বিবাহ বৰ্তমান চৰ্চাৰ বিষয় হৈ পৰিছে। ৫ জুলাইত গৌৰী স্প্ৰেটৰ সৈতে পঞ্জিয়ন বিবাহ কৰাৰ পিছত অভিনেতাগৰাকী ধাৰাবাহিকভাৱে সমালোচনাৰ সন্মুখীন হ’বলগীয়া হৈছে। কেইবাটাও হিন্দু সংগঠনে তেওঁৰ বিৰুদ্ধে ‘লাভ জিহাদ’ৰ অভিযোগ উত্থাপন কৰিছে, আনহাতে উত্তৰ প্ৰদেশত তেওঁৰ বিৰুদ্ধে এটা ফতোৱাও জাৰি কৰা হৈছে, য’ত তেওঁক ‘দোষী মুছলমান পুৰুষ’ বুলি অভিহিত কৰা হৈছে। এই সমগ্ৰ বিতৰ্কৰ মাজতে আমিৰ খানে প্ৰথমবাৰৰ বাবে মুকলিকৈ নিজৰ মত প্ৰকাশ কৰিছে। তেওঁ স্পষ্ট কৰি দিয়ে যে তেওঁৰ পত্নী গৌৰী স্প্ৰেট হিন্দু নহয়, তেওঁ খ্ৰীষ্টানহে আৰু তেওঁৰ কোনো এগৰাকী পত্নীয়েই বিবাহৰ পিছত ধৰ্ম সলনি কৰা নাই। ইয়াৰ লগতে তেওঁ নিজৰ পৰিয়ালৰ ধৰ্মীয় বৈচিত্ৰ্যৰ উদাহৰণ দি কয় যে তেওঁৰ ঘৰত সদায় সকলো ধৰ্মকে সন্মান জনোৱা হয়।

এটা সাক্ষাৎকাৰত আমিৰ খানে ‘লাভ জিহাদ’ৰ অভিযোগৰ প্ৰতিক্ৰিয়া প্ৰকাশ কৰে। তেওঁ কয় যে তেওঁৰ পৰিয়ালত বিভিন্ন ধৰ্মৰ লোক আছে আৰু এয়াই তেওঁলোকৰ আটাইতকৈ ডাঙৰ শক্তি। আমিৰে জানিবলৈ দিয়ে যে তেওঁৰ দুই ভগ্নীৰ বিবাহ হিন্দু পৰিয়ালত হৈছে। তেওঁৰ কন্যাইও এজন হিন্দু যুৱকৰ সৈতে বিবাহপাশত আৱদ্ধ হৈছে, আনহাতে তেওঁৰ সম্পৰ্কীয় ভাতৃ মনচুৰে এগৰাকী খ্ৰীষ্টান মহিলাক বিয়া কৰাইছে। অভিনেতাগৰাকীয়ে কয় যে তেওঁৰ পৰিয়ালত ধৰ্মক কেতিয়াও সম্পৰ্কৰ মাজত প্ৰাচীৰ হ’বলৈ দিয়া হোৱা নাই। তেওঁৰ মতে, মানৱতা আৰু পাৰস্পৰিক সন্মান যিকোনো ধৰ্মতকৈ বহুত বেছি গুৰুত্বপূৰ্ণ।

আমিৰ খানে তেওঁৰ তিনিওগৰাকী পত্নীয়েই হিন্দু আছিল বুলি কৰা দাবীকো মিছা বুলি প্ৰমাণ কৰে। তেওঁ কয় যে গৌৰী স্প্ৰেট এগৰাকী খ্ৰীষ্টান ধৰ্মী মহিলা আৰু তেওঁ এনে এগৰাকী খ্ৰীষ্টান যিয়ে ধৰ্মক বৰ বেছি মানি নচলে। আমিৰে ইয়াকো স্পষ্ট কৰে যে ৰীণা দত্ত, কিৰণ ৰাও আৰু গৌৰী স্প্ৰেটৰ ভিতৰত কোনেও বিবাহৰ পিছত ধৰ্মান্তৰকৰণ কৰা নাই। তেওঁলোকৰ সকলো বিবাহ চিভিল মেৰেজ আইনৰ অধীনত হৈছিল, গতিকে ধৰ্ম সলনি কৰাৰ প্ৰশ্নই নুঠে। আমিৰে কয় যে সময়ৰ লগে লগে তেওঁৰ জীৱনটো অধিক সুন্দৰ হৈ পৰিছে আৰু তেওঁ নিজৰ ব্যক্তিগত জীৱনক লৈ সুখী তথা সহজ অনুভৱ কৰিছে।

আমিৰ খানৰ তৃতীয় বিবাহৰ পিছত কেইবাটাও সংগঠনে তেওঁৰ বিৰুদ্ধে প্ৰতিবাদ সাব্যস্ত কৰে আৰু তেওঁৰ বিৰুদ্ধে ‘লাভ জিহাদ’ক প্ৰসাৰিত কৰাৰ অভিযোগ উত্থাপন কৰে। ইয়াৰ মাজতে উত্তৰ প্ৰদেশৰ আলিগড়ৰ শ্বাহী চীফ মুফতি মৌলানা চৌধুৰী ইব্ৰাহিম হুছেইনে তেওঁৰ বিৰুদ্ধে এটা ফতোৱা জাৰি কৰে। মুফতিগৰাকীয়ে কয় যে ইছলামিক বিশ্বাস অনুসৰি কোনো মুছলমান পুৰুষে নিজৰ ধৰ্ম পালন কৰি থকা এগৰাকী অনা-মুছলিম মহিলাক বিবাহ কৰাটো উচিত বুলি গণ্য কৰা নহয়। এই বক্তব্যৰ পিছতে বিতৰ্ক অধিক ঘনীভূত হৈ পৰে।

কিন্তু কোনো সংগঠন বা ব্যক্তিৰ ওপৰত মন্তব্য কৰাৰ পৰিৱৰ্তে আমিৰ খানে তেওঁৰ উত্তৰত তেওঁৰ বিবাহ, পৰিয়াল আৰু ধৰ্ম সম্পৰ্কীয় ভুল ধাৰণাসমূহ পৰিষ্কাৰ কৰিবলৈ বিচাৰিছিল। তেওঁ পুনৰ কয় যে তেওঁৰ পৰিয়ালৰ কোনো লোকৰ ওপৰত কেতিয়াও ধৰ্ম সলনি কৰিবলৈ কোনো ধৰণৰ হেঁচা হোৱা নাই আৰু সকলো সম্পৰ্ক পাৰস্পৰিক সন্মান আৰু বুজাবুজিৰ ওপৰত ভিত্তি কৰি গঢ় লৈ উঠিছে।

লগতে পঢ়ক: অসমীয়া বোলছবিজগতৰ বিশিষ্ট অভিনেত্ৰী পূৰৱী শৰ্মাৰ দেহাৱসান

অহা ৫ জুলাইত নিজৰ বাসগৃহতে তৃতীয়বাৰৰ বাবে বিবাহপাশত অৱদ্ধ হ’ব অভিনেতা আমিৰ খান। বিবাহত দুয়োৰে অতি ঘনিষ্ঠ ১৫০ গৰাকী লোক হে উপস্থিত থাকিব।

বলিউডৰ ‘মিষ্টাৰ পাৰফেক্টচনিষ্ট’ আমিৰ খানে তৃতীয়বাৰৰ বাবে সংসাৰ আৰম্ভ কৰিবলৈ ওলাইছে। ৬১ বছৰ বয়সত তেওঁ প্ৰেমিকা গৌৰী স্প্ৰেটৰ সৈতে বিবাহপাশত আৱদ্ধ হ’ব, যাৰ সৈতে তেওঁৰ দীৰ্ঘদিনীয়া বন্ধুত্ব আছিল। আমিৰ আৰু গৌৰীয়ে বিগত কেইবছৰমানৰ পৰা ইজনে সিজনক ডেট কৰি আছিল, কিন্তু এতিয়া তেওঁলোকে এক হোৱাৰ সিদ্ধান্ত লৈছে। ৫ জুলাই, দেওবাৰে তেওঁলোকৰ নিজৰ ঘৰতে আইনী বিবাহ সম্পন্ন হ’ব। আমিৰৰ মতে, তেওঁলোকে এটা সৰু অনুষ্ঠান আয়োজন কৰিব, য’ত কেৱল তেওঁলোকৰ ঘনিষ্ঠ বন্ধু-বান্ধৱী আৰু পৰিয়ালৰ লোকহে উপস্থিত থাকিব।

আমিৰ খানৰ তৃতীয়খন বিবাহক লৈ অনুৰাগী আৰু চলচ্চিত্ৰ জগতৰ মাজত ব্যাপক কৌতুহল সৃষ্টি হৈছে। ছুপাৰষ্টাৰজনৰ বিবাহত প্ৰায় ১৫০ গৰাকী অতিথি উপস্থিত থকাৰ সম্ভাৱনা আছে। বিয়াখনত প্ৰায় ১০০ ৰ পৰা ১৫০ জন অতিথি উপস্থিত থাকিব। ইয়াত দুয়োটা পৰিয়ালৰ সদস্য, ঘনিষ্ঠ বন্ধু আৰু চলচ্চিত্ৰ জগতৰ কিছুমান বিশেষ ব্যক্তিহে উপস্থিত থাকিব। আমিৰ আৰু গৌৰীয়ে নিজেই অতিথিৰ তালিকা প্ৰস্তুত কৰিছে আৰু নিজৰ পচন্দ অনুসৰি বিবাহৰ ভোজনৰ মেনুও নিৰ্বাচন কৰিছে।

বিবাহৰ নিয়ম-নীতিসমূহ দিনটোৰ প্ৰথম ভাগত সম্পন্ন হ’ব। আমিৰ আৰু গৌৰীয়ে ‘স্পেচিয়েল মেৰেজ এক্ট’ৰ (Special Marriage Act) অধীনত নিজৰ বিবাহ পঞ্জীয়ন কৰাব। ইয়াৰ পিছত তেওঁলোকে পৰিয়াল আৰু বন্ধু-বান্ধৱীৰ সৈতে ভোজন কৰিব। আমিৰ আৰু গৌৰীয়ে তেওঁলোকৰ প্ৰিয় খাদ্যসমূহ মেনুত অন্তৰ্ভুক্ত কৰিছে আৰু খাদ্য প্ৰস্তুত কৰাৰ কামতো নিজেই চকু ৰাখিছে। বিবাহ অনুষ্ঠানত তেওঁলোক দুয়োৰে সন্তান সকলো উপস্থিত থাকিব। ইয়াৰ লগতে আমিৰৰ ঘনিষ্ঠ বন্ধু তথা চলচ্চিত্ৰ নিৰ্মাতা আশুতোষ গোৱাৰীকাৰ আৰু ৰাজকুমাৰ সন্তোষীও উপস্থিত থকাৰ সম্ভাৱনা আছে।

৬১ বছৰ বয়সত বলীউডৰ মিষ্টাৰ পাৰ্ফেকচনিষ্ট আমিৰ খানে তৃতীয়বাৰৰ বাবে বিবাহপাশত আবদ্ধ হ’ব।

ইণ্ডাষ্ট্ৰীৰ ‘মিষ্টাৰ পাৰফেকচনিষ্ট’ আমিৰ খানে তৃতীয়বাৰৰ বাবে দৰা হ’বলৈ ওলাইছে। আমিৰ খানে অহা ৫ জুলাইত তেওঁৰ গাৰ্লফ্ৰেণ্ড গৌৰী স্প্ৰেটৰ সৈতে বিবাহপাশত আৱদ্ধ হৈ এক নতুন জীৱন আৰম্ভ কৰিবলৈ সাজু হৈছে। আমিৰে ইতিমধ্যে বিয়াৰ প্ৰস্তুতিও আৰম্ভ কৰি দিছে।

আমিৰ খানে এতিয়া তেওঁৰ তৃতীয়খন বিবাহক লৈ বিশেষ তথ্য সদৰী কৰিছে। এটা সাক্ষাৎকাৰত আমিৰ খানে ৫ জুলাইত গৌৰীৰ সৈতে তেওঁৰ তৃতীয়খন বিবাহৰ কথা নিশ্চিত কৰিছে। তেওঁ জনায় যে তেওঁলোকৰ বিয়াখন বৰ জাকজমকতাৰে নহয়, বৰঞ্চ অতি সাধাৰনভাৱে এক অন্তৰংগ পৰিৱেশত সম্পন্ন হ’ব।

আমিৰে কয় যে গৌৰী আৰু তেওঁ নিজৰ বিবাহৰ উৎসৱ আড়ম্বৰপূৰ্ণভাৱে উদযাপন কৰাৰ পৰিৱৰ্তে অতি সৰলভাৱে উদযাপন কৰিব। আমিৰে কয়— “আমাৰ বিয়াখন ঘৰতে হ’ব। এয়া এখন সাধাৰণ ৰেজিষ্টাৰ্ড মেৰেজ হ’ব। বিয়াত কেৱল দুয়োপক্ষৰ আত্মীয়-স্বজন আৰু ঘনিষ্ঠ বন্ধু-বান্ধৱহে উপস্থিত থাকিব। আমি দুয়োৱে বিয়াখন অতি সাধাৰণ কৰি ৰাখিব বিচাৰোঁ।”

নিজৰ তৃতীয়খন বিয়াৰ প্ৰস্তুতিৰ বাবে আমিৰে কিছু সময়ৰ বাবে কামৰ পৰা বিৰতি লৈছে। বিয়াৰ কেইদিনমান পিছত আমিৰে ‘৩ ইডিয়টচৰ ছিকুৱেলৰ শ্বুটিং আৰম্ভ কৰিব।

আমিৰ খানৰ কথা ক’বলৈ গ’লে বৰ্তমান তেওঁৰ বয়স ৬১ বছৰ। গৌৰীৰ সৈতে এয়া তেওঁৰ তৃতীয়খন বিবাহ হ’ব। আমিৰে দীৰ্ঘদিন ধৰি গৌৰীক ডেট কৰি আছিল। যোৱা বছৰৰ মাৰ্চ মাহত নিজৰ ৬০ সংখ্যক জন্মদিনত দুয়োৱে এই সম্পৰ্কক আনুষ্ঠানিক ৰূপ দিছিল। তেতিয়াৰে পৰা দুয়োকে প্ৰায়ে প্ৰতিটো বিশেষ অনুষ্ঠানত একেলগে দেখা পোৱা যায়।

লগতে পঢ়ক: হিজাব পৰিত্যাগ কৰি স্লিভলেছ পোছাক পৰিধান; ইৰানী কণ্ঠশিল্পী পৰস্তু আহমদীক ৭৪ বাৰকৈ চাবুকেৰে কোবোৱাৰ শাস্তি

অৱশেষত আমিৰ খান গৌৰী স্প্ৰেটৰ সৈতে বিবাহপাশত আবদ্ধ হ’বলৈ ওলাইছে। বহু দিনৰ পৰা আমিৰ আৰু গৌৰীয়ে ডেটিং কৰি আছে।

বলিউড ছুপাৰষ্টাৰ আমিৰ খানে তেওঁৰ তৃতীয় বিবাহৰ খবৰত মোহৰ লগাইছে। ৬১ বছৰীয়া অভিনেতাগৰাকীয়ে এটা সাক্ষাৎকাৰত সদৰী কৰিছে যে তেওঁ অহা জুলাই মাহত তেওঁৰ প্ৰেমিকা গৌৰীৰ সৈতে বিবাহপাশত আৱদ্ধ হ’ব। বৰ্তমান আমিৰ আমেৰিকাত আছে। বয়সত আমিৰতকৈ ১৪ বছৰ সৰু গৌৰী স্প্ৰেট বেংগালুৰুত জন্মগ্ৰহণ কৰা এগৰাকী ব্যৱসায়ী মহিলা আৰু ফেশ্বন পেচাদাৰী। আমিৰ খানে যোৱা ২০২৫ বৰ্ষত গৌৰীৰ সৈতে থকা তেওঁৰ সম্পৰ্কৰ কথা নিশ্চিত কৰিছিল, আনহাতে এতিয়া তেওঁ নিজেই জনাইছে যে ৫ জুলাই ২০২৬ত তেওঁ পুনৰ বিবাহপাশত আৱদ্ধ হ’বলৈ গৈ আছে।

আমিৰ খানৰ এইখন হ’ব তৃতীয় বিবাহ। ইয়াৰ পূৰ্বে তেওঁ ১৯৮৬ চনত ৰীনা দত্ত আৰু তাৰ পিছত ২০০৫ চনৰ ডিচেম্বৰত কিৰণ ৰাওৰ সৈতে বিবাহপাশত আৱদ্ধ হৈছিল। ২০২১ চনত কিৰণৰ সৈতে বিবাহ বিচ্ছেদ হোৱাৰ ৫ বছৰৰ পিছত এতিয়া তেওঁ তৃতীয়বাৰৰ বাবে বিবাহপাশত আৱদ্ধ হ’ব। আমিৰে এই বছৰৰ মাৰ্চ মাহত তেওঁৰ জন্মদিনৰ উপলক্ষে ৪৭ বছৰীয়া গৌৰী স্প্ৰেটৰ বিষয়ে মুকলিকৈ কৈছিল। এতিয়া বিবাহৰ খবৰ নিশ্চিত কৰি তেওঁ কয়, ‘মই এতিয়া আমেৰিকাত আছোঁ। বিবাহৰ খবৰটো সঁচা। ই ৫ জুলাইত অনুষ্ঠিত হ’ব।’

আন এক সাক্ষাৎকাৰত আমিৰ খানে তৃতীয় বিবাহৰ ইংগিত দিছিল। তেওঁ কৈছিল, ‘মোৰ হৃদয়ত, মই ইতিমধ্যে গৌৰীৰ সৈতে বিবাহপাশত আৱদ্ধ হৈছোঁ। আমি দুয়ো অনুভৱ কৰোঁ যে আমি আমাৰ সম্পৰ্কটোক পৰৱৰ্তী স্তৰলৈ লৈ যাবলৈ প্ৰস্তুত। গতিকে আমাৰ বন্ধনক আনুষ্ঠানিক ৰূপ দিয়াটো আমাৰ অংশীদাৰিত্বৰ এক স্বাভাৱিক পৰৱৰ্তী পদক্ষেপ যেন লাগে।’

‘মই আৰু গৌৰী আমাৰ নতুন ঘৰত একেলগে থাকি সুখী। গৌৰীয়ে মোক আৰু মোৰ জীৱনক পূৰ্ণতা দিছে। মই এতিয়া বহুত শান্ত অনুভৱ কৰিছোঁ। গৌৰী আৰু মই ইজনে সিজনক লৈ চিৰিয়াছ। আমি ইজনে সিজনৰ সংগী। আমি একেলগে আছোঁ।’

জানিব পৰা মতে, অভিনেতাগৰাকীয়ে এই বিবাহ অতি ব্যক্তিগত কৰি ৰাখিব বিচাৰিছে আৰু এই উপলক্ষে কোনো ভব্য অনুষ্ঠান আয়োজন কৰাৰ পৰিৱৰ্তে তেওঁলোকে এটা সাধাৰণ আৰু ব্যক্তিগত অনুষ্ঠান কৰাৰ পৰিকল্পনা কৰিছে। জানিব পৰা মতে, ইয়াত কেৱল তেওঁলোক দুজনৰ অতি ঘনিষ্ঠ লোক আৰু প্ৰিয় বন্ধুসকলহে উপস্থিত থাকিব।

লগতে পঢ়ক: খালী ভৰিৰে ৩৫৫০ চিৰি বগাই তিৰুপতি বালাজী দৰ্শন জাহ্নৱী কাপুৰৰ